الموضوع الرسمي للأكل والمطاعم | Food, Restaurants (وش تاكل في رمضان؟)

[m7tram]

^ مايوصلون صباح الناصر 🙁 🙁 🙁 .

 

[Snake-87]

^
لااا .. إطلب وايد وحط بالثلاجة يمكن يوصلون ^^" .
في فرعين شايفهم واحد بشارع المطاعم 24 ساعة والثاني ما أدري وينه >< " .

مالك غير أقرب جمعية وأحلى توست دجاج بالمايونيز من أمريكانا .

 

[m7tram]

هو اصلا قال ماراح أوصل نهائياً .. اول جمله قلت له انا بصباح الناصر توصلون؟ قال على طول لأ ولا حتى قالي اطلب بالمبلغ الفلاني لول.

على العموم طلبت من مطعم الجمعيه عندهم وجبه اسمها على كيفك ممتازه وناطر الحين 😀 .

 

[Xeon-Q8]

لحظه ..

M7tarm + Painkiller + أنـا
في صباح الناصر

فيه احد بعد ؟
واو شباب صباح الناصر في كل مكان 😎:

 

[Snake-87]

هو اصلا قال ماراح أوصل نهائياً .. اول جمله قلت له انا بصباح الناصر توصلون؟ قال على طول لأ ولا حتى قالي اطلب بالمبلغ الفلاني لول.

على العموم طلبت من مطعم الجمعيه عندهم وجبه اسمها على كيفك ممتازه وناطر الحين 😀 .​

يالله عوافي .. جربها على يوم بشارع المطاعم .. 😀

 

[m7tram]

لحظه ..

M7tarm + Painkiller + أنـا
في صباح الناصر

فيه احد بعد ؟
واو شباب صباح الناصر في كل مكان 😎:

ههههههههههه نضبطك احنا 😉 ( بس يبيلنا نفجر العقد الي يقحصون عند الجمعيه وتصير احسن منطقه أيفر! )

 

[Xeon-Q8]

ههههههههههههههههه اي والله جبتها

ازعجونا ... لكن اخر مره شفتهم حاطين مطبات

صباح الناصر:inlove:

 

[Painkiller Q8]

إنني جائع! من وين اطلب تالي هالليل وابي اكل صاروخي 🙁 ... لكم من الحين لي ورى صلاه الفجر تقولون لي من اي مطعم اطلب تفهمون؟ يالله ناطر ... ( ثقه ان في احد راح يرد الحين اصلا لول ).
تعديل: من بعد الفراره بالموضوع بغيت اموت 🙁 شنو هذا أبي اكل!! والصراحه خالد (بين كيلر ) مافيك خير الحين انا جارك بصباح الناصر وولد علمك ( مطيري) ما تعزمني على طبخاتك ؟ لا خلاص انا زعلت ...

لول .. صباح الناصر؟؟ اي قطعه؟؟
حياااااك حيااااااااك اقلط .. اطلبلك من هارديز 😛

انا في قطعه 4 .. محد يقحص عندنا :smug:

 

[Vorg Zangief]

-- --

أحلى شراب شربته بحياتي <O>_<O>

 

[Xeon-Q8]

^

البطل الثاني شنو بالضبط ومن وين جايبه

عصير رمان عادي؟

 

[Vorg Zangief]

مو عصير عادي هذا عصير مركز . مثل الفيمتو . تحط قليل منه بالكاس و خط عليه الريد بول و و حوسه بقفشة شوي و بس :>
هو موجود بالجمعيات ، و سعره مو رخيص ياخذ 3 الى 5 دنانير و فيه نكهات كثيرة ، بس الرمان هي الافضل بالنسبة لي ،
و على فكرة ، هذا ينفع مع السفن آب بعد 🙂 ممتاز ،

 

[Xeon-Q8]

بجربه اليوم

ثانكس ع الوصفه الخطيره 😛

 

[Painkiller Q8]

^
جنك تدري امس سويت خلطه عجيبه .. شكلها عادي بس الطعم غير عادي !!

 

[m7tram]

لول .. صباح الناصر؟؟ اي قطعه؟؟
حياااااك حيااااااااك اقلط .. اطلبلك من هارديز 😛

انا في قطعه 4 .. محد يقحص عندنا :smug:

مالقيت الا هارديز عاد لول , بقطعه 1 ساكن .

 

[Noah`s Ark]

-- --

أحلى شراب شربته بحياتي <O>_<O>

تشرب نبيذ؟ >=(

 

[Sora Diersly]

-- --

أحلى شراب شربته بحياتي <O>_<O>

هذا المشروب يسوونه مطعم اسمه فوشي في مجمّع الراشد. مطعم ياباني, ناسي اسم مشروبهم لكنهم يستخدمون بايسن, سيريب رمان, عصير ليمون وصودا. يصير شيء إعجازي. أذكر ادمنت عليه ايام الدمام 🙁

---

علي, نبيذ :laugh:: عليك اسلوب!

 

[SAUD~F-16]

احسن شي بالحياة الحمضيات وكيك لوزين بالفرولة

 

[إحساس]

احسن شي بالحياة الحمضيات وكيك لوزين بالفرولة

أقسم بالله أنك كينق .. أنت أحسن شخص بالدنيا عندي رسمياً :inlove:

أحلى وجبة خفيفة ممكن تجربها في حياتك .. ما أظن أني راح ألاقي أحسن منها :inlove:

 

[BaKREee]

احسن شي بالحياة الحمضيات وكيك لوزين بالفرولة

:yuck:

 

[DEMON]

^^^
قال شي يقرف ؟؟

 

[m7tram]

مشتهي أتريق برى صارلي قرون متقرنه مو متريق برى لكن وين تحصل احد الي دوام/جامعه/نايم , ليش مو كل الناس نفسي ينامون ونص8 بليل يقومون 3 الفجر؟ صج اني عجيب ياخي .

 

[Snake-87]

مشتهي أتريق برى صارلي قرون متقرنه مو متريق برى لكن وين تحصل احد الي دوام/جامعه/نايم , ليش مو كل الناس نفسي ينامون ونص8 بليل يقومون 3 الفجر؟ صج اني عجيب ياخي .​

كنت مثلك قبل إسبوعين يمكن (كل يوم فطاير شويخ).. إصبر علي جم يوم بصير مثل نومتك xD .

هذا المشروب يسوونه مطعم اسمه فوشي في مجمّع الراشد.

المطعم هذا عندهم آيسكريم مقلي .. شي خيالي :inlove:

 

[Xeon-Q8]

مشتهي أتريق برى صارلي قرون متقرنه مو متريق برى لكن وين تحصل احد الي دوام/جامعه/نايم , ليش مو كل الناس نفسي ينامون ونص8 بليل يقومون 3 الفجر؟ صج اني عجيب ياخي .

اخاويك مطعم "بربيس" 😛

محد نفسك .. جسد شباب .. بروح شايب 😛

 

[m7tram]

كنت مثلك قبل إسبوعين يمكن (كل يوم فطاير شويخ).. إصبر علي جم يوم بصير مثل نومتك xD .

الله ... فطاير شويخ .. بس كلش مالي خلق اروح اطلب وارجع لول.

اخاويك مطعم "بربيس" 😛

محد نفسك .. جسد شباب .. بروح شايب 😛

ههههههههههههههه والله ضحكتني على بربيس XD .

 

[Painkiller Q8]

^
فطاير الشويخ على كثر ما يمدحونه .. المطعم شكله مقزز ومو نظيف (بس راح اجربه اكيد)

عن نفسي اذا حصلت فرصه اكل برا الصبح اروح الافنيوز .. مليون مطعم هناك .. واذا مالي خلق اكشخ اروح مكدونالدز (مك مافن بيض FTW)

 

[SAM]

احسن شي بالحياة الحمضيات وكيك لوزين بالفرولة

حمضيات اكثر شراب اوفر ريتد ..

 

[BaKREee]

^^^
قال شي يقرف ؟؟

اييه والله خلطتكم عجيبه :yuck::

 

[Snake-87]

. بس كلش مالي خلق اروح اطلب وارجع لول.

لا فطاير شويخ لازم تقعد مو شي تطلب .

فطاير الشويخ على كثر ما يمدحونه .. المطعم شكله مقزز ومو نظيف (بس راح اجربه اكيد)

المطعم ناجح بشكل ما تتصوره .. آكل منه من لما كنت بالإبتدائي وأنظف من هارديز وكنتاكي مليون مرة على شكله القديم المأساوي ... لا تتوقع الفطاير تكون شي خيالي على سمعته بس بالنسبة لي أشوفها جيدة جدا والبيتزا الصغيرة عندهم حلوة حيل .
ولا تروح حق فرع خيطان .. خايس :yuck:: .
عندك بعد من المطاعم المشهورة مطعم ساكت عجيب بخيطان .. يفتح بعد صلاة الفجر مباشرة ومطعم السعادة .. سوالف بيض وشاي حليب وجباتي .. مشهور حيل وتحصل فيه شيّاب واايد .

واذا مالي خلق اكشخ اروح مكدونالدز

إنت بتاكل وإلا بتكشخ ؟ ... ما يهم شكل المطعم أو أسعاره المهم المضمون ... شوف كشري جحا بحولي .. أحلى كشري مصري كليته بحياتي .. حتى بمصر مو نفسه والمطعم شكله متوفي حده ماعنده منيو بس يبيع كشري وبسعر التراب .

 

[m7tram]

إنت بتاكل وإلا بتكشخ ؟ ... ما يهم شكل المطعم أو أسعاره المهم المضمون ... شوف كشري جحا بحولي .. أحلى كشري مصري كليته بحياتي .. حتى بمصر مو نفسه والمطعم شكله متوفي حده ماعنده منيو بس يبيع كشري وبسعر التراب .

اتوقع قصده ماله خلق يكشخ يقصد فيها الريوق بالافنيوز يعني مايتقزرت شكلياً على حسب المكان لول.

 

[Painkiller Q8]

^
بالضبط .. يعني عادي اروح ببجامه للشويخ وآكل وانا في السياره .. بس صعبه اروح الافنيوز ولابس بجامه (ملابس بيت) مو بجامة النوم 😛

أقول ماتبون نسوي طلعة ريقوق لأعضاء TG ? :razz::
تعديل: على حسابي لاتخافون !