من سنة كان اول مرة البس نضارة رغم اني عارف ان نظري ضعيف بس الشعور اللي جالي بعدها كان
ايه دا هو الناس في الطبيعي بتشوف بالدقة دي؟
شعور مضحك و غريب في نفس الوقت
بس لقيت كذا حد قال جملة مشابهة ليها يعني حتي انا عارف ان في فرق بس مكنتش شايف و لا متخيل الفارق الكبير دا كله
مثال تاني هيوضح مع الفيديو دا
عارف انت لو كلمت كذا حد معداش على مرحلة نفسية سيئة و قلتله شعور الناس اللي بتمر باكتئاب ممكن من بعيد كدا يقول دي ناس بتدلع يعني ما في ناس حالتها اوحش منها و ايه يعني المشاكل اللي هما فيها دي او حتي يتعاطفوا معاهم بس عمرهم ما يعرفوا شعورهم اللي بيحسوا بيه اصلا
يعني الفكرة انك مجربتش شعور ان يبقي في حاجة تقيلة على قلبك و على دماغك مخلياك في حالة سيئة لفترة كبيرة يعني حتي الناس اللي عندها اكتئاب بعد فترة لو حصلها انهيار و تفريغ المشاعر او لو حصل حدث غير في حالتهم النفسية شوية لفترة مؤقتة بيبقوا مستغربين هو الناس العادية بتحس بالاحساس الحلو دا علطول ولا لا
فتخيل قد ايه من الحاجات اللي انت فعلا متعرفهاش لانك فعلا مش هتعرف تتخيلها لانك ممرتش بيها او لانه بالنسبالك هي تحت بند هو ايه دا ؟ ولا حتي هتعرف تتخيله لانك معرفتك بيها من بعيد
يعني مثلا حد بخيل هو بالنسبالك انت مستغربه و ازي بيعمل كدا ما عادي يعني الفلوس مش هنخزنها طول حياتنا انما الحقيقة انك مش حاسس بالاحساس اللي بيحس بيه و هو بيصرف الفلوس دي حتى لو معاه كتير فانا مش عارف اتخيل المشاعر دي لاني محستش بيه قبل كدا
او لو مثلا حد مش بيغار على اهله فهو مش حاسس بالشعور اللي بيحسه الناس العادية فهو من بعيد نظرتي ليه هو ازي كدا بس الفكرة كلها انه المشاعر و الحرقة دي هو مش حاسس بيها هو اصلا
اي حد مسلم عارف انه لا يقدر يتخيل ايه اللي في الجنة وانه فيه ما لا عين رات ولا اذن سمعت ولا خطر على قلب بشر
لان الفكرة انك مش هتتعرف تتخيل حاجة لو انت متعرفش بوجودها او ان في حاجة اسمها كدا او حتي تعرف ان في حاجة قريبة من كدا
تخيل لو في قبيلة مشفتش بحر قبل كدا وشافت بحر لاول مرة
هو بالنسبالها الحاجة دي هو شعور "ايه دا؟"
تخيل مثلا لو مثلا انسان مشافش النار خالص فهو مش هيقدر يتخيل انه في حاجة كدا او تخيل لو الانسان مشفاش اي مشروب قبل كدا خالص هو مش متخيل فكرة ان في سائل ممكن يتعمل من الفاكهة دي يعني لا عارف حتي يتوقع طعمها و لا اي حاجة خالص لانه مش هيبقي عنده حتي مرجع لحاجة تانية قريبة من كدا
ففي حاجات كتير سواء مشاعر او تجارب لو الشخص محسهاش قبل كدا ف بالنسباله مش هيعرف حتي يفهمها
نفس الكلام على المعلومات و التجارب مش بس مشاعر
لكن المشاعر هي اكتر حاجة مفيهاش تحكم يعني لو حد محبش قبل كدا او قبل اول مرة هو بالنسباله هو يعني ايه احب واحدة غريبة عني بالشكل اللي بتقولوا عليه دا ؟ يعني ايه المشاعر اللي بتتكلموا فيها
نفس الكلام عن المعلومات لو حد معلوماته عن شعب معين من خلال بعيد بس ف هتبقي نظرته مختلفة اوي عن لو اتعامل معاهم
او حتي لو كون اراء و معتقدات فبمرور الزمن ممكن يكتشف قد ايه مكنش شايف حاجات كتير اوي و تخليه يبص دلوقتى للموضوع بشكل مختلف
او لو بنت مثلا فهي مش شايفه الشباب بتفكر ازي لانها معشتش العيشة دي مش عارفه بيحسوا بايه ولا بيتكلموا في ايه فهو ممكن البعض يبقي فاهم ولكن كتير ممكن يكون اصلا مش شايفين الحتة دي خالص
يعني الانسان فاكر نفسه شايف و فاهم رغم انه في الحقيقة مش شايف حاجات كتير و في حاجات لو عرفها فعلا هيستغرب هو ازي مكنش عارف كل دا فالانسان محدود اوي في مشاعر كتير ميقدرش يعرف هو ايه الشعور بتاعها و في معلومات كتير اوي ميعرفش انه مش شايفها يعني الانسان مش هيعرف حاجة هو ميعرفش انه ميعرفهاش اصلا فهو اعمي عن حاجات كتير اوي .
ايه دا هو الناس في الطبيعي بتشوف بالدقة دي؟
شعور مضحك و غريب في نفس الوقت
بس لقيت كذا حد قال جملة مشابهة ليها يعني حتي انا عارف ان في فرق بس مكنتش شايف و لا متخيل الفارق الكبير دا كله
مثال تاني هيوضح مع الفيديو دا
عارف انت لو كلمت كذا حد معداش على مرحلة نفسية سيئة و قلتله شعور الناس اللي بتمر باكتئاب ممكن من بعيد كدا يقول دي ناس بتدلع يعني ما في ناس حالتها اوحش منها و ايه يعني المشاكل اللي هما فيها دي او حتي يتعاطفوا معاهم بس عمرهم ما يعرفوا شعورهم اللي بيحسوا بيه اصلا
يعني الفكرة انك مجربتش شعور ان يبقي في حاجة تقيلة على قلبك و على دماغك مخلياك في حالة سيئة لفترة كبيرة يعني حتي الناس اللي عندها اكتئاب بعد فترة لو حصلها انهيار و تفريغ المشاعر او لو حصل حدث غير في حالتهم النفسية شوية لفترة مؤقتة بيبقوا مستغربين هو الناس العادية بتحس بالاحساس الحلو دا علطول ولا لا
فتخيل قد ايه من الحاجات اللي انت فعلا متعرفهاش لانك فعلا مش هتعرف تتخيلها لانك ممرتش بيها او لانه بالنسبالك هي تحت بند هو ايه دا ؟ ولا حتي هتعرف تتخيله لانك معرفتك بيها من بعيد
يعني مثلا حد بخيل هو بالنسبالك انت مستغربه و ازي بيعمل كدا ما عادي يعني الفلوس مش هنخزنها طول حياتنا انما الحقيقة انك مش حاسس بالاحساس اللي بيحس بيه و هو بيصرف الفلوس دي حتى لو معاه كتير فانا مش عارف اتخيل المشاعر دي لاني محستش بيه قبل كدا
او لو مثلا حد مش بيغار على اهله فهو مش حاسس بالشعور اللي بيحسه الناس العادية فهو من بعيد نظرتي ليه هو ازي كدا بس الفكرة كلها انه المشاعر و الحرقة دي هو مش حاسس بيها هو اصلا
اي حد مسلم عارف انه لا يقدر يتخيل ايه اللي في الجنة وانه فيه ما لا عين رات ولا اذن سمعت ولا خطر على قلب بشر
لان الفكرة انك مش هتتعرف تتخيل حاجة لو انت متعرفش بوجودها او ان في حاجة اسمها كدا او حتي تعرف ان في حاجة قريبة من كدا
تخيل لو في قبيلة مشفتش بحر قبل كدا وشافت بحر لاول مرة
هو بالنسبالها الحاجة دي هو شعور "ايه دا؟"
تخيل مثلا لو مثلا انسان مشافش النار خالص فهو مش هيقدر يتخيل انه في حاجة كدا او تخيل لو الانسان مشفاش اي مشروب قبل كدا خالص هو مش متخيل فكرة ان في سائل ممكن يتعمل من الفاكهة دي يعني لا عارف حتي يتوقع طعمها و لا اي حاجة خالص لانه مش هيبقي عنده حتي مرجع لحاجة تانية قريبة من كدا
ففي حاجات كتير سواء مشاعر او تجارب لو الشخص محسهاش قبل كدا ف بالنسباله مش هيعرف حتي يفهمها
نفس الكلام على المعلومات و التجارب مش بس مشاعر
لكن المشاعر هي اكتر حاجة مفيهاش تحكم يعني لو حد محبش قبل كدا او قبل اول مرة هو بالنسباله هو يعني ايه احب واحدة غريبة عني بالشكل اللي بتقولوا عليه دا ؟ يعني ايه المشاعر اللي بتتكلموا فيها
نفس الكلام عن المعلومات لو حد معلوماته عن شعب معين من خلال بعيد بس ف هتبقي نظرته مختلفة اوي عن لو اتعامل معاهم
او حتي لو كون اراء و معتقدات فبمرور الزمن ممكن يكتشف قد ايه مكنش شايف حاجات كتير اوي و تخليه يبص دلوقتى للموضوع بشكل مختلف
او لو بنت مثلا فهي مش شايفه الشباب بتفكر ازي لانها معشتش العيشة دي مش عارفه بيحسوا بايه ولا بيتكلموا في ايه فهو ممكن البعض يبقي فاهم ولكن كتير ممكن يكون اصلا مش شايفين الحتة دي خالص
يعني الانسان فاكر نفسه شايف و فاهم رغم انه في الحقيقة مش شايف حاجات كتير و في حاجات لو عرفها فعلا هيستغرب هو ازي مكنش عارف كل دا فالانسان محدود اوي في مشاعر كتير ميقدرش يعرف هو ايه الشعور بتاعها و في معلومات كتير اوي ميعرفش انه مش شايفها يعني الانسان مش هيعرف حاجة هو ميعرفش انه ميعرفهاش اصلا فهو اعمي عن حاجات كتير اوي .
