مشاكل الطلاب في المدرسة .. والحل الغريب !!

[King Wario]

ذكاء الطلاب وابداعهم مب ضروري يطلع في الدراسة ، او المشاركة في الصف ..

بالعكس ، ممكن الطالب يرسب لكنه يملك من الذكاء اللي ابو المدرس ما عنده P:

مثلا ، طالبة رسبت في الامتحان ، قامت وشردت من البيت .... الام خافت على بنتها لانها ما شافتها في ذاك اليوم !!

راحت لغرفة البنت ، وما حصلت فيها حد ... بس شافت رسالة موضوعة في السرير ... راحت الام مسكت الورقة تقراها وهي ترتجف .... :

الرسالة :

ماما انا تزوجت واحد ، وانا حامل منه الحين .... احنا الحين في سويسرا معنا الحشيش ( المخدرات ) بنزرعه بعد شوي ، لقمة عيش ، لان هو وادصقائه مدمنين ، وانا بعد ادمنت .

طبعا انا ما بزورج الا بعد عشرين سنة عشان تشوفين احفادي .. طبعا زوجي فيه ايدز ..









ملاحظة : كل الكلام اللي كتبته كذب ، انا في بيت الجيران ، بس بغيتج تشوفين وتعرفين ان في اشياء ومصايب كبيرة اكبر من ان البنت ترسب في المدرسة ....... انا رسبت وهذا شي بسيط قدام المصايب اللي البنات يسوونها !!!!!!!!!!!!!!!

=================================================



طبعا القصة الاولى مب حقيقية ، طيب خذوا هذي القصة الحقيقية واللي صارت في مدرستي قبل سنة ...

كان في طالب حليو اسمه عمران في الصف الاول الثانوي ، في يوم من الايام الدراسية كانت عنده الحصة الاولى كمبيوتر ، وفي مختبر الكمبيوتر الطلاب ما يكون عندهم شغله غير رفع ضغط المدرس بطرق عديدة ومختلفة ...

عمران الظاهر في هاك اليوم كان مخترش شوي زيادة عن اللزوم ، مسك "براية" ( مبراة ) حديد بايده وقام فرها على راس المدرس المسكين ، ولسوء حظه ، المدرس لمح ان عمران هو اللي رماها ... راح المدرس مسك عمران ودزه (دفعه) وقاله روح عند المدير ..... عمران مثل دور المسكين و"العضبي" في نفس الوقت وانكر انه هو اللي رماها ، المدرس قام ودفعه مرة ثانية ، عمران هني فعلا عصب وراح ضرب المدرس في المختبر !
حولوه للمدير ، المدير قاله انت مب متربي تضرب المدرس ؟
قاله انا ضربته لانه صفعني كف وسب ابوي وامي ( صواريخ طبعا ،، كذب في كذب )
المدير راح للمدرس وقاله صدق انت سبيت ابوه وصفعته كف ؟
هني المدرس بكل غباء قال "يمكن لاني كنت معصب وما اعرف شو كنت اقول" !!!!!!!
المدير قال استعدى ولي امر الطالب ونجا عمران من الفصل النهائي ....



مواقف كثيرة للطلاب والطالبات .... يتفجر فيها الذكاء اللي ما نعرف وين كان مختفي هي الفترة كلها ايام الدراسة ووقت الامتحانات !! P:

 

[Death match]

مهارات كثيرة لكن تكتشف في الخطأ !

 

[Zeyad]

لوول القصه ثانيه حلوه هههههههه اجل كان معصب ولا يعرف ايش قال!!و كلامه صحيح بعض الاحيان الانسان اذا عصب ينسى الكلام اللي قاله 😀

وبخصوص الذكاء والابداع والمهارات...فسبحان الله ماتطلع الامور هذي الا في اوقاات حرجه وضيقه 😛

 

[SEph]

الذكاء والدراسه just dont mix

الذكي يتعلم بسرعه ويحتاج وقت اقل من الشخص الاقل ذكائا او غبي XD
ونفس الوقت الشخص الي ذكائه محدود ممكن يتفوق علىا الشخص الذكي دراسيا عن طريقه المذاكره المستمره او الطويله

اغلبيه العلماء واشهرهم لو تدرو عن ماضيهم لم يذهبو الى المدارس او حتى فصلهم
في عالم مهم ماني ذاكر اسمه نيوتن او ايشتاين اعتقد 😛eeved: الولد انطرد من المدرسه بسبب غباءه الزايد "دراسيا" والحين كل العلماء والناس يعتمدون على نظرياته واستنتاجاته لول


اذكر فيه واحد عندنا مصري كان بالصف (مع احترامي لكل المصريين) هذا موقف صار جدامي ايام رابعه متوسط الولد غبي بشكل مو طبيعي..... بالرياضيات المدرس يشرح نظريه او درس الولد قاعد متنح مايعرف شي كل الصف يحلون المسائل واهو بعده مو عارف شي ثاني يوم يرجع صاير احسن من المدرس بالدرس يوم نساله شلون يقول درست 7 ساعات بالبيت ^_^ لول وينه هذا الي يدرس يوميا 7 ساعات وخليجي XD

اذكر بالرياضيات مال الثانويه مقررات انا ذكي حيل (مداح نفسه يبيله رفسه ;p) المدرس يعيطنا واجب ثاني يوم راجع حال المساله بطريقه غير عن الكتاب كلش واصلا حليتها بدون النظريه المدرس يقولي منو غششك؟ :/ اقوله محد مايصدق ويقولي اول مره اشوف واحد يحل جذي ارقامك صحيحه كلها بس شلون فكرت بالطريقه هذي انت حليتها بدون استعمال النظريه وناديت ابوي عليه لانه يبي ينصقني بالشفوي لان على قولته احد مغشنني -_-

والطالب الي ضرب المدرس هذا قليل الادب مو ذكي بنظري 😛eeved:
هذا يسمى خبث ونفاق ما ادرجه تحت قائمه الذكاء
مسكين المدرس ياي يترزق الله وواحد جاهل يعبط على افاه 🙄

(هاهاها انا مره ضربت مدرس بسبب لسبب قوي مو سبب هذا عمران ;P)

 

[Futrus]

أعوذ بالله حتى ولو كان ذكاء الكذب يبقى كذب خصوصاً إذا كان فيه أذيه للآخرين ما أدري ليش بعض الطلاب ما يحترمون المعلمين ويعاملونهم بإحتقار ما أدري اللي أبوه مدرس راح يرضى يصير لأبوه نفس اللي صار للمدرس !!!! في المدرسه عندنا بلاوي تصير للأساتذه الله يهدي الجميع ليش الجميع ما يفهم ويتعظ من مقولة "من علمني حرفاً كنت له عبداً"......

أدري إن اللي كتبته ماله علاقه بموضوع النقاش الأساسي لكن حبيت أكتبه كنصيحه !!!!!

بالنسبه للذكاء مرات أكون بعض الأحيان في موقف صعب جداً وموعارف شسوي لكن فجأه تجيني الحلول وأطلع منها مثل الشعره من العجين وهذا توفيق من الله سبحانه وتعالى وشكراً 🙂

 

[Torpedo]

متخرج العام الماضي انا .. و مع ذلك لازلت اروح المدرسة اسلم على المدرسين ، و حتى اكلمهم بالجوال و يكلموني و ازورهم و يزوروني .. المشكلة ان البعض يحسب ان المدرس مكانه المدرسة بس .. بالعكس ، في المدرسة المدرس يشرح لك المقرر عليه و عليك بس .. لكن تقدر تتعلم منه أشياء كثيرة خارج المدرسة ..

استاذنا الاحياء ، من اكثر المدرسين الي اختلط به في المدرسة و خارجها ، ما شفت واحد مثله صراحة ، في كل شي فاهم ، و خاصة الأدب و التاريخ ..

علاقة الطالب بالمدرس المفروض تتواصل حتى إلى ما بعد المدرسة ، أعرف شباب متخرجين من الجامعات و لازالوا يروحون المدرسة و يطلعون مع المدرسين كأنهم اصحاب ..

 

[Isaac]

متخرج العام الماضي انا .. و مع ذلك لازلت اروح المدرسة اسلم على المدرسين ، و حتى اكلمهم بالجوال و يكلموني و ازورهم و يزوروني .. المشكلة ان البعض يحسب ان المدرس مكانه المدرسة بس .. بالعكس ، في المدرسة المدرس يشرح لك المقرر عليه و عليك بس .. لكن تقدر تتعلم منه أشياء كثيرة خارج المدرسة ..

استاذنا الاحياء ، من اكثر المدرسين الي اختلط به في المدرسة و خارجها ، ما شفت واحد مثله صراحة ، في كل شي فاهم ، و خاصة الأدب و التاريخ ..

علاقة الطالب بالمدرس المفروض تتواصل حتى إلى ما بعد المدرسة ، أعرف شباب متخرجين من الجامعات و لازالوا يروحون المدرسة و يطلعون مع المدرسين كأنهم اصحاب ..

وأنا أوافق توربيدو بالرأي ...

فعلا هنالك معلمين امتدت صداقتي معهم إلى الآن ...

والسبب هو الرغبة في الاستمرار بالتواصل ... خارج أسوار المدرسة

من ضمن المعلمين الذين لا زلت على علاقة طيب بهم .. الشيخ خالد الشايع ( أحد مقدمين برنامج الافتاء على mbc )

الله يديم هالعلاقات الطيبة على خير ^^

 

[AMG]

المشكلة الكبرى ان اغلب الناس تفكر ان الدراسة الصحيحة هى قضاء وقت طويل على الكتاب
لكن العكس صحيح الهدف من دراسة اى مادة انك تعرف فايدتها فى الحياة و تفهمها و اركز على كلمة تفهمها اغلب الناس تحفظ المقررات من دون فهم و لما يجيبو درجات عالية يفكروا ان الى سووه صح الناس الى زى كذا تعتب فى الكلية و خصوصا الكليات العلمية مثل الهندسة الان فى السنوات المتقدمة بيكون فى مواد مستحيل تحفظها لكن لازم تفهمها

و على فكرة الفهم اسهل بكثير من الحفظ و يأخذ وقت اقل و يخيلك تعرف تحل اى مسألة و يخلى عقلك يفكر احسن و بشكل منطقى اكثر

لكن هذا لا ينفى اهمية الدراسة يافرحتى و انت فاهم الدايود كيف يشتغل و مانك عارف تحل فيه اى مسألة

باختصار الدراسة لازم تكون مثل التدريب للفهمته مو حفظ للى مو قادر تفهمه


فى شىء ثانى ينرفزنى كثير وهو حكاية المعدلات فى الثانوية العامة ترى والله مالها قيمة انا معاى ناس فى الجامعة معدلاتهم 95 و 98 و حتى 99 لكن بى طريقة الحفظ لما دخلو الكلية انصدموا


وشكرا

 

[Isaac]

كلامك أخوي فعلا صحيح ...

وحبيت أضيف نقطة بعد ...

طبيعي إن الشيء اللي تحبه تتفانى بمعرفته ... ويكون لديك فضول جامح لمعرفة خباياه ... فنحن نفتقد لما أسميه ... "متعة المذاكر" ... أي أن تتلذذ بالمذاكرة وتشغل مخك وتتأمل ... وهذه المتعة تصل أقصاها عندي لما أذاكر مادة الأحياء * سبحان الله هالمادة فيها العديد من الأسرار اللي تعكس عظمة الخالق عز وجل* ...

أعود وأقول أن التلذذ بالمذاكرة مطلب ... ولكن كيف نحققه بوجود مناهج تلقينية ... هجرتها الشعوب ؟! ... وأكل الزمن عليها وشرب ؟!

للأسف المتأمل في حالنا اليوم ... يجد أن التعليم لدينا عيوبه طغت على حسناته ... بشكل ظاهر ... ولا سبيل لنا للعودة والنهوض إلى بالتطوير ... والتحسين .. والتثقيف ... والتحرك من قبل الحكومات والمجتمعات للإستفادة القصوى من مدخلاتنا الاقتصادية المهولة ... لإنتاج معطيات جيدة تتمثل بكوادر مفكرة وعاملة ... مستقبلا بإذن الله عز وجل ^^

 

[SEph]

لول احياء....
انا نفس الشي اساك مع الاحياء الماده حلوه (ماعده قسم انواع السكر والاسماء -_- كرهته اكثر شي)

الماده الوحيده العلوم الي طلعت فيها A بالمقررين باجي مواد العلوم خلها مستوره ;P

 

[Final Fantasy]

طوال فترة دراستي في المدرسة ماصارت بيني و بين أي مدرس أي مشكلة .. ما أكن لهم الا كل احترام و تقدير و هم دائما يعتبروني الطالب المثالي المحترم الخلوق 😀

و أستحقر لما أشوف طلاب يضايقون المدرس لأن التدريس شغله متعبه جدا و المدرس الواحد عليه أكثر من صف و أغلب يومه يكون أما واقف على ريله يشرح أو جالس يحضر حتى في البيت مع أهله و وقته الخاص يقسمه بينهم و بين عمله ... يعني بعد كل هذا ييون طلاب يطلعون بسن عياله أو بعض الأحيان أحفاده و يضايقونه و يقللون من احترامه ... شي أعتبره بقمة الوقاحه .

 

[persona]

أكره شي كان مدرس العربي

مرتشي ولاحقني بكل مرحلة بالثانوية -.-

الحل ..احط راسي وانام بحصته ..

النتيجة / لغة عربية ركيكة