الموضوع الرسمي للـــXbox 360 Kinect | إنسى يد التحكم شوي.

[Painkiller Q8]

السعر الرسمي 699 ريال صح ؟


طيب عندي اهل وبنات كبار .. يبون يلعبون
اسمع ان الكينكت يصور بدون ما ندري وكذا ؟
فيه اشكاليه بهالامر ؟

Kinect Adventure تحفظ الصور في البومات بشكل يومي .. يعني لما اهلك يلعبون ويخلصون .. روح للالبومات واختار Delete ووجه ايدك على الالبوم الخاص في هذا اليوم حتى لو فيه 100 صوره تمسحهم نهائيا بختيار واحد 🙂 او تقدر تمسح وحده وحده !

والابلود لازم انت تسوي في نفسك .. الالعاب الباقي ماتحفظ الصور

----------

Elva Flowers-Martes: This kinect puts the Wii to shame, this is awesome, the kids don't even touch the Wii anymore! 🙂 And now-a-days with so many kids playing video games as a parent I love the fact that they are getting mad exercise while gaming, instead of sitting on a couch with controller in hand moving nothing but there thumbs, they ...are getting a total body workout while playing a video game... PRICELESS! Thanks Microsoft!

صح لسانها .. عيال اختي مايلعبون Wii بعد اليوم .. لول نفس القصه ^

 

[Painkiller Q8]

[video=youtube;HDIz3-oSUiA]http://www.youtube.com/watch?v=HDIz3-oSUiA[/video]

مع ان الجرافكس شكله فقير .. بس اتوقع اللعب ممتع !!

عموما تو الناس عليها .. 2011 ×_x


[video=youtube;IhaycgyFt2U]http://www.youtube.com/watch?v=IhaycgyFt2U&feature=related[/video]

هذي من الالعاب الي ماشوف لها داعي على الكينكت .. يعني بالله شلون ادوس سرعه او بريك .. او لو بلعب قير عادي مثلا ؟
لا بليز شوفو غيرها :yuck::

شباب الي يفكر يشتري لعبه كينكت ياخذ Kinect Sports من اكثر الالعاب تسليه ومتعه وشغاله تمام
فيها رياضات كثيره لكن كرة القدم افضل لعبه
[video=youtube;rxhSJQzE6HA]http://www.youtube.com/watch?v=rxhSJQzE6HA&feature=related[/video]

 

[ALONE]

الكينكت نزل اليوم منه كثير الجهاز بدون الباندل

بالسعر الرسمي طبعا

لاكن الشئ الغريب ولا لعبه نازله لاكنيكت سبورت ولاغيرها

شباب تنصحوني اخذ الكينكت ولاانتظر الين ينزلون العاب

لأن اهم لعبه عندي هي الكينكت سبورت

طيب النسخه الأوربيه طلع صحيحه سالفه ان مافيها اي ديمو ؟

وهل لعبه كينكت ادفانشر فيها متعه تكفيك الين تشتري كنيكت سبورت

منتظر اجاباكم لان بتحدد اشتري الكينكت اليوم ولا لا

 

[MAX9009]

صح لسانها .. عيال اختي مايلعبون Wii بعد اليوم .. لول نفس القصه ^

دامك تطرقة لذا الشي .. معليش خالد بس شي طبيعي الكنكت توه نازل فا من الطبيعي يجلسوا يلعبوا عليه ويتركو الاجهزة الثانيه لانه شي جديد عليهم .. لكن لو بنجي نقارنها صح صدقني الكنكت ما راح ينفع لغير الالعاب التجميع والمناقزه والدانسينج وبعض الالعاب الرياضيه .. اما اننا راح نشوف الكنكت بـ ip’s هاردكوريه والعاب بتطلع عن العاب النن قيمرز فا معليش ما اتوقع ابداً شلون راح اتحكم بسلاح ؟ شلون راح امشي بشخصية واسوي كوفر مثلا واطلق بلايند فاير ؟ شلون راح العب لعبة اكشن بأثناء ستار ورز اللي تحس مشية الشخصية اصلا سكربتد لول .. بعكس الوي وتحكمه اللي بالراحه اتصنع عليه العاب هاردكوريه ممتازة وبتحكم ولا امتع .. يعني الوي جمع العاب النن قيمرز والعاب هاردكوريه .. الكنكت نن قيمرز . وما كنت ابغى قول ذا الكلام بس لانك مره تتكلم عن الوي وانت اصلا ما دخل مزاجك ولا جربته عدل .

 

[Painkiller Q8]

الكينكت نزل اليوم منه كثير الجهاز بدون الباندل

بالسعر الرسمي طبعا

لاكن الشئ الغريب ولا لعبه نازله لاكنيكت سبورت ولاغيرها

شباب تنصحوني اخذ الكينكت ولاانتظر الين ينزلون العاب

لأن اهم لعبه عندي هي الكينكت سبورت

طيب النسخه الأوربيه طلع صحيحه سالفه ان مافيها اي ديمو ؟

وهل لعبه كينكت ادفانشر فيها متعه تكفيك الين تشتري كنيكت سبورت

منتظر اجاباكم لان بتحدد اشتري الكينكت اليوم ولا لا

لا عادي اخذه واللعب Kinect Adventure اللعبه حلوه خصوصا لشخصين .. انا لعبتها قريب ال15 ساعه ، يعني على مدى اسبوعين تقريبا
وباقي الالعاب اطلبهم من Amazon نفس ماسويت انا .. لا مافيه العاب كثيره في الكويت + فيه عروض حلوه في امزون

يعني قزرها ادفنشر لين توصل الالعاب

 

[ALONE]

^^^^^^^

تصدق حمستني والله

اجل شوي ان شاء الله ويمكن اروح اجيب الكنيكت

حصلت لعبه كينكت تمايلز + جوي ريدي سباق السيارات + لعبه التزلج من كونامي كلهم بـ 190 ريال

اخ بس لو معاهم يور شيب او كينكت سبورت

 

[Unknown]

الحين وين القى الشي الي يمسك الكنيكت فوق التفزيون ؟
تلفزيوني lcd مدري شلون بتتثبت

 

[Painkiller Q8]

دامك تطرقة لذا الشي .. معليش خالد بس شي طبيعي الكنكت توه نازل فا من الطبيعي يجلسوا يلعبوا عليه ويتركو الاجهزة الثانيه لانه شي جديد عليهم .. لكن لو بنجي نقارنها صح صدقني الكنكت ما راح ينفع لغير الالعاب التجميع والمناقزه والدانسينج وبعض الالعاب الرياضيه .. اما اننا راح نشوف الكنكت بـ ip’s هاردكوريه والعاب بتطلع عن العاب النن قيمرز فا معليش ما اتوقع ابداً شلون راح اتحكم بسلاح ؟ شلون راح امشي بشخصية واسوي كوفر مثلا واطلق بلايند فاير ؟ شلون راح العب لعبة اكشن بأثناء ستار ورز اللي تحس مشية الشخصية اصلا سكربتد لول .. بعكس الوي وتحكمه اللي بالراحه اتصنع عليه العاب هاردكوريه ممتازة وبتحكم ولا امتع .. يعني الوي جمع العاب النن قيمرز والعاب هاردكوريه .. الكنكت نن قيمرز . وما كنت ابغى قول ذا الكلام بس لانك مره تتكلم عن الوي وانت اصلا ما دخل مزاجك ولا جربته عدل .

كلامك على راسي .. وانت صادق بكل كلمه قلتها .. انا ما اقول الكينكت افضل من الوي .. لول يعني مستحيل اقول طرفيه افضل من كونسل، وصح كلامك الكينكت ماهو للهاردكور قيمز الجهاز مخصص للمتعه والبارتي والمناقص والرقص والرياضه .. يعني لو بلعب شوتر الله يخلي يد التحكم ماتوقع اي موشن كنترولر اضبط بالتصويب من اليد العاديه!
وفكره شوتر على الكينكت ماتوقع تنجح وما اتمنى اشوف لعبه شوتر للكينكت بصراحه.
كل الي كنت اقوله ان هو جهاز يجذب الاعبين اكثر من اي جهاز موشن ثاني لانه اول جهاز يدعم تحكم كامل للجسم..

^^^^^^^

تصدق حمستني والله

اجل شوي ان شاء الله ويمكن اروح اجيب الكنيكت

حصلت لعبه كينكت تمايلز + جوي ريدي سباق السيارات + لعبه التزلج من كونامي كلهم بـ 190 ريال

اخ بس لو معاهم يور شيب او كينكت سبورت

عموما اهم شيء لاتطوف هذي الالعاب:
Dance Central
Your Shape FE
Kinect Sport

ترا الدانس لعبه فضيعه .. مو تقول لا عيب وين قاعدين ارقص !!!! صدقني راح ترقص وتدمنها بعد ! انا قمت ارقص وولدي يطالعني :laugh::

 

[JIN KAZAMA]

ترا الدانس لعبه فضيعه .. مو تقول لا عيب وين قاعدين ارقص !!!! صدقني راح ترقص وتدمنها بعد ! انا قمت ارقص وولدي يطالعني :laugh::

الله يعينه راح يحلم كوابيس :yuck::لوووول

 

[Painkiller Q8]

^
لول .. لا ان شاءالله..

 

[Taz'dingo]

الجهاز هذي مو طبيعي😡 , الان هو الجهاز الترفيهي رقم واحد في البيت

 

[Emirates]

الجهاز هذي مو طبيعي😡 , الان هو الجهاز الترفيهي رقم واحد في البيت

اهلا وسهلا بك في نادي الكنيكت

بالبركه

 

[Taz'dingo]

يا هلا , الله يبارك فيك Emirates


أجل شباب كيف Kinect Sport ؟

 

[Emirates]

^

رهيبه افضل لعبة اصدار للجهاز

 

[Taz'dingo]

للمعلومية Remedy شغالة على مشروع AAA للكونكت وكل استديهات مايكرو تقريباً شغال حالياً في تطوير العاب هاردكورية على كونكت

انتم لا تستعجلو في حكم على الجهاز من هذي النحاية لآن خطة مايكروسوفت لدعم الكونكت بدعم الألعاب العائلية ( المكجولة ) أولاً لكي تتمكن من جذب أكبر شريحا من الناس ويبيع الجهاز ثم تبدأ بدعم ألعاب الهاردكور في المستقبل وحتى شركات الطرف الثالث تنتظر المبيعات الكنكت حتى يتحدد موقفها من جهاز هل راح تبيع العبهم عليه ولا , وصدقوني أفضل طريق ان الجهاز يبيع بسرعة انو يكون المكجولة خصوصاً في موسم الاعياد

اصبرو وراح تشوفون الاعلانات قريباً

 

[Taz'dingo]

رهيبه افضل لعبة اصدار للجهاز

حالياً انا محتار بينها وبين Dance Central لآني اذا اشتريت وحده راح اشتري الثانية الشهر الجاي ان شاء الله

فانت ايش رايك ؟

 

[Emirates]

كل لعبة تقول الزود عندي

اذا تبي يشاركونك الاهل وجماعيه وممتعه ( كنيكت سبورت بدون اي نقاش )

دانس سنترال احترافيه ولك يعني اللي ماله في الرقص ما بيهتم لها بعكس كنيكت سبورت اللي يشوفها حتى اللي ماله خص في الالعاب بيدمنها

................

ترا عادي الوالد او الوالده او حتى اهلك يجبرك يقولك شغل الكنيكت ههههه والله اتكلم جد

 

[ALONE]

اخيرا تم الأنضمام لنادي الكنيكت بنجاح

تم الشراء بسعر 680 ريال

كنت اتمنى لو حصلت كينكت سبورت :inlove:

لاكن ان شاء الله الأسبوع الحاي اخذها

يقول راح يحيبها ان شاء الله


الحهاز خورافي جناااااااااااان بمعنى الكلمه وبصراحه الجهاز احسه كبير لاكن فخم مره مره 😎:


ان شاء الله بعد مااجرب الجهاز صح راح اكتب انطباع مطول جدا 😡

 

[Sora Diersly]

حالياً انا محتار بينها وبين Dance Central لآني اذا اشتريت وحده راح اشتري الثانية الشهر الجاي ان شاء الله

فانت ايش رايك ؟

دانس سنترال, بما ان البندل يجي معاه ادفينتشرز.. خذ دانس سنترال.. لأن سبورت نفس الوي صحيح تعجبك وتمشي فيها فترة .. لكن نسبة الملل فيها اكبر من دانس سنترال..
في دانس سنترال مستويات الصعوبة ترتفع بشكل كبير .. وعدد التراكات الموجودة كبير جدا .. تبدأ من اول 4 تراكات وهن اسهل شي .. وكل وحدة فيها 3 مستويات صعوبة.. وتستمر ترتفع بالصعوبة كل مانزلت باللستة.. اضمن لك مُتعة لعب مع العائلة (إذا هاوين رقص) وادفينتشر ماتقصر P:

مبرووووووك الون 😀 يلا يلا ورينا ابداعاتك! خل نلعب اونلاين~

اماراتي.. ضيفني -_-"

خالد.. تعرف كيف تطلع الـ 11 statues في الأدفنتشرز...؟ انا مطلع 8 وكل شي في اللعبة عندي جايبه .. عدا هالأتشيمنت... وواحد ثاني حق "جيب بلاتينيوم بكل لعبة بالفري بلي" و الأخير "العب كل مرحلة مع شخص في الفري بلي" هذولي سهلين.. يبيلي اوادم ويكونون اجسام رياضية مثل الروم ميت حقي الرهيب :inlove: واوباااا نجيب الـ 1000 😛

 

[Painkiller Q8]

@ ~ Cornell ~ + ALONE

مبروك عليكم الكينكت .. و Welcome to the club :smug:

كورنيل .. دانس سنترال لعبه فضيعه .. والله امس طحت فيها اكثر من 3 ساعات وماحسيت إلى اني تعبان وعطشان والعرق يصب .. رحت اخذت احلا شاور بارد ورجعت اشوف السبوتلايت في الاكس بوكس والZUNE

وكينكت سبورت مجنونه .. لاتفوت ولا وحده

@Sora والله مادري عن الاشيفمتس .. انا الحين جايب فيها 850 تقريبا .. وراح اكمل الــ1000 هذا الويك اند راح اقولك اذا عرفت لهم

او ادخل Xbox360Achievements.org قسم Retail حرف الـK واختار Kinect Adventure .. وبعدها Forum وبعدين بتحصل موضوع Kinect Adventure Guide and Road Map

^لول شرايك بالكسل .. مالي خلق ادش الموقع واجيب الرابط .. بس افضل علشان تدخل باقي الالعاب بنفس الطريقه

 

[Emirates]

الف مبروووك Alone

زين زين اعضاء نادي الكنيكت بدو يكثرون ^^

 

[iCrow]

تباً ...
ريحه الكونكت فاحت عندنا اخيراً النسر يقول اليوم راح يكون موجود
وجرير تقريباً شالين نص العاب الاكس بوكس وعلى ما يبدو انه مكان للكونكت !

مع الاسف مو قادر اطلع من البيت من التعب حالياً
حى لو خت الكونكت اليوم ما راح اقدر العاب فيه مدامه يبي له مجهود :sadwalk:

 

[xxamerxx]

من زمان ودي اكتب رد بذا الموضوع لكني انشغلت كثير ..
الكنيكت وصل لي قبل اسبوعين ويمكن اكثر بشوي الجهاز رهييب واحسن من المتوقع والاستجابه ممتازه لكن لازم تتعودعليها بالبداية الاوامر الصوتيه ما جربتها حاليا عندي ثلاثه العاب ادفانشر + كينكت تمايلز + جوي ريدي مع ان الالعاب الابغاها لسى ما شريتها Dance Central و Your Shape

انطباعاتي عن الكنيكت بشكل كبير قريبا

ALONE انت اللي موجود بمحل النسر على طريق الغافقي امس الساعة تقريبا 10:30 امس انا كنت موجود هناك ونشتري الجهاز لواحد من ربعي

 

[Mista Koo]

لول ولو حقيقي ؟ الريال يداعم من الصبح والسياره تتعدل بروحهاا كل مايمشي ويوم تطلع على صعده ترجع بروحها وتضبط على المسار

جوي رايد لعبة سهله تناسب النون وصغار السن لازم بتكون سهله ( تراها ماهي جران توريزمو او فورزا )

ترى ماريو كارت لعبة سهلة وتناسب النون وصغار السن، لكن لو مشيت وبس ما رح توصل للفوز حتى؛ خلي إنك تفوز بالمركز الثالث :laugh:: (هذا طبعا لو اتكلمنا عن جزء الويي ولا الدي اس مثلا، واللي أسهل بكثير من سوبر ماريو كارت مثلا).
هذا مع احترامي اسمه تخلف.

 

[Emirates]

^
لول ماريو كارت لو فكيت الجهاز بتكون واقف ولا بتتحرك فطبيعي بتطلع الاخير مكعب خخخ

 

[ALONE]

من زمان ودي اكتب رد بذا الموضوع لكني انشغلت كثير ..
الكنيكت وصل لي قبل اسبوعين ويمكن اكثر بشوي الجهاز رهييب واحسن من المتوقع والاستجابه ممتازه لكن لازم تتعودعليها بالبداية الاوامر الصوتيه ما جربتها حاليا عندي ثلاثه العاب ادفانشر + كينكت تمايلز + جوي ريدي مع ان الالعاب الابغاها لسى ما شريتها Dance Central و Your Shape

انطباعاتي عن الكنيكت بشكل كبير قريبا

ALONE انت اللي موجود بمحل النسر على طريق الغافقي امس الساعة تقريبا 10:30 امس انا كنت موجود هناك ونشتري الجهاز لواحد من ربعي

هههههههههههههههههههههههههه

ايوه هاذا يالله يالصدفه :laugh::

وكان معاك 2 صح

لو عرفت انكم من تروجيمنج كان سلمت عليكم 🙂

اذكر انكم سألتو مرتين عن دانسي سنترل شكلكم متحمسين للعبه

انت اي واحد فيهم الي دفع الحساب ؟ :lebb:

 

[xxamerxx]

هههههههههههههههههههههههههه

ايوه هاذا يالله يالصدفه :laugh::

وكان معاك 2 صح

لو عرفت انكم من تروجيمنج كان سلمت عليكم 🙂

اذكر انكم سألتو مرتين عن دانسي سنترل شكلكم متحمسين للعبه

انت اي واحد فيهم الي دفع الحساب ؟ :lebb:

لا انا اللي واقف عن قسم العاب pc ومالي نفس شيء بالدنيا أمس مداوم اكثر من 12 ساعه وانا السائل عن دانس سنترال ونيو فيجس
انا مشبه عليك شفتك من الحضور بـ x10 على ما اعتقد
فرصه سعيده ومبروك عليك الجهاز

 

[iCrow]

 

[Sora Diersly]

^
مبروك! 😀

 

[Emirates]

الف الف مبرووووك