كيف تستمتع في اللعبه بشكل كامل !

[Zero]

أكره شيء عندي أني ألعب وبالي مشغول... ما أعرف ألعب أبدا >_<، وهالشيء لطالما أخرني عن ألعاب واجد، وأساسا ما أعرف أركز أبدا خصوصا لو كان الأمر ممزوج بقلق فوق كون بالي مشغول.

عن نفسي كان أحب وقت للعب عندي هو في الصباح الباكر بعد طلوع الشمس، هالشيء لطالما كنت أسويه قبل سنوات وصرت أشتاق له الآن، الآن مع المشاغل وقلة العطل والتعب ما عاد أقدر أسويه 🙁 أنا كنت وما زلت من النوع اللي ما يحب يسهر في العطل ودائما أحب هدوء الصباح لأن له طعم خاص، قبل سنة تقريبا رجعت لي هالعادة الرهيبة بس الحين ما أقدر بسبب المشاغل.

 

[Tiger]

أنا احب جداً العب من بعد صلاة الظهر لين صلاة العصر لازم وانا العب اشرب كوفي او عصير يرفع معدل التركيز عندي

 

[hemo memo]

اكثر شي يخرب علي اني العب لعبه عشان اقيمها لانها تاخذني من جو المتعه الى جو المراجع اللي كأنه عنده شغل يبي يخلصه.. احاول قد ما اقدر اتغاضى عن كثير من السلبيات واتمتع بالايجابيات وابحث عن الاستمتاع واخلي التقييم دايما في ثاني وولكثرو عشان افصفص اللعبه صح وماكون خربت على نفسي.

 

[MAX9009]

^
اذا الشخص مو مجبور يراجع اللعبه ليش تتصيد لسلبياتها وغيره العب و انبسط رغم اني مدمن وعاشق للجيمز من صغري الا اني ما اتمنى ولا بلحظه اني اكون مراجع العاب لانها بتقتل كل شي سواء كانت اللعبه بيرفكت او متوسطه او سيئه من اكبر الاسباب يضطر الشخص يخلصها بجلستين او ثلاثه وانا احب اخذ راحتي باللعبه اللي بلعبها

 

[Sora Diersly]

أكثر مسبب لي في قطعا للعبه تويتر يا إلاهي أرد عليه ويرجع يرد عليا وننخرط في نقاش ويدخل واحد وأنخرط معاه وفجأه لما اجي بأقفل يسألني واحد =_(
لما ألعب العاب سينجل أجلس لحالي معزول ألعب على رواق وقت ما طفشت أقفل ولا أجبر نفسي على شي
أحب ألعب فترة الصباح أكثر , أحب ألعب بعض الالعاب مع واحد يتحمس معايا ونضحك سوا طبعا هذي في الالعاب الي قدنا مخلصينها قبل ونعيد التجربه فيها

وقف ترولة على البشر في تويتر وبتقدر تلعب على راحتك 😛

 

[MAX9009]

^
فعلاً لازم تبطل الهبل يا نواف =(

 

[Sea.roOock]

مين فيكم يخلص لعبة في قعدتين عشان يراجعها ؟؟ قسم بلله أحيان أختم اللعبة و انا مذهول واسأل نفسي " بلله عليك خلصتها في قعدتين ؟ " مثل درايفر و ريزستنس 3>< تروح متعة العب بشكل مو طبيعي و بعد ماتختمها مستحيل ترجع تلعبها 🙁، أذكر تجربتي لبورتال 2 على رواااق و كانت خرافية من جد لكن التمطيم الزايد = ترك اللعبة و عدم الرجوح لها.

عموما انا ماعندي أي مشاكل في الوقت، العب في أي و قت وفي أي مكان و دايم اتنقل في البيت مع أجهرتي لول، مافي إزعاج من الأهل بتاتا ( سيريسلي ؟ عددنا 4 ). بس بدون مبالغة ما في شي يزعجني غير قطوتي يوم تبي تنشب وقت لعبي تنشب صحححح.

 

[T u R k I]

مين فيكم يخلص لعبة في قعدتين عشان يراجعها ؟؟ قسم بلله أحيان أختم اللعبة و انا مذهول واسأل نفسي " بلله عليك خلصتها في قعدتين ؟ "

من جد, فيه العاب استغرب لما اشوف ناس تختمها في يومين حتى احياناً اشوف العاب تتسرّب وتنختم قبل موعدها الرسمي XD

اللعبة انتظرها شهور وممكن تزيد عن سنة مستحيل اخلصها في يومين ولو بلعبها بشكل يومي غالباً بتاخذ اسبوع.

 

[m7tram]

الساعه 6 الصبح او 7 ليييييييييييييييييييييي صلاه الظهر أفضل وقت للعب في وجهه نظري وقت مستحيل تسوي فيه شي تقريباً كل الناس دوامات وانت مريح وماتحس نفسك انك قاعد تضيع وقت في اللعب وفي اشياء أهم/أفضل انك تسويها, لكن طبعاً هالوقت قليل من يتوفر له وانا دوامي تغير علي وصرت ما افضي هالوقت, ثانياً بعد صلاه العشى هم عندك وقت لي الساعه 12 .. لكن شنو المشكله ان مرات ترتبط بالوقت هذا في أمور أهم وماتفضي الا عالعشر ومايمديك تلعب الا لي 12 ويالله لازم تنام وراك صلاه فجر/دوام.. الخ.

اما من الظهر الى العشى .. هالوقت صرت ما أستمتع العب فيه نهائياً وبذات هالوقت هو وقت القيلوله والزوارات ..الخ.

وشي مهم جداً جداً جداً .. لا تلعب لعبه مو مهتم فيها ولو 10% خلاص.. بالنسبه لي وصلت لمرحله مو مستعد اضيع وقتي على لعبه ما تشدني 100% اذا بتلعب؟ العب شي تعشقه وتستمتع بكل ثانيه تلعبها .. علشان جذي بالفتره القادمه مو ناوي العب الا دارك سولز وبحاول ازرق لي وقت لأنتشارتد 3 اخلصها فيها وارد اكمل مستره دارك سولز.

خل لك وقت معين تلعب فيه تحدد وقت تقول الوقت الفلاني للعب ليش؟ شالسبب؟ علشان تحس انك الحين وانت تلعب قاعد تقضي وقت انت مخصصه مو وقت مفرط تحس نفسك قاعد تضيع وقت على العاب بالنهايه شي ترفيهي لا تعطيه وقت اكثر من حقه, بالأونه الاخيره تغيرت اشياء كثيره فيني وصرت أستخسر أضيع وقت زياده على الجيمينج حتى مرات احس ان اعتزالي قرب وراح العب فقط الالعاب الي أعتبرها تستاهل فقط. يعني عادي بالسنه فقط 3 الى 5 العاب, فعلشان جذي لما تحدد وقت ترتاح نفسياً.

عيش التجربه! عيش الأجواء! عيش أحداث القصه! عيش ابداع المصممين والجهد المبذول فيه! أقعد تأمل طالع! لا تخلي لعبك مارثون تبي تخلصها لان عندك عشرتعش لعبه تنطر وراها... أخذ راحتك تمتع الالعاب الي وراها ماراح يطيرون بتخلص هاللعبه بتروح وتشغل الي وراها وهكذا.. اذكر مرت علي ايام احس اني مابي استمتع أبي اخلص بس!! تلقاني لاعب وبعدين اقول يوووووووووووه ماخلصتها للحين؟ ... أنزين ليش؟ شوراي؟ شلاحقني؟ مو لازم اخلصها اليوم ولا باجر .. حتى لو حسيت الوقت ضيق عادي .. يوميا ساعه-ساعتين؟ وين المشكله!! العب ساعه واستمتع فيها وباجر كملها والي عقبه نفس الحاله! اصلا بالعكس لما تفكر ان عندك العاب شكثر وراها تستانس تقول لما استمتع فيها واخلص وراي لعبه روعه ثانيه استمتع فيها ووراها ثالثه.

لا تجعل أراء الغير تأثر على متعتك بتجربه.. مثلاً انت لعبت لعبه ومستانس فيها!!! جيت بالمنتدى ولقيت العالم كلها تسبها لاتخلي هالشي يأثر عليك! مالك شغل هذا ذوقك وانت تلعبها مستمتع ؟ خلااص!! ماهمني احد انا شكو فيهم هم يحبون العاب انت ماتحبها!! ما اشوفهم تأثروا فيك ولا اهتمو! .. لولا اختلاف الاذواق لبارت السلع!

وأمور كثيره لكني الله يهديك يا بين كيلر كنت بنام من زمان لكن موضوعك شدني.. يالله الى النوم!

 

[Mute City]

^
بالضبط هذا الشي الي سرت أسويه أول أهتم بالتقاييم وكلام الاعضاء لكن الان أشوف العروض أعجبتني أخذها وأستمتع وما اشوف شي من الي ذكره الاعضاء
وأستمتع إلى أبعد الحدود

 

[MAX9009]

لا تخلي لعبك مارثون تبي تخلصها لان عندك عشرتعش لعبه تنطر وراها

والله معاك حق وهذي الجمله تشدني دايماً ببعض ردود الاعضاء يلا ابلحق اخلص اللعبه الفلانيه قبل تنزل اللعبه الفلانيه يا الله عندي العاب متراكمه يااااااه زحمة العاب بالطريق ليش هذا كله ؟ لا الالعاب طايره ولا اجهزتك طايره الواحد يتأنى بلعبه وما يفرط وينظم وقته ويعطي كل لعبه يحبها وقتها اما اجلس احس اني وراي هم وزحمة العاب وكأنه عندي اختبار راح اختبر فيهم بعد فتره معينه صراحه تخرب متعة الجيمز كلياً .

 

[Al Pacino]

مين فيكم يخلص لعبة في قعدتين عشان يراجعها ؟؟ قسم بلله أحيان أختم اللعبة و انا مذهول واسأل نفسي " بلله عليك خلصتها في قعدتين ؟ " مثل درايفر و ريزستنس 3>< تروح متعة العب بشكل مو طبيعي و بعد ماتختمها مستحيل ترجع تلعبها ، أذكر تجربتي لبورتال 2 على رواااق و كانت خرافية من جد لكن التمطيم الزايد = ترك اللعبة و عدم الرجوح لها.

من الاسباب الي كرهتني بالمراجعات الرسمية .. تنجبر تحرق اللعبة على نفسك بسرعة عشان تراجعها قبل موعد صدورها او بعده مباشرة .. وبنفس الوقت أحب اكتب مراجعات .. عشان كذا موضوع مراجعات الاعضاء عطاني الحريه بهالشي ويخليني استمتع باللعبة والعبها على راحتي .. طبعا مؤخرا اشوف الناس ماكليني بقشوري وتقول ليه تخلص الالعاب بسرعة >.> المشكلة الالعاب هي القصيرة ومدتها ماتتعدى 8 ساعات بالكثير يعني ثلاث-اربع جلسات وانا العب على راحتي ومتوسع باللعبة تلقاني مخلصها.

 

[Mute City]

^
لول بالنسبه للمراجعات انا اعتبر نفسي فاشل لاني لما العب لعبه أستمتع فيها قدر المستاع وما الاحظ السلبيات إلا لما اراجعهم على السريع
وفي سلبيات تزعجني واكتشفها وقت اللعب

 

[Al Pacino]

^

فعلا وهذا سبب آخر بالنسبة للمراجعات الرسمية، لازم تكتب مراجعة تضم السلبيات والايجابيات الموجودة باللعبة ... مش الايجابيات والسلبيات الي لاحظتها وأثرت على لعبك، مثال سريع، فانكويش القصة فيها شبه كارثية لكن في المقابل الجيم بلاي الخُرافي خلاني ماأهتم بالقصة وماأثرت على متعتي باللعب بينما بالواقع هذي سلبية واضحة يُحب انك تضمها للسلبيات وتأثر على سكور اللعبة لان فيه لاعبين تأثر عليهم.

 

[يمكازي]

لذالك يتم إرسال نسخ الرفيو قبل صدور اللعبة بعشر أيام على الأقل , حتى يأخذ المحرر وقت كافي في مراجعة اللعبة و تجميع الأساسيات التي راح يطرحها , حالياً بعض الناشرين قاموا يوزعون نسخ الرفيو لبعض المواقع العربية , شيء طيب و نتمنى باقي الشركات تبدأ هذا الشيء.

أفضل طريقة بالنسبة لي كي استمتع في اللعبة بشكل كامل , بعد صلاة الفجر لين الساعة عشر , أخوانك الصغار في المدرسة , الكبار في الدوامات , أنا ادرس مسائي لذالك , أخر راحتي تماماً .

 

[Sea.roOock]

توصل لنا نسخ الريفيو لكن متأخر جدا و بتحصل المحرر شاري اللعبة و هي متسربه عشان يراجعها.

 

[Mute City]

^
ويقوم يروح أراميكس ويرسلها لنواف علشان يعبر عن حبه P=

@alpcino في سلبيات تكتشفها مع لعبك بشكل الطبيعي بدون ما تترصدلها زي الكاميرا , القصه , بعض الجليتشات
لكن في سلبيات ماتنتبهلم ولا تخطر على بالك طالما إنت مستمتع بينما المراجع يتحقق ويشوف ويبغاله يخلص سريع سريع لانه في بشر تنتظره

 

[Painkiller Q8]

العاب السيارات بشكل عام .. واهم وحده Forza Motorsport ... لاااااازم العابها مع Sound Tracks من الي عندي عن طريق وضعهم على الإكس بوكس !!

لان السباقات الي مدتها ساعه تحلو مع الموسيقى الي تحبها b(^_^)d

 

[Netero]

انا اكثر العاب استمتع فيها هي العاب انشارتد , واخلصها لازم 7 مرات اول مرة العب احط نورمال واخلصها على رواقة والمرات الباقية اخلصها ايزي مرتين عشان بعض التروفيز وايضا هارد والطور اللي اصعب من هارد <نسيت اسمه طبعاً اخلصه بدون طريقة الغش بعدين اخلصه على الفيري ايزي اذا كنت طفشان واخر مرة اخلصها على النورمال ... اللعبة اللي مستحيل امل منها :inlove:

 

[MAX9009]

اللعبة اللي مستحيل امل منها :inlove:

انت صديقي وارهب واحد :inlove:

 

[dudebro]

انا يزيد استمتاعي للعبه مع الGuides، والحمدلله حكاية المقاطعة والازعاج نااادراً ما تصير في بيتي، كلّن قاعد بغرفته لاهي 🙂

 

[MadPhantom]

انا يزيد استمتاعي للعبه مع الGuides، والحمدلله حكاية المقاطعة والازعاج نااادراً ما تصير في بيتي، كلّن قاعد بغرفته لاهي 🙂

بيتك بيت الاحلام حقي لوول

 

[bXNmbQ==]

اذا كانت اللعبة رهيبه

اما لعبة عاديه مااقدر حاليا امشي من اول مكان

 

[xz995]

العب طور القصة لحالي دايما في رواقة بعدها ادمن على الملتي بلير حبتين واذا حسيت نفسي طفشان سويت الاشيفمنت :tongue: