hits counter

محتاج شوركم بخصوص العملية ...

Nintendo قال:
محمود نصيحه مني ...

صلي صلاة الاستخاره 🙂

وبعدها ان شاء الله ربنا راح يوفقك في اختيارك .. عموما اذا نويت تسويها راح ندعيلك بالتوفيق وترجع لنا سالم معافى واذا قررت تاجلها لبعد E3 😉 يكون افضل ..
أنقر للتوسيع...
من جد صلاة الاستخاره تأثر وبقوه!!

صلي وادعي ربك..
 
استخر واستشر
ثم توكل على الله بدون أي تردد في اختيارك..

بالتوفيق يا محمود في اي القرارين اخترت..
 
Nintendo قال:
محمود نصيحه مني ...

صلي صلاة الاستخاره 🙂

وبعدها ان شاء الله ربنا راح يوفقك في اختيارك .. عموما اذا نويت تسويها راح ندعيلك بالتوفيق وترجع لنا سالم معافى واذا قررت تاجلها لبعد E3 😉 يكون افضل ..
أنقر للتوسيع...

واذا ما كان في مجال تأجل العملية راح نكلم لك ونأجل E3 الى اشعار اخر .. الشباب راح يثوروا علي خخخخ


وانا مع عمر وعبد الله ... اذا كنت محتار ومتردد لهذي الدرجة ليش ما تعملك استخارة افضل لك اخوي ..

صديقي اجريت له العملية قبل كم يوم بس هو يستخدم الكمبيوتر عادي يقول فقط اليوم الأول والثاني منعوه من ذلك و الدكتورة الى يسيرلها وحدة المانية مشهورة في العالم وحصلت على جوائز فنا اعتقد انهم بالغوا شوي لما قالولك شهر كامل .. في النهاية الأمر يرجعلك انت اخوي وانت الى بتقرر ... بالتوفيق 🙂
 
ممكن يكون ردي متاخر... لكن على العموم..

انا مسويها...بتريحك كثيييييييييييير
كلها اسبوع الي بتتعذب فيها

-اول يوم من بعد العمليه ما تقدر تفتح عيونك..ليش؟ لان كل ما تفتحها بتدمع عيونك كثيير
انا هذاك اليوم نمت كله اخذت panadol night و نمت طوووول اليوم ما قدرت استحمل lol
كمان ما بتشوف زين اول كم يوم...بيكون في مثل الضباب.

-ثلاث ايام بدون ما تشوف tv, computer...etc.

-بعد ثلاث ايام انا الدكتور قالي عادي بس حاول ما تطول و انت تشوف الشاشه
..يعني مو اكثر من ساعه و نص...(وخليك لابس نظارات شمسيه)

-اول اسبوع ما تطلع في الشمس..الا اذا كان شي مهم و حاول تغطي عيونك بنظارات شمسيه.

- بيعطونك قطعه بلاسكت تغطي فيها عيونك قبل ما تنام لمدة اسبوع.

- و طبعا القطرات الي تحطها.

و انشاء الله بعد اسبوع بتكون 100%
اصلا بتشوف الفرق في اول ثلاث ايام.

بالتوفيق انشاء الله. 🙂
 
التعديل الأخير:
انا بصراحة هندي رعععععب كبييييييييييير من العمليات...

انا برضو عندي ضعف نظر فظيييييييييع لدرجة لو انت بعيد عني تقريبا 100cm ما اعرفك لذلك انا فضلت اضحي واعتمد على النظارات...

بالنسبة لك استخير واتوكل على الله ولا تروح مسشفيات مهوية الله يخليك ما ابغى يصير لك شي لا سمح الله...

بالتوفيق والسلامة يا عسل
 
شباب ... شكرا لكل واحد فيكم رد ... شخص شخص رد علي و شجعني و تمنى لي التوفيق ... ماراح أنسى لكم جرعة الشجاعه الي عطيتوني اياها بكلامكم لي 🙂

كنت متردد لدرجة كبيرة ... الى أن قريت ردودكم الي فعلا ساعدتني لدرجة ما تتصورونها في اتخاذ القرار .

ان شاءالله باجر العملية ... و الله العالم المدة الي راح أغيب فيها عنكم ... و لكن راح تظلون دائما على بالي ... شكرا لكم من جديد و ان شاءالله أشوفكم من جديد بعد فترة أتمنى ما تكون طويلة 😉

i'm missing you guys already ;_;
 
التعديل الأخير:
لا شهر و لا اسبوع :cry:


انا امي بس 3 ايام و اليوم الرابع قامت تشتغل على الكمبيوتر كل معتاد ._.

ادي u won't miss me
لاني معاك 24 ساعة لول
good luck
 
أخوي نيستا ،،،

غريب خويك تدمع عيونه ،،،

لأنه طبيًا عملية الليزك الشرارة اللي تطلع تجفف العين ،

يعني مستحيل ثم مستحيل تدمع عين الشخص كثير بعد العملية ،

يعني تدمع بمستوى معقول نظرًا للتربة والأدخنة ،،

يمكن زميلك ما أجرى عملية ليزك ،
يا ليت تتأكد وتوضح لكاتب الموضوع اللي أسأل الله أن يهون عليه أمره ويسهلها عليه ،،
وإن شاء الله ناجحة ،،،
 
سويت العملية !!!!

YeeeHaaaa !!!!

لول .. مادري مين الي كان يقول (( راح أغيب شهر )) 😛

الدكتور سمج لي أني أجلس على الكمبيوتر باليوم الثاني و لكن لمدة نص ساعه فقط مع عدم ارجهاد العينين و اراحتهما ^^"

Any way خلوني أقول لكم الي صارلي في العملية .

بس بالأول أحب أشكر Ash على اتصاله علي قبل العملية و تذكيري أنه معاي و قاعد يدعي لي طول الوقت .. مما أراحني هالشي كثير .. فشكرا فيصل u r really a great friend 🙂

و أيضا أشكر Werner الي ظل معاي طوال يوم أمس يوم العملية .. و كونه آخر واحد كلمني بالتلفون قبل دخولي غرفة العمليات و بعد خروجي منها مما فعلا أعطاني الشجاعة ... شكرا حمد very much ^^

المهم الحين أقولكم عن العملية .

أول شي عطوني 3 قطرات بنج للعينين و بعدين تمددت على طاولة العمليات و الطبيب وضع مثل مشبك علشان يثبت جفون عيوني .. بعدين وضع مثل حلقة و دعسها داخل عيني و لفها حوالين بيضة العين و بدأ يضغط و يضغط ختى خلاص حسيت أن العين راح تنبط (( العين اليمين ما حسيت بالضبط كثير و لكن اليسار OMG ألم فظيع !! ))

بعدين وضع مثل شي ثالث على العين .. و مسك شي و بدأ يحركة على عيني و أنا أحس فيه بس مافي ألم .. فجأة .. صار ظلام .. راح البصر اختفى !!!!!!!

الدكتور لاحظ أني انصدمت فهدأني و قالي هذا شي مؤقت .. بعد شوي رجع لي البصر و بديت ألاحظ ضوء أحمر في الأفق .. قالي الدكتور لازم أركز عليه فركزت عليه و طلع ضوء أخضر و بدأت عملية تعديل البصر الي ما وعيت فيها الا بس بصوت الازعاج و ريحة حرق !!

بعد 4 دورات في مما أسميه أنا عملية الضوء الأخضر 😛 بديت أحس نفسي كأني ملقى بمكان بعيد و كأني مو قاعد أشوف الا بس من عدسة الكاميرا الي قاعدين يقطرون عليها الماي و يمسحونها و ينظفونها .. بس الفرق طبعا أني قاعد أحس أن هالأشياء قاعده تصير على عيني لأنهم مو قاعدين ينظفون عدسة الكاميرا بس مقلة عيني 😛

بعد انتهاء العملية الي مادري كم استغرقت .. بديت أشوف الرؤية ضبابية جدا .. طلعت من العياده و أنا متحمس لأن على بالي أن الجزء الأصعب و هو العملية انتهى و من شدة انبساطي رحت اشتريت عشى من ماكدونالدز و قالوا لي آكل العشا بالسيارة و لكني أنا قلت لااااا أنا ما آكل بدون ما أغسل ايدي بروح آكل في البيت ... و ياليتني سمعت كلامهم و أكلت بالسيارة .

لأني وصلت البيت .. البنج كله اختفى و كل الي صارلي بالعملية (( من تقطيع العين و الضغط على العين و الممسحه على العين )) كله حسيت فيه فجأة و بدأت أتألم ألم فظييييييييييييييييييع ...

صكرت كل الأضواء و حاولت أنام ما أقدر .. أحس بسكاكين صغيره موجودة في عيني . قاعد أنوح و أأئن من العلم و صرت كل شوي أطلع من الغرفه و أنا مغمض عيني و لابس نظاراة سوده و قاعد أتحسس طريقي في ممرات البيت عند طريق الطوف و كل شوي أجلس عند أحد من أهلي .

فعلا فعلا فلا ما توقعت هالآلام الفظيعه بعد العملية .. من جد ألم مستحيل تتصورونه لدرجة أني بالنهاية بعد كم ساعه لما نمت ما نمت من النعاس .. بل نمت من كثرة الألم .

قمت الصبح و الحمدالله كل شي طبيعي الا مجرد جفاف .. و عيني صايره حساسة لدرجة كبيرة من الضوء .


So I'm Fine Now ... ^^

و اعذروني ما أقدر أكتب المزيد لأن بدأ يصير فيني صداع و أحس بارهاق طفيف .

أشوفكم عما قريب 😉
 
التعديل الأخير:
الحمد لله على السلامة محمود 🙂 ..
 
الحمد لله على السلامة و ان شاء الله ما تشوف شر أبدا محمود

أنا مبسوط انك بتقدر تفتح الكمبيوتر حتى لو لفترة بسيطة عشان ما تمل.. و أهم شي عشان تشوف المفاجأة :razz:
 
الحمدلله عالسلاااااااااامة .. وما تشوف شر ان شاء الله! .. اجر وعافية 😀

عاد لا تطول عالنت وايد .. ولا تعب عمرك هذة عينك .. اغلى شي يملكه الانسان :wink: ..
 
الحمدلله على السلامة محمود 😉 على جذي نبي نسوي اجتماع في الكويت نتطمن على حالتك ونجمع الشباب .. شرايك !؟ :question:
 
الحمد لله على سلامتك

بس تراك خوفتني منها ، خليتني انسى الموضوع

يسعدنا عودتك للمنتدى
 
الحمدالله على السلامه محمود ^^
امس انا وناصر بغينا ندق عليك بس مادري شنو الي نسانا -_-
المهم الحمدالله ان كل شي خلص الحين ونشوفك على خير ان شاء الله
 
حمدلله عالسلامه يالغالي ...
 
حمد لله على السلامه محمود ما تشوف شر والله أنشاء الله يرد لك بصرك الصاع صاعين:razz:
وانشاء الله يصير بدل ما تلبس نظاره تطلع ليزر من عيونك>>>راح خياله بعيد شكله متأثر بالأفلام:razz:
أنشاء الله تكون متواجد معانا خلال ها الفتره لأنه ألك طعم مميز بالمنتدى وبالتوفيق لك أنشاء الله😎
 
الحمد لله على السلامة محمود🙂

اجر وعافية ان شاء الله
 
اخوي Final Fantasy .... الحمد لله على السلامة .... وان شاء الله تكون العملية ناجحة

اخوي Evolution ... بالنسبة لخوي ... هو مسوي العملية من حوالي 4 سنوات لكن اثار العملية مازالت عليه

انا صراحة اشوفه لما نتجمع ...كثير يدمع.... طول الوقت .... قبل العملية يوم كان يلبس نظارة ماكان يدمع!!!


 
NESTA قال:
اخوي Final Fantasy .... الحمد لله على السلامة .... وان شاء الله تكون العملية ناجحة

اخوي Evolution ... بالنسبة لخوي ... هو مسوي العملية من حوالي 4 سنوات لكن اثار العملية مازالت عليه

انا صراحة اشوفه لما نتجمع ...كثير يدمع.... طول الوقت .... قبل العملية يوم كان يلبس نظارة ماكان يدمع!!!


أنقر للتوسيع...

أول شي الحمدلله على السلامة ،

وبالنسبة لخويك يا نيستا ، صدقني ما سوى ليزك ، يمكن لعبوا عليه وقالوا له ليزك ،
لأنه طبيًا العين تجف فما تدمع بل بالعكس أي واحد يجرونها يعطونه قطرات علشان يرطب الجفاف اللي في عينه !
وقبل 4 سنين ما كانت منتشرة في السعودية عمليات الليزك + إنها كانت غالية بالحيل وكانت بعض المستشفيات تلعب على خلق الله تسوي لهم ليزر او اكزيمر وتقول ليزك ، وهذولي هن اللي يتعبن العين ....
مرة أخرى الحمدلله على سلامتك أخوي فاينل فانتسي ، وما أدري رحت لهم مرة ثانية يقيسون نظرك ؟ لأنه شي ضروري وحبيت أوضح لك هالشي لو نسيته أو ما قالولك ...
 
Evolution قال:
أول شي الحمدلله على السلامة ،

وبالنسبة لخويك يا نيستا ، صدقني ما سوى ليزك ، يمكن لعبوا عليه وقالوا له ليزك ،
لأنه طبيًا العين تجف فما تدمع بل بالعكس أي واحد يجرونها يعطونه قطرات علشان يرطب الجفاف اللي في عينه !
وقبل 4 سنين ما كانت منتشرة في السعودية عمليات الليزك + إنها كانت غالية بالحيل وكانت بعض المستشفيات تلعب على خلق الله تسوي لهم ليزر او اكزيمر وتقول ليزك ، وهذولي هن اللي يتعبن العين ....
مرة أخرى الحمدلله على سلامتك أخوي فاينل فانتسي ، وما أدري رحت لهم مرة ثانية يقيسون نظرك ؟ لأنه شي ضروري وحبيت أوضح لك هالشي لو نسيته أو ما قالولك ...
أنقر للتوسيع...


فعلا اخوي Evolution.... كلامك واقعي ... لأن انا اخوي مسوي الليزك قبل 4 سنوات ((ولله الحمد))

ماصار اللي صار لزميلي... عموما انا بس حبيت اني احذر اخوي Final Fantasy

علشان مايصير له نفس اللي صار لزميلي فقط... تعرف الحذر واجب


اخوي Evolution ... اشكرك على مداخلاتك الرائعة والهادفة والتي فيها الكثير من التقدير والاحترام ... فعلا نفتقد

مثل اسلوبك هذه الايام....
 
الف الحمد لله على السلامه .... و ان شاء الله عن قريب ترجع تنور مثل اول و اكثر .
 
الحمدلله على السلامه وماتشوف شر ان شاء الله
 
الحمد لله على السلامة .. 🙂
 
الحمد لله على السلامة محمود ^^ ..
 
الف الحمدالله عل السلامة محمود الغالي
انشاء الله تتعافى بسرعة
و لا تعب حالك كتير هل الفترة ريح حالك احسن و نحنا ناطرينك لما تقدر ترجع بامان
 
ثاااااااااانكيوووووووووووووووو جمييييييييييييييييييعااااااااااااااااااااااا


من كل قلبي و أقولها لواحد واحد فيكم ... شكرا و الله يعافيكم و شر ما ييكم ... كان بودي أرد على واحد واحد فيكم لأن كل شخص فيكم أعتبره انسان مميز و لكن سامحوني و اعذروني ما أقدر اطول بالكتابة لأن عيني بسرعة تتعب من الجلوس أمام الكمبيوتر .

و أنا عملت فحص أمس و الحمدالله كل شي تمام و ماشي على ما يرام حتى رحت و تجمعت مع أصدقائي (( آش و محترم و جيزاسو و وينر و أريكادو و بقية الشباب الطيبة )) و سوينا مأدبة صغيره بمناسبة العملية ^^"

أكرر شكري لكل واحد فيكم من جديد ... ردودكم أسعدتني جدا :_:
 
الحمد لله على السلامه اخوي محمود ^^
وسامحنا عالتأخير >_<
 
يجب تسجيل الدخول أو التسجيل كي تتمكن من الرد هنا.
عودة
أعلى