hits counter

رقم 1 أبوظبي أحمر بـ52 مليون و 200 ألف درهم !

ع العموم جزاه الله خير اذا كان فيها تبرع ..

ولو اني اعتقد بان السالفة اذا ما كان فيها لوحة والا موسوعة غينيس للأرقام القياسية كان ما شفنا هالتبرع !!
 
انا بصراحة ضد المزادات على اللوح المميزة

وبعدين حتى لو كانت تبرع ، التبرع في السر افضل

وله اضعاف الحسنات لو انه يدور حسنات .

بس لو كان رياء ويقول للناس شوفوا

فما اقول غير حسبي الله ونعم الوكيل
 
Purple Rain قال:
ع العموم جزاه الله خير اذا كان فيها تبرع ..

ولو اني اعتقد بان السالفة اذا ما كان فيها لوحة والا موسوعة غينيس للأرقام القياسية كان ما شفنا هالتبرع !!
أنقر للتوسيع...

بالعكس الفكرة ناجحة حتى الان..لأن - أحيانا - أصحاب الملايين لا يمكن يتبرعوا بمبالغ ضخمة الا لو كان فيه حافز يخليه يدفع ..يمكن هو بيتبرع كل فترة بمبلغ مليون او 2 مليون بدون حافز , لكن بوجود عرض مغري كرقم سيارة 1 صار تبرعه أكثر , يعني بفيد و بيستفيد ..

طبعا الأعمال بالنيات وكل امرئ على قد نياته , لكن كلمة شكر الى شرطة أبوظبي لتخصيصها ريع المزاد لبناء مستشفى مخصص للمصابين في حوادث السير والطرق 🙂
 
كريكتير

1203304081_New%20Bitmap%20Image%20%283%29.bmp
 
وعليكم السلام ورحمة الله وبركاته

ناس فلوسهم زايدة ومب عارفين شيسوون فيها

بدال لا يتصدقون فيها و يكسبون أجر يضيعون فلوسهم على شي تافه

لا يودي ولا اييب بس عشان يقول حق الناس شوفوني لوحة سيارتي رقم 1!

تخلف والله تخلف يعني هل لوحة السيارة بتعكس شخصيتك مثلا ولا شنو بالضبط!!

الحمدلله على نعمة العقل بس الناس مظاهر الحين بس!
 
طيب ليش بالتقارير ما قالوا ان الفلوس تروح لأعمال الخير؟ صحافة سقيمة.
على الأقل هذا مهو زي الدلخ ولد با شراحيل مدري جمجوم اللي اشترى منديل ام كلثوم بمليون مدري أكثر، عشان ولا شي، لا خير ولا غيره بس إسراف وقلة شعور والناس يموتون جوع ومرض في كل مكان، ما كان يعني يقدر يتبرع فيها لجمعية خيرية؟ لمركز غسيل للكلى ما دامت أعلى اصابات بأمراض الكلى بالعالم عندنا؟ وأحسن ما في الموضوع أن عائلته أعلنوا انهم تبرأوا منه، قالوا مو منهم بعد ما فشلهم، عشان يحس على دمه. من جد مساكين ما بعدها فشيلة.
 
شباب صدقاً إذا التبرع ما كان في المقابل هذا الرقم ما كان دفع 52 مليون ..
وعلى فكرة الولد إلي اشترى الرقم عمرة 20 سنه من أبوظبي طبعاً هم تجار كبار ..
عموماً ما اتوقع ان الفلوس هذي رح تنصرف إذا الرقم ما كان موجود
 
شباب صدقاً إذا التبرع ما كان في المقابل هذا الرقم ما كان دفع 52 مليون ..
وعلى فكرة الولد إلي اشترى الرقم عمرة 20 سنه من أبوظبي طبعاً هم تجار كبار ..
عموماً ما اتوقع ان الفلوس هذي رح تنصرف إذا الرقم ما كان موجود
أنقر للتوسيع...

خطر في بالي نفس الكلام، لكن السؤال هو هل هو شيء مشروع؟ وإذا كان فعلاً، هل هو مفيد أو مضر على المستوى البعيد؟. لو بدت هذي المزادات الخيرية تغير توجها، بعد ما يستمرؤون الناس المسألة، مسألة دفع مبالغ خيالية لشراء سلعة تافهة لهدف خيري، هل راح يتعود الناس ويستمرؤون المسألة مع الوقت حتى لو ما صار الهدف خيري؟ مثلا الآن كل المبلغ بيصرف بالخير، بعد فترة نصفه، بعد فترة نسبة غير محددة، بعد فترة راح نشوف مزادات تبيع أشياء تافهة بعضها لرعاية الخير وبعضها للمادة فقط، بدون ما يفرق عندنا أو نحس باللي نحس فيه الآن. ربما.
 
يا اخوان الله يهديكم لحد يدخل بنوايا الناس مهما سووا ... هذي غيبيات عند رب العباد والله اللي بيحاسب المقصر مو معقوله نجي نقول هو يقصد كذا او كذا ....

اما اللي يظنون انه كان يقصد يتفشخر ومدري ايش ... ياخي وش دراك انه ما يتبرع باضعاف المبلغ سرا ؟؟؟

والمشكله لو جا موضوع عن الاعمال الخيريه بيجون ناس يقولون وين اصحاب الملايين .. ولمن اصحاب الملايين يسوون خير يجون البعض يدخلون بالنوايا ... والله شي غريب

عموما انظرو للموضوع بشكل ايجابي واحسنو الظن ... إن بعض الظن اثم

==----===----====----===---
 
Ginko قال:
الفلوس تروح لاعمال خيريه.
أنقر للتوسيع...

شنو الدليل انها صج تروح لأعمال خيريه مب بس مجرد كلام عشان

الناس تقول واو والله انه كريم ويحب الخير T_T
 
اعلن الشيخ سيف بن زايد قائد الشرطه بناء مركز لعلاج و تأهيل المتضررين من الحوادث بمبلغ 300 مليون درهم
من محصول المزادات ال 6
 
يجب تسجيل الدخول أو التسجيل كي تتمكن من الرد هنا.
عودة
أعلى