اكاد اجزم انه المخرج السابع هو صاحب الفكرة الرئيسية للمنظور الاول
شوف كلام المخرج هنا يتكلم عن ريزي 7 من الدقيقة 33:07 و شوف كلامه بالتحديد في الدقيقة 34:32
يقول عشان نخلي اللعبة ارعب قررنا أننا نخليها بالمنظور الاول
انا كنت اتفهم وجود المنظور الاول في الثامن كونه تكملة لقصة إيثين اللي كابكوم ماتبغى تورينا وجهه لكن بمجرد ما انتهت قصة إيثين شفناهم رجعوا للمنظور الثالث مع إضافة روز
لكن ايش الحكمة من أنهم يرجعوا للمنظور الاول من جديد؟
عذر انها بتكون ارعب عذر رخيص السلسلة كلاسيكياتها كانت بمنظور الكاميرا الثابتة و اللي يعتبر منظور ثالث و كانت مرعبة
رباعية سايلنت هيل كلها كانت بالمنظور الثالث بإستثناء الغرفة في الرابع كانت مرعبة جدا
أنا لعبت سايلنت هيل 3 قبل 4 شهور تقريبا و كانت جدا مرعبة مع السماعة
ديدسبيس كانت منظور ثالث و كانت مرعبة
إذا اللعبة مبنية للمنظور الثالث كأساس و تم إضافة الاول له فهنا مابكون أناني كون في جمهور للمنظور الاول
لكن الكارثة لو كانت منظور أول و تم إضافة المنظور الثالث لها و ما أستبعد أنه المخرج هذا بدأ تطويرها على أنها منظور و كابكوم اجبرته على إضافة المنظور الثالث
بالنسبة للقيم بلاي مابحكم عليه حاليا قريس عميلة FBI فعلى الأقل بتوقع أنها تقدر تستخدم المسدس يعني الجزئية اللي اعطتها كابكوم للإعلاميين غالبا نفس جزئية بيت بنفينتو في الثامن
مالنا إلا ننتظر قيم بلاي للبطل الثاني للتاسع و اللي هو حسب التسريبات ليون و بنشوف القيم بلاي معاه و بعدها نحكم
و غالبا بيكون في حدث Resident Evil Showcase في الاشهور القادمة
