مايكروسوفت تصدر تصريح بخصوص تأجيل لعبة Black Myth: Wukong على الـ Xbox
- بادئ الموضوع SuperC
- تاريخ البدء
-
- الوسوم
- black myth: wukong microsoft
- الحالة
ولما استحوذت على ماين كرافت ؟ هل حصرتها وقتها ؟
كل الشركات تبي تكون رقم ١ وتتفوق على المنافسين .. لكن عطيتك أمثله واقعيه ان مايكروسوفت وننتيندو عمرهم ما كان عندهم هدف إقصاء المنافسين نفس الي موجود في فلسفة شركة سوني من وقت تأسيسها !
يكفي اول إعلان لهم عن سعر جهازهم PS1 كان ضربة لتدمير سيجا
وبوقت من الاوقات ننتيندو كانت تخاف تعلن عن اجهزتها قبل سوني .. لان بتصريح رسمي منهم يخافون سوني تسرق افكارهم ارجع للتاريخ اخوي 😅
كل الشركات تستحق الانتقاد .. وهالأمور مب هجوم على سوني بل هو واقع حقيقي .. سوني اكثر شركه Toxic موجوده في السوق
وعندهم قاعدة معجبين ضخمه جدا لكن كلهم مستحيل ينتقدون تصرفات الشركه المضره بالمنافسين
ستديا تنافس بلاستيشن ٥ ؟
اظن انت مو مستوعب من سوني تشوفه منافس ومن لا
نزلوها على ستديا دليل ان كابكوم ما عندها مشاكل بالموضوع .. لكن شوف من عنده مشاكل
MOSU
قائد حزب نومورا
اصلا وقتها كان وضع مايكرو صعب ومن الغباء حصرها
مايكرو ايام ال 360 جلدت سوني جلد وحاولت تحتكر السوق
ونفس الشي نينو محتكرة سوقها الخاص واي احد يحاول يجي ينافسه فيه تجلده جلد مبرح ايام المحمول الدي اس ولثري دي اس ضربت سوني ضربات موجعة لدرجة سوني خرجت من المحمول
فيعني مدري ايش قاعد تقول الكل يفكر بطريقة سوني لكن كل واحد له طريقته الخاصة ولا الكل يعرف ينفذ طرق سوني
ASWD
True Gamer
فعلا من غير المنطقي توضيح الواضحات
اغرب حصرية شكلا وتفصيلا ومضمون تمر عليي كجيمر..لما وصلت اللعبة مراحلها الاخيرة فجاة قرر طرف حصرها لمدة شهور فقط بدون تسويق وبدون توضيح انها حصرية جهازهم لا دعايات لا بنرات لا تغريداتوفي وقت قاعدة تغلق وتسرح موظفين لتقليل النفقات..وحصرية لعبة ماهي من مطور مشهور ولا سلسلة معروفة ولا استوديو متعود أصلا يطور لاجهزتهم او للكونسلز
اقلها طيب بيساعدونه على التوزيع وحل ازمة نسخ الفيزكال اللي الفريق عاجز يحلها بنفسه ابد..مع ان الحصر ماهو شي مستبعد بس بالأسس المتعارف عليها مو بالصامت لول
فالنهاية..حدث العاقل بما يعقل..اقلها من اللي واضح للعيان وللعلن بعيدا عن التخمين والاحتمالية
اغرب حصرية شكلا وتفصيلا ومضمون تمر عليي كجيمر..لما وصلت اللعبة مراحلها الاخيرة فجاة قرر طرف حصرها لمدة شهور فقط بدون تسويق وبدون توضيح انها حصرية جهازهم لا دعايات لا بنرات لا تغريداتوفي وقت قاعدة تغلق وتسرح موظفين لتقليل النفقات..وحصرية لعبة ماهي من مطور مشهور ولا سلسلة معروفة ولا استوديو متعود أصلا يطور لاجهزتهم او للكونسلز
اقلها طيب بيساعدونه على التوزيع وحل ازمة نسخ الفيزكال اللي الفريق عاجز يحلها بنفسه ابد..مع ان الحصر ماهو شي مستبعد بس بالأسس المتعارف عليها مو بالصامت لول
فالنهاية..حدث العاقل بما يعقل..اقلها من اللي واضح للعيان وللعلن بعيدا عن التخمين والاحتمالية
hussien-11
Senior Content Specialist
سمحوا بإصدار وندرفول 101 و فاتل فريم على بقية الأجهزة.
MOSU
قائد حزب نومورا
هذي في الغالب امور تخص عقود الملكية بين الطرفين هذا تفسير منطقي اكثر من سالفة حب المنافس الغير منطقية في لغة التجارة
hussien-11
Senior Content Specialist
يكفي ننتيندو طلعت من المنافسه .. تبي مبادره اكثر من هذي ؟
وموضوع مونستر هنتر هذي جات على تكملة نجاح نسخة الوي .. لان كابكوم وقتها ما كانت تضخ ميزانية في اللعبه والڤيتا كان سوقه ضعيف
يعني ال 3ds انسب
ASWD
True Gamer
كلن يبرر ويطبل لحزبه
اجل طلعت من المنافسة..اوكاي
ماسمحت هم مايملكون العنوان أصلا..عقد انتهى وصار ممكن تنزل على اجهزة اخرى+ما انتفعت او هالالعاب سوت تغيير للشركة عشان تتشبث بعقود حصريتها
التبريرات الحين بتنزرع مثل البطاطا عشان ترجيح كفت بوتي وتصريحه
😅
hussien-11
Senior Content Specialist
Veeto
True Gamer
اللي هي مو لعبتهم !
hussien-11
Senior Content Specialist
لول
ألعابهم، وندرفول 101 مملوكة لهم
+
سلسلة فاتل فريم مملوكة لكوي تيكمو، لكن الأجزاء الرابع و الخامس و ريميك الثاني مملوكين لننتندو
فاتل فريم نفس وضع بايونيتا، مالك السلسلة قرر إيقاف الاستثمار فيها، فقررت ننتندو تتبناها لتمييز منصتها و مولت الألعاب بنفسها وملكية هالألعاب مشتركة بينها و بين كوي تيكمو
نينتندو تصدر جهاز ايش؟ جهاز فيديو جيمز، موجهة لمين؟ الجيمرز، ايش المنتجات اللي تنزل على الجهاز؟ ألعاب.
مسالة انه نينتندو ما تنافس او اخترعت سوق جديد لحالها من أسخف التبريرات اللي سمعتها يعني لكل واحد يحب يطلعها من النقاش حسب مزاجه، بس هذا من قوة ما هي تحلق بفضاء بعيد عن المنافسين لدرجة صارت بليفل لحالها.
ايام ال 360 صحيح مايكرو كان هدفها كسر هيمنة سوني في السوق وقلت لك هذا هدف الشركات كلها التفوق ويكونون الأنجح
لكن ايضاً بفضل كبير من مايكروسوفت، موضوع حصريات الطرف الثالث تغير شكله لجيلين كاملين والان فقط بدأ يرجع مره ثانيه من نفس المنافس ( سوني )
يعني ردا على الموضوع المطروح بخصوص بلاك مث ، لاتستبعد هالحركات من سوني
بخصوص الڤيتا سوني طلعت منه بسبب نظرتها ان هذا السوق صار حكر للايباد والاجهزه المحمولة ، من البدايه ما عندهم إيمان في السوق نفس الموجود عند ننتيندو الي تحملت تراجع ال 3ds لنصف نجاحات ال DS وكملت والان تمتع بالنجاح لوحدها
ومع ذلك في منافسين في سوق المحمول، ننتيندو ما قربت صوبهم ( ستيم ديك والخ )
تبسيطك للموضوع هو التبريرات الغريبه 😅
في شي اسمه Target audience الشركات تتوجه له ، وفي Hardcore gamers وفي Casual gamers
سوق المحمول مثلا مب نفسه سوق الكونسول … لو الاثنين يصدرون العاب
مايصير تقول الجيم بوي ادفانس كان ينافس ال PS2 مع ان الاثنين نفس التفره الزمنيه
وبعدين سوني وننتيندو ومايكرو يعترفون بنفسهم من ينافسهم ومن لا … انت تعرف اكثر منهم ؟
ryo hazuki
True Gamer
SuperC
True Gamer
في ناس ما راح تصدق الين سوني بنفسها تجي و تعترف أنها عملت صفقة .. هذا من الآخر
لكن بما أن فيه اللي ما يصدق الا بدليل قطعي .. وين الدليل أن السيريس s هو سبب تأجيل نسخة أجهزة السيريس ؟
الفريق قال optimizations ما جاب طاري سيريس s و لا غيره
ما ينفع تنفي نظرية بحجة أنها "مؤامرة" و تجي تتبنى نظرية أخرى
لكن بما أن فيه اللي ما يصدق الا بدليل قطعي .. وين الدليل أن السيريس s هو سبب تأجيل نسخة أجهزة السيريس ؟
الفريق قال optimizations ما جاب طاري سيريس s و لا غيره
ما ينفع تنفي نظرية بحجة أنها "مؤامرة" و تجي تتبنى نظرية أخرى
The Doctor
Once a Voyager on a Cursed Sea
خخخ مو من طيب قلوبهم. نفس اللي حصل مع ماينكرافت... وضعهم في السوق سيء جداً فحصر هالالعاب لمنصتهم بيضر الألعاب أكثر من ان ينفع جهازهم، بكل بساطة.
مافي شركة ترحب بالمنافسين، ولا في بادرة ترحيب من أحد. الشركات شغالة في نظام رأسمالي هدفها تحقيق إحتكار فعلي بدون إيقاظ هيئات المنافسة.
ذاكرتنا مو قصيرة. أيام لما ال360 كان متقدم، اكسبوكس اللي كانوا يعارضوا الكروس بلاي، ولما اكلوا هوا مع الاكسبون قلبوا موقفهم.
الشركات تبحث عن مصلحتها مو مصلحة المستهلك.
خليها تنزل على البس4 أول.
أحتاج فانبويز الاكسبوكس يدخلوا في مخوخهم حاجة بسيطة جداً: اكسبوكس جالسين ينزلوا العابهم على منصات منافسيهم لان منصتهم ما توكل عيش. لا هي بادرة ترحيب للمنافسة ولا اعتقاد بإن الحصريات شيء سيء، ولا لأن "لما الجميع يلعب فكلنا نربح" او باقي هراء فيل سبينسر.
حتى لو سوني (وننتندو) قرروا ينزلوا كل العابهم على جميع الاجهزة، وهالشي ما بيحصل، ما بيستفيدوا شيء من ان ينزلوا العابهم على الاكسبوكس لان قاعدة المستخدمين أصغر بفارق، وفوقها متعودين ما يشتروا ألعاب.
يعني انت تثبت ان مايكروسوفت تبي البلاستيشن يكون وموجود عشان تربح منه
لكن Sony مستحيل تثبت لي تصرف واحد منها يرحب بإبقاء الشركات المنافسه لان حتى ليقو هورايزن استكثرته على جمهور الاكس بوكس مع ان بتنزله على السويتش
وعلى فكره انا ما قاعد اعيد كلام فيل الي انت تقوله لان مثاليات مب موجوده
لكن انك تنافس وتتفرد غير انك تقصي شركات منافسه
لا تنسى سوني كانت تصيح في المحاكم تقول ان مايكرو لو استحوذت على اكتفچن راح اطلعنا من السوق ، لان شي هم عارفين لو مكان مايكروسوفت كان اول شي راح يسونه ،، لكن تفاجئو ان مايكرو مستعده تربح على حسىاب وجودهم في السوق 👍🏻
The Doctor
Once a Voyager on a Cursed Sea
مايكروسوفت ما عندها خيار ثاني اصلاً.
أنا ما عندي اهتمام اثبت لك تصرف لان أصلاً مافي تصرف من هالشركات لإبقاء المنافسة من الاساس.
وللمرة السبعتعش، العاب ليقو لها جمهور مستعد يشتري ألعاب على السويتش. هالشيء مش متوفر على الاكسبوكس اللي جمهوره يتقلص واللي موجودين اغلبهم يصيح إذا لعبة تتجرئ تنزل بس مش عالجيمباس.
والشيء اللي تتناسوه ان لولا الضغط اللي حصل من هيئات المنافسة وصياح سوني، الصفقة ما اكتملت بالشكل اللي اكتملت عليه، واللي ما يسمح لهم أصلاً بإحتكار كود على منصاتهم، فمجدداً، مش من طيب قلوبهم.
والأهم من ذا كله، حتى لو انعطوا فرصة واكملوا الاستحواذ بدون أي قيود، مايكروسوفت مش في موقع أنهم يحتكروا كود من الأساس، بسبب سوء ادائهم في السوق.
منصتهم أصغر من أي وقت مضى، ومستخدميهم ما يشتروا ألعاب... ما تحتاج تكون عبقري عشان تعرف ايش اللي بيحصل لو تم حكر كود مع استمرار هالثوابت: دخل السلسلة السنوي بيتبخر...ناديلا بنفسه بياخذ فيل سبينسر ويقطع راسه في سوق الجمعة.
- الحالة
