الأنطباع الكامل عن الكينكت :
مقدمه :
اذا كنت متعود دائما وانت تلعب فديو جيمز
انك تكون متكي والهلوستن رمان جنبك :w00t:
اعتقد الوقت حان انك تقوم من محلك
وتكون جزء رئيسي من اللعبه
وتتفاعل بكل اجزاء جسمك وصوتك مع اللعبه
الشكل والمظهر :
من اول لحظه تشوف فيها كرتون الكينكت
في المحل وتمسكه بيدك تحس بالرهابه تقطر منه :inlove:
من جد احس شكله رهيب مره ويحمس
اول ماتفتح الكرتون
راح تتفاجئ الكاميرا حجمها شوي كبير ويمكن على الطبيعه اكبر من الفديوات الي كنا نشوفها
طبعا اللون الأسود + اللمعه معطيها شكل خورافي
وبتكون على المكتبه شكلها روعه
اعدادت الكينكت والـ id كينكت :
اعدادت الكينكت سهله جدا وحتى طريقه اعدادها الألوان رهيبه وتفتح النفس
الـ Id كينكت بأختصار تصير الكاميرا تتعرف على ملامح وجهك وتسوي تسجيل دخول تلقائي
لحسابك اول ماتوقف قدامها وتلوح بيدك اليمين
خطواتها يجيب لك افتارك ويقولك روح يمين او يسار وكم خطوه الين تنتهي
وبعدها خلاص يحفظ ملامحك وشكلك
الأستجابه والاوامر الصوتيه :
الأستجابه في الحقيقه رائعه جدا وافضل مما توقعت بكثير
سواء حركه اليدين او الرجلين
افضل استجابه وافضل لعب لم تترك مسافه اكثر من 1.8 متر
+ البدله الرياضيه او اللبس المكون من قطعيتن افضل
لأني جربت العب بثوب النوم
الأستجابه اوكي تمااام لاكن حركه الرجل صارت ابطئ شوي
بحكم انهم كلهم يتحركون داخل الثوب
الأوامر الصوتيه رهيبه جدا وتريحك وتستجيب بسرعه ولازم تنطق الكلمه صح
انا ماعرفت انطق اوبن تري صح
اذا قلت اكس بوكس يطلع لي قائمه بالأوامر
ولاكن مافيه من ضمنها اوبن تري او اغلاق الدرايف
هل اقدر اضيف اوامر ؟
الي عنده معلومات يتحفنا فيها ونكون شاكرين له
متعه الألعاب والداشبورد :
التحكم في الداشبورد بحركه اليدين ممتع جدا
وايضا قائمه الأفلام والموسيقى رهيبه مع الكينكت
بالنسبه للألعاب طبعا انا جربت الأدفانشر
اللعبه ممتعه جدا جدا وخاصه لعبه العربه + صد الكرات + الحوض المائي
تحس فيه تحدي ورقم تقدر تحققه بنفسك اذا بذلت مجهود افضل في اللعب
الأستجابه فيها تمام
فيها اونلاين لاكن باقي ماجربته ان شاء الله بجربه
طبعا باقي ماجربت الكنيكت سبورت
الي بأجماع كل الي جربوها افضل لعبه للكنيكت واكثر لعبه فيها متعه وتحدي وحماس
اول ماحصلها بأخذها ان شاء الله
+ لعبه اليور شيب من يبوسفت
لعبه تمارين مذهله جدا وتقيس طولك وتعطيك برنامج للتمارين
وفيها انواع كثيره للتمارين
........................
تقيمي للكنيكت :
المظهر : 10 / 10
الأستجابه : 9.5 / 10
الألعاب والمتعه الي فيها : 10 / 10
السعر : 7.5 / 10
التقيم النهائي : 9.4 / 10
طبعا الكينكت تقنيه ولايمكن حصرها بتقيم معين
ولاكن هل التقيم في الوقت الحالي
يمكن الكنيكت مع الأيام يتطور ويضاف له مزايا كثيره
................
بعض النصائح قبل شراء الكنيكت :
1 - تأكد من مساحه المكان الي تضع فيه الكينكت وتأكد ان فيه اقل شئ مترين للعب
2 - حدد الهدف الرئيسي من شرائك الكينكت ؟ انا مثلا اخواني ماشاء الله كثير وبيصر فيه
لعب جماعي وتحديات وحماس + ودي ازيد لياقتي واليوم الي مافيني حيل اروح النادي واطق مشوار
اجلس في البيت واعوضها بلعب الكينكت وخاصه يور شيب
3 - خذ الكينكت المخصص للشرق الأوسط لأن الكتيب بالكامل عربي وفيه شرح
تشغيل الكينكت + كل مشكله ممكن تواجهك مع الجهاز
.......
اشكر مايكروسفت على هاذه التقنيه المذهله وان شاء الله نشوف المزيد من المتعه
والفله مع جهازنا المحبوب XBOX 360
..........
والي مااخذ الكينكت الين الحين وش قاعد ينتظر ؟
