hits counter

محتار في عائلة ال ipod !!!

Mansoury

Mansoury

Hardcore Gamer
السلام عليكم

ودي اشتري لي ipod بس محتار اي واحد اخذ !!!
بكتب مميزات كل واحد اعرفه واتمنى انكم تساعدوني في اختيار واحد :sweat:

ال shuffle : حجمه صغير وخفيف بنحط في الجيب كأنه قلم ويتعلق في مكان ... المساحه المتوفره 2Gb و 4Gb الاول يشيل 500 ملف والثاني 1000 ... ماله شاشه ... متوفر بخمس الوان و رخيص .

ال nano : اكبر من الsuffleخفيف بعد ... له شاشه وكاميرا ويستوعب دبل ال shuffle او مرتين دبل و له 9 الوان ... تقريبا دبل سعر اللي فوق .

ال classic : اكبر من ال nano مو خفيف مقارنه بالاثنين اللي فوق ... المساحه الاستيعابية 160Gb يعني خيالي مقارنه فيهم تحط فيه ملفات لين تقول بس ... الشاشه اكبر من الnano متوفر بس بلونين اسود و ابيض ... اغلى من ال nano .

ال touch : ال 8Gb ماله داعي ويكون بطيء فمشطوب من الحين ... 32Gb وفوق ... الجهاز تقريبا الاختلاف كبير بينه وبين اللي فوق ... الاشاه كبيره ولمس ... يشغل ملفات موسيقيه و فيديو
ويقدر الواحد ينزل له برامج ... بس المشكلة يمكن مستقبلا اشتري iphone .

فإيش تنصوحوني محتار صراحه !!!
بحكم ان كثير اعضاء لهم خبره في هالمجال ... و ما ادري عن اعطال الاجهزه بعد ؟!
 
الحلو انك ذكرت مواصفات الاجهزة و نسيت تقول انت شو محتاج بالضبط لول
ما اعتقد ابل نزلت كل الاحهزة الا و هي عارفه ان كل شخص و له شي معين يباه في الايبود اللي بياخذه
بكل بساطه شوف نفسك شو محتاج ..
هل محتاج جهاز صغير بس علشان الاغاني .. عندك النانو اشوفه الافضل .. او ايبود مع برامج و العاب كثيره .. طبعا التوتش هنيه هو الافضل.
بس بما انك تبى تاخذ الايفون مستقبلا ... فاحسن تتريا شوي و تاخذ الايفون مره وحده لان الايبود اللي فيه بعد ممتاز.
 
وخر عن الـ شفل والـ كلاسيكـ ..!
ليه ..؟
الـ شفل يذبح في اختيار الاغاني وسرعته ليست بسرعة الكلاسيك و النانو ..!
الـ كلاسيكـ نفس النانو بالضبط اللهم حجم اكبر وسعة تخزين اكبر .. منت محتاجها السعه هذي لأنكـ صعب تشوف فلم على شاشة الكلاسيك >< .. صحيح انكـ ممكن تشوف .. بس عذاب ..!
.
.
النانو او التتش ..
[ هذي نظرتي للايبودز ]
 
zlatanovic قال:
وخر عن الـ شفل والـ كلاسيكـ ..!
ليه ..؟
الـ شفل يذبح في اختيار الاغاني وسرعته ليست بسرعة الكلاسيك و النانو ..!
الـ كلاسيكـ نفس النانو بالضبط اللهم حجم اكبر وسعة تخزين اكبر .. منت محتاجها السعه هذي لأنكـ صعب تشوف فلم على شاشة الكلاسيك >< .. صحيح انكـ ممكن تشوف .. بس عذاب ..!
.
.
النانو او التتش ..
[ هذي نظرتي للايبودز ]
أنقر للتوسيع...

نفس الراي
النانو او التاتش

انصحك اول شي بالتاتش بس اذا كنت بتاخذ ايفون مستقبلا اخذ النانو
 
iCon قال:
الحلو انك ذكرت مواصفات الاجهزة و نسيت تقول انت شو محتاج بالضبط لول
أنقر للتوسيع...

مايهم اي واحد منهم انا محتاجه للطريق ولهذا الشي :sweat:


على العموم شباب ما شاء الله عليكم كفيتو و وفيتو
ان شاء الله باخذ ال nano :razz::
يعطيكم العافيه :happy:
 
أخوي خذ التتش...
تستفيد من البرامج والحركات إللي في الـApp store كمان 🙂

أما إذا كنت بتشتري آيفون قريباً... خذ نانو، لكن لو عندك كمية أغاني هاااائلة خذ الكلاسيك <<< مرة ساعدت الصراحة هههههه :laugh::
 
اذا على كلامك بتشتري آيفون مالك الا النانو والكلاسيك
يعني اذا عندك فوق 5000 اغنية + صور ومسلسلات و بودكاستس خذ لك كلاسك
اذا ماعندك اغاني كثيرة خذ لك النانو
 
في حاجة الأغلبية ما تدري عنها إلا وهي أن الـClassic هو الأقوى (أو بمعنى ثاني، أوضح أو أنقى صوت) من بين كل الـiPods. فإذا كنت تبحث عن الـPerformance فما لك إلا الـClassic. أما إذا كنت ناوي على جهاز يفتقر للمواصفات لكن غني بالـApplications فخيارك الوحيد هو الـTouch.

أما الـNano فيعتبر Classic بمواصفات أضعف و مساحة أصغر. أفضل من الـTouch لكن مو أحسن من الـClassic

بطريقة أخرى: Classic > Nano > Touch
 
ما اشور عليك يا صاحبي ..
ِانت اختار الي يناسبك .
لو تسألني شخصياُ راح اختار classic و لو تسألني لي بقول هو يناسبني ..
 
نفس الكلام واحد من العيال يقول لي امس خذ ال Classic
لأن مساحة الاغاني اللي عندي اكثر من 16Gb غير البودكاست
ان شاء الله بقرر ... الكفه لصالح ال Classic
 
تبغاه للطريق (السيارة)؟ لا تدور غير الكلاسيك، جودة تصنيع خارقة ومساحة كبيرة وسعر ممتاز ويتحمل ويدوم.

التتش غير عملي أبدا في السيارة واللمس بيتعبك، والنانو مو بقوة الكلاسيك.

كلاسيك 120 جيجا وارفع إيدك.
 
النانو حبيب قلبي ....... خفيف وتاخذه معاك حيث ما رحت

واذا كنت انسان رياضي حتعشقه اكثر واكثر :wink::

اما من ناحية المساحة , اذا كنت بتستخدمه فقط للاغاني ما اشوف ان المساحة مشكلة ابدا وما أعتقد ابدا انك تعاني
الواحد عمليا حيحط الFavorites Songs اللي يفضلها مش يدحش اخت الالبوم كله :laugh::
 
التعديل الأخير:
معي ابو ٨٠ الكلاسيكي من سنتين او يمكن ثلاث سنين ... ممتاز جداً للي بيستخدمه في السيارة او و هو جالس يقرا او في الطيارة او في اي نشاط يكون الواحد فيه جالس ... و سيء جداً للي بيستخدمه و هو يتمرن او يمارس اي نشاط حركي او و هو واقف الا اذا كنت لابس ثوب او قميص و تحطه في الجيب اللي فوق

الكويس فيه انك ما بتقعد كل يوم و الثاني تمسح و تنسخ ... كل اللي تحتاجه موجود فيه ... بس ضبط لك عدد من البلاي ليستس و ما بتحتاج تشبكه في الجهاز الا مرة في الشهر او الشهرين ... الفيديو عمري ما استخدمته و لا استفدت منه ... فقط جربته لما شريته و اتضح ان حجم الشاشة ما يشجع كثير على الاستفادة منه ... و كذا صار استخدامه بالنسبة لي حصر بين الموسيقى و الكتب الصوتية

بالنسبة للجودة التصنيعية تراني دايماً اقطه في السيارة في الحر (طبعاً في الدرج موب معرض لاشعة الشمس مباشرةً) ... و الى اليوم شغال معي تمام ... ما تأثر بالحرارة ... ما نقص عمر بطاريته ... مع ان استعمالي له نوعاً ما عنيف

بالنسبة لاستخدامه مع السيارة ... جربت شريط ابو سلك و جربت الادابترز اللي تبث الصوت على الاف ام و اتضح ان الشريط افضل بفرق شاسع ... لكن في الاخير غيرت المسجل و ركبت بداله واحد معاه مدخل AUX و صرت اتمتع بجودة في الصوت مقاربة جداً لجودة السيدي
 
شكرا منصوري عالموضوع.. جا بوقته :grin:

عموما أنا شبه قررت عالنانو.. بس كيف جودة الصوت مع الـFM tuner حقه؟ وهل يفرق الكواليتي بين الشركات ولا نفس الشي؟ ويركب عليه نفس اللي يركب عالكلاسيك ولا لا؟
 
انا عن نفسي وبعد تجارب لي كثيرة مع مشغلات الام بي 3 فانصحك تاخذ زون

حاليا الزون Hd اعتقد انه افضل مشغل ام بي 3 خفيف جدا وسريع والبطارية طويلة جدا جدا ...

ولكن اذا كنت تريد اي بود ببساطة خذ الكلاسك اذا كانت الاغاني لديك كثيرة واذا كانت قليلة خذ النانو ...
طبعا النانو من مميزاته انه اسرع من الايبو د كلاسك في الاستجابة و البحث عن الاغاني
 
mar1 قال:
انا عن نفسي وبعد تجارب لي كثيرة مع مشغلات الام بي 3 فانصحك تاخذ زون

حاليا الزون Hd اعتقد انه افضل مشغل ام بي 3 خفيف جدا وسريع والبطارية طويلة جدا جدا ...

ولكن اذا كنت تريد اي بود ببساطة خذ الكلاسك اذا كانت الاغاني لديك كثيرة واذا كانت قليلة خذ النانو ...
طبعا النانو من مميزاته انه اسرع من الايبو د كلاسك في الاستجابة و البحث عن الاغاني
أنقر للتوسيع...
الـZune HD لمس وما ينفع للسيارة، هو يقدر ياخذ الزون الأول 120 جيجابايت ولكن ما أشوفه خيار يفرق عن الiPod Classic 120GB في شيء، يعني هذا أو ذلك ما تفرق.
 
Zero قال:
الـZune HD لمس وما ينفع للسيارة، هو يقدر ياخذ الزون الأول 120 جيجابايت ولكن ما أشوفه خيار يفرق عن الiPod Classic 120GB في شيء، يعني هذا أو ذلك ما تفرق.
أنقر للتوسيع...

فرق الزون 120 عن الايبود 120
هو ان الزون كوالتي الصوت فيه احسن
الشاشة في الزون اكبر
راديو اف ام ولو هو غير مهم
القوائم اسهل
نقل الاغاني من الابتوب الى الزون واير لس


بالمناسبة انا عندي الجهازين يعني لست منحاز الى احد
 
غريبة الكلاسيك هنا 160Gb , عندكم 120Gb ؟؟
معليش شباب انا اقصد بالطريق مو السياره , قصدي "مشي" او كعابي :tongue: ... نسيت كيف اسوق سياره صار لي نص سنه ماسقت 🙁
 
Mista Koo قال:
شكرا منصوري عالموضوع.. جا بوقته :grin:

عموما أنا شبه قررت عالنانو.. بس كيف جودة الصوت مع الـFM tuner حقه؟ وهل يفرق الكواليتي بين الشركات ولا نفس الشي؟ ويركب عليه نفس اللي يركب عالكلاسيك ولا لا؟
أنقر للتوسيع...

في انواع تجيك جاهزة لجميع أنواع الآيبود و يركب عليها حتى الآيفون (شحن فقط)

اسوأ وسيلة لاستخدامه في السيارة هي استخدامه مع الراديو ... لما كنت استخدمه كانت تمر من جنبي سيارات فيها نفس القطعة و يحصل تداخل في الموجات !!
 
mar1 قال:
فرق الزون 120 عن الايبود 120
هو ان الزون كوالتي الصوت فيه احسن
الشاشة في الزون اكبر
راديو اف ام ولو هو غير مهم
القوائم اسهل
نقل الاغاني من الابتوب الى الزون واير لس


بالمناسبة انا عندي الجهازين يعني لست منحاز الى احد
أنقر للتوسيع...
أتفق معك في كل شيء وعارف كل هالأشياء وحتى لو ما كنت منحاز أنا شخصيا بنظري الزون والزون HD أفضل مشغلين MP3 في فئاتهم :wink::، بس كنت أنه لو في السيارة الشاشة ما تهم وبعض الأشياء الأخرى ما تهم وفي هالحالة الأهم هو استعمال الجهاز وجودة الصوت اللي غالبا بتكون ممتازة جدا على أي حال لو سماعات السيارة ممتازة وطريقة التوصيل ممتازة.

يمدحوا النانو ما دام السالفة مشي أو "كعابي" :xd:، بس أنا شخصيا أفضل الزون HD لكن أحسك مصر على الآيبود مع أنك ما قلت هالشيء ولا ذكرته في الموضوع :xd:
 
ما ودي أدخل في موضوع مقارنات لكن إذا كنت تدقق من ناحية الجودة الصوتية فأنصحك تاخذ Zune HD لأنه في فرق ملحوظ بينه وبين سلسلة iPod ، من جانب ثاني أقول لك أبعد عن الـShuffle حتى وإن كان هدف استخدامك للرياضة لأنه عن تجربة شخصية البديل الموجود أفضل وهو النانو .. ممتاز جداً للمشي بالذات مع الإكسسوارات المخصصة له ،أما من ناحية التحمل فأجهزة اَبل غالباً ما تكون جيدة جداً تصنيعياً لأني حرفياً حللت أبو الجهاز اللي عندي وما شاالله شغال للاَن .

الـTouch و الـClassic أجهزة ثقيلة نسبياً و أشوفها غير مناسبة للمشي أو لأي رياضة ثانية ، في النهاية الموضوع يرجع لإستخدامك الشخصي وإنت أدرى بطبيعة الحال .
 
Zero قال:
أتفق معك في كل شيء وعارف كل هالأشياء وحتى لو ما كنت منحاز أنا شخصيا بنظري الزون والزون HD أفضل مشغلين MP3 في فئاتهم :xd:
أنقر للتوسيع...

الحمد لله وجدت اخيرا شخص يتفق معي على ان الزون العادي والزون HD هم الافضل في فئاتهم ..
لان الاغلبية على الاقل في بلدي لا يعرفون ماهو الزون اصلا .

الشيء الوحيد الي يزعجني في الزون HD هو منفذ السمعات بجانب منفذ الشحن :angry::
 
يجب تسجيل الدخول أو التسجيل كي تتمكن من الرد هنا.
عودة
أعلى