سؤال بسيط عن الشراء من خلال امازون

[Skull Town]

شباب يريت تساعدوني..
انا دايماً اشتري من امازون من خلال ارامكس واحط بيانات ارامكس ..
بس الحين من الي سمعته والي صار قام امازون يقبل دولنا مثل قطر وغيرها وفعلاً حصلته ممكن يوصل لقطر بأسعار حلو ..
في هذي الحاله كيف اعبي البيانات اذا اخترت قطر؟ احط عنوان بيتي ولا عنوان مكان البريد الـ PO box ؟ وهل هم راح يوصلونه لبيتي ولا راح يودونه الـ PO BOX ؟ وفي قطر ما عندي zip code فشنو احط فيه ؟ يريت احد يساعدني واكون شاكر.

 

[mamiqdadi]

شباب يريت تساعدوني..
انا دايماً اشتري من امازون من خلال ارامكس واحط بيانات ارامكس ..
بس الحين من الي سمعته والي صار قام امازون يقبل دولنا مثل قطر وغيرها وفعلاً حصلته ممكن يوصل لقطر بأسعار حلو ..
في هذي الحاله كيف اعبي البيانات اذا اخترت قطر؟ احط عنوان بيتي ولا عنوان مكان البريد الـ PO box ؟ وهل هم راح يوصلونه لبيتي ولا راح يودونه الـ PO BOX ؟ وفي قطر ما عندي zip code فشنو احط فيه ؟ يريت احد يساعدني واكون شاكر.

عندي لك سؤال، أي أمازون اللي تتكلم عنه؟، الأمريكي أم البريطاني
ايام ما كنت أشتري منهم، كنت اخذ عن طريق أرامكس، و ما أدري إنه يقبل يوصل للدول العربية، الشيئ الوحيد اللي ممكن أساعدك فيه هو Zip code، مكتب البريد اللي صندوقك فيه، له كود هذا هو الكود المطلوب، كل مكتب بريد في قطر له رقم خاص به، تقدر تسأل الموظفين و هم يعطوك الرقم

 

[ASWD]

مو كل السلع مهيأة للشحن الدولي على فكرة

 

[Skull Town]

انا بشتري من الأمازون الأمريكي, والسلعه الي ابيها تقبل الشحن العالمي ..
بس لين الحين ما عرفت احط عنوان بيتي ولا ايش بالضبط

 

[Shlinkx]

انا بشتري من الأمازون الأمريكي, والسلعه الي ابيها تقبل الشحن العالمي ..
بس لين الحين ما عرفت احط عنوان بيتي ولا ايش بالضبط

نصيحه لا تخليهم يشحنونه عالمي لأن السلعه تأخذ أسابيع عشان توصل
سجل مع Borderlinx وهذا موقعهم
http://www.borderlinx.com/QA/ar/

التسجيل مجاني وما يتطلب أي شيء بدقيقتين بتخلص وبيعطونك عنوانك الأمريكي
وعندهم حاسبة عشان تعرف كم بيكلف التوصيل من أمريكا لقطر قبل ما توصل السلعه لمقرهم الأمريكي
ودفع التوصيل مقدم لأنك تقدر تطلب توصيل سريع من يومين لثلاث أيام أو توصيل عادي

 

[USefQ80]

بقولك اللي انا و عيال عمي مسوينه
حاط عنوان البيت و يوصلونه عن طريق DHL و ما يحتاج تدفع مبلغ اضافي عند الإستلام فقظ اللي دفعته بأمازون
ياخذون سعر ثابت للشحن و في خيارين
الاسرع يوصل خلال اسبوع تقريبا لي باب البيت و ياخذون 50$

 

[Skull Town]

يعطيكم العافيه

نصيحه لا تخليهم يشحنونه عالمي لأن السلعه تأخذ أسابيع عشان توصل
سجل مع Borderlinx وهذا موقعهم
http://www.borderlinx.com/QA/ar/

التسجيل مجاني وما يتطلب أي شيء بدقيقتين بتخلص وبيعطونك عنوانك الأمريكي
وعندهم حاسبة عشان تعرف كم بيكلف التوصيل من أمريكا لقطر قبل ما توصل السلعه لمقرهم الأمريكي
ودفع التوصيل مقدم لأنك تقدر تطلب توصيل سريع من يومين لثلاث أيام أو توصيل عادي

يوصلون للبيت؟ ولا استلمه من المقر

 

[ASWD]

^

Borderlinx بيصلخون ظهرك وانت تضحك تكاليف الشحن مو بس عالوزن بل على ابعاد الباكيج ايضا مثل الطول العرض والارتفاع.جربتهم شخصيا ارامكس ارحم منهم صراحا.خلك على الشحن الدولي ارخص عادي حط عنوانك بالطريقة المعتادة.العنوان منزل رقم طريق رقم اسم المنطقة ورقم المجمع.المدينة او المحافظة الدولة رقم التلفون والبوستال كود اتصل على بريد منطقتك وبيحلون لك المسالة

 

[Skull Town]

^
يعطيك العافيه هذي الأجابه الي كنت ابحث عنها

 

[Shlinkx]

يوصلون للبيت؟ ولا استلمه من المقر

يوصلونه للبيت

^

Borderlinx بيصلخون ظهرك وانت تضحك تكاليف الشحن مو بس عالوزن بل على ابعاد الباكيج ايضا مثل الطول العرض والارتفاع.جربتهم شخصيا ارامكس ارحم منهم صراحا.خلك على الشحن الدولي ارخص عادي حط عنوانك بالطريقة المعتادة.العنوان منزل رقم طريق رقم اسم المنطقة ورقم المجمع.المدينة او المحافظة الدولة رقم التلفون والبوستال كود اتصل على بريد منطقتك وبيحلون لك المسالة

أنا جربتهم كلهم وأسعار أرامكس نفس أسعار borderlinx وغير هذا borderlinx عندها خاصية تجميع الأغراض وتقدر تطلب منهم يحطونها بباكج وأحد عشان
توفر المساحة عكس أرامكس أي شيء بيوصل بيرسولنه وأذا أقل من نص كيلو حتى لو قلم باخذون 43 ريال عليك

 

[ASWD]

^

ارامكس ما تحسب لك ابعاد الباكج ولا هم يحزنون لهذ السعر عالوزن فقط.وتسعيرة الاوزان هذي تسعيرة دولية ومافيه شي ينحسب اقل من نص كيلو كحد ادنى فكل شركات الشحن

 

[ABUALI]

يوسف.. أمازون يقبل الكردت كارد البحريني؟

 

[ASWD]

يوسف.. أمازون يقبل الكردت كارد البحريني؟

ايه خوك طلع لك كردي نت من بنك البحرين والكويت واذا عندك حساب فنفس البنك بتكون سالفة تحويل البيزات للفيزا كارد شربة ماي