الموضوع الرسمي للأكل والمطاعم | Food, Restaurants (وش تاكل في رمضان؟)

[Hironobu Sakaguchi]

^
لاعجب من أنك تشتكي من السمنة :laugh::

مممم بس ورق العنب ما ينطبخ كل يوم , يادوب مة كل شهر او كل اسبوعين وربما اطول من كده
شوف انت هم الالدة تحط الرز المفلفل وتحط ورق العنب ويلا احشي ولف احشي ولف احشي ولف
شكلي المرة الجاية بقوم معاها بس شان اضمن اسوي زيادة لنفسي هع هع

بس ورق العنب له لمسته.... بيطلع اكثر من شكل احيانا بالطعم
مرة كله ليمون وطري
مرة شوية ناشف وعليه طماطم
مرة البطاطس تساعد على ترطيبه لكن مو مرة يكون طري

يعني كل واحد ونفسه ^.^

 

[Painkiller Q8]

باين كيلر ممتاز طيب ليش ما تحاول تضيف على وجبتك صوص حتى تخلي وجبتك مثالية أكثر : http://www.grouprecipes.com/salmon-sauce ؟؟

دوني .. انا منقعها في صوص من امس (خردل - عسل - فلفل - ثوم - ليمون - زبده) القطعه امتصت الصوص عدل .. مايحتاج صوص جانبي لانها ماخذه طعم 🙂

اما لستيك اللحم .. انا اسوي صوص مشروم جانبي .. ويدخل في مقاديره "قشطه" الي يسمع يقول وع .. بس لما يجرب شيء ثاني :inlove:

_____________________-

اقلط انت وياه .. باباجووووونز !!!

 

[Saadawii]

اما لستيك اللحم .. انا اسوي صوص مشروم جانبي .. ويدخل في مقاديره "قشطه" الي يسمع يقول وع .. بس لما يجرب شيء ثاني :inlove:

هذي الصلصة بالذات كيف تسويها؟ بقشطة وبدون قشطة؟

 

[dro]

ورق العنب أكثر حاجة أوفرريتد في العالم.

اقول لا يكثر :sarcastic: ... أنت كلك على بعضك أوفرريتد :tongue:

 

[Saadawii]

اقول لا يكثر :sarcastic: ... أنت كلك على بعضك أوفرريتد :tongue:

حتى فورد اوفرريتد :sarcastic:
(حسين بيجيه انهيار عصبي الحين)

لول، المشكلة اني انا اقدر فورد بعد.
بس ورق العنب اذا مضبوط شي ثاني. فيه أكله مثله اسمها كبيبة حايل. أتمنى أذوقها.

 

[Hironobu Sakaguchi]

اقلط انت وياه .. باباجووووونز !!!

وش عاجبكم فيه؟
عندنا فتح في السعودية وافلب وتقفل
بيتزا البابروني كاني اكل دوا كحمة لول

 

[JIN KAZAMA]

^
ايش هذا دواء ال"كحمه" ؟!
بس مش شرط احنا بيتزا هت فتح عندا وفلب لول

 

[Saadawii]

شباب، شيكو هذا الموقع، من مواقعي المفضلة:

http://www.taaam.com/

أتذكر انه حصل على جائزة.

 

[BaKREee]

بس ورق العنب اذا مضبوط شي ثاني. فيه أكله مثله اسمها كبيبة حايل. أتمنى أذوقها.

الكبيبه/كبيبا احسن من ورق العنب المعروف .

 

[Noah`s Ark]

الصور في الموضوع ما شاء الله شهتني أطبخ شي, فقررت اني احط صور أكلات طبختها او اكلتها :happy:

فطور, طبق بيض بسيط جدا لكن الصفة عجبتني

هذا عندنا مطعم يسوي شريحتين لحم مع رز, غداء ممتاز لعزوبي

الأكلات الجاية شغلي 🙂

هذا نسميه مطبق ربيان

طبخة تأليف :tongue: والرز طلع معجن, بس كان طعمها لذيذ

برياني دجاج

سلطة فواكه (ينصح بها )
أسهل وجبة فرعية لذيذة ومغرية ممكن تسويها, قطع فواكه من ذوقك ( ينصح بالموز والتفاح والمانجا )وصب فوقهم عصير مانجا و حط عليهم آيسكريم فانيليا.-فقط-

 

[سليل]

^
يالدب , شهيتني آكل و انا بالدوام =(
صحن البيض و سلطة الفواكه ودي اجربهم!

عوافي ان شالله

 

[Jonas]

Noah`s Ark

ما الومك تاكل في الهواء الطلق 🙁 من المكان/الجو الحلو الي انت فيه ما شاء الله

 

[BlackBird]

Noah`s Ark والله المكان الي تاكل فيه
ما شاء الله يفتح النفس صراحة

اليحن راح أطبخ للغدى بس محتار وش أطبخ
يا رب يكون فالبيت شي جيد ينطبخ :confuse:

 

[itachi]

وخر ياولد الدور علي ...هالمره الطبخات هذي أنا طابخها 😎:

بيض بيتزا

وهذا ايس كريم مع ام ام من تأليفي مررره رهيب

وهذا الفول المدمس ومن تحته حمص خلطتي الخاصه ...اللي اذا خلص أنا مش مسؤول . مع شاي بالنعناع اووووووووووه

---------
هذي صوره جانبيه بس حبيت احطها لكم ..أنا من شفت هذي الصوره وقمت أحلم أجرب هذا (الماكرون)...بس مو طبيعي حسافه ما مداني أجرب النكهات كلها

 

[Sov]

ماشاء الله عليكم .... وانا الي على بالي صرت طباخ بعد ماعرفت اسوي بيض ...

 

[Noah`s Ark]

^
يالدب , شهيتني آكل و انا بالدوام =(
صحن البيض و سلطة الفواكه ودي اجربهم!

عوافي ان شالله

سلطة الفواكة سهلة وما تاخذ 5 دقايق , وطبق البيض انا سويت بيضتين بطريقتين مختلفتين بس

Noah`s Ark

ما الومك تاكل في الهواء الطلق 🙁 من المكان/الجو الحلو الي انت فيه ما شاء الله

Noah`s Ark والله المكان الي تاكل فيه
ما شاء الله يفتح النفس صراحة

اليحن راح أطبخ للغدى بس محتار وش أطبخ
يا رب يكون فالبيت شي جيد ينطبخ :confuse:

بالنسبة للمكان شباب فللأسف انحرم ايام كثيرة من الأكل فيها بسبب المطر 🙁

 

[s3rorh]

علي النمر ... انت ساكن بالشارع ؟

عشاء الليله

وينهم ألي كانوا يعيبون عليها بالصفحه السابقه :laugh::

 

[BigSur]

كيف سويتها؟
ماشاء الله..

إذا ممكن الطريقة تسوي فينا خير 😛

 

[Mute City]

شباب ابغى اسهل طبخات للشاب العزوبي بطني عفن من اكل السوق ومن الفول والحمص والبيض ابغى انوع اي شي

 

[Noah`s Ark]

كيف سويتها؟
ماشاء الله..

إذا ممكن الطريقة تسوي فينا خير 😛

اكيد
تحتاج: دجاج-ملح وبهارات من ذوقك ( أنا استعملت لومي عمان- كركم - فلفل اسود - بهار مدري وش اسمه لول ) - رز
الطريقة : جيب جدر وحط فيه ماي و حط البهارات في الماي و حط عليهم الدجاج على طول, أسلقهم لين الدجاج يكتسب لون البهارات, بعدها طلع الدجاجة وخلي الماي والبهارات يستقرون بعد السلق و حط فيهم الرز وكبر على الفرن إلى ان تشوف حبته تناقز, صغر عليه وخله يستوي, راح تشوفه يكتسب اللون, و الدجاجة أقليها او أشويها على حسب الرغبة ( أنا قليتها ), وعلى قلبك العافية D:

 

[Capitano-18]

Noah`s Ark ما شاء الله عليك. البرياني شكله عجيب. راح اجرب طريقتك بأقرب وقت.

 

[Dmck]

توني اقرا موضوع ( يتصل على حسين 11 يقولة تطلع نتعشى :laugh:: )

بالنسبة الى اكلة ورق العنب

هذي وجبة نسميها دولمة في العراق وفيها بصل وطماطم وباذنجان والخ

وجباتي مفضلة

رز برياني مع خلطة بطاطا والبزاليا ودجاج ولحم وكشمش وجزر والخ

بيتزا بابا جونز

شاورما عربي

و KFC و والماك بلا شك وخاصة بيك ماج وتيستي

هذا الي في بالي حاليا

 

[Maximilian]

خفيف 😡

الكوكيز والناتشوز رهيبين ! :inlove:

 

[Al Pacino]

كــ كوكيز ماعتقد فيه افضل من كوكيز انوش :

تذوب ذوبآن .

 

[Painkiller Q8]

لي الحين في "دبي" راح افجر الموضوع في صور الاكلات على مدى 3 ايام ...
بس اليوم بحط اول وجبه اكلتها وهي أفطار الفندق أمس 🙂

 

[king zell]

شباب احد يعرف مطعم ياباني ممتاز في الدمام او الخبر

يفضل يكون عنده ياكي سوبا

 

[alakafi]

^
^
باين كيلر الوجبة غير مشهية ابدا اسوأ صورة حطيتها , هل انت طالب وجبة صحية ؟

 

[Tiger]

قي مطعم يسوي برجر من لحم الجمل انصحك انك تجربه اسم المطعم Local House restaurant

 

[mario0o]

^
شكلي بطيحبه الاسبوع الياي!!

شو رايك بالمطعم واكله ؟

 

[Emirates]

اوف البرجر على خبز خمير لوول

يبالنا نجربه