Nanaki
True Gamer
اليوم تنزل على ستيم ك Early Access. النسخة الكاملة/الكونسول في 2028.
حصلت على البيتا المغلقة في الفترة الأخيرة، بس ما صارت لي الفرصة إني أجربها. شفت هذا الفيديو وصرت مهتم باللعبة:
فكرة اللعبة إن الجيم الواحد فيه 100 لاعب مقسمين على 3 فرق. الفريق اللي يجمع أول 100 نقطة يفوز. النظام الرئيسي كأنه King of the Hill، من حيث إن في نقطة واحدة بالخريطة لازم فريقك يسيطر عليها حتى يحصل على أكبر عدد ممكن من النقاط. وفيه شي جديد ان داخل المنطقة فيه منطقة ثانية صغيرة داخلها تتحرك، اذا جمعت نقاط داخلها راح تحصل على دبل عدد النقاط
اللعبة فيها اقتصاد وتجميع فلوس أثناء اللعب لشراء أسلحة، معدات ومركبات مختلفة. تقدر تحصل على فلوس بأكثر من طريقة، منها إحياء اللاعبين اللي معاك أو السيطرة على المناطق.
الفلوس هذي تستمر معاك من جيم إلى الثاني، فلازم تكون حريص بشنو تشتري في كل جيم (أشبه بألعاب الـExtraction Shooter).
مع ذكر ذلك، اللعبة ما تعتبر Extraction Shooter ولا Battle Royale. أحس إنها خلطة جديدة بين Battlefield وPlanetside 2.
