الموضوع الرسمي للـــXbox 360 Kinect | إنسى يد التحكم شوي.

[Painkiller Q8]

غريبه مع اني شاري الكينكت من فتره وماحطيت انطباعي الكامل عنه !

بسم الله

الجهاز كتصميم فعلا راقي واول لحظه تطلعه من الكرتون راح تحس انك ماسك شيء راقي وقمه في التكنلوجيا . واهم شيء اللمعات وشكله العام كأنه WALL-E 😎:

من ناحية التجهيز .. انا لاحظة انهم كاتبين تحتاج مساحة 1.6 متر وكانت اول مساحه اللعب فيها 1.7متر .. وكان الوضع جيد جدا .. ولاكن في لعبت Your Shape: EF واجهت تمرين ان لازم ترجع رجلك للخلف وكنت ماقدر اسوي لان رجلي تحوش الغنفه وماقدرت اطبق بالشكل المطلوب ... فحتجة اني افر الغرفه بشكل كامل وهذي النتيجه:

صار عندي 2.2 متر وفعلا هذي المساحه المثاليه ..لاني ماقمت اشوف الجهاز يقولي Go Back وصرنا نلعب مالتي بلير واحنا مرتاحين ، هذا بخصوص المساحه!

اما الاحتياجات الاخرى مافيه شيء معين مجرد ان الغرفه ماتكون مظلمه ومافيه شي عاكس على الجهاز مثل نافذه\شمس او ابجوره موجهه !

الجهاز عليه مايقارب 11+ لعبه .. ومن افضل هذي الالعاب من رأيي الشخصي Kinect Adventure - Your Shape: EF - Kinect Sports - Dance Central

هذي الالعاب الي فعلا تعطيك الاحساس الكامل والي راح يخليك تشوف ابداع الطرفيه من خلال اللعب والاستمتاع والاستجابه !

والي يميز الجهاز اكثر انه لايتوقف على الاستجابه الحركيه للجسم فقط .. بس يستجيب للتحكم عن طريق الصوت .. يعني ماعليك إلى تجلس وتقول XBOX وبعدها قول KINECT وراح يدخلك على الداشبورد الخاص في الكينكت ومن هناك قول XBOX وتطلعلك اختيارات كثيره .. انا ادخل على الـZUNE واقعد اشوف تريلرات الافلام ..الخ او ادخل سبوت لايت ومن هذي الامور بدون ما امسك يد التحكم

وفيه شيء اسمه Kinect ID وهني تقدر تعرف نفسك على الجهاز وعمل Test بختبار الاستجابه عن طريق ربط الـAvatar في جسمك وتتحرك وتشوف افتارك ومدى دقة الاستجابه.

وفيه Kinect Tuner ومن هناك تقدر تسوي اختبار لثلاث اشياء Tracking - Audio - Calibration
كل وحده منهم مختصه في شيء واذا تم انجازهم فأنت جاهز تماما وماراح تشوف اي اخطاء

واظيف معلومه.. الكينكت جهاز يستجيب لحركة الجسم بالكامل (الرأس - الكتفين - اليدين - الصدر - البطن - الخصر - الافخاذ - الساقين - الاقدام) وليس مجرد نقطتين

على سبيل المثال فيه لعبه Kinect Adventure خصوصا لعبه 20.000 LEAK لازم تسكر فتحات الماء .. في ناس تعتقد ان الموضوع متوقف على اليدين .. هذا خطاء .. لانك تقدر تستخدم الركبه او حتى البطن 🙂

وبختصار:-
المظهر: 10\10
الاداء:9.5\10
السعر: 7\10

يعني اقدر اقول 9.5\10

 

[ALONE]

^^^^^^^^^^^

والله من زمان منتظرين هل الكلام الي يخلي الواحد يتحمس :inlove:

واشوف من الصوره انك مثبت الكنيكت فوق التلفزيون

كيف قدرت

اشتريت قطعه ؟ او يجي معاها قاعده للتثبيت ؟

وان شاء الله اول مااشتري الكينكت بضيفك للفريند علشان نلعب كنيكت سبورت

 

[Painkiller Q8]

^
تسلم اخوي 🙂
الجهاز تنباع له قطعه تثبيت على التلفزيون .. بس انا ماشريتها .. عندي ستيكر Double Face يتحمل وزن ثقيل كيلو تقريبا .. لزقته على التلفزيون من كذا مكان وثبت عدل .. لان لما يكون فوق افضل من تحت انا جربت الوظعيتين .

صوره قبل شوي ..

محتوى مخفي: مي ^^

 

[The Shadow]

هذي تقنية الاي توي

بتحس فرق كميرا 2 دي من 3 دي

جميل لكنك اخذتها من ناحية 2D و 3D و هو شيء انت مقنعني فيه تماما ( يب لا تستغرب اني ما عاندت مثل اغلب شباب المنتديات xD ) ، انا كنت اركز على الـuser experience . زي ما ذكرت سابقا لا ارى - بعد التجربة - ان الطرفية تناسب انك تلعب لعبة احترافية + انك تلعبها لفترات طويلة . و يوم ذكرت متعب فانا اقصد حرفيا متعب . و لو بنتكلم عن الطرفيات الاخرى فا اشوف ان الموف بيكون اكثر مناسبه ، حتى لو اني ما جربته او رأينا تطبيق جيد عليه لكن تجربتنا للويي تخلينا نقول هذا الكلام .

 

[Emirates]

^

وانا ايضا معك ولا تستغرب انا ما اعاند انها متعبه سونيك فري رايدر وحتى كنيكتيمال اللي اقول عنها لعبة صغاريه تراها متعبه وتجيب العرق

لكن الموف = ويي موت تقنية شفناها من خمس سنوات والالعاب هي هي ( مافي نيو اكسبريانس )

لكل طرفيه توجهها وواضح من مايكروسوفت ببدايتها تبي النون والكاجوال اللي في سوق ناينتندو قبل لا تودع الجيل مع جهازها الويي

لكن كما وعدتنا مايكرو سنة 2011 هيه سنة الهارد كور للكنيكت وشفنا طوكيو كم اعلان .. مب ناقصنا الا التطبيق الفعلي

وفيه توجه الخلط بين الكنيكت والكنترولر العادي فيه افكار مستقبليه للكنيكت

و ما الومك او الوم اي واحد من الالعاب الاولى مافيها حل وسط يا تعجبك يا ما تعجبك ( اغلبها للتسليه العائليه مثل ما تفضلت ) وانا اؤكد هالشي

 

[Super Shadow]

عموما انت موبالع الجهاز قبل لاينزل ... فـ شي طبيعي ماراح تبلعه بعد ماينزل حتى لو عجبك .. وانا احترم وجهات النظر بس انتوا قاعدين تقولون اشياء غير منطقيه كأنكم ماجربتوا الجهاز من الاساس
واحد يقولي الإستجابه بطيئه والثاني يقولي الجهاز متعب وصعب !! -_- !! الظاهر انك حكمت على الجهاز من Sonic المظروبه !

للمرة المليون ، أنا أتكلم عن الجهاز بشكل عام بعيدا اذا كان متعب أو لا ، قلت:

الويموت لما نزل أول مرة كانت تجربة فريدة من نوعها ككونه أول يد تحكم تستخدم الموشن بس الحين مليت منه و ما حسيت بنفس الشعور لما لعبت الكونكت و أظن ها الشي صار مع كثيرين غيري

و أظن قلت أني جربت ألعاب ثانية غير سونيك ، تقول كلامي غير منطقي؟ تراها صارت مع ناس غيري مب بس أنا

 

[ryo hazuki]

استنوا لعبة من ايبيك لل kinect و بعدين قولوا مش احترافي

هذي بس العاب اللنش ، لكن اتوقعوا مستقبلا العاب هاردكور حاله حالي اي طرفية

 

[Painkiller Q8]

^
اذا العاب الانش عجبتني .. شنو راح يصير فيني لما تنزل العاب اقوى من جذي @_@ !

 

[Sora Diersly]

حفلة امس. الروميت حقي يرقص على satisfation الطور الصعب. ٩١% نجاح الحركات, ٧٩١,٤٧٠ نقطة (كسر رقمي الحقير ٧١١,٩٦٤ لول)

[video=youtube;Je36kg5K_wQ]http://www.youtube.com/watch?v=Je36kg5K_wQ[/video]

 

[Painkiller Q8]

^
ماشاءالله عليه .. ضابطهم عدل
انا قاعد اتدرب عليها لانها من احلا الاغاني .. وحافظها من HD Hero ^^
عمر انا حطمت رقمك في كذا غنيه .. وجايك في الباقي ومنهم ساتسفاكشن 😡

على فكره .. لاتخلي كل هل عالم يلعبون لا يزعل الكينكت مالك وينحاش !

 

[Sora Diersly]

^

حبيبي, انا صار لي اسبوع ارقص بدون لايف. اصبر علي شوي لين مايرجع النت لشقة وبتشوف الارقام الجديدة 😀

 

[Painkiller Q8]

First-person horror game for Kinect looks disturbing. Is full of screaming, torture etc

[video=youtube;eHBfE6H1ElY]http://www.youtube.com/watch?v=eHBfE6H1ElY&feature=related[/video]

همممم؟! الفكره حلوه .. بس مادري اذا اللعبه بتكون ممتعه او FAIL !!
والسوال .. هل الكينكت يشتغل في الظلمه ؟؟

<< بيجرب اليوم :spy:

EA trying to get people healthy. i like it

[video=youtube;9mGP-36Val4]http://www.youtube.com/watch?v=9mGP-36Val4&feature=fvwrel[/video]

iهذي اللعبه ماست ... رياضيه بحته .. وفيها اشيفمنتس روعه .. بس واحد صعب .. لازم تركض 600+ ميل .. @__@

 

[soosi]

[video=youtube;9mGP-36Val4]http://www.youtube.com/watch?v=9mGP-36Val4&feature=fvwrel[/video]

الله يعين مراجع اللعبة !

 

[ALONE]

^^^^^^^^

هههههههههه من جد

لازم الي يراجعها يكون لياقته عاليه او يكون مدرب افضل

ولو حطو واحد دب مثلا راح يظلمون اللعبه :laugh::

 

[Saudi pro]

حفلة امس. الروميت حقي يرقص على satisfation الطور الصعب. ٩١% نجاح الحركات, ٧٩١,٤٧٠ نقطة (كسر رقمي الحقير ٧١١,٩٦٤ لول)

[video=youtube;Je36kg5K_wQ]http://www.youtube.com/watch?v=Je36kg5K_wQ[/video]

انت الي لابس نظارات بالدقيقه 2:09 ؟

لول متغير شكلك

 

[ALONE]

حفلة امس. الروميت حقي يرقص على satisfation الطور الصعب. ٩١% نجاح الحركات, ٧٩١,٤٧٠ نقطة (كسر رقمي الحقير ٧١١,٩٦٤ لول)

[video=youtube;Je36kg5K_wQ]http://www.youtube.com/watch?v=Je36kg5K_wQ[/video]

اوف كل هاذولي عندك في الغرفه !

من الزحمه لاصقين في بعض

بس احس الجو بيكون حماسي

 

[BioMario]

شباب إلي عندهم الكنكت ويا لعبة Joy Raid بليز قولولي ان الفيديو هذا مش حقيقي !!!!!!

http://gizmodo.com/5695639/kinect-doesnt-need-you

 

[Ze Truth]

مايكروسوفت نجحت. صاحبي اللي ما يهتم بالجيمز ولا عمره اهتم, بالرغم من محاولاتي الشديدة معه, يفكر بجدية يشتري الاكس بوكس بعد ما شاف الكنتك.

 

[Emirates]

لول ولو حقيقي ؟ الريال يداعم من الصبح والسياره تتعدل بروحهاا كل مايمشي ويوم تطلع على صعده ترجع بروحها وتضبط على المسار

جوي رايد لعبة سهله تناسب النون وصغار السن لازم بتكون سهله ( تراها ماهي جران توريزمو او فورزا )

وبعدين معروف انها بدون زر سرعه السياره تلقائيا تمشي ما عليك الا تلف يمين ويسار وتسوي حركات بهلوانيه وحتى لو تدعم تلف السياره تلقائيا وتواصل مشيها

لا نروح بعيد

كنيكت ادفانتشر لعبة القارب ... ادعم مليون دعمه وخلك واقف ولا تتحرك في النهاية بتعدي اهم شي تجمع نقاط

 

[Painkiller Q8]

@BioMario الفيديو خربوطه .. امس جربت .. اوكي السياره تمشي بروحها انت بس تلف يمين يسار وتسوي تيربو .. وحركات في الهواء .. اما اثبت ايدي والسياره تلف بروحها ماصارت معاي كلا ادعم الطوفه !

عموما من الغباء ذم الكينكت بكبره بمجرد تجربه لعبه عاديه .. يعني من كثير يشوفه ويقول Kinect FAIL لول

@Ze Truth صدقت ... ماتدري كم واحد في بيتنا من العائله حب الكينكت وكل شوي مزعجيني .. "نبي نلعب" حتى الي اعمارهم فوق ال30 لول ...

ومره امي تقول شنو صاير عندكم فوق .. اسمع صوت وضربات .. قلت لها اللعب رياضه عن طريق الاكس بوكس !! انصدمت وقالت يالله جايه اشوف .. ولما شافت الوضع فرحت

يعني فعلا الجهاز للكل .. اذا تبيه للصغار ينفع .. والكبار ينفع .. والنون قيمرز ينفع .. وحتى القيمرز راح يحبونه .. شنو اكثر من هذا النجاح ؟

 

[Sora Diersly]

انت الي لابس نظارات بالدقيقه 2:09 ؟

لول متغير شكلك

لول يص, مدري هو انت شايفني قبل كذا؟ ايه محلّق + النظارات غير + نازل وزن كثير + اروح للنادي = اممم اعتقد اني متغير P:

اوف كل هاذولي عندك في الغرفه !

من الزحمه لاصقين في بعض

بس احس الجو بيكون حماسي

لول ماشفت شي.. هذولي بس اللي في جهة التلفزيون. جهة المطبخ شي ثاني XD اكثر من 38 شخص في غرفة 7×6 + الممر لول
هذي حفلة توديع لأخوياي اللي من اليابان + كوريا + الصين + فيتنام + امريكان واللي بيسافرون وبيتخرجون واللي بيرجعون لديارهم ولا راح يجون مرة ثانية للمدينة اللي انا فيها حاليا.

 

[ryo hazuki]

وصل عدد الي الخليتهم يجربون الكنكت و اشتروه ال 5 اشخاص

انا ماقلت لاحد روح اشتر الكنكت ، كل الي سويتة اني خليتهم يجربونة فقط و الكل مبسوط و يلعبون فية بشكل يومي و يتجمعون علية الشباب و طبعا فية كثير ناس راح تشترية ، و اغلبهم مالهم دخل بالمنتديات او E3 مجرد جربوا الجهاز و على طول اشتروه ،

مش واحد تقولة تعال جرب و بعدين يقولك انا شفتة في E3 ومن ذاك اليوم و انا مش طايق شي اسمة kinect ومش عاجبني ، انزين ممكن اخوانك يحبونة او العائلة و الاطفال في البيت بتستمتع فية انته مش مهم اللهم جيبة لهم ، يقولك لا انا مش مقتنع و ال kinect لازم يوحرق ،،،، ول

فية واحد من الشباب قلتلة جرب الكنكت ، قال مش مقتنع فية و لايهمني ، خليتة يجربة مع شلة شباب و انبسط و ظحك للصبح و بكرا راح و اشترا واحد .

 

[Painkiller Q8]

وصل عدد الي الخليتهم يجربون الكنكت و اشتروه ال 5 اشخاص

انا ماقلت لاحد روح اشتر الكنكت ، كل الي سويتة اني خليتهم يجربونة فقط و الكل مبسوط و يلعبون فية بشكل يومي و يتجمعون علية الشباب و طبعا فية كثير ناس راح تشترية ، و اغلبهم مالهم دخل بالمنتديات او E3 مجرد جربوا الجهاز و على طول اشتروه ،

مش واحد تقولة تعال جرب و بعدين يقولك انا شفتة في E3 ومن ذاك اليوم و انا مش طايق شي اسمة kinect ومش عاجبني ، انزين ممكن اخوانك يحبونة او العائلة و الاطفال في البيت بتستمتع فية انته مش مهم اللهم جيبة لهم ، يقولك لا انا مش مقتنع و ال kinect لازم يوحرق ،،،، ول

فية واحد من الشباب قلتلة جرب الكنكت ، قال مش مقتنع فية و لايهمني ، خليتة يجربة مع شلة شباب و انبسط و ظحك للصبح و بكرا راح و اشترا واحد .

لول.. نفس الحاله .. خواتي كل وحده اخذت واحد واخوي الكبير اشترى واحد لعياله !!
والربع ماله والي كل شوي واحد شاريه . بس الحين صار شحيح في الكويت ..ناااااااااادر تلقاه وان لقيته غالي في المحلات الخربوطيه -_-

قبل شوي شفت فيديوات السبوت لايت .. والله انتشر في امريكا انتشار قوي.. كانه كونسل بروحه

 

[ALONE]

^^^^^^^^^^

عندنا في السعوديه مافيه مره مخلص مره وخاصه الكنيكت لحاله

امس واليوم فريت الرياض ماحصلته

كل المحلات مخلص من عندهم وهو والعابه !!

خلاص الحماس عندي وصل لمستوى ماعاد اقدر اصبر 🙁

 

[TH3 PHENOMENA]

^^^^^^^^^^

عندنا في السعوديه مافيه مره مخلص مره وخاصه الكنيكت لحاله

امس واليوم فريت الرياض ماحصلته

كل المحلات مخلص من عندهم وهو والعابه !!

خلاص الحماس عندي وصل لمستوى ماعاد اقدر اصبر 🙁

الكنكت موجود عند الحرامي القرصان , سواء لحاله او بجهاز 🙂

 

[ALONE]

^^^^^^^^

القرصان اي فرع ؟؟

وكم سعره بالله لأني ماراح ادفع لهم ولاريال زياده عن السعر الرسمي :

 

[Unknown]

السعر الرسمي 699 ريال صح ؟


طيب عندي اهل وبنات كبار .. يبون يلعبون
اسمع ان الكينكت يصور بدون ما ندري وكذا ؟
فيه اشكاليه بهالامر ؟

 

[P0werX7]

^
تصور علشان انت تشوف الإعادة .. بس بجهازك
و لا مافي اشكالية

 

[ALONE]

السعر الرسمي 699 ريال صح ؟


طيب عندي اهل وبنات كبار .. يبون يلعبون
اسمع ان الكينكت يصور بدون ما ندري وكذا ؟
فيه اشكاليه بهالامر ؟

نفس الوضع عندي وكلهم متحمسين للكنيكت :laugh::

بالنسبه للتصوير تقدر من قائمه الخيارات في اللعبه تخليها بدون تصوير

او تصوير وتنحفظ في الجهاز ولو حبيت تحذفها عادي

 

[ryo hazuki]

^
اغلب الالعاب تصور و بعدها ما تحفظ الصور

و مافيها شي ابدا