الموضوع الرسمي لـ Dark Souls II | إقبض أنفاسك، أمسك أعصابك وعش التحدي المظلم

[HASSAN NEX]

لعبت 10 ساعات

محتوى مخفي: ...

اول 5 ساعات قاعد اقول من صجهم هذول؟
اللعبه سهله جدا جدا جدا ومسهلينها واضح الوحوش العاديه تموت بضربه او ضربتين واذا ضربتك تقريبا ماكو تاثير وذكائهم غبي

لكن وراها قامت تطلع وحوش عاديه مو bosses تجيب المرض ههههه (المومي الي يفجرون نفسهم خصوصا ) والbosses صارو خارقين ! مسهلين البدايه للناس الجدد لكن بعد كم ساعه ترجع dark souls الي نعرفها
الي حب dark souls بحب الجزء الجديد
في boss اول مادخلت المنطقه سدحني بالارض بضربه قلت شسالفه لول حتى ماشفته ورجعت باريته ويوم قتلته بالغصب مستانس طلعو اثنين نفسه :scream:

:scream:


اللعبه روعه بس فيها مشاكل تقنيه للاسف

 

[EPIC FAHAD]

ياخي لا تحرق علينا اللعبه

 

[HASSAN NEX]

ياخي لا تحرق علينا اللعبه

وين الحرق؟ اللعبه فيها الف وحش تكلمت عن وحش عادي باللعبه وتكلمت عن بوس واحد من 50 بوس مادري جم باللعبه الله اعلم بدون ذكر تفاصيل المعركه مانقدر نعطي انطباع بدون ذكر اي شي

 

[EPIC FAHAD]

طيب انا ما ابغى اعرف فيها شي

حط سبويلر تاج وخلاص . قال وحش من 50 قال .

من حقي اعيش التجربه زيي زيك اول ما القاهم واتفاجأ .

 

[بلاتنيوم]

شباب اللي في جدة
ما في أخبار عن تسررب اللبعة ؟؟

وبالنسبة لكلام حسين... ما اشوف فيه حرق ابداً :/

 

[SAUD~F-16]

أنا ماقرأت رده خوفاً من الحرق. لكن ياشباب الحرق مايقتصر على القصة وخصوصاً بدارك سولز. أنت لما تصف عدو أو مكان فأنت أحرقت عنصر المفاجأة عند الرجل اللي قرا ردك. وفي شباب حارمين أنفسهم من ميديا اللعبة من وقت الإعلان عنها. فأقصروا الهرج فضلاً وكل واحد يحط رده في سبويلر زي ما هو النظام في كل موضوع رسمي. وخصوصاً أن اللعبة ماصدرت بشكل رسمي اصلاً والأغلبية ما بدؤها حتى..

 

[Risk Breaker]

ماخلصت الأول .. أحول على الثاني على طول؟

ما أدري صراحه إذا متحمس للجزء الثاني وتبغى تلعبه مع الهايب روح له لأن dark souls الأولى يبغالها وقت و إذا انهيت الثاني إرجع للأول ، هذا مجرد رأي وشوف الأعضاء الأخرين إيش رأيهم 😀

 

[inthecloud123]

يا أخي لعبة هاذي لو يجي واحد فاعل خير قال خذ لعبة أقوله أنت مريض لعبة اقل مايقال عنها زفت

تعديل إداري:
انفراكشن بسبب الأسلوب ( ما في داعي لأسلوب مريض و الخ بمنتدى محترم )، و أسلوب الانتقاد لأجل الانتقاد غير محبذ في تروجيمنج، انت تكتب بأفضل منتدى ألعاب عربي، يا ريت تراعي ردودك و لا ترمي كلمتين و تمشي على لعبة من أشهر الألعاب و أكثرها شعبية، اذا كان عندك انتقادات لها - و هذا حقك - وضح هذا الانتقاد علشان الأعضاء يناقشوك فيه بدلاً من التخريب.

 

[Sunset]

او يمكن انك تفتقد كود

 

[Raulioo]

واحد من اللي ما قدروا يكملوا التوتوريال كشف نفسه @@

 

[Risk Breaker]

^
^
أضن أنه يقصد صعوبة اللعبه ، ما ألومه صراحة ياما كرهت اللعبه في التختيمه الأولى :sweat_smile:

 

[Sage]

ماخلصت الأول .. أحول على الثاني على طول؟

من ناحية القصة تقدر و عادي.. لكن أنصحك تلعب الأول لأنه ممتاز. 😛

 

[ASWD]

تعسا جيكي البحرين مافي اللا النسخة العادية وانا ابغى لبلاك ارمور اديشن.

 

[sogeking]

تعسا جيكي البحرين مافي اللا النسخة العادية وانا ابغى لبلاك ارمور اديشن.

وين المحل؟

 

[Khalid]

شباب انا موقف من سنتين تقريباً من دارك سولز و كنت ذابح بوس البلايت تاون بس ما طلعت من المكان و حالياً احس نفسي مضيع و مو عارف وين اروح .. هل اسحب عليها و اروح العب ديمن سولز بما اني ما لعبتها و بعدها ابدي بدارك سولز الثانيه و لا شلون ؟ لأني مكسل اعيد دارك سولز الأولى ::.

 

[ASWD]

وين المحل؟

سيتي سنتر الطابق الثاني.اللعبة بتوصلهم الاسبوع الجاي على كلام اللي فالمحل بس النسخة العادية مافيه نسخ خاصة

 

[SAUD~F-16]

او يمكن انك تفتقد كود

ههههههههههههههه

 

[Risk Breaker]

شباب انا موقف من سنتين تقريباً من دارك سولز و كنت ذابح بوس البلايت تاون بس ما طلعت من المكان و حالياً احس نفسي مضيع و مو عارف وين اروح .. هل اسحب عليها و اروح العب ديمن سولز بما اني ما لعبتها و بعدها ابدي بدارك سولز الثانيه و لا شلون ؟ لأني مكسل اعيد دارك سولز الأولى
::.

نصيحه كمل اللعبه انت الآن

محتوى مخفي: ..

دقيت الجرسين ؟ (الاول في الكنيسه فوق بعد ما تهزم الgargoyle والثاني بعد زعيم البلايت تاون) إذا إيه فروح لsen's fortress القريبه من الكنيسه تلقا البوابه الكبيره مفتوحه الآن

وإذا حسيت نفسك مضيع او تبغى مساعده اكتب في الموضوع الرسمي وإن شاء الله نفيدك :

 

[Eye]

يا أخي لعبة هاذي لو يجي واحد فاعل خير قال خذ لعبة أقوله أنت مريض لعبة اقل مايقال عنها زفت

اوف! وحنا ما ندري! شباب اللعبة زفت! مشكور ياخوي نورتنا!

 

[YazeedVx]

الله يسامح اللي كتب الرد بداية الصفحة قريت جزء منه وليتني ماقريت


أخ بس متى تتسرب عندنا في المدينة,الحماس عالاخييييييير خلاص

 

[FAROOS]

http://im64.**********/A51nk.jpg

 

[lightq8]

شباب اللعبة وصلت الرحاب؟

 

[Sage]

شباب اللعبة وصلت الرحاب؟

دقيت على جيم سنتر و المركز الكويتي قالوا لأ

 

[HeNNeSSy]

اللعبة نزلت عندنا بالبحرين من امس

 

[HeNNeSSy]

لعبتها لمدة ساعة تقريبا لعبة في قمة الروعة وفي تطور
ملحوظ عن الجزء السابق ... بس فيها شوية مشاكل تقنيه
ازعجتني للاسف

 

[waleedovic]

الحمدلله شريتها اخيييرا , من محلات شارع المدينة في الرياض , مادري يمديني العب اونلاين ولا لا ؟

 

[Akira Yuki]

انا غيران من الشباب اللي جابوها في الوقت الحالي ماكان في داعي للبري اوردر من الستور اساسا . يعني هاقعد كده ليوم الخميس ::

 

[nanda]

اللعبة نزلت عندنا بالبحرين من امس

وين المحل؟ و جم رقمه؟

(أول مشاركة لي، سجلت دخول بس عشان اسألك :🙂

 

[Mesharey]

انا غيران من الشباب اللي جابوها في الوقت الحالي ماكان في داعي للبري اوردر من الستور اساسا . يعني هاقعد كده ليوم الخميس ::

لهذا السبب الألعاب اللي مستعجل عليها ما اطلبها ولا شي لأنها ممكن تتسرب ..

 

[Eye]

مبروكين الشباب ^^
باذن الله بكرة تجي نسختي