hits counter

الموضوع الرسمي لـKingdom Hearts: Dream Drop Distance ~ اختبار, حلم و لقب!

الي خلاني افضل KH2 عليها هي كبر العـوالم + طـول اللعبة .. انا عارف بتجوا تقولوا هذا جهاز محمـول وهذا كونسل
بس الـ 3DS قوي واظـن يقدر يخلوا العوالم اكبر واللعبة اطول, لانها قصيرة شوي​
أنقر للتوسيع...

هممم لأ .. اللعبة تستخدم اكبر كاتريديج متاح للـ 3DS اللي هو 4 جيجا ... اتوقع ان هذا اكبر شيئ ممكن يقدموه بقدرات الجهاز خصوصا بوجود تمثيل صوتي كامل و مقاطع كثير ..
 
^
أوك تسلم أخوي دون ..~

1- كم احتاج يكون لفلي حتى اهزم جوليوس الزعيم السري وممكن استراتيجية للزعيم ..؟
2- ممكن احد يفهمني خطة زيهانورت يعني هو كان مخطط من الجزء الاول يصير كذا حتى يوصل لهذي اللحظة ..؟

انا خلصت اللعبة على البراود مود ..~
 
التعديل الأخير:
^

لا لا مو هذا الرمز .. شفت الي جنبه ؟ الازرق ؟ الي جنب الزر الازرق من اليمين هو حق السبويلر ^ ^"

Solid Sora قال:
هممم لأ .. اللعبة تستخدم اكبر كاتريديج متاح للـ 3DS اللي هو 4 جيجا ... اتوقع ان هذا اكبر شيئ ممكن يقدموه بقدرات الجهاز خصوصا بوجود تمثيل صوتي كامل و مقاطع كثير ..
أنقر للتوسيع...

طيب الـ PSP كـم يستخدم ؟ كم جيــجا ؟
 
التعديل الأخير:
DoN JoKeR ~ قال:
^

لا لا مو هذا الرمز .. شفت الي جنبه ؟ الازرق ؟ الي جنب الزر الازرق من اليمين هو حق السبويلر ^ ^"



طيب الـ PSP كـم يستخدم ؟ كم جيــجا ؟
أنقر للتوسيع...

1.6 جيجا اقصى شيئ .. و هو حجم بيرث
 
زيهانورت و اهوا شاب قرر يطلع من الجزيرة و يتدرب و يستكشف العوالم
بعدها صار ماستر و عرف عن كينقدوم هارتس, و الكايبليد لفتحها, و قرر إستعمال فينتوس×فانيتاس لصنعه لكن فشلت خطته
و كان مخطط يدخل لجسد تيرا (عشان لما يدخل لمملكة القلوب و معاه الكايبليد يكون بجسد شاب مو شايب لكن فشلت نص خطته)
بعدها زيهانورت لاحظ إن جسده قاعد يقاوم (تيرا) فقرر إنه يتخلص من تيرا .. و مسك الكيبليد و وجهه على نفسه ..
وقتها طلع لأول مرة الهارتلس قاردين اللي يحميه .. (يُقال هذا ما تبقي من تيرا) لكن هالشي أدّي لخسارة كل ذكريات زيهانورت+تيرا
فعاش بصفحة جديدة و صار تلميذ أنسم ذا وايز , و بعدها صار مهووس بالسيطرة عالذهن و إكتشف الهارتلس الصناعيين
و قعد يدرسهم مع إكتشافه لقلوب العوالم .. هالدراسة عطته وايد معلومات و أخذ ناس و قعد يجرب عليهم بالمختبرات ,
أنسم ذا وايز رفض أفكاره (لأن وقتها توه ياي ميكي و شرحله عن قلوب العوالم و خطوره فتح هالأبواب) ..
زيهانورت حقد على إستاذه و ذبح التلاميذ اللي معاه (إيفن,إينزو) و الحراس (ديلان,إيليوس) و (برايق)
و قط أنسم ذا وايز بعالم الظلام و كمل البحوث تحت إسم "أنسم" و لاحظ إن لما يموتون التلاميذ يطلع هارتلس لكن الجسد يظل مستلقي بالأرض(نوبودي)
و عرف إن فيه مخلوق نوبوديز.. حاول يسوي تجربة إنه يقدر يخلي الهارتلس ما زيهانورت له مخ و يفكر مو مثل باجي الهارتلس و عرف الطريقة..
و عرف إن فيه حامل للكيبليد بجزيرة ديستني , و مايعرف منو هل ريكو أم سورا .. فـ أخذ كايري و أرسلها لعالم ريكو و سورا عشا يكشف منو "حامل الكيبليد"
بعدها مات(السبب غير معلوم عادي يكون إنتحار..) و الهارتلس ماله إنتقل لعالم سورا و ريكو (عالم زيهانورت الأصلي)
و عرف إن ريكو هو حامل الكيبليد و خطط إنه يستحوذ على جسد "حامل الكيبليد" عشان تكون له القدرة لحمل الكيبليد و تحقيق طموحاته
لكن قبل لا تتدمر الجزيرة سافر بالزمن لزيهانورت و أهوا شاب و حذره عن أمور المستقبل ..
و عطى زيهانورت الشاب القدرة للسفر عبر الزمن (الشروط إنذكرت باللعبة) فراح و قابل نسخ زيهانورت المتعددة و قالهم إنهم يتميعون ليوم محدد.
بعدها رجع هارتلس زيهانورت و إستحوذ على جسد ريكو و صار اللي صار .. وسورا ذبحه
أما النوبودي لزيهانورت فصنع مملكة قلوب من قلوب البشر و كان مخططه إنه يقسم اجزاء قلب زيهانورت عليهم لكن فشلت خطته .. و سورا ذبحه
و مثل ما إنت عارف إن اذا مات الهارتلس بعدها النوبوديز فالإنسان يرجع بشكل الطبيعي ..
و هذا اللي صار مع زيهانورت .. و لكن رجع بهيئة كشايب !! مارجع بجسد تيرا (و السبب غير معلوم يمكن تيرا سوا شي)
و زيهانورت الشاب صارت له القدرة للسفر عبر الزمن من كه1, و راح يدخل لعالم الأحلام عن طريق هارتلس زيهانورت (اللي كان لابس لبس بني ببداية هالجزء) و وصل سورا لعالمهم ليومهم المحدد و نام بالاخير, وصل ريكو و كان العالم حقيقي مو حلم بالنسبة له
و شاف الأعضاء و عرف السبب
تقسيم قلب زيهانورت للأعضاء ال13 و حربهم ضد 7 الحامين للنور ..
زيهانورت الشاب رد لعالمه و نسى كل الذكريات بعالم الأحلام أو المستقبل ..
و لكن طلعت له الرغبة بأنه يطلع برا العالم بشكل أقوي

فلو تفكرون فيها, هالجزء هذا كان أيضاً سبب بداية رحلة زيهانورت
كلامي ما يغطي كل التفاصل 🙂
 
^
مشكور أخوي نيوكس الان فهمت ليش سوا كذا بس
كيف يجتمع الهارتلس والنوبدي والجسد في مكان واحد مثل ماصار في اللعبة ..؟
وممكن اذا كنت تعرف اجابة السؤال الاول الي ذكرته اتمنى تفيدني :sweat:
 
Niox قال:
^طيب إنت تدري ليش بياخذ الكايبليد ؟, و المنظمة الشريرة هدفها مو إعادة إحياء زيهانورت!
و أصلاً الشرير راح يتم إعادة إحياءة سواء عن المنظمة أو بالطبيعة.
ماكو خرابيط, روكساس دلالة إن إعتراف من سورا ان روكساس يستحق حياة بروحة يعني "فينتوس".
و شيون يعني أخييراً فيه أحد تذكرها!! و ناميني يعني للحين سورا متعلق يبي يكلمها ..
بالعكس @@
كل شي له علاقة بالقصة العامة !!

سؤال أخوي إنت لاعب كل الأجزاء ؟ لأن مبين مو فاهم القصة عدل :/
أنقر للتوسيع...
اممم شكلك إنت اللي ما فهمت ردي زين. أنا ما أتكلم عن قصة 3D، أنا أتكلم عن قصة السلسلة ككل، اللي أصلاً ما كان لها قصة أساسية واضحة إلا بعد Birth by Sleep و 3D.

فيه مقولة عجبتني، تقول “Perfection is achieved, not when there is nothing more to add, but when there is nothing left to take away.”
قصة كينجدوم هارتس تقدر تشيل منها أشياء للصبح. أنا ما عندي مشكلة مع وجود روكساس و باقي الشخصيات اللي ذكرتها في 3D. المشكلة هي وجود روكساس في السلسلة ككل (ماله أي علاقة بقصة السلسلة اللي حاولت ألخصها في ردي السابق). إذا كنت غلطان في تلخيصها فصححني و قل لي قصة السلسلة من وجهة نظرك.

أنا لاعب كل الأجزاء ما عدا ريكودد.
 
التعديل الأخير:
حلو النقاش , و اسمحولي أدخل فيه ..

قبل كل شي , يوسف fan لـKH من زماااااان xD
أنا أتفهم الفكرة يلي قاعد يطرحها ان فعلا ممكن تستثني أمور كثيرة حصلت في السلسلة و ما تأثر على مجرى القصة يلي "فعلا" بدأت تصير مهمة من بعد أحداث BbS - يلي قرأتها و شفتها و ما لعبتها - و جاء جزء 3D ليؤد هالقصة و يقدمها بشكل ممتاز - و يلي أشوفها بنظري قصة قوية و ملتوية و مليئة بالتوستات ! - .

يوسف , Roxas و Xion يمكن ما يكون لهم أهمية ..
لكن كان "لازم" يتقدموا , و خصوصا Roxas , لأن Sora بمرحلة معينة في سير القصة تحول لـHeartless , مما يعني ظهور No Body له , مما يعني لازم تعرف وينه , من هو , و ما هو مصيره - خصوووووصا لما تتعامل مع قاعدة جماهير يابانية ما يفوتها جزئية - 🙂
 
ماكو ولا إضافة غير مهمة للقصة! حتي مشروع الريبلكا (شيون ضمنهم) كان لصنع دمى/أجساد مثالية
لوضع أجزاء قلب زيهانورت فيهم.
روكساس اهوا بشكل آخر "فينتوس"! و فينتوس شخصية جداً مهمة و كان دورها سابقاً خلق المفتاح الكايبليد لفتح مملكة القلوب العظمى (عظمى لأن فيه مملكة قلوب من قلوب العوالم و شفناها بكه1, و فيه مملكة قلوب صناعية من يد زمنس و بمساعدة شيون و روكساس و هي من قلوب البشر)
كل الشخصيات مرتبطة ببعض..
قصة كي أتش كبيرة ما أقدر أقولها لك لكن بصحح تلخيصك
في الماضي كان فيه شخص شرير إسمه Xehanort يبي يحصل على أقوى سلاح في العالم اللي هو الـX-Blade لفتح مملكة القلوب و طبعاً بيدمر و العوالم بتضيع اذا حصل عليها ,نكونت منظمة شريرة عشان تخلق مملكة قلوب و الهدف كان خلق عوالم بيد زمنس (وأيضا يقال زمنس كان عنده سبب خاص)، و سورا حاول يوقفها لكنه قدر بالجزء الثاني. ألحين المنظمة الأصلية من تجميع زيهانورت الشاب كادت تنجح في جعل سورا العضو 13، و الحامين للنور صار لازم يوقفون 13 زيهانورت و منعه من الحصول على X-Blade
 
SoRa~ قال:
^
مشكور أخوي نيوكس الان فهمت ليش سوا كذا بس
كيف يجتمع الهارتلس والنوبدي والجسد في مكان واحد مثل ماصار في اللعبة ..؟
وممكن اذا كنت تعرف اجابة السؤال الاول الي ذكرته اتمنى تفيدني :sweat:
أنقر للتوسيع...
نامورا قال إن طبيعة العالم اللي إجتمعوا فيه زمنس و أنسم unknown
و قال إن زيهانورت الشاب اهوا اللي ساعدهم لو تلاحظ لما يطلع زمنس بالعوالم النايمة يطلع جمبه زيهانورت الشاب
و السؤال الثاني مادري عنه بس سمعت الفانز ينصحون كوماند بالون ضده
 
خلصت اللعبه عالبراود مود ب31 ساعه

مراجعة بسيطة:

+ عمر اللعبة جيد
+ رسوم ممتازه و بعض البيئات المبهره
+ الحان جميله
+ نظام قتالي ممتع كالعاده
+ وضوح القصة بشكل اكبر و النهاية الممتازة أوضحت مجراها
+ الجلوسري الشارح لقصص الاجزاء السابقه مفيد لاسترجاع اهم الاحداث
+ بعض العوالم تحمل احساس ديزني بشكل جميل

- الدروب الاجباري القاتل لمتعة القاتل و المخرب ببعض الاحيان
- الاخراج السيء جدا لبعض قصص ديزني
- اغلب العوالم روتينيه بشكل يجلب الملل
- هبوط الفريم ريت بشكل ملحوظ وقت الازدحام
- كان من الممكن الاستفاده من الفلو موشن بشكل اكبر
- نظام الكومند لم يقدم الشيء الجديد

8/10


استمتعت بهذا الجزء كعادة السلسله .. و استمتعت بالقصه و بالالحان .. كانت تجربة جميله 🙂
 
Niox قال:
نامورا قال إن طبيعة العالم اللي إجتمعوا فيه زمنس و أنسم unknown
و قال إن زيهانورت الشاب اهوا اللي ساعدهم لو تلاحظ لما يطلع زمنس بالعوالم النايمة يطلع جمبه زيهانورت الشاب
و السؤال الثاني مادري عنه بس سمعت الفانز ينصحون كوماند بالون ضده
أنقر للتوسيع...

أوك جاري المحاولة ..~

طيب اخوي نبوكس اذا كان الكيبليد ماأختار سورا ولا ماستر اختار سورا كيف قدر يحمل الكيبليد هل السبب وجود قلب فينتوس ..؟
 
التعديل الأخير:
^هالشي مو سبويلر لانه انشرح ببيرث باي سليب، فينتوس عطاه القدرة لحمل الكيبليد عن طريق وجوده بقلبه.. + قلب سورا قوي و هالشي من اهم شروط "حامل الكيبليد". :]
 
^
يب .. عشان تقدر تحمل كيبليد لازم قلبك يكون قوي .. سواء كان دارك او لايت 🙂
 
أحين ندري أنه الزعيم السري في BBS المسمى MF
طلع Young xehanort , السؤال هو هل في سبب أنه جاء في زمن BBS عشان يسوي شي هناك أو بس يجرب يقاتل TAV بس ؟
 
key_san قال:
أحين ندري أنه الزعيم السري في BBS المسمى MF
طلع Young xehanort , السؤال هو هل في سبب أنه جاء في زمن BBS عشان يسوي شي هناك أو بس يجرب يقاتل TAV بس ؟
أنقر للتوسيع...
كان يمكن يبحث عن نسخ زيهانورت المطشرة ..
+ لقيت أسألة بمجلة فامستو عن يونغ زيهانورت إقرا :]

— It was when the figures started appearing in the thrones.

Nomura: Indeed. Time was stopped just as Master Xehanort was materializing. So he moved his consciousness to Young Xehanort’s body. Reacting to this, King Mickey exclaimed, “That’s impossible!” Young Xehanort was holding a Keyblade that he originally wasn’t able to handle thanks to Master Xehanort’s power. Though the keychain on it is different, the Keyblade he takes out is Master Xehanort’s.

— I see. Young Xehanort himself is still in Destiny Islands and isn’t able to wield a Keyblade yet.

Nomura: Right. Even when he appeared as an additional boss in Kingdom Hearts Birth by Sleep Final Mix, he wasn’t using a Keyblade.​
 
عندي سؤال .. في اللعبة انت تستخدم الـ Ability link عشان تفتح حركات جديدة , اذا غيرت السبريت هل الحركات تروح ؟
جربت بنفسي و غيرت البارتي فيه حركات بقيت و حركات راحت ّ!! .. على اي اساس ؟
 
شباب ممكن سؤال ..
كيف أجيب هذا الكيبليد بسورا وريكو ..؟
http://im21.**********/2012-08-18/134528007351.jpg
 
الشباب الزعماء جابولي الشيب! بالعاده ما احب اطور واغير ادواتي واغير الكيبليد لكن اطريت اغيره وبعد ربع ساعه قدرت افوز بسورا :laugh::!

المبالغه في صعوبة الزعماء ما لها داعي ):
 
^
ما تغير الادوات و لا الكيبليد وو لا شي و تبي تغلبهم بسهوله ؟
انطرني :laugh::

هالشي لازم تسويه على الاقل قبل لا تبتدي بأي عالم

عالعموم من كثر ما كانوا الزعماء سهلين بالنسبة لي و انا العب على البراود مود فزت على اصعب زعيم من اول مواجهه :laugh::
 
بدأت اشك يا اما انتوا الي نووبز او انا الي بروفيشنال بزيـادة :sweat:

اي صعوبة :laugh:::laugh:: !؟
البوس الوحـيـد الي واجهت صعوبة ضده هو انسم اللعيـن :angry::

شكلك انت يا عـبـدالله ماتقتاتل نايتميرز الا نادرا !

انا كل مايطلعولي اهزمهم حتى لو كثروا .. عشان ازود اللفل عـشـان لمن اوصـل للبوس حق العالم ما اواجـه صعوبة

انا حاطه عالستاندرد على فكـرة
 
سحر Firaga Burst هذا سهل علي كل الزعماء اللي قاتلتهم
إذا أحد عنده إياه يحطه على طول وشوف أيش بيصير بعداد الاعداء , بالنسبة لي يطير HP Bar واحد إذا أخذ كل الطلقات
 
شخص جديد على السلسلة و توني بادي فيها و أشوف سالفة الفلاش باك ! حركة جميلة لكن بنفس الوقت احسها ماتشرح جوانب القصة للأجزاء السابقة بشكل كافي للجديدين.
ممكن أحد يعطينها مختصر عن قصة الأجزاء الرئيسية؟وهل الفرعية لها دور في القصة ولا؟
 
Zuss7 قال:
شخص جديد على السلسلة و توني بادي فيها و أشوف سالفة الفلاش باك ! حركة جميلة لكن بنفس الوقت احسها ماتشرح جوانب القصة للأجزاء السابقة بشكل كافي للجديدين.
ممكن أحد يعطينها مختصر عن قصة الأجزاء الرئيسية؟وهل الفرعية لها دور في القصة ولا؟
أنقر للتوسيع...

فلاش باك ما تشرح الا الامور اللي طافتك بالعالم المعين بكه3د
ادخل الكرونكلز (بيطلعون كلما تتقدم بالقصة) و اقرا قصص الاجزاء السابقة + اي الاجزاء الجانبية لها علاقة بالقصة .
 
SCORPION-Q8 قال:
^
ما تغير الادوات و لا الكيبليد وو لا شي و تبي تغلبهم بسهوله ؟
انطرني :laugh::

هالشي لازم تسويه على الاقل قبل لا تبتدي بأي عالم

عالعموم من كثر ما كانوا الزعماء سهلين بالنسبة لي و انا العب على البراود مود فزت على اصعب زعيم من اول مواجهه :laugh::
أنقر للتوسيع...

الفاينل بوس يسلم عليك يقولك شخبارك انت زين ؟
انا جربت الستاندرد جداً سهل مقارنة بالبراود ..
و يمكن بعد فترة ابلش بالكريتكل كنوع من التحدي اذا كنت فاضي.
 
Niox قال:
الفاينل بوس يسلم عليك يقولك شخبارك انت زين ؟
انا جربت الستاندرد جداً سهل مقارنة بالبراود ..
و يمكن بعد فترة ابلش بالكريتكل كنوع من التحدي اذا كنت فاضي.
أنقر للتوسيع...

ياعمي لولا
حركة دراجون بول الي تصير اخر شي
جان خلصت عليه من اول مره :laugh::
 
يجب تسجيل الدخول أو التسجيل كي تتمكن من الرد هنا.
عودة
أعلى