مقاطع مسربه من اللعبة الملغية Eight Days

[Rare Games]

^^^^^^^^^^^

المشكله سوني في 10 ايام (28 اكتوبر- 5 نوفمبر) نزلتلك 3 العاب محترمه واعتقد للحين في ناس ما جربتها

ولا فكرت تجربها وتنتقد الجهاز وتقول مغبر وغيره يا اخي 3 العاب توهم نازلين المفروض تكفيهم

عن التذمر الي صدور كيل زون2 خاصه ان هالثلاث العاب كلهم عمرهم طويل جدا

 

[The.Boss]

اها اوكي ...
سعر غالي على ايش مرة ثانية ؟ .. لعبتين أو ثلاث أعتبرهم فوق الآفرج فقط .. لا .. وكلهم من الطرف الأول ؟

حتى "كثير" من العاب الطرف الثالث (مولتي بلاتفورم) واجهت كثير من المشاكل التقنية بنسخة البي اس 3 ..
هذا غير الحصريات الي راح لول .
وغير خدمة الهوم الي الله يعلم بنشوفها ولا لا ..

اذا كان كلامك صحيح .. ليش الجهاز عندي مركون على الزاوية ما اشغله الا قلييييل .. !؟
لعبت راتشيت وانتشارتد ومجس4 , و شوية العاب الستور الي مصيرك تتركها بعد كم يوم .

اجل عمره أطول من عمر الاجهزة الباقية ؟ هههههه يمكن اذا شفنا السنة الجاية ريزيستانس 3 وموتور ستورم 3 وجود اوف وور 3 (اكثر لعبة متحمس لها على الجهاز !) و انتشارتيد 3.



وكلهم طرف أول ..

لا اتخاف انا معاك .. و اوافق الرأي :laugh:

 

[Nyx]

ما أبغى أدخل في الحفلة بس عندي ملاحظه بسيطه

وكلهم طرف أول ..

وين المشكله بالظبط إذا كانت اللعبه طرف أول ولا طرف خامس ؟! راح يقل مستواها يعني ولا قابليتك للعبه راح تقل؟
وبالنسبة للحصريات إنفكت أو لا أعتقد ذا الشي ماراح يأثر عليك كمستهلك إلا إذا ماكنت تشتري إلا الألعاب الحصريه .

 

[The Doctor]

على الأقل الكوفر سيستم في اللعبة بينتقل و بيتحسن في انتشارتد2 >.>

 

[hussien-11]

اخوي Wellscha مثل هاي الردود اتمنعت بالمنتدى قبل فترة ، و بعدين انت ما لاحظت انه الصورة الي حاطها بردك تحتوي على كلام بذيء ؟ يا ريت لو تشيلها ..
​

 

[Wellscha]

^ أعتذر عن الصوره (ما إنتبهت للكلام) لكن لو تلاحظ أن الموضوع صار له Derail كبير.

الموضوع عن المقطع والنقاش تحول إلى شي آخر!

 

[Strider]

تصدق نايف المفروض حاط هالجملة فقط في ردك لإنه أفضل وصف للفانز الي نتكلم عنهم , أما الكلام الي سبقه كله ماأعتقد بيجيب معاهم نتيجة لإنه مثل ماتقول هالناس عندها قناعات وترفض إنها تغيرها ( أو بالأحرى خايفه من التغيير ) .

وياليت من الأخوان Strider و Still Alive يسون لنفسهم Level Up في تواجدهم بهالمنتدى وبعدين يفكرون يدخلون معاي في نقاش مع كامل إحترامي طبعاً .

. . . اوكي الـ ps3 فيه مميزات جيده ذكرها الاخ نايف لكن ال 360 راح يكون الخيار الاول لأي لاعب كونه يملك مكتبه العاب اكبر بكثير + افضل و هذي هي اهم ميزة ولا مانع من اللي عنده قرشين زيادة يشتري الps3 والـ xbox 360 مع بعض لكن كخيار اول الـ 360 يبقى هو الخيار الافضل .

مسألة الفانز وما فانز صدقني الناس نسيت الاشياء هذي وانا شخصيا ما راح اشتري الا الجهاز الافضل بغض النظر عن ميولي سابقا و اخشى انه انت الوحيد المتعصب هنا .

و ما ادري ايش قصدك بالـ Level Up حسستني اني اتكلم مع ذاك الكاتب الي ما يشق له غبار :laugh::
يبدو لي ان عندك ضعف في شخصيتك تحاول تغطيه بالسخرية من ردود الاخرين

 

[Rare Games]

. . . اوكي الـ ps3 فيه مميزات جيده ذكرها الاخ نايف لكن ال 360 راح يكون الخيار الاول لأي لاعب كونه يملك مكتبه العاب اكبر بكثير + افضل و هذي هي اهم ميزة ولا مانع من اللي عنده قرشين زيادة يشتري الps3 والـ xbox 360 مع بعض لكن كخيار اول الـ 360 يبقى هو الخيار الافضل .

مسألة الفانز وما فانز صدقني الناس نسيت الاشياء هذي وانا شخصيا ما راح اشتري الا الجهاز الافضل بغض النظر عن ميولي سابقا و اخشى انه انت الوحيد المتعصب هنا .

و ما ادري ايش قصدك بالـ Level Up حسستني اني اتكلم مع ذاك الكاتب الي ما يشق له غبار :laugh::
يبدو لي ان عندك ضعف في شخصيتك تحاول تغطيه بالسخرية من ردود الاخرين

كأن احد قال ان PS3 هو الخيار الافضل اساسا معروف ان 360 هو الخيار الافضل

لكن هذا مو معناته ان PS3 ليس MUST HAVE هو ان غالي من غير لزمه او ان ما عليه

مكتبه العاب ممتازه

 

[Strider]

المشكلة اني في ناس مهما كان في العاب ممتازة على جهاز معين، تنمحي من جدام عينهم بسبب جهاز ثاني خارق. جهاز الاكس بوكس 360 فعلا عنده العاب ممتازة كثيرة لكن العاب البلاي ستيشن 3 الممتازة مش قليلة كجهاز عمره سنتين.

السعر الغالي اعتقد أي واحد يقدر يعرف بسهولة ليش سعر الجهاز اغلى عن الاجهزة الثانية المنافسة
- وايرليس موجود في كل جهاز (تدفع عليه 350+ المنفصل في جهاز الاكس بوكس 360)
- بلو راي بلاير
- فتحات بطاقات الذاكرة
- جاهز التحكم rechargeable منه و فيه

هذا غير الاشياء الثانية و الاضافات الداخلية اللي ممكن كانت سبب في هذا الشي في الجهاز، البراوزر، الاونلاين المجاني و الكوالتي الافضل بشكل عام.

أما بخصوص الالعاب:
- ليتل بيغ بلانت
- رززتنس 1 و 2
- موتورستورم 1 و2
- فلكلور
- راتشت و راتشت كويست فور بوتي
- انشارتد
- وورهوك
- ايفريبوديز غولف 5
- ميتل غير سوليد 4
- فالكاري كورنكلز
- نينجا غايدن سيغما
-ديسجايا 3

هذا غير العاب الستور الرائعة و اللي ما اوفقك على انها تتخلى في اسبوع، العاب الداونلودبل اكثر العاب لعبت فيها هالجيل سواء على الاكس بوكس 360 او البي اس 3. وايد accessable و ممتعة لدرجة طويلة من الزمن.. لين الحين العب جيتباك ريفولد و هيكسك (360) و ستاردست HD

اعتقد حالة البي اس 3 مثل البي اس بي، فيه العاب و خصائص عديدة رائعة بس الناس تختار انها ما تشوفها

ما أختلفنا ال ps3 فيه مميزات رائعة و كم لعبة جيدة لكن هل هذي الميزات في نظرك ممكن تخليني أفضل ال ps3 على ال xbox360 لما أفكر اشتري لي جهاز العاب ؟

 

[Strider]

كأن احد قال ان PS3 هو الخيار الافضل اساسا معروف ان 360 هو الخيار الافضل

لكن هذا مو معناته ان PS3 ليس MUST HAVE هو ان غالي من غير لزمه او ان ما عليه

مكتبه العاب ممتازه

اوكي انا ذكرت الشي هذا في ردي اللي يبغى جهاز العاب راح يكون ال 360 هو الخيار الاول و اللي معه قرشين زياده ما في مانع يجرب ال ps3

 

[Still Alive]

وياليت من الأخوان Strider و Still Alive يسون لنفسهم Level Up في تواجدهم بهالمنتدى وبعدين يفكرون يدخلون معاي في نقاش مع كامل إحترامي طبعاً .

مابي احتك معاك. بس لاحظ أنه دائماً في ردودك الكلام الى يكون إنتقاد في الاعضاء اكثر من الكلام في النقاش نفسه. 🙂

 

[Humam]

Wellscha أتمنى تتقبل كلامي بروح رياضية, الله يخليك هذي الصور الي بمعنى و بدون معنى ياريت تخليها لEvil Avatar أوي أي منتدى أجنبي ثاني.. أضف إلى ذلك انت جالس تستخدم السبويلر تاق بلا معنى و هذا يستحق انفراكشن.. حبيت أعلمك يمكن ما يكون عندك علم رغم ان التعليمات هذي موجودة في موضوع قوانين المشاركة و التسجيل و الي دائما ما ينبه على قرائتها بتمعن قبل التسجيل و المشاركة.

بالنسبة لنقاش الPS3 أعتقد الجملة الأخيرة في رد نايف مسكتة بما فيه الكفاية.. اذا الPS3 مش جاية عليه لعبة High Profile من شركة طرف ثالث ذيك الساعة يكون النقاش منطقي حول القيمة الي يقدمها الجهاز..للأمانة اسطوانة " الPS3 ما عليه ألعاب " صارت مشروخة لدرجة إنه حتى المتحاملين على الجهاز ماصاروا يشغلوها..

 

[Wellscha]

^ أنا ما حبيت أشترك في موضوع صاير له ديريل لكن ما دام أحد نبه لهنقطه فبآخذها على أنها ضوء أخضر.

مشكلة الPS3 هي إللي يسمونها Perceived Notion. الناس ماخذين فكره سيئه عن الجهاز بسبب الإنطلاقه السيئه له. من هالأشياء على إنه غالي ومافيه العاب. و من احد الأسباب أيضا هي فك الحصريات و ضياع بعض الحصريات (زي أيس كومبات و ستار أوشن و تيلز) وبالإضافه إلى الحصريه المؤقته السريه (زي بايوشوك و لوست بلانت) كل هذا بالإضافه إلى كون الXbox خيار أول عند بعض الناس كل هذا أدى إلى تلك النظره.


فأوتوماتيك لما الواحد يسأل ليش ما تاخذ ال؟PS3 يقولك ما فيه ألعاب؛ تجاوب طيب فيه اللعبه الفلانيه و الفلانيه؟
يقولك لا موجوده على الإكسبوكس.

فمجرد وجودها على الإكسبوكس تنمسح اللعبه نلقائيا ولا كأنها موجوده. هذي بالذات مشكلة سوني. فهي لازم تحاول تسوي على الأقل دعايه لألعاب الملتي لتظهر للناس إن فيه نوع من ترابط البراند أو الfranchise مع إسم سوني زي ما سوت تحت.

قد يقول أحد إن هذي الطريقه صعبه. لكن يا شباب قبل لا يصير الواقع إللي قاعدين فيه حالياً.

إيش كنا نقول عن ace combat و final fantasy و Tales و أغلب ألعاب كابكوم و الSupport الياباني عموما؟

ما كنا نقول إنها ديفولت بتروح إلى الPS3?

طيب إذا صارت ملتي ليش ما تفهم سوني الشعب "ما في لبس بالموضوع. اللعبه موجوده عندنا زي ما لعبتها من قبل لاتخاف"

يدلك إن سوني عندها مشاكل إداريه.

 

[The Heartless]

ياأخي مدري شفيها العالم تبي تحتك معاي بالغصب ! قلنا مانبي نرد عليكم أفهموها عاد , سوالف الlist wars ومميزات الجهاز هذا كذا وكذا ..إلخ المفروض تاركينها من زمان .

 

[AMG]

احسن شي في ناس حافظة جملة : الاون لاين على الاكس بكس 360 اقوى !!! انا ما اعرف ايش الفرق الحين بينهم ؟؟ غير طبعا ان الاون لاين على البلايتيشن 3 مجاني

غير كذا الي عنده الجهازين و يشتري العاب الملتي بلاتفورم على جهاز واحد اكيد الثاني بينركن في الزاوية. يعني ما اعرف ليش الشكوى من مشكلة انت سببها لووول

انا كواحد مالك بلايستيشن3 فقط اشوف انه جهاز ممتاز و عليه العاب كثيرة ،حصرية و ملتي بلات فورم

 

[EPIC FAHAD]

بالنسبة لنقاش الPS3 أعتقد الجملة الأخيرة في رد نايف مسكتة بما فيه الكفاية.. اذا الPS3 مش جاية عليه لعبة High Profile من شركة طرف ثالث ذيك الساعة يكون النقاش منطقي حول القيمة الي يقدمها الجهاز..للأمانة اسطوانة " الPS3 ما عليه ألعاب " صارت مشروخة لدرجة إنه حتى المتحاملين على الجهاز ماصاروا يشغلوها..

هذا الكلام الي ابغى اقوله البلاي3 مصيره يمتلك سوق الهرادكوريه هي مسئلة وقت عندما يصبح HD DVD لا يستوعب مساحات الالعاب وهذا قريب لان بدات تكثر تذمرات المطورين حول هذا الموضوع وارجو من الشباب انهم يبعدون عن التحيز وشغل الفانز الاي لا يودي ولا يجيب

 

[Rare Games]

^^^^^^^^^^^

تقصد dvd العادي وليس hd dvd

عبدالسلام كنت اقول نفس كلامك عن اونلاين ps3 واللايف صراحه ما اشوف فرق في الخدمات العروض

المحتويات عدى الالعاب الحصريه لكلا الجهازين بس قلت ما دام الى الان ما اشتركت غولد ما راح اعلق

 

[Still Alive]

ياأخي مدري شفيها العالم تبي تحتك معاي بالغصب ! قلنا مانبي نرد عليكم أفهموها عاد , سوالف الlist wars ومميزات الجهاز هذا كذا وكذا ..إلخ المفروض تاركينها من زمان .

محد ضربك على يدك وقال لك لازم ترد علينا, ما تريد ترد كيفك بس مش تجي ترمي لك كلمتين في الهوا وتمشى وكأنك ما سويت شي

وحلوة "الناس تبي تحتك معاي بالغصب" هذي. للمعلومية إتباع مثل "ضربني وبكي وسبقني واشتكي" صارت حركة قديمة جداً وما عادت تمشى بالمنتديات

 

[The Heartless]

أحلى شي إن Mr.Jun 2008 يعلمني شغل المنتديات .

 

[Khalid-S]

شباب مهما كان العضو جديد اتمنى الاحترام بالنهايه. مهما اختلفت ارائنا نبقى اخوان وبلاش هذا النوع من الاستهزاء. يعني واذا كنت قديم في المنتدى.. صار على راسك ريشه مثلا؟ ولا صرت عالم محد يخالف رأيك؟ (الكلام مش لشخص واحد طبعا)

الموضوع ثلاث صفحات.. صفحه عن ايت دايز وصفحتين لقائمه العاب البلاي ستيشن 3 .. ولسه الموضوع مفتوح ..

 

[G7Ga7]

أوكي .. اول شيء .. انا اكره ان يتم منادتي بفان لبلاتفورم أو كونسول معين !!!
معليش بس .. خلوا في بالكم ان منطقي هو اني استمتع , واستمتع فقط ..

لما شريت البي اس 3 .. لحد يتوقع اني شريته عشان اثبت نظرية مريضة معينة .. شريته عشان "ألعب".. شريته عشان استمتع .

شخصياً وللأسف الى الان الجهاز ما لبى طلباتي (واتوقع فيه غيري) ..
لكن مسألة اني "اختار" اني ما اشوف الالعاب أتوقع انها خطأ (على الاقل في حالتي).. زي ما قلت انا ما دفعت حوالي 2800 ريال عشان اركنه على جنب .. كان ودي العب اكثر فيه .. لكن للاسف ما طحت الا بثلاث أو يمكن اربع العاب اقتنعت اني اشتريها . ليستة الالعاب الي حطها نايف . للأسف ما استهوتني (الا زي ما قلت ثلاث او اربع منهم !).

والى الان ماني قاعد اشوف اي شي مُبشر وواعد في الطريق الا برضو لعبتين او ثلاث فقط .

هذي رؤيتي عن الجهاز .. وما اتوقع اني قاعد اغض النظر عن العابه .. لو بسوي كذا كان غضيت النظر عن الجهاز بكبره .. لكن ....

عموماً الكلام من الاساس ما كان عن وجهة نظر اي عضو عن الجهاز .. كان عن سياسة سوني .. ناس تقول انها ماشية صح .. وانا اقول لا.. بدت غلط .. والى الان ماني قاعد اشوف تغييرات جذرية للأفضل .

 

[The Heartless]

شباب مهما كان العضو جديد اتمنى الاحترام بالنهايه. مهما اختلفت ارائنا نبقى اخوان وبلاش هذا النوع من الاستهزاء. يعني واذا كنت قديم في المنتدى.. صار على راسك ريشه مثلا؟ ولا صرت عالم محد يخالف رأيك؟ (الكلام مش لشخص واحد طبعا)

الموضوع ثلاث صفحات.. صفحه عن ايت دايز وصفحتين لقائمه العاب البلاي ستيشن 3 .. ولسه الموضوع مفتوح ..

أنا راح أكون صريح جداً في هالموضوع , أغلب الأعضاء الجدد ( أغلب مو كلهم ) عندهم آراء غريبة وردود مضحكه منتشره في صفحات المنتدى , وأنا إنسان ماأقدر اخفي إنزعاجي منهم .

عضو مصر إنه يتكلم عن الكوبي في أغلب ردوده ! وعضو يظن إن ال360 فيه HD DVD ! وإلخ .

عارفين إن وجود مثل هالأعضاء شر لا بد منه بما إن ترو جيمنج صار مفتوح للجميع , على الأقل الأعضاء الجدد يكونون حذرين معانا في النقاش بما إنهم مايعرفون "جونا" .

أوكي .. اول شيء .. انا اكره ان يتم منادتي بفان لبلاتفورم أو كونسول معين !!!
معليش بس .. خلوا في بالكم ان منطقي هو اني استمتع , واستمتع فقط ..

لما شريت البي اس 3 .. لحد يتوقع اني شريته عشان اثبت نظرية مريضة معينة .. شريته عشان "ألعب".. شريته عشان استمتع .

شخصياً وللأسف الى الان الجهاز ما لبى طلباتي (واتوقع فيه غيري) ..
لكن مسألة اني "اختار" اني ما اشوف الالعاب أتوقع انها خطأ (على الاقل في حالتي).. زي ما قلت انا ما دفعت حوالي 2800 ريال عشان اركنه على جنب .. كان ودي العب اكثر فيه .. لكن للاسف ما طحت الا بثلاث أو يمكن اربع العاب اقتنعت اني اشتريها . ليستة الالعاب الي حطها نايف . للأسف ما استهوتني (الا زي ما قلت ثلاث او اربع منهم !).

والى الان ماني قاعد اشوف اي شي مُبشر وواعد في الطريق الا برضو لعبتين او ثلاث فقط .

هذي رؤيتي عن الجهاز .. وما اتوقع اني قاعد اغض النظر عن العابه .. لو بسوي كذا كان غضيت النظر عن الجهاز بكبره .. لكن ....

عموماً الكلام من الاساس ما كان عن وجهة نظر اي عضو عن الجهاز .. كان عن سياسة سوني .. ناس تقول انها ماشية صح .. وانا اقول لا.. بدت غلط .. والى الان ماني قاعد اشوف تغييرات جذرية للأفضل .

إذا كان عدم إعجابك بالجهاز وألعابه بسبب شخصي مثل ماإنت قاعد تكرر ألف مره عيل كان المفروض ما تنقز على الرجال وتعترض عليه إذا هو يقول شي مافي خلاف عليه .

 

[Still Alive]

أحلى شي إن Mr.Jun 2008 يعلمني شغل المنتديات .

والله تفكيرك مضروب بقوة. عيل الواحد كل ما صار قديم بالمنتدى صار محترف اكثر :laugh::

مارح اضيع وقتي معاك بس مرة ثانية اتمنى اسلوب الغرور هذا مع الناس هذا تتركه, خصوصاً إذا كنت تكلم واحد ما تربطك معاه علاقة ولا تعرف عنه شي 🙂

 

[Strider]

ياأخي مدري شفيها العالم تبي تحتك معاي بالغصب ! قلنا مانبي نرد عليكم أفهموها عاد , سوالف الlist wars ومميزات الجهاز هذا كذا وكذا ..إلخ المفروض تاركينها من زمان .

طيب طيب فهمنا انك اقوى واحد يا متسر سوبر مان :laugh::

 

[Id]

الشيء لا زاد عن حده ينقلب ضده ...