ممارسة اللغة اليابانية

[king zell]

طبعا الكل يقدر يلقى أماكن كثير يتعلم منها اللغة و القواعد على الانترنت أو في الكتب

و في وسائل كثير الواحد يقدر منها يتعلم الإستماع



لكن لو واحد بيمارس الكلام و يتدرب عليه.. هل في طريق منطقية ممكنة؟

 

[Naif]

http://www.polyglot-learn-language.com/
في وايد مواقع نفس الفكرة، تدور اصدقاء و تتواصل معاهم على شان تتعلم اللغات اللي يعرفونها. أو دور على الفيسبوك غروبات مشابهة.

 

[s3rorh]

مشاهده الانمي .... وبكثره :fd3:

 

[Photon]

^
تعطي نتيجة بالسماع فقط ، مو بالكلام :happy:

 

[ZiZ]

...وحتى السماع يصير لك عليه، تصير ما تعرف إلا "سوف أنتقم" أو "شد حيلك" أو "أبغى أصير ملك القراصنة"

سمعت أن الشباب في "ساكورا المملكة" ناوين يدبرون دورات تعليم ياباني في المستقبل.

 

[Unknown]

اذا الانمي نقول يعطيك 5% ترا الدراما اليابانيه ممكن تعطيك 10 - 15% فهمها اسرع
لأن الكلام بيكون عام والمفردات معقوله مقارنه بالانمي الي كلها اكشن وانتقام والخ !

 

[Zixmar]

^^ معاك بهالشي كلمات كثيره عرفتها من الدرامات اكثر من الأنميات بكثير

 

[M.D.L]

مشاهده الانمي .... وبكثره

اذا الانمي نقول يعطيك 5% ترا الدراما اليابانيه ممكن تعطيك 10 - 15% فهمها اسرع
لأن الكلام بيكون عام والمفردات معقوله مقارنه بالانمي الي كلها اكشن وانتقام والخ !

وين قاعدين احنا ، يعني واحد يبي يمارس اللغة اليابانية يروح يطالع انيمي ولا دراما يابانية :what:

الرجال يتكلم من جد :sarcastic:

و اصلا الطرق هذي تطول بزيادة

*متحمس مع الموضوع* :happy:

 

[Unknown]

^

كلامي ردا على الي جاب طاري الانمي فقط
الدراما مثلا لو تتابعها بتعمل جو خصب لتعلم اللغه بسرعه

يعني الكل يعرف الانقليزي ماصرنا بلبل فيها الا بعد
ماقعدنا على الكرتون والافلام واخذنا بروفات صغيره
على اللغه وفكره ولو بسيطه .. وثم درسنا ومشت الامور اسرع


عموما سالفة تعلم اللغه اليابانيه .. ما عندي فكره وين
يروح معهد لغات او يسافر لليابان يدرس لغتهم

 

[Silent Shadow]

برأيي حاول تدبر سفرة شهر أو شهرين باليابان على اليابان ، هذي هي أفضل وأسرع طريقة ممكن تكتسب فيها اللغة .

 

[Suzuki Yu]

موضوع بوقته انا مؤخرا عازم على تعلم اللغة

طبعا انصح بمشاهدة الدراماااااااات بالدرجة الاولى هذا غير انها رهيبة اساسا 😎: , ومؤخرا اخذت لي كتاب Basic Japanese-English Dictionary متضمن الكلمات , القواعد , والاحرف اليابانية من مجموعة Oxford
EDIT : هذا موقع عربي مفيد جد ايضا
http://www.ogurano.net/JpAr/

المشكلة الكبيرة واللي مالها حل بالنسبة لي هي تعلم كتابة احرف الكانجي الغبية :evil:: مدري كمن 1000 حرف وكتابة كل حرف تحتاج فنان تشكيلي لكتابتها -______-
http://www.kanjisite.com/
هذا موقع لتعلم الكانجي فيه اكثر الاحرف شيوعا واللي ما احلم احفظ ولا حتى عشرها :w00t:

 

[gaara 660]

أريقاتو غوزايماس
سوريداتوكا
شيني
مادا مادا
ميزو
قوميناساي
سايونارا
جانا
اوهاايو
كونيتشوا


هذي الكلمات الي أعرفها من الإنمي بس 😀


يا جماعة تبون تتعلمون شوفوا لكم فلم ياباني مو مترجم أو انمي راو

ومن الأحداث والي يصير بالحلقة راح تعرفون

بس ما راح تعرفون شنو يعني

😀


يا جماعة أعرف واحد ما يحفظ إلا كلمات السب والشتم لووول 😛

 

[Fatal Error]

http://www.livemocha.com/
اتوقع يفيدك موقع ممتاز للتعلم والكتابة والمحادثة

وهذا كتاب بالعربي لتعلم اللغة اليابانية
http://www.ogurano.net/JapBookBasic/index.html
+
قاموس ياباني-عربي
http://www.ogurano.net/Sakura/sakura.html

 

[cube001]

انا من رأيي اذا انت شخص غير متفرغ وما عندك الوقت الكافي لاخذ كورس لغة ابو سنه تاخذ على الاقل كورس ابو شهر او شهرين مكثف وفي اليابان تتعلم فيه اساسيات اللغه بعدين تبدا تبني عليها بنفسك باي طريقه تبي. لان اذا قدرت تتقن اساسيات اللغه بتسهل عليك تعلم اللغه بنفسك (طبعا الكانجي يبيله ممارسة وحفظ)

 

[The Sinner]

همممم اللي يقول الانمي يعطيك بس ٥ ٪ غلطان انا اشوف انمي بكثرة والفوكاب الياباني عندي اقدر اقول عنه ممتاز عندي فوكاب جيد وانطق الكلمات صح يعني اقدر اتكلم بس المشكلة هي بالقواعد هذي لازم تدرسها ما راح تعرفها بالكلام يعني اتكلم ياباني هندي

 

[Super Shadow]

الانمي أو الدراما يوم تشوفهم ما تعرف الا كم كلمة بس و معظم الشباب يتابعونه عشان الترفيه مب عشان تعلم اللغة ، عشان ها السبب يحفظون كم كلمة بسيطة تتكرر بالانمي بشكل تلقائي :razz::

 

[king zell]

زي ما قال محمد.. سواءا الأنمي أو الدراما الإستفادة الوحيدة اللي بتحصلها هي الفوكابلري.. و تقدر تحفظ كلمات كثيرة جدا


و طبعا القواعد أمرها بسيط.. و تقدر تتعلمها بالقراءة


الصعوبة تكمن في التطبيق أو المحادثات.. لازم يكون عندك أحد تتدرب معاه.. للأسف هنا ما في معاهد أو شي زي كذا


يمكن أفضل طريقة للحين هي كورس في اليابان مكثف لمدة شهر أو اثنين

 

[Mada Mada Dane]

زي ما قال محمد.. سواءا الأنمي أو الدراما الإستفادة الوحيدة اللي بتحصلها هي الفوكابلري.. و تقدر تحفظ كلمات كثيرة جدا


و طبعا القواعد أمرها بسيط.. و تقدر تتعلمها بالقراءة


الصعوبة تكمن في التطبيق أو المحادثات.. لازم يكون عندك أحد تتدرب معاه.. للأسف هنا ما في معاهد أو شي زي كذا


يمكن أفضل طريقة للحين هي كورس في اليابان مكثف لمدة شهر أو اثنين

واحد اعرفه من شباب الخبر سوا نفس الشئ, حاليا هو باليابان .. وعلى كلامه استفاد كثير

 

[king zell]

تعرف المعهد أو المدرسة اللي راح لها ؟

 

[cube001]

اذا انت ناوي تتعلم القواعد من القراءة فاول شي لازم تدبر لك كتب اطفال يابانيه ما تستخدم الكانجي(هيراجانا وكاتاكانا بس) . لما يطلع عندك خلفيه بسيطه عن طريقة الكلام و مجموعه جيده من الكلمات تقدر تخش بالكانجي. وبمجرد تعلم الكانجي راح تزيد مجوعة كلماتك بشكل طبيعي.


تعديل: هذا المعهد كنت اروحله زياده على كورس السنه ونصف الي كنت ماخذه في مدرسة تعليم اللغه اليابانية لما كنت ادرس هناك (ارامكو غاصبتنا عليه). ميزته انه ممكن يعطيك دروس خصوصيه مع المدرس الي تبغاه وبالفتره الي تبغاها وبالكثافه المطلوبه.

http://www.jp-sji.org/sji_english/en/index.html

والله يوفقك

 

[king zell]

ما عندي أي اهتمام بالقراء و الكتابة لأنها موضوع مختلف جدا


عندي فوكاب حلوة و أعرف الجرامر الأساسي بشكل شبه جيد..

أحتاج ممارسة محادثات فقط .. لذلك سألت عنها في الموضوع




تحرير: انت مبتعث أرامكو؟ كملت دراسة؟ اذا ايه مفروض تقدر حاليا تتكلم و تقرأ بطلاقة

 

[cube001]

رديت بالخاص لانها سالفه طويله شوي

 

[Simplicity]

والله يا أستاذ محمد عندك مواقع التعارف زي ما قالو الشباب ترا مره كويسه وتفيدك كثير تتعلم منها من الناس

أنا في الفيس بوك ضايف يمكم 8 ياباين ومنهم دكتوره اسمها Maymi-koga من خلال بس الردود قدرت اتعلم وش يرموزن ويتكلمون طبعا يعرفون انجليزي هم والنقاش مره ممتاز اي كلمه توقف معاي اقوم اسئلهم مع القاعده,,وهم على فكره يا أستاذ محمد مو 1 ولا 2 6 منهم يبون يساعدوني اتعلم ياباني بشكل جدي لو ناوي..الحين انا شاري كورس من امازون استناه يوصل وقاموس الاكتروني,,,نصحتني فيه الدكتوره نفسها,,,تقول لي ادرس لحالك وتعال طبق معانا واسئلني لو قاصر عليك شي,,^_^ لذلك netlog.. or facebook ترا تفيد بشكل يا استاذ محمد ,,,ولو كان على ما قلت انك منت مهتم كتابة قرائه اجل تبي تسهل عليك معاهم

 

[Painkiller Q8]

نصيحه تعلم اللغه اليابانيه مضيعه للوقت!!

1 - انا سافرت وتخالطت مع ناس يابانيين مليون مره .. اليابانيين يكرهون العرب ولا يستحقون ان الواحد يتعلم لغتهم
2 - المسلسلات والانمي تقدر تشوفهم من ترجمه انجليزي او عربي
3 - الالعاب صاير 90% انجليزيه

والله ياشباب ماتدرون شلون اليابانيين يعاملونك اذا عرفو انك عربي !! الله يلعنهم ويلعن العابهم .. لووول شكوو الالعاب !

 

[king zell]

ما في شي اسمه اليابانيين يكرهون العرب


اليابانيين أصلا مجتمع جدا منغلق بسبب إن نسبة الأجانب في البلد ضئيلة جدا و الإحتكاك قليل.. التجربة اللي انت قلت عليها تصير لكل الأشخاص من كل الدول

في مواقع غربية تتكلم عن تعصب اليابانيين ضد الغرباء



بعدين مش شرط إنك تتعلم اللغة عشان تخالط يابانيين.. أصلا هالشي متوفر هنا؟!

 

[cube001]

نصيحه تعلم اللغه اليابانيه مضيعه للوقت!!

1 - انا سافرت وتخالطت مع ناس يابانيين مليون مره .. اليابانيين يكرهون العرب ولا يستحقون ان الواحد يتعلم لغتهم
2 - المسلسلات والانمي تقدر تشوفهم من ترجمه انجليزي او عربي
3 - الالعاب صاير 90% انجليزيه

والله ياشباب ماتدرون شلون اليابانيين يعاملونك اذا عرفو انك عربي !! الله يلعنهم ويلعن العابهم .. لووول شكوو الالعاب !

انا عشت هناك ثلاث سنين ولا شفت شي من الي تقوله؟ ممكن زي ما قال الاخ محمد شوي منغلقين مو عشان كره بس لانهم مو عارفين كيف يتعاملون مع احد ما يتكلم لغتهم( بحكم ان الاغلبيه ما يتكلمون الا ياباني) لكن اذا تعلمت لغتهم تمشي معهم زي العسل وبالعكس قمة في الاحترام والتقدير واكثر من اي دولة ثانية. وللامانه ما قد شفت منهم اي كراهيه او اسائة تعامل. الا كل ما رحت اي محل احس انه لي قدر مع اني في دولة غريبه.

من المواقف الي حصلتلي اني مره دخلت بقاله ومعي شنطه وانا امشي طيحت قارورة زجاجيه وانكسرت وقبل ما يصير اي شي جتني الي تشتغل في المحل تعتذر مني... انا انحرجت وما عرفت وش اسوي قلت لازم ادفع سعرها وقالت لا انا عاد لزمت ودفعت.

انا ما انفي انه فيه منهم ناس يكرهون العرب ( بس ما قد قابلت احد منهم) لكن انت حكمت على شعب كامل مكون من 120 مليون فرد انه كاره للعرب وهذا الكلام غير صحيح.

 

[Painkiller Q8]

انا عشت هناك ثلاث سنين ولا شفت شي من الي تقوله؟ ممكن زي ما قال الاخ محمد شوي منغلقين مو عشان كره بس لانهم مو عارفين كيف يتعاملون مع احد ما يتكلم لغتهم( بحكم ان الاغلبيه ما يتكلمون الا ياباني) لكن اذا تعلمت لغتهم تمشي معهم زي العسل وبالعكس قمة في الاحترام والتقدير واكثر من اي دولة ثانية. وللامانه ما قد شفت منهم اي كراهيه او اسائة تعامل. الا كل ما رحت اي محل احس انه لي قدر مع اني في دولة غريبه.

من المواقف الي حصلتلي اني مره دخلت بقاله ومعي شنطه وانا امشي طيحت قارورة زجاجيه وانكسرت وقبل ما يصير اي شي جتني الي تشتغل في المحل تعتذر مني... انا انحرجت وما عرفت وش اسوي قلت لازم ادفع سعرها وقالت لا انا عاد لزمت ودفعت.

انا ما انفي انه فيه منهم ناس يكرهون العرب ( بس ما قد قابلت احد منهم) لكن انت حكمت على شعب كامل مكون من 120 مليون فرد انه كاره للعرب وهذا الكلام غير صحيح.

والله مادري شنو اقولك ... يمكن ماتوفقت بمواقفي معهم !!

بس كنت احلم اني اروح اليابان .. بس بعدين خلاص مابي اروح

تخيل اكثر من مره اشوف يابانيين يتكلمون انجليزي .. ونفسهم لما اكلمهم انجليزي يردون علي ياباني .. لوووول يعني اقلب وجهك بطريقه غير مباشره ... بس الكوريين افضل منهم وانا كونت صداقات مع كوريين احس ناس تتقبل الاجانب بصدر وسيع ... + الصينيين والفلبين افضل من اليابانيين بالتعامل !

بس بما انك كنت هناك 3 سنوات .. اعتقد انك تعرف اكثر مني .. لان انا فترتي كانت اقل من شهر !

 

[Super Shadow]

انا عشت هناك ثلاث سنين ولا شفت شي من الي تقوله؟ ممكن زي ما قال الاخ محمد شوي منغلقين مو عشان كره بس لانهم مو عارفين كيف يتعاملون مع احد ما يتكلم لغتهم( بحكم ان الاغلبيه ما يتكلمون الا ياباني) لكن اذا تعلمت لغتهم تمشي معهم زي العسل وبالعكس قمة في الاحترام والتقدير واكثر من اي دولة ثانية. وللامانه ما قد شفت منهم اي كراهيه او اسائة تعامل. الا كل ما رحت اي محل احس انه لي قدر مع اني في دولة غريبه.

من المواقف الي حصلتلي اني مره دخلت بقاله ومعي شنطه وانا امشي طيحت قارورة زجاجيه وانكسرت وقبل ما يصير اي شي جتني الي تشتغل في المحل تعتذر مني... انا انحرجت وما عرفت وش اسوي قلت لازم ادفع سعرها وقالت لا انا عاد لزمت ودفعت.

انا ما انفي انه فيه منهم ناس يكرهون العرب ( بس ما قد قابلت احد منهم) لكن انت حكمت على شعب كامل مكون من 120 مليون فرد انه كاره للعرب وهذا الكلام غير صحيح.

أزيد على ذلك ، أنا عندي ربع سافروا هناك و صارت لهم مواقف مع اليابانيين بينت كيف هم محترمين لدرجة كبيرة ، و قالولي أنهم ما صادفوا حد أساء لهم أبدا ، بس مشكلتهم أن معظمهم ما يتكلمون الا اللغة اليابانية

 

[GreeN StorM]

قبل فترة السفارة اليابانية قدمت دورة لمدة شهرين أو أكثر كنت بسجل بس مالحقت ، قالولي فيه إحتمالية نسوي دورة بالصيفية لو لك إهتمام بدورتهم تابع موقع السفارة اليابانية دوريًا لأنهم يحطون التسجيل لمدة أسبوع بعدين يشيلونه !

 

[Mada Mada Dane]

تعرف المعهد أو المدرسة اللي راح لها ؟

اوساكا .. في Kansai Kokusai Gakuin, كم المده الي ناوي تجلس هناك فيها؟

عموما هالصفحه بتفيدكم من موقعهم :http://kkg.comto.net/eng_short_index.html