مساعدة - هل حان الوقت لشراء تلفاز 4K؟

[النسر الأسود]

تقنية الـ 4K بدأت تنتشر بشكل أكبر بين الأفلام وقريباً أجهزة الألعاب، والترويج لها صار في كل مكان.

السؤال هل حان الوقت لشراء تلفاز 4K مع أخذ عامل السعر بعين الاعتبار؟ الغريب رغم بأن التقنية باهظة تعتبر، ولكن في موديلات معينة أسعارها لا تتجاوز 1000 دولار، ولكن ما عندي فكرة عن الجودة.

 

[♛ حسن ♛]

No

تشتري تلفزيون 4k وتلعب فيه العاب كونسول (حتى النيو السكوربيو ماراح يشغل العاب 4k الا اذا العاب indies) او تشاهد تلفزيون؟ راح تكون دفعت فلوس وبالنهايه تجربه اسوء من تلفزيون 1080p
حتى الافلام اغلبيتهم العظمى 1080p ومانزل 4k بلوريس الجدد (اخر السنه) ويبيلهم وقت طويل حتى تنزل كميه كبيره

عندك كمبيوتر خارق مع NVIDIA 1080 SLI؟ اوكي
وبالنهايه حاليا مايسوه تشتري اي تلفزيون غير LG OLED وحاليا لاتزال شوي غاليه وهي القفزه الحقيقيه للكوالتي

اخذلك تلفزيون ممتاز 1080 واستثمر اموالك في اشياء اخرى
التقنيه قاعد تتطور بعدها اغلبيه تلفزيونات 2015 ماتشغل افلام البلوري الجديده الي راح تنزل قريب
وحتى تلفزيونات كثيره من 2016 مافيها HDMI 2 + HDCP 2.2B +HDR

الHDR مهم للمستقبل

اذا ناوي ومعزم لاتاخذ غير LG OLED 4K +HDR 2016 موديل او انطر موديلات 2017

 

[alruqeishy]

انا شخصيا أخذت تلفزيون 4K وحرفيا ما استخدمته الا مرة اول اثنين عاليوتيوب من باب التجربة فقط
اذا بتاخذه لمتابعة الافلام ممتاز بس للجيمنج ما اعتقد الا لو معك PC يشغلها لاالعاب بهالجودة

 

[s3rorh]

ايش هوه ال4k !?

 

[Nyx]

 

[النسر الأسود]

مشكورين شباب على المساعدة.
يبدو إني حأجل عملية الشراء حتى أجلٍ غير مسمى.

 

[Solay]

هو أعتقد تعتمد على هل أنت الحين بحاجة شاشة جديدة أو لا. اذا انت بحاجة لشاشة فماأشوف أن القرار السليم أنك تاخذ شاشة ما تدعم الـ 4k وتستبدلها بعد فترة.

وبالنسبة للأسعار مااشوف المبالغه فيها، توني ماخذ سوني ٥٠ بوصة 4k و HDR بــ 5000.

 

[التشاد الحقيقي]

الاجابة هي لا.
أراه تبذيرا، ال1080p يعد كافيا جدا في الوقت الحالي.

 

[squall leonhart]

أنا غصبا عني رح اغير التلفزيون لأن تلفزيوني القديم (لسي ما كمل سنه ولدي كسره) .. لقيت تلفزيونات ممتازه جدا و curved screen 4k ب 1000 دولار و اقل.. أسعارها مره طاحت عن السنه للماضيه

 

[Zorro]

ال 4K هو 4 أضعاف دقة Full HD تقريبا و له مسمى ثاني في السوق اللي هو UHD ..
----------------
اللي مب محتاج شاشة اصلا ينتظر موديلات 2018 افضل له حتى من 2017 ، يعني سنة تقريبا
تكون التقنية انطبخت زيادة و تطورت ، مع اني اشوف ال FHD أكثر من ممتاز الى كم سنة قدام مالم يكون الشخص متخصص بالمونتاج و التصميم ..

اما اللي محتاج شاشة وكان من نوعية الناس اللي تغير شاشة كل فترة ياخذ له الان Full HD ممتاز او حتى HD ( اذا كانت حجم الشاشة 32 بوصة و تحت ، بتأدي غرض و تمشي حالك بالراحة ) اما الشاشات الكبيرة فصارت كلها FHD ..
أما من الناس اللي تاخذ شاشة و تجلس عنده بالسنين هذا له كلام ثاني ..

 

[النسر الأسود]

وبالنسبة للأسعار مااشوف المبالغه فيها، توني ماخذ سوني ٥٠ بوصة 4k و HDR بــ 5000.

أنا غصبا عني رح اغير التلفزيون لأن تلفزيوني القديم (لسي ما كمل سنه ولدي كسره) .. لقيت تلفزيونات ممتازه جدا و curved screen 4k ب 1000 دولار و اقل.. أسعارها مره طاحت عن السنه للماضيه

هو أنا مستغرب ليش في موديلات أسعارها أرخص بشكل ملحوظ مقارنة مع موديلات أخرى. هل مثل هل الموديلات الرخيصة تقدم جودة مقاربة لكن مع مزايا أقل مثلاً؟

No
وبالنهايه حاليا مايسوه تشتري اي تلفزيون غير LG OLED وحاليا لاتزال شوي غاليه وهي القفزه الحقيقيه للكوالتي

يعني في LED 4K وفي OLED 4k؟ ممكن تعطيني فكرة أكبر عن تلفزيونات الـ OLED؟

 

[Solay]

هو أنا مستغرب ليش في موديلات أسعارها أرخص بشكل ملحوظ مقارنة مع موديلات أخرى. هل مثل هل الموديلات الرخيصة تقدم جودة مقاربة لكن مع مزايا أقل مثلاً؟

صراحة الشاشات كثيرة جدا جدا جدا هذا غير الموديلات اللي ماراح تلقاها، أنا أخذت لفة قبل على الشاشات وطحت على شاشة ال جي 4k كان سعرها 4000 وموديل السنة اللي راحت بس بدون HDR فبعد كم لفة نصحني البائع بشاشة سوني 4K و HDR نحيفة وشكلها جميل وسعرها مغري للأمانه هذا غير أني عميل لسوني، بحثت عنها بموقع يقيم الشاشات ولقيت تقييمهم لها اذا هي خاصة للألعاب 9 من 10 واذا للأفلام فـ 7 من 10 الموقع دقيق جدا بس مفصل بزيادة، بحثت عن شاشات ثانيه ابشوف اذا فيه شاشة أفضل والا من ذا الكلام فضعت جدا من كثرة الموديلات وتوكلت على الله وأخذتها.

فهو أعتقد بالشاشات ما يحتاج تشاور كثير ورح وشف الصفاوه والمواصفات بنفسك وقرر. أما بالنسبة للأوليد فشفت وحدة عند اكسترا، صفاوتها ممتازة واللون الأسود فيها الأفضل بالسوق بس مشكلتها الألوان الثانية أسوء والبرايتنس لك عليه، وسعرها كان ٧ الاف وشوي.

 

[The Doctor]

لا.
في ما عدى إذا كنت محتاج تلفزيون جديد و ما عندك إلا خيارات ال4K، فشخصياً أشوف الأفضل هو جهاز 1080p بجودة صورة ممتازة و بعدد بورتات زي الناس.

لا المحتوى المتوفر و لا اللي جاي في أي وقت قريب يبرروا الأبجريد. بعد كم سنة ممكن.

 

[fatal framer]

لغاية هالوقت افضل نوعين samsung و lg
ولو اني انصحك بlg اكثر لانه الشاشة فيها حماية
فصعب تكسر الزجاج
4k لالعاب اذا قصدك الكونسول فاقولك مو وقته
الا اذا عندك كمبيوتر مواصفاته قوية
بالنسبة للافلام والمسلسلات في بس نسبتهم قليلة واكثر شي تلقاه 4k اذا فلم عدا عليه سنين

 

[squall leonhart]

لغاية هالوقت افضل نوعين samsung و lg
ولو اني انصحك بlg اكثر لانه الشاشة فيها حماية
فصعب تكسر الزجاج
4k لالعاب اذا قصدك الكونسول فاقولك مو وقته
الا اذا عندك كمبيوتر مواصفاته قوية
بالنسبة للافلام والمسلسلات في بس نسبتهم قليلة واكثر شي تلقاه 4k اذا فلم عدا عليه سنين

تلفزيوني LG و اتكسر من ضربة بسيطة من ولدي🙁

 

[EPIC FAHAD]

عن تجربه شخصيه . لايوجد شاشات افضل من شاشات سوني

 

[Roxaf]

أرى انه صرف فلوس على الفاضي ، الفرق في الصورة ما يستحق 1000 دولار ، وعلى الأقل في الوقت الحالي .

 

[bXNmbQ==]

تبي تاخذ 4k لازم يصير معه HDR او اتركه

 

[fatal framer]

تلفزيوني LG و اتكسر من ضربة بسيطة من ولدي🙁

مو معقولة
تلفزيونك led او oled لاني ماعرف عن الموديلات القديمة

 

[squall leonhart]

مو معقولة
تلفزيونك led او oled لاني ماعرف عن الموديلات القديمة

Oled موديل 2015

 

[ABUALI]

نصيحه للجميع ، لو بغيت ال60فريم @4k يحتاج تكون ملم اكثر بالتفاصيل، ابحث عن تلفزيونات/شاشات فيها مداخل hdmi 2.0 أو display port 1.2 ، اقل من هذي النسخ ما راح تحصل اللي تبيه

 

[Izunia]

SONY X850D
55inch
4799 SR
I WANT IT 🙁

 

[mamiqdadi]

لو حتشتري تلفزيون جديد نعم دور عالتقنية
لو عندك جهاز فل إتش دي مافي داع، إنتظر لين تنتشر أكثر

 

[XORO]

اذا ما عندك PC قوي شاشة الـ 4K مالها داعي وخسارة فلوس عالفاضي

تلفزيوني LG و اتكسر من ضربة بسيطة من ولدي🙁

الله يرحم التلفزيونات القديمة ابو بوكس يطيح اكثر من مرة ويظل صامد

 

[XORO]

نصيحه للجميع ، لو بغيت ال60فريم @4k يحتاج تكون ملم اكثر بالتفاصيل، ابحث عن تلفزيونات/شاشات فيها مداخل hdmi 2.0 أو display port 1.2 ، اقل من هذي النسخ ما راح تحصل اللي تبيه

ما عندي خبرة كبيرة في هالسوالف بس شو رايك بهذا المونيتور ؟
http://www.samsung.com/us/computer/monitors/LU28E590DS/ZA

 

[ABUALI]

ما عندي خبرة كبيرة في هالسوالف بس شو رايك بهذا المونيتور ؟
http://www.samsung.com/us/computer/monitors/LU28E590DS/ZA

الشاشه ممتازه ومن افضل الشاشات في مجالها حسب ما قرأت، لكن الشاشه تدعم الfreesync، تقنيه من شركة amd، يقابلها g-sync من شركة nvidia... لذلك لو عندك جرافيكس كارد من amd مافي مشكله، ولكن لو عندك جرافيكس كارد من nvidia راح تخسر ميزة الg-sync

 

[XORO]

يعطيك العافية

 

[squall leonhart]

امس اشتريت سوني 4K XBR 850 ب 900 دولار .. صراحة شي خيالي و لنا تتفرج على فيديوهات 4k حسيت بفرق زي اول ما انتقلت من SD إلى HD .. انصح فيه بقوه للجيمنق و كل شي .. 120 هيرتز Native

 

[Dark_N11]

امس اشتريت سوني 4K XBR 850 ب 900 دولار .. صراحة شي خيالي و لنا تتفرج على فيديوهات 4k حسيت بفرق زي اول ما انتقلت من SD إلى HD .. انصح فيه بقوه للجيمنق و كل شي .. 120 هيرتز Native

جربتة مع البلاي 4؟ هل في Input lag ؟

 

[squall leonhart]

لعبت Ninja Gaiden 2 على خدمة Playstation now بالتلفزيون نفسه , ما لاحظت لاق صراحة بس لسي ما جربت العاب PS4