رقم 1 أبوظبي أحمر بـ52 مليون و 200 ألف درهم !

[BioMario]

السلام عليكم ورحمة الله وبركاتة

رست اللوحة رقم / 1 / من لوحات الفئة الخامسة لامارة أبوظبى اخيرا على رجل الاعمال الاماراتى سعيد عبدالغفار خوري ليدخل بمبلغ ال 52 مليونا و 200 ألف درهم الذى دفعه مقابل شرائها موسوعة جينيس للأرقام القياسية من أوسع ابوابها ويصبح مالك أغلى لوحة سيارة فى العالم بعد فوزه فى المزاد الذى نظمته / الامارات للمزادات / مساء اليوم . ونجح سعيد عبدالغفار خوري بذلك فى تحطيم الرقم العالمى السابق والمسجل باسم مواطنه طلال الخورى الذى سبق واشترى اللوحة رقم / 5 / مقابل 25 مليون درهم اماراتى متجاوزا رقم الاخير ب 27 مليونا و200 الف درهم ومسجلا اسمه بأحرف من ذهب فى سجلات موسوعة جينيس للارقام القياسية العالمية

قمة التخلف .. فلوس مايعرفون وين يودونها ..
والله لو انا مكانه 100 ألف ما ادفها على رقم ..

سبحان الله .. والحمد لله على العقل واللهم لاتبلانا ..
مادري كيف شعوره بعد ما اشترى الرقم هل هو فرحان و متفاخر او شو بالضبط ..

 

[SALAH]

هع..وانا احوس في البيت على 12 درهم عشان اطلب شاورما :slant:

سبحان الله , بس صدقني لو هالمبلغ ما بيرجع له بعد فترة قليلة ماكان بيدفعه..يمكن خلال أقل من سنة يرجعه و يرجع أضعافه كمان .

 

[Aoks]

اهبل !!!!!!
​

 

[BioMario]

صلاح أكيد ..
حتى لو يرجع له بعد ساعة .. بطرة بطرة .. 52 مليون على رقم سيارة !!!!!!!!! ههههه ما أدري اضحك ولا أصيح

 

[Tomb raider]

والله في ناس تحتاج وهو ياخذ رقم ؟ حديد يحطه على حديد ..

 

[Mista Koo]

الجنون فنون

 

[The Shark]

هههههههههههههههههههههههه ...

من أوسع ابوابها

ونجح سعيد عبدالغفار خوري بذلك فى تحطيم الرقم العالمى السابق

ومسجلا اسمه بأحرف من ذهب فى سجلات موسوعة جينيس للارقام القياسية العالمية

ههههههههههههه .. محسسني انه في شي مهم ...

 

[hamad 11]

اهبل !!!!!!
​

لا تمدحه :slant:

 

[Naif]

ههههههههههههه .. محسسني انه في شي مهم ...

يحمسون الناس اللي يقرأون على شان يروحون يصرفون فلوسهم على اشياء تافهه في المزادات القادمة.. صراحة مستغرب من الحكومة انها ترعى مثل هذي الاحداث.. و اذا بقى الامر على هذا الحال.. ما بستغرب المزادات القادمة تنعرض في التلفزيون و يصير الفايز بالمزاد مثل البطل الشعبي (وااو عنده رقم 1!)..

 

[Purple Rain]

التفاهة مشكلة !!

 

[iCon]

الصراحه اسراف ماله داعي .. يعني لو متبرع فيهم لجمعية خيريه علشان اخرته كان احسن

 

[persona]

رزق الهبل على ايشششششششش؟

 

[Super Shadow]

حمد الله و الشكر :slant:

 

[hyuga neji]

حمدالله والشكر انا ودي اعرف بعد مايشتريها يعلقها علي صدره يتكشخ فيها:embarrassed:

 

[mario0o]

يمكن الـ52 مليون اللي عنده كأنه 10 دراهم بالنسبه لنا لول

بس شو عرفكم مثلا انه هو مثلا ما يتبرع؟ ويمكن هو يتصدق بارقام اكبر.. محد يعرف

 

[BioMario]

يمكن الـ52 مليون اللي عنده كأنه 10 دراهم بالنسبه لنا لول

بس شو عرفكم مثلا انه هو مثلا ما يتبرع؟ ويمكن هو يتصدق بارقام اكبر.. محد يعرف

خل التبرع و كل شي ..
لكن بالعقل 52 مليون على رقم سيارة تكلفته ماتزيد عن 50 درهم !!
----------------
سوري حميد كل ما تدخل الماسنجر و تكلمني ما أكون موجود -__-

 

[Mario2]

تظل كحركه كوليكشنيه .. باجر تربل او تربلات الرقم اللي دفهم ياخذه .. وبعدين من حميد هذا هههههههه .. تقصد احمد ..

 

[ZiZ]

رست اللوحة رقم / 1 / من لوحات الفئة الخامسة لامارة أبوظبى اخيرا على رجل الاعمال الاماراتى سعيد عبدالغفار خوري ليدخل بمبلغ ال 52 مليونا و 200 ألف درهم الذى دفعه مقابل شرائها موسوعة جينيس للأرقام القياسية من أوسع ابوابها ويصبح أخبل رجل في العالم بعد فوزه فى المزاد الذى نظمته / الامارات للمزادات / مساء اليوم . ونجح سعيد عبدالغفار خوري بذلك فى تحطيم الرقم العالمى السابق والمسجل باسم مواطنه طلال الخورى الذى سبق واشترى اللوحة رقم / 5 / مقابل 25 مليون درهم اماراتى متجاوزا رقم الاخير ب 27 مليونا و200 الف درهم ومسجلا اسمه بأحرف من ذهب فى سجلات موسوعة جينيس للارقام القياسية العالمية

تم تصليح الخبر...

 

[Zero]

اوكي مو المزاد خيري حسب ما كنا نسمع ؟ ، حتى ولو أشوفه لعب بالنعمة ووضع الفلوس في غير محلها ، تبغى الخير ؟ تبرع مباشرة .

 

[Emirates]

المزاد ريعه لذوي الاحتياجات الخاصه

يعني تبرع

ولكن لو تبرع بها مباشره بدون مقابل الرقم افضل له

 

[Ginko]

الفلوس تروح لاعمال خيريه، يعني ما اشوف ان الشيء تخلف او جنون.

 

[MR1]

كنت أنا و ياه نتهاوش على هذي اللوحة ... بدينا بدرهم الى 20 درهم و بعدين مل مني و قال 52 مليون درهم ...
قعدت أضحك و طلعت و هو أكلها xD

 

[Evolution]

يسأل المرء عن خمس ، منها ماله فيما أنفقه ...

 

[Lonely Heart]

هذا وش بتكون سيارته ؟!

 

[MALDINI]

السلام عليكم ورحمة الله وبركاتة



قمة التخلف .. فلوس مايعرفون وين يودونها ..
والله لو انا مكانه 100 ألف ما ادفها على رقم ..

سبحان الله .. والحمد لله على العقل واللهم لاتبلانا ..
مادري كيف شعوره بعد ما اشترى الرقم هل هو فرحان و متفاخر او شو بالضبط ..

ردك يعجبني .. شفته بالتقرير اشوفه يتبسم وفرحان <tgman>مدري وش يحس فيه

***

 

[Xeno]

أنا مارديت لأن كنت حاس الفلوس للتبرع.

مثل واحد شيخ قطري اشترى كورة من الكور اللي لعبوا فيها نهائي كأس العالم 2006 بـ3 مليون دولار, وريعها كان لضحايا المسلمين من تسونامي, لكن الجهلة سووا زحمة والشارع فاضي.

 

[Purple Rain]

بغض النظر عن موقف الشيخ او الغني .. تراه يقدر يتبرع بالمبلغ هذا بدون ما يشتري لوحة ولا يحزنون !!

والا حاب يشتهر جدام العالم ؟؟ يلا تعالوا شوفوني انا الي اشتريت اللوحة ب 50 مليون !!

 

[Xeno]

بغض النظر عن موقف الشيخ او الغني .. تراه يقدر يتبرع بالمبلغ هذا بدون ما يشتري لوحة ولا يحزنون !!

والا حاب يشتهر جدام العالم ؟؟ يلا تعالوا شوفوني انا الي اشتريت اللوحة ب 50 مليون !!

هذي عاد مش مشكلة, بالعكس إشهار أعمال الخير خبر طيب, ويمكن يشجع ناس غيره يتبرعون, خاصة لو كان رمز معروف ومحبوب مثل الشيوخ.

دام أن العمل في المجمل خيري, ماله داعي ندقق فالتفاصيل وندخل فنوايا الناس إيش قاصد وإيش يبي وإيش وإيش...

 

[ShinShadi]

أنا مارديت لأن كنت حاس الفلوس للتبرع.

مثل واحد شيخ قطري اشترى كورة من الكور اللي لعبوا فيها نهائي كأس العالم 2006 بـ3 مليون دولار, وريعها كان لضحايا المسلمين من تسونامي, لكن الجهلة سووا زحمة والشارع فاضي.

و أنا كمان أتوقع كذا ..

بغض النظر عن موقف الشيخ او الغني .. تراه يقدر يتبرع بالمبلغ هذا بدون ما يشتري لوحة ولا يحزنون !!

والا حاب يشتهر جدام العالم ؟؟ يلا تعالوا شوفوني انا الي اشتريت اللوحة ب 50 مليون !!

يعتبرع و هو ساكت .. يتبرع و هو قاعد يتفشخر .. أفضل من إنه ما يتبرع من الأساس ..
بعدين المزادات الخيرية منتشرة في العالم .. و في الغالب تكون الأدوات المباعة فيها رمزية ( كورة , لوحة ، إلخ ) فما أعتقد إنه مهتم بالغرض قد ما هو مهتم بالفكرة ( التبرع ) !!

 

[Genya Arikado]

هو إشهار عمل الخير عشان يقتدي به الناس جائز، و الرسول صلى الله عليه و سلم كان يقول للصحابة رضي الله عنهم بعض الأعمال الصالحة عشان يقتدون به، ولا زلنا نقتدي به في هذي الأعمال لهذا اليوم.

و نفس ما قال Vega، هو مو مهتم باللوحة قد ماهو مهتم بأنه تبرع، ولا كان ما خذها من الأساس.