الموضوع الرسمي للأكل والمطاعم | Food, Restaurants (وش تاكل في رمضان؟)

[Painkiller Q8]

^
روح مطعم اسمه "رايس" Rice ... جميع انواع العيوش !!!
ينزل معاه شغلات + حلو + شاي فحم

موجود في مجمع الافنيوز .... المطعم يستاهل ويطيب الخاطر !!

طبقي المفضل هناك هو .. لحم ضأن بصوص الكريمه والارز الابيض ... :inlove:

 

[Noah`s Ark]

بين كيلر. ما ادري ليش احس انك تصرف جزء لا يتجزأ من راتبك على المطاعم. 😛

 

[Painkiller Q8]

بين كيلر. ما ادري ليش احس انك تصرف جزء لا يتجزأ من راتبك على المطاعم. 😛

:laugh:: انت مو أول واحد يقولي هذا الكلام ... بس بصراحه انا اعتبر الاكل مثل القيمز .. شيء احبه وماقدر اوقف عن حبه ولازم اجرب كل شيء جديد .. مره من المرات قلت ابي اجمع فواتير المطاعم في شهر واحد بس ..
آخر الشهر لقيت اني صارف قريب الــ60 إلى 70 دينار بس على الاكل @_@ زز كاني شاري 3 - 4 العاب إكس بوكس .. بس بما اني استمتعت فأكون راضي مهما كان المبلغ !
يارجل فيه مطاعم دخلتا في "دبي" دفعت 25 دينار للعشاء فقط !! من هل مطاعم الي لازم تلبس بدله رسميه << بس دخلتها وانا في الزي الرسمي الخليجي :lebb:
بس هني قلت .. هذا اسراف بصراحه ومع ان الاكل كلن ممتاز و3 اطباق على مدى الرحله .. بس يضل انه "إسراف"

 

[Rare Games]

بين كيلر مطعم d &d شنو اسمه الكامل وين صاير بالضبط بأي مكان ؟

يا ليت تنصحنا كذا اكله عجيبه من المطعم حسب تجربتك 🙂

 

[Fatale]

لول الموضوع خلاني اجوع بزياده

للمعلوميه فتح فات برجر في الرياض اخيرا

وفيه مطعم ثاني خيالي اسمه :فطيرة الفلافل

انا بالعاده ما اكل فلافل لكن واحد من اخوياي وانا بدوام قال اجبلك فطور ما تندم انك كليته ولما جابها

الإ فطيره كبيره تكفي اربعه بس واو طعمها يهبل خصوصا انهم يستخدمون نوعين جبنه وصلصله وما ادري ايش

بس بعدها ادمنتها سرت ما افطر إلا منها واتعشى بعض الاحيان منها وعندهم بعد بيتزا فلافل ^^

بس الافضل والي اطلبه دائما: فلافل اسبشل جنان

^^

شكل الفطيره مو زي الي في الصوره

الي بيروح يجربه يعطيني انطباعه

 

[Painkiller Q8]

^
والله بالنسبه للريوق (عندهم نوعين بيض) بكرات اللحم .. او بالمشروم كل واحد احلا من الثاني !!

اما الغدا والعشى انا ماجربت المينيو .. جربت البوفيه الي تحتار منه الاكل ويحضرونه لك على الطاوله ! عاد هناك كل شي موجود وتختار وتقدر تذووق 🙂

 

[Rare Games]

طيب وين صاير بالضبط ؟ بأي مكان ؟

واسمه D & D فقط ولا فيه كلام زيادة

وبعدين مو هو نفسه المطعم الي طلبت منه ام الربيان ؟

 

[Five]

مدري اذا احد حطه قبلي ,تشيليز مطعم رهيب رحته في الخبر , اول مرة اروح مطعم يجيني طلبي نفس الصور (نادرا ماروح مطاعم راقية مثل كذا بس كنتاكي) , لحمه رهيب جدا جدا جدا !

 

[X-SRI-X]

لول الموضوع خلاني اجوع بزياده

للمعلوميه فتح فات برجر في الرياض اخيرا

وفيه مطعم ثاني خيالي اسمه :فطيرة الفلافل

انا بالعاده ما اكل فلافل لكن واحد من اخوياي وانا بدوام قال اجبلك فطور ما تندم انك كليته ولما جابها

الإ فطيره كبيره تكفي اربعه بس واو طعمها يهبل خصوصا انهم يستخدمون نوعين جبنه وصلصله وما ادري ايش

بس بعدها ادمنتها سرت ما افطر إلا منها واتعشى بعض الاحيان منها وعندهم بعد بيتزا فلافل ^^

بس الافضل والي اطلبه دائما: فلافل اسبشل جنان

^^

شكل الفطيره مو زي الي في الصوره

الي بيروح يجربه يعطيني انطباعه

بصراحة عيوني على ذا المطعم !! وينها بالظبط ؟ ايش وجباتها ؟ بكم اسعارها ؟
شكلي بروح لها ذي الايام

 

[Painkiller Q8]

طيب وين صاير بالضبط ؟ بأي مكان ؟

واسمه D & D فقط ولا فيه كلام زيادة

وبعدين مو هو نفسه المطعم الي طلبت منه ام الربيان ؟

أوب.. نسيت اقول وين مكانه !!!
المكان آخر الافنيوز ... مقابل Pink Berry القديم .. يعني الجهه المعاكسه للسينما عرفت؟ اسمه دي آند ديلوكا على ما اعتقد ... الي هو عباره عن سوق اكل اشياء طبيعيه ونادره جدا .. والمطعم يستخدم المواد الي يبيعها في الطبخ .. ومن اجبان ولحوم وخضره واسماك وكل شي !!!
اي طلبت منه ام الربيان .. سعرها قريب ال 10 دنانير :\ . بس لذيذه وتشبع اذا كان معاها طبق جانبي .. اخذ عيوش .. عندهم انواع هناك

<< جوعتني !!!!!!! قاعد اللعب وما اكلت شي من الصبح 🙁 .. شكلي بروح الحين !

 

[Fatale]

بصراحة عيوني على ذا المطعم !! وينها بالظبط ؟ ايش وجباتها ؟ بكم اسعارها ؟
شكلي بروح لها ذي الايام

معليش ما قريت ردك

المكان -حي النزهة-شارع لامير مقرن رقمهم موجود في الصوره

كل وجباته فلافل انواع فيه فلافل مكسيكيه بـ 4 ريال على ما اعتقد بس الي اخذه دائما فلافل سبشل بـ 8 ريال

بالعافيه^^

 

[قناص]

بين كيلر ودي أجرب الأشياء اللي تعرضها لكن أخاف يزيد وزني .. شكل الأكل اللي تصوره يشهي
جيمز + جنك فود = سمنة

 

["a7mad"]

مدري اذا احد حطه قبلي ,تشيليز مطعم رهيب رحته في الخبر , اول مرة اروح مطعم يجيني طلبي نفس الصور (نادرا ماروح مطاعم راقية مثل كذا بس كنتاكي) , لحمه رهيب جدا جدا جدا !

تشيليز من افضل المطاعم عندي .. التكساس فرايز شئ مو طبيعي !!

:inlove:

 

[Painkiller Q8]

خلطه رائعه .. تصلح تسويها اذا كنت ناوي تلعب لعبه "على رواء"

• نص كوب حليب
• 3 ملاعق كبيره آيس كريم فانيليا
• 4 بسكوتات أوريو
• 8 مكعبات ثلج
• "إختياري" ملعقه كرامل

كلهم في الخلاط (النوع الي يجرش الثلج) ... وشغله 10 ثواني ووقف 3 ثواني .. لمده نصف دقيقه !!!
واستمتع في المذاق الرائع !!!!!

 

[chris]

ضرووووووووووووووووووووري اجربها اليوم خصوصا انو فيها اوريو :evil:: !!!!!!!!

 

[Tiger]

[ QUOTE=chris;774174]ضرووووووووووووووووووووري اجربها اليوم خصوصا انو فيها اوريو :evil:: !!!!!!!![/QUOTE]

حلو بزياده

 

[Fatale]

شباب غريبه ما احد ذكر هالمطعم:

اليوم اول مره اروحله :happy:

صراحه عجبني وحبيته من المنيو لإنهم حاطين كل شي في بالك

يعني الي يحب المقبلات بيلاقي انواع والي يبي سلطه بيلاقي الي يبي هامبرجر

وسندوشتات بيلاقي وبإنواع الي يحب البيتزا بيلاقي وبإنواع والحلا وهكذا

صراحه مطعم يناسب جميع الإذواق والإحلى ان اكلهم طعمه خرافي

وهذا الي طلبته:

[/url][/IMG]
اعشق البيبسي بالفروله :inlove:

[/url][/IMG]

كاساديا بالدجاج والجبن تحس انك في نعيم 😡

[/url][/IMG]

واو مع اني احب الببروني إلا النوع الثاني خيالي
​

 

[sanjiyan]

أمس رحنا Shake Shack فاتح جديد في مول الامارات... انصدمت من الطابور اللي واقف مش معقول الزحمة اللي عليه.

بس لما جربت البرجر.... صدمة... افضل برجر كلته في حياتي... جوني روكيتس ما يوصل مستواه مع اني احب جوني روكتس بشكل جنوني.

10/10 للبرجر و الفرايز لكن الشيك كان دون المستوى. تجربة انصحها لكل حد بيروح دبي او مول الامارات.

 

[Noah`s Ark]

Raspberry Cheesecake من ناندوز من ألذ التشيزكيك الي اكلتهم.
انا انصح الي ما جربه يروح يجربه, الآن!

 

[The Last Lombax]

ناندوز

أنت ضربت الوتر الحساس فيني 🙁

 

[Noah`s Ark]

^
ناندوز من اجمل المطاعم الي رحت لها, ديزاين محلاته شي متعوب عليه بمعنى العبارة, والي يعجبني ان كل فرع له لمسة خاصة في التصميم.
و أكله لذيذ جدا و اطباق الدجاج عنده مميزة من جد. حتى المينيو الورقي والأكياس عنده مصممه بإحتراف.
الي مهتم يزور موقعهم ( حتى موقعهم كول ). ناندوز هذا شي ابداع بصراحة.
http://www.nandos.com/

 

[Sea.roOock]

شباب الرياض , في مطعم على شارع التخصصي لسى مافتح لكن باين انه رهيب + لونه أحمر على حد علمي وعليه صورة برجر لول , احد يعرفه ؟ او له فرع ثاني

 

[Fatale]

^^

تقصد الي جنب عبقرينو

إذا كنت تقصده فهذا فات برجر له فوق الشهر واكثر بعد ما فتح والعالم تشطفه تنتظر متى يفتح

المطعم عالمي ولقيته في دبي صراحه خيال بس متى يفتح^^

 

[m5050]

اليوم بما اني فاضي وتوني جاي من اختبار الماث ومستانس جا في بالي اطبخ بس مشكلتي دايمن ابحث عن وصفات في النت والقى نص المقادير مب عندي
لفيت لفيت النت لين لقيت وصفه كذا سهله شوي ومقدايرها موجوده وبدينا بالطبخ وطلعت بنتيجه مرضيه

اسباجتي بالجبنه

بس البقدونس متعوب عليه :smug:

 

[Al Pacino]

^

شكلك بالتحضيرية ولا ؟

وياليت تكتب لنا المقادير لاني مثل حالتك .. دائمًا اتحمس وبالاخير نص المقادير مو موجودة .

 

[AL3TTR-M]

ماجربت التونه
بس باللحم

 

[Dark Fantasy]

تشيليز من افضل المطاعم عندي .. التكساس فرايز شئ مو طبيعي !!

:inlove:

انت أكثر شخص تفهم في هذا الموضوع !!

Johnny Rockets أعتبره أفضل مطعم وجبات سريعة

للي يبي يجربه في الخبر يلقاه عند البوابة الأولى ( البوابة الرئيسية ) في مجمع الراشد قبل لا يدخل فيها المطعم على يساره

 

[m7tram]

إنني جائع! من وين اطلب تالي هالليل وابي اكل صاروخي 🙁 ... لكم من الحين لي ورى صلاه الفجر تقولون لي من اي مطعم اطلب تفهمون؟ يالله ناطر ... ( ثقه ان في احد راح يرد الحين اصلا لول ).


تعديل: من بعد الفراره بالموضوع بغيت اموت 🙁 شنو هذا أبي اكل!! والصراحه خالد (بين كيلر ) مافيك خير الحين انا جارك بصباح الناصر وولد علمك ( مطيري) ما تعزمني على طبخاتك ؟ لا خلاص انا زعلت ...

 

[m5050]

^

شكلك بالتحضيرية ولا ؟

وياليت تكتب لنا المقادير لاني مثل حالتك .. دائمًا اتحمس وبالاخير نص المقادير مو موجودة .

ايه بالتحضيريه لول
كيف الاختبار بس اليوم عساه زين :laugh::

بخصوص المقادير هنا الوصفه كامله

 

[Snake-87]

إنني جائع! من وين اطلب تالي هالليل وابي اكل صاروخي 🙁 ... لكم من الحين لي ورى صلاه الفجر تقولون لي من اي مطعم اطلب تفهمون؟ يالله ناطر ... ( ثقه ان في احد راح يرد الحين اصلا لول ).

25722722
مطعم ولهان .. عنده وجبة إسمها "صيد قمبار" .... إطلبها وإدعيلي .