نتائج القياس طلعت !

[Zeyad]

شباب اخوي قدم على اختبار القياس وإلى يومك هذا ماطلعت نتيجته..

حاول يكلمهم بس اكثر من مره يصرفوه ويقولون الاسبوع الجاي او يقولوا ان في طلاب نفس حالتك ماطلعت نتائجهم ولازم تنتظر..

 

[Al Pacino]

غريبه اول مره اسمع عن واحد ماطلعت نتيجته .. بس " ممكن " يكون حل بأسلوب خاطئ يعني يكون ملون خيارين بدال واحد .. وسالت واحد من الشباب عن وضع اخوك قالي ان فيه ناس نتائجهم موقوفة لانه مثلا بالاختبار الاول جاب 55 والثاني جاب 85 .. فـ يشكون فيه ويوقفون نتيجته ويتأكدون منها واحتمال يعيدون له الاختبار .. هذا كلام خويي والله أعلم

 

[Zeyad]

اخوي في ثاني ثانوي وهذا ثاني اختبار له فالقياس ,

على كلام اخوي انه حل زين ومتاكد من الاجابات وسالفة تضليل الاجابات , طيب اذا كانوا شاكين على اقل تقدير يقولون لنا مو يسحبون على اخوي اسبوعين وكل يوم يصرفونه ,,

 

[Gon freeces]

صارت لي.

عادي ممكن مشكلة بالآيدينتفيكيشن لمن خش الإختبار ؟
لا يشيل هم درجته ما بتصير له شي.

 

[Zeyad]

إذا على كذا ننتظر ونشوف وربنا يسهلها,,

 

[Fahad Al-Shareef]

^
انا ما اتوقع انهم يداومون بالاجازات ، فحاول تدق عليهم كل يوم ..

ما اتوقع تتأخر عن يوم الجمعه الجاي .

 

[iPeace]

اعرف اثنين صار لهم نفس الشي , الاختبار الثاني وقفوا نتيجتهم كلموا المركز وقالو لهم نتيجة الاختبار مرتفعة كثير عن الاختبار الاول
و قالوا اذا جبتوا نتيجة قريبة منها في الثالث نطلعها .. واحد منهم طلعت والثاني لا لان نتيجته ظلت اقل بفرق حذفوها من ملفه مرة وحدة !
راح لهم الرياض وحاول يتفاهم معاهم قالوا له انت درجتك ارتفعت اكثر من 20 درجة ومستحيل تصير .. انت غاش :\

زياد اعتقد حالة اخوك نفس الشي , بيقولون له يختبر الثالث بدون رسوم واذا نتيجته قريبة تطلع .. بس لازم يكلمهم

 

[Jonas]

راح لهم الرياض وحاول يتفاهم معاهم قالوا له انت درجتك ارتفعت اكثر من 20 درجة ومستحيل تصير .. انت غاش :\

سلاماااات؟؟!! معقوله ؟

بتكون مآساه لو ما قدر يجيب درجة مقاربة في الاختبار الثالث

 

[iPeace]

^ الاول كانت نتيجته 69 والثاني توقفت
اختبر الثالث وجاب 80 وحذفوا النتيجة الموقوفه من ملفه ما كأنه اختبر من الاساس ..

 

[Zeyad]

لول حلوه يغش يمكن انا اغش بس اخوي مو حق سوالف الغش غير كذا كلكم تعرفون صعوبة ان الواحد يغش فالقياس!!

غير كذا هو جاب فالاول حوالي 75 , يعني الدرجة الجاية اذا على كلامك الفرق بيكون 20 درجة فعتقد بيجيب 95 فالقياس!!! وهذا شي مستحيل اعتقد الدرجة بتكون في الثمانينات ..

عموما كل يوم اخوي يتصل عليهم ويصرفونه فـ لو كانوا مشتبهين فيه كان قالوا له من اول ,لكن باعتقادي والله العالم انهم مضيعين ورقة الاختبار او التصحيح بيكون يدوي وهذا سبب تأخير...

وبتوفيق للجميع..

 

[Al Pacino]

هههه اما تصحيح يدوي .. لا التصحيح بالكمبيوتر معروف .. وماعتقد مضيعين ورقة الاختبار .. الله يعين اخوك .

 

[Zeyad]

هههه اما تصحيح يدوي .. لا التصحيح بالكمبيوتر معروف .. وماعتقد مضيعين ورقة الاختبار .. الله يعين اخوك .

معروف ان التصحيح كمبيوتر , لكن اذا كان التضليل مو واضح يتم تحويله لليدوي وهذا شيء طبيعي ومسلم به ..