نقاش أنمي صيف 2025 || Lord of the Mysteries لن أخسر الكثير، فقط نفسي.

[Black Wolf]

كيف رح اصبر لسنة الجاي اوووووف بس

 

[Vongola]

في خبر عالدبلجة اليابانية؟

 

[علقم]

في خبر عالدبلجة اليابانية؟

استديو المسلسل صرح إنسى الدبلجة اليابانية

 

[علقم]

شاهدت الحلقتين الخاصة الثانية والثالثة وشغل جبار بصراحة!

غطت كامل ارك The marked Hunt الي تجاهله اول موسم وعطانا حلقات عظيمات مع تركيز كبير على اجتماعات نادي التاروت.. وهذا يدل انهم سمعوا الفانز الي اشتكوا اول موسم ان الmeetings ما عطوها وقت كافي. عاجبني كيف ستاف المسلسل متجاوب مع الكوميونيتي 3>

محتوى مخفي: الحلقة الثانية والثالثة الخاصة

بداية الحلقة افتتاحية مع الادميرال Qilangos والي تعطينا علطول لمحة ان مؤلف لورد الغوامض فانبوي للاسطورة ون بيس (&)

عجبني كثير تقديمه مع ابراز شخصيته القاسية والماكرة. بعدين انتقلوا لاجتماع مطول لنادي التاروت والي الجير طلب فيه من اودري تتخلص منه، ايضاً عرفوا ان ديريك من مكان غريب لأنه متحمس للبحار الي ما سمع عنها الا من الكتب! وكيف بلده الي هو منها ما بعد شافوا الشمس فيها!!!

بعد هذا قدموا احسن ثنائي في كامل السلسلة عندي فور وشيو ظهورهم كان 10\10

تصميم فور مره فخم عجبني حيل ونعم هي شخصيتي المفضلة في كامل العمل لحد يسرقها

في الجانب الثاني

تصميم شيو فاجأني توقعت يجيبونها بمظهر طفولي شوي بس مب لهالدرجة. غير هذا لقطتها يوم جابوها ضحكتني كثييير الكاميرا ركزت على الاشخاص الطويلين لين رجعت وركزت عليها من كثر ما هي قصيرة

قتال الادميرال كيلونج مع الدوق نيجان كانت اسطورية بشكل، يوم كنت اقرأ الرواية القتال كان عظيم مع المشاهد المتتابعة لكن الدونجهوا جابته بستوريبورد واكشن بيسس عظيمة للغاية حبيت كيف كل واحد يقتل الثاني لكن بنفس الوقت ما يقتله ويخرج له بقدرة تقلب القتال رأس على عقب كم مرة (&)

ومشهد الذروة فيه طالع من جوجوتسو وحتى سوو عليه meme

وفي الاخير دخول ولا احلى من البيج دادي إيزك الي محى كيلونج من الوجود. والكل فسره ان The Fool تدخل praise the Fool

شغل جبار ويثبت دور كلاين انه اكبر محتال عرفناه xD

الحماس على أشده للموسم الثاني الي بيجي قريب بإذن الله

 

[علقم]

كذلك سويت رد للحاجات الي تجاهلوها من الرواية وبحطه في سبويلر للي عنده فضول المسلسل على عظمته مستحيل يجيب كل الحاجات من الرواية الاسطورية

محتوى مخفي

شوية معلومات من الرواية:​

• الكل كان متنّح من جمال أودري: حرفياً الكل جته صدمة من جمالها، وكلٍ يبي يعزمها على رقصة.
• حذفوا مشهد أودري وأبوها: بالرواية كانت محتارة ومترددة شلون تحذر أبوها بدون ما تكشف له إنها (بِيوندر - Beyonder). فقالت له شي مثل: "بابا، لاحظت إن البارون غرامير متغير مو على عادته، حتى عطره وتصرفاته غير." وبعدها قالت إن الفايكاونت جلاينت قايل لها إن (كيلونج - Qilangos) عنده القدرة إنه يتشكل بشكل أي أحد، وإنه أصلاً موجود في باكلوند هالأيام.
• مقارنة كيلونج بين قدرة "الجوع الزاحف" وقدرة الراعي الي شفناها مع تيفاني في الحلقة الخاصة الاولى:
  
  • الجوع الزاحف (CH): أبطأ، يحتاج ثانية كاملة عشان يحوّل بين الأرواح، وياخذ من قدرة الضحية من 1 إلى 3 قدرات عشوائية بعد ما يلتهمها، وما يقدر يشيل إلا 5 أرواح بنفس الوقت.
  • الراعي الحقيقي (Shepherd): يحوّل بلحظتها (فوري)، ويقدر يختار 3 قدرات بكيفه، ويقدر يشيل لحد 7 أرواح.
• قدرة "الهيجان" اللي استخدمها كيلونج: كانت موجهة لكل اللي في الحفلة؛ الناس العاديين جاهم خوف مو طبيعي وصارت فوضى، أما البيوندرز اللي بالحفلة حاشهم قلق وصاروا حذرين زيادة عشان ما يذبحون أهلهم وأشخاصهم القريبين بالغلط.
• بعد ما مات كيلونج، دار هالكلام بين أودري وأبوها: أبوها قال لها إنه يدري إنها تحب سوالف الماورائيات والغموض، بس اللي صار بالحفلة خط أحمر؛ لا تتكلمين فيه ولا تسألين أحد عنه. بعدين قال لها إنها هي اللي أنقذت الدوق "بالاس نيجان"، وعشان كذا نص المكافأة مالت كيلونج على الأقل مفروض تكون لها، إذا ما طلع أحد وطالب بالجايزة. أودري سوت نفسها خايفة وقالت إنها تحاتي أتباع كيلونج ينتقمون منها (بس بالواقع هي ترقع عشان تخفي هويتها عن ألجير، لأنه كان هناك)... أبوها قال لها ولا يهمك، بنجيب أي واحد "كومبارس" ونقول هو اللي أخذ المكافأة، وبعدها نعطيك الفلوس من تحت الطاولة.
  
  

  الحسبة طلعت: 10 آلاف باوند من مملكة لوين، 20 ألف من إمبراطورية فيساك وجمهورية إنتيس، وفيلّا في ديكسي تسوى لها 10 آلاف باوند من الدوق نيجان. يعني أودري طلعت بـ 40 ألف باوند باردة مبردة، وهي أصلاً ثروتها 300 ألف باوند!

مشاهد كلاين وأودري:​

• كلاين ظهر لأودري بشكل هيبة وغير عن المعتاد بالحفلة: ما رد عليها بسرعة، ثقل شوية. أول ما دخلت أودري قاعة الحفلة، كلاين تواصل معاها وخلاها تدوخ وتشعر بغثيان، وتمت تشوف القاعة كلها ضباب (في عقلها طبعاً). مشهد هيبة وتفشخر بحت!
  
  

  بعد ما طلعت من غرفة الصلاة الصغيرة، رجعت لصالة الأكل. وهي تشوف الناس اللي شايلين الكاسات والصحون يقربون منها، فجأة غبشت الرؤية عندها، وحست بضباب وهمي قاعد ينتشر بالمكان. وفي نص هالضباب الكثيف، كان فيه كرسي قديم وعتيق، وفوق الكرسي كيان غامض كأنه يشوف ويراقب كل شي من فوق. أودري بغت تصرخ من الوناسة: "السيد أحمق (Mr. Fool)!"عقبها سمعت هالصوت العميق والمألوف يقول لها: "أنا على علم."

• رسالة كلاين لأزيك: أزيك كان يقول إنه يتذكر شذرات عن "الراعي" من حياته السابقة، وهالشي خلاه يتليقف ويهتم بسالفة كيلونج. وهو اللي علم كلاين شلون يسوي الطقوس (معلومة مهمة، شكلهم بيخلونها بحلقات خاصة في الموسم الثاني).
• كلاين ما نقل كلام أودري لألجير بالحرف: فكر وقال فشلة وبايخة بحقي كـ "إله" إني بس أعيد صياغة كلام أودري، مو كشخة! فكر إنه يوريها له كأنه فيلم فيديو أحسن وأرعب.
  
  

  قعد كلاين يفكر شلون يوصل الرسالة لـ (The Hanged Man) بعد ما رد على الآنسة "عدالة"."ما أقدر بس أكرر الكلام له، هالشي يطيح من هيبتي وسلطتي... شالكيان الغامض اللي يشتغل مندوب توصيل ويبربر لكل من هب ودب!" قعد يفكر لدقيقة لين جته الفكرة. صمم مشهد الآنسة "عدالة" وهي تدعي، وحول المشهد لشي يشبه لقطة فيلم، بس مغبش وحاط "موزاييك" على الوجيه عشان التمويه.

تفاصيل إضافية:​

• البارون غرامير (اللي ذبحه كيلونج) طلع منتف وما عنده فلوس: كان مديون لدرجة إنه ما يقدر يدفع حرس يحمونه، بس ليلحين يدفع للخدم عشان المظاهر و"البرستيج" قدام الناس. وعشان ما عنده حرس، كيلونج استفرده وذبحه بسهولة.
  
  

  "ههه، بارون غرقان بالديون لدرجة مو قادر يوظف حارس شخصي صاحي، بس ليلحين موظف رئيس خدم، وخادم شخصي، ومرافقين اثنين، وخادمتين من الدرجة الأولى، وأربع خادمات من الدرجة الثانية، وعاملتين غسيل، وسايس خيل، وراعي حديقة، وطباخ ومساعد طباخ! هالنبلاء الأغبياء، الكبرياء والمظاهر عندهم أهم من كل شي... حتى إني اضطريت أضيع وقتي عشان أتعلم لهجتهم وطريقة نطقهم الغريبة وسوالف النبلاء هذي..." - هذا اللي كان يفكر فيه كيلونج باحتقار.

• النهاية بالرواية كانت غير شوية: كلاين ما درى عن موت كيلونج إلا اليوم الثاني من ولد يبيع الجرايد، وقبلها كان حده قلقان وما قدر ينام، ويفكر: "ليه ما حد تواصل معي؟ لا يكون كيلونج ذبحهم أو آذاهم؟". وفوق هذا، أزيك حس بشي مألوف لما مسك "الجوع الزاحف".