the obscure
True Gamer
منطقي، خصوصا مع زيادة شعبية البي سي كل سنة انت كذا تقتل قيمة البراند بالكامل، حتى لو كان فيه أرباح والي أصلا واضح ما كانت مرضية لسوني لسى على المدى البعيد راح يضعف قيمة البليستيشن ويشيل احد اهم مميزاته.
رسمياً: سوني ألعاب التختيم بتكون حصرية
- بادئ الموضوع ONLY PLAYSTATION
- تاريخ البدء
abdullah-kh
~KH ♥FFXIV~
Eye
True Gamer
بالصميم المصمم الصمومي
في الفراغ سوني مردها تتراجع عن هالقرار لان كونسولهم ما عاد يقدم المسوغ ، بس كل شي بيبان ويتثبت على اداء ستيم كونسول
Kambsha
Selective Perception
اكثر ناس مرتفع ضغطها من الخبر هي اكثر ناس صوتها عالي ان العاب سوني أصلًا ما تهمهم 
الكونسول اللي بطريقه انه يبيعه فوق الـ100 مليون نسخة (رابع مرة لسوني، 2 لننتندو، 0 مرة لمايكروسوفت) وبالراحة يوصل للـ110 مليون نسخة لما ينتهي الجيل، الكونسول الاعلى ربحية بتاريخ سوني، ما عاد يقدم المسوغ؟ وراك تهبد كثير هالايام يا عين؟ وستيم كونسول هو الفارس المنتظر اللي راح يأثر على السوق؟ امكانيات فالف بإنتاج الكونسول لا تقارن بتاتًا بأمثال سوني ومايكروسوفت وننتندو، اتكلم كأعداد هنا، وهذا يترجم بشكل مباشر لعدم امكانيتهم بالمنافسة الحقيقية.
Eye
True Gamer
لا ما عاد يقدم المسوغ ، لان الحصريات حفلة والطرف الثالث مب محصور ولا هو جهاز ميديا اصلا ، الشي اللي شال البس٢ الذي تتشدقون به هع
انا مدري صراحة انت وش تناقش بالضبط
ستيم كونسول ببساطة متغير جديد يدخل المعادلة ، ونعم يشكل تهديد على سوني بدليل هذا القرار
السوق جالس يتحول بعيد عن الكونسول ، فيه شفت حقيقي ، هل بنصل لانعدام الشي ذا ، اعتقد وبنسبة كبيرة نعم واذا كانت تكاليف التطوير بذا الارتفاع سوني بتتراجع وذيلها بين رجولها
هذي فقط نتيجة كوز اند ايفيكت
كشخص يعتبر انه الحصريات للبس5 ما تفيد ولا سبب تفوقه الرئيسي -بالنهاية نزل بدون حصريات ما عدا ريميك ديمون سولز اللي ما باع اصلا... ولكن الجهاز باع بشكل ضخم انيواي-
ستيم ماشين ما راح يغير المعادلة بل ونزل بأسوأ توقيت ممكن على الاطلاق، هو حتى بدون ازمة الرام والAI وغيره كان في كلام انه سعره بيكون +800 دولار يعني، الآن ما راح يقل عن 1000 دولار بأحسن الأحوال والسعر ما بيكون تنافسي بأي شكل، بل راح يكون موجه لفئة محدودة جدا اللي هم عشاق البي سي الاقوياء، اذا الستيم ديك رفعوا سعره بشكل فاحش الآن وبيكون بمتناول وصول أقل من قبل -وهو من الاساس مش جهاز مصنوع لينافس السويتش مثلا- فما بالك بالستيم ماشين؟
بنشهد أيام عويصة بعالم التقنية.
Kambsha
Selective Perception
الحصريات حفلة؟ هذا رأي مش حقيقة وما راح ادخل بجدال فيه. الطرف الثالث مب محصور، ويعني؟ شوف كم تبيع كود وفيفا وبقية الالعاب المينستريم على البلايستيشن مقارنة ببقية المنصات. اما عن مسألة كونه جهاز ميديا او لا هذا مش المحرك الرئيسي للمبيعات لكن برضو شوف احصائيات نيتفلكس ويوتيوب عن كم المشاهدين عبر منصات البلايستيشن.
ستيم مشين لم يشكل تهديد على سوني بـ2015 ولا بيشكل تهديد الآن، خصوصًا ان مثلما ذكرت مسبقًا، فالف غير قادرة على شحن نفس الكميات الضخمة مثل سوني، بجانب السعر المرتفع، ونفّس فالف القصير في الدعم. اذا استمرت فالف بتحسين الجهاز واصدار نسخ متعددة على مدار العقد القادم، وقتها نقدر نناقش موضوع المنافسة والتهديد، اما الآن؟ لا. اما مسألة ارتفاع التكاليف فهذه مؤثرة على الكل وليست حصرًا على سوني فحسب. كيف تتجاهل تسريبات السعر المرتفع للستيم ميشن القادم؟
اتفق معك ان بالجيل المقبل راح يكون في انقسام كبير في المنصات، السوق اصبح متشتت، لعب سحابي وكونسول ومحمول وحاسب وجوالات، لكن اذا نظرنا لإستراتيجية سوني بهذا الجيل، وكيف ولأول مرة بتاريخهم يرفعوا الاسعار بالرغم من ان بالعادة وبالنظر للأجيال السابقة هذا وقت تخفيض السعر حتى الجهاز يحصل على دفعة كبيرة بالمبيعات من المشترين المتأخرين والعائلات والكاجولز، الان ما عاد يهمهم هذا الأمر. أصبح عدد الوحدات المباعة ما يهمهم اكثر من الارباح لكل وحدة مباعة.
واعتقد هذا الاستراتيجية راح تكمل بالجيل القادم، البس6 ماراح يوصل لنفس عدد مبيعات البس5 ولكن هذا بإختيار سوني. 90 - 100 مليون وحدة مباعة بربحية هائلة افضل من 120 - 130 مليون وحدة مباعة بربحية أقل بكثير.
Eye
True Gamer
انت تتكلم عن اليوم ، انا اتكلم عن بكرة ، لما الالعاب تصير تكاليفها خارقة وتبدأ تصير ربحيتك من الكونسول مهددة وش تسوي؟ تحاول تعطي قيمة لمنتجك ، الشي اللي قاعد تسويه سوني
طيب لما المنافس يعطي قيمة اعلى ، حتى مع اختلاف السعر ، اللي بيصير ان الشفت بيبدا وممكن يستمر لين سوني ترجع عن ذا القرار وذا الكلام
Eye
True Gamer
هذي حقيقة لا تقبل الجدال 🤭 &
يعني كل شي ، تاريخ سوني بكبره قام على الطرف الثالث
طيب هذي اول مغالطة في الحسبة ، انت قاعد تسوي سيليكتف بايسد وتركز على العاب مين ستريم ، بينما السوق اكبر من المين ستريم والشفت كل ماله ويتوجه ابعد
هذا كان محرك قوي ايام البس ٢ بس مش نقطتنا قلتها كذا بس
بعدين لا تقول لي رح شف كنها معلومة ثابتة ثنينا عارفينها ، اذا بتستشهد فيها حبذا لو تجيب المصدر
عشان كذا سألتك ايش تناقش بالضبط ، انت تتكلم بس٥ وفقط ، انا اتكلم تراجيكتوري ومُتَّجه
ولا ايش يفسر سحب حصرياتهم؟ لو ان مافي منافسة والعابهم تبيع كويس على ستيم ..
هذا اللي جالسين نقوله من البداية ، انا مالي دخل في ربحيتهم هنا ، انا اتكلم عن استراتيجية حصر الالعاب ، على المدى الطويل ما راح يشيلهم الكونسول وتكاليف الالعاب يمديك تخارجها من مكان ثاني /_シ_\
ماله دخل ، ركز على تكاليف الالعاب
Good Hunter
True Gamer
مو صحيح، من جيل البلايستيشن 1 من التوب 10 افضل ١٠ العاب مبيعا حصريات طرف أول، اعلى لعبة مبيعا اصلا هي GT1، وفي القائمة بتلقى GT وباقي اجزاء كراش اللي كانت طرف أول.
هذي النسبة تزيد مع كل جيل لين أصبحت سوني تعتمد بشكل اكبر على استديوهاتها الداخلية
وفي الحقيقة الطرف الثالث بكبره قام على سوني، معظم السلاسل ولدت ك New IP على أجهزة بلاي سيتشن وبدعم منها ومعظمها ارتبط ببراند البلايستيشن، حتى GTA بكبرها مع صفقة القرن في 2000.
ONLY PLAYSTATION
True Gamer
الي يبي الحصريات يشتري بلايستيشن والي ما يبي يقعد على PC الموضوع جداً سهل وما يحتاج كل هالجدال وثاني شيء إذا سوني قررت تنزل حصرياتها على الـPC أو ما تنزلها فهذا قرارها هي بروحها وافضل انه سوته مو قرار اللاعبين الشركة أدرى بمصلحتها وبطريقة إدارة ألعابها ومنصاتها والصراحة مبيعات بعض ألعاب بلايستيشن على الـPC مقارنة بمبيعاتها على البلايستيشن نفسها تعتبر ضعيفه بل محد يشتري وأقولها من الآن مع الوقت لا تستغربون إذا بعض شركات الطرف الثالث بدأت تعيد حساباتها تجاه منصة الـPC لما تشوف نسب التكريك مرتفعة وبعض اللاعبين يعتبرون التكريك شيء طبيعي
Eye
True Gamer
جمهور مختلف؟ انت تتكلم عن مبيعات سوفتوير ٤٠ مليون
من التوب ، وليس كل التوب
ومو كذا تنقاس ، انت تشوف كم عناوين الطرف الاول من المبيعات الكلية للسوفتفوير وبتشوف ان العاب سوني كانت مجرد تحصيل حاصل اصلاً
قيمنق هيستوري ١٠١ ان سوني ما تسوى بيزة بدون الطرف الثالث
abdullah-kh
~KH ♥FFXIV~
الهولندي على التخبطات والعبط اللي يسويه بالقسم بدون محاسبة يبشر بخير ان لساتنى بنلحق على كوارث ثانية لول
Good Hunter
True Gamer
شلون تحصيل حاصل ارقامها قريبة من اكبر العاب الطرف الثالث وقتها جران توريزمو تقارع مبيعات Grand و God of War 1 و 2 كانت قريبة من معظم العاب الطرف الثالث بحدود ٤ ل ٥ مليون.
ال PS3 شال نفسه مع فقدان حصريات الطرف الثالث قائمة التوب تن فيها ٧ العاب طرف أول.
ذا مو تحصيل حاصل.
اما العاب الطرف الثالث ملتي الكل يحتاجها وعايش عليها ويتسابقون عليها
Eye
True Gamer
العاب الطرف الاول ١٠٪ من المبيعات الكلية للسوفتوير ، يعني اللي شرى ١٠ العاب .. ١ منهم بس لسوني ، وصراحة يعني العابهم ما كانت سيستم سليرز مكسرة الدنيا
لو ابوك وقتها خلف الزجاج قالك يا سبايرو يا كراش ، بتجلس تفكر ، فقبل الزحمة لا تقيس على وضعنا حنا
وين اللي يقول الطرف الثالث قام على سوني؟
Good Hunter
True Gamer
العاب الطرف الاول ١٠٪ من المبيعات الكلية للسوفتوير ، يعني اللي شرى ١٠ العاب .. ١ منهم بس لسوني ، وصراحة يعني العابهم ما كانت سيستم سليرز مكسرة الدنيا
لو ابوك وقتها خلف الزجاج قالك يا سبايرو يا كراش ، بتجلس تفكر ، فقبل الزحمة لا تقيس على وضعنا حنا
وين اللي يقول الطرف الثالث قام على سوني؟
اللي ينكر ان الطرف الثالث قام على سوني غلطان لا تقيس على وضعنا الحالي الحين الطرف الثالث متوفر على كل المنصات والكل يسعى لتسويق نسخته ويكون المكان الافضل لها.
هل تعلم ان سوني ساهمت في تكاليف نشر GTA 3 اعظم منتج ترفيهي حاليا وكذلك في التسويق سوني زمان لديها الميديم اللي يخلي شركات الطرف الثالث يقوم على رجله ابسط مثال توفير الفورمات المناسب مثل ال CD
حسبتك غلط اللي اشترى 10 العاب طرف ثالث 5 منها طرف أول
Eye
True Gamer
كثير العاب فعلا بدأت على منصة سوني ، لكن يا انها انتهت يا انها كروس الان ، لكن برضو كثير العاب تاريخها قبل سوني بكبرها
شف عشان تقول قام على سوني لازم تثبت انه اللي ساعده هو الارتباط باسم سوني ، وذا ما تقدر تسويه
لكن ليش نقول سوني قامت على الطرف الثالث؟ لانه مثبت ان كونها منصة مفتوحة للتطوير ساعدت بانتشار الجهاز ، هذي تاريخ ومعلومة قديمة
ياخي ربطك غلط ، نعم سوني وفرت التقنية ومنصة مفتوحة ، الشي اللي "سهل" عملية التطوير ، لكن الناس اشترت الجهاز عشان العاب ، مش عشان سوني سوت تقنية
قصدك النسبة غلط؟ لان ٥ من ١٠ = ٥٠٪
٥٠٪ من مبيعات السوفتويير على منصات سوني هي لسوني؟ اتحداك
Good Hunter
True Gamer
مافيه شي انتهى
ريزدنت ايفل؟ موجود
تكن ؟ موجود
ميتل جير؟ موجود
وهناك الكثير من الأمثلة.
اجل خلنا نوقف لحظة انت تقارن الطرف الأول لسوني بمجموع سوفت وير الطرف الثالث كله، وش ذا الجبروت يا سوني، يعني سوني لوحدها قدام مبيعات سكوير وروكستار و EA من أكبر لين اصغر مطور
بينما سوني اذا حطيتها قدام كل شركة راس براس بتلقاها تكتسح اغلب شركات الطرف الثالث وقوائم التوب تن أكبر دليل، واللي فيها نسبة كبيرة من العاب سوني. ريماستر لاست ١ وهو ريماستر متفوق على كود بلاك اوبس ٣ على البلايستيشن 4..يا رجال هورايزن باعت اكثر من ماينكرافت على PS4
مما يدل على ان الموضوع عكسي الناس تختار الجهاز علشان الطرف الاول بعدين تروح تشتري العاب طرف ثالث.
Eye
True Gamer
عن ماذا تتحدث يا رجل؟ فيه آلاف الالعاب من الاجيال الاولى اللي اختفت كلياً لكن مع ذلك ساهمت بنجاح المنصة
تنكر ذا الشي؟
اجل كيف تقترح نقارن انا مو فاهم انت شتبغى بالزبط
كل ذا تبي تقول ان سوني نجحت بنفسها بدون الطرف الثالث؟
معليش بس التاريخ يكذب ذا الادعاء ، اذا عندك حسبة تساعدنا على الفهم الصحيح بررها لنا ، عطنا كيف انت جالس تحسب خل نستفيد او نفيدك اذا حسبتها بشكل غلط ، وانت ما شرحت لي حسبتي ليش غلط
صدقني انا هدفي اوصل لحسبة تساعدني افهم السوق لا اكثر ، ما همتني حروب الفانز الماصخة
نرجع للحسابات ، اذا قلنا حسب الاحصائيات ١٠٪ هي مبيعات السوفتوير ، مش ممكن اصلا يكون فيه تداخل بين مبيعات التوب ١٠؟ بمعنى ان كل اللي شروا التوب ١٠ هم نفس المجموعة
س اشترى التوب ١ والتوب ٢ والتوب ٣ ..
اذا كانوا ذولي هم ال١٠٪
=> معناها باقي المبيعات للطرف الثالث وناس كثيرين اصلا ما طقوا خبر للطرف الأول
مبيعات كود بس بقولك مضللة لانها ٢٠ جزء ما تدري تحسب اي جزء ، لكن لو حسبته كل الاجزاء بتجي ارقام فلكية ، مب ممكن يكونون ذولي هم اللي شالو مبيعات الجهاز؟ جايز
فانا اللي يهمني من الموضوع ذا كله ، هو كيف تنحسب وبرر ليش الحسبة ممكن تكون صحيحة وخلنا نبدا شي مفيد
نقطة اخيرة بس يا الجيد ترا والله اي شركة يمديك تطقطق عليها ، قسم بالله تعطيني اي لعبة يمديني ادافع عنها ويمديني امسح فيها البلاط لين تطفش ، بس مو عمل مثمر ولا بيفيد احد
Kambsha
Selective Perception
وقيمنق هيستوري 101 كذلك ان الطرف الثالث ما كانت بتقوم لهم قائمة بدون المنصة اللي باعت فوق الـ500 مليون نسخة خلال 5 أجيال وكانت ومازالت المنصة الأعلى ربح بالنسبة لهم.
أجهزة ننتندو طول عمرها ماكانت موجهة للطرف الثالث ولا كان يبيع فيها، اجهزة مايكروسوفت حدث ولا حرج انجح جيل لهم ما تجاوز مبيعاته 85 مليون نسخة وبقية اجهزتهم للنسيان حتى مايكروسوفت مو قادره تبيع على اجهزتها. الحاسب وحتى بدايات 2010 قبلما ينضج ستيم كان عبارة عن منصة مشتته ومليئة بالقرصنة ونسبة المبيعات فيها ماكانت بحجم اليوم.
قيمنق هيستوري 101 كذلك ان قبل ما تنعش سوني سوق الاجهزة المنزلية بمنصتها، ننتندو كانت تحكم الطرف الثالث بقبضة حديدية وقوانينها كانت صارمة ومنفرة، بجانب زيادة المخاطرة للناشرين بسبب تكلفة صنع الكارتدج ما كان يعني غلاء اسعار الالعاب نفسها.
أجهزة البلايستيشن وعلى مدار ثلاث عقود متتالية كانت ومازالت المنصة الموثوقة اللي تملك قاعدة مستخدمين ضخمة والناشرين بكل الاحجام يقدروا يعتمدوا عليها لنجاح نماذج أعمالهم أيًا كانت.
الكلام عن نموذج العمل قبل دخول سوني للصناعة وبعد، وتأثيره المباشر على الطرف الثالث. لا تتفرع للمستهلكين وليش يشتروا الاجهزة. دخول سوني للصناعة غير نموذج عمل ننتندو الاحتكاري وانعش الصناعة = ارباح اكثر للطرف الثالث = المزيد من الالعاب وشركات الطرف الثالث. ومازالت الصناعة ليومنا هذا ماشية بنموذج العمل اللي سوني قدمته مع البلايستيشن 1.
Good Hunter
True Gamer
الاحصاء ليس مجرد ارقام صماء انت تقول 10% وخلاص.
وبالنسبة لي مو خلاص لازم نحلل ونفسر وهنا عندي نقطتين:
- كمية الالعاب، هناك 4000 آلاف لعبة طرف ثالث موجودة في السوق ويمكن في متجر PS4/5 لوحدها، سوني في السنة تنزل بحد أقصى 3 الى 4 العاب وفي عزها وصلت ل 7 العاب في السنة، فلما أنت تستحوذ على 10% من الكعكة ذي بعدد الالعاب هذا فهذا مو تحصيل حاصل ذا اسميه اكتساح.
- فيه العاب طرف أول تبيع على الجهاز ارقام فلكية، ترا أنا قارنت فوق بالالعاب المباعة على نفس الجهاز، يعني ريماسترد Last of Us مع نسخة كود على الفور، بتلقى بعد العاب طرف أول تكتسح مجموع نسخ الملتي على كافة الاجهزة.. اكتساح.
بالعربي اذا قلنا 10% وسكتنا هذي نظرة قاصرة الاحصاء اكبر من كذا
اما اخر برقراف والله ما فهمت وش تقصد فيه.
Eye
True Gamer
قوود
اكتساح ما يعني باي شكل ان الجهاز جالس يبيع لذي الالعاب ، ذا افتراض
بعيد عشان تفهم الصورة : اي شخص عنده الجهاز عنده لعبة وحدة على الأقل من سوني و ٩ العاب طرف ثالث ، مو معقول تقول الشخص شرا ذا الجهاز عشان لعبة وهو عنده ٩ العاب غيرها ، مو منطقي
لو كلامك صحيح ، اجل معنى كلامك ان الجهاز بيبيع نفس المبيعات وعنده نفس المسوغ بدون الطرف الثالث وهذا يتناقض مع ان الناس جالسة تشتري العاب دبل الدبل مما تشتري من سوني
عرفت وين المشكلة؟
طيب حلو ، اقصاها سبايدرمان ٢٥ مليون ، يعني بذي الحسبة ٢٥ مليون بكل تأكيد شروا ٢٥ مليون جهاز ، طيب ماشي
و كلب الحرب ٢٠ مليون
وهورايزون ٢٠ مليون
وانتشارتد ٢٠ مليون
ولاست اوف اس ٢٠ مليون
__________________
هذي ١٠٥ مليون جهاز
١٠٥ مليون شروا الجهاز عشان لعبة وحدة
١٠٥ مليون ١٠٪ ، طيب ال٩٠٪ وين راحوا؟ ٩٠ بو خليل ٩٠
منطقي الواحد يشتري جهاز على لعبة؟ وبنفس الوقت يقضي ٩٠٪ على غيرها؟
بس انا ابي ذا الجواب
Good Hunter
True Gamer
منطقي يخوك هذا gaming business 101، اغلبنا هنا يشتري الجهاز ويتحمس علشان لعبة ولا ما طلع لنا مصطلح السستم سيلر ولا شفنا العناوين الحصرية تحرك مبيعات الاجهزة بنسبة كبيرة، قفزات تاريخية نشهدها في مبيعات الأجهزة، مع صدور بعض الالعاب GT - سبايدرمان - هالو - فورزا هورايزن 6.. الخ.
أنا اشتري PS3 علشان مجس٤/خلصتها ورحت العب باقي الالعاب- رحت البقالة هدفي اشتري ببسي وفجأة تلقاني شاري معجنات وفشار وخرابيط.
مدري على اي اساس تقول لعبة مقابل تسع العاب انت قاعد تقيس وكأنها موزعة على الكل بالتساوي يعني كأن مكتبة اللاعب الكاجوال حق كود وفيفا نفس اللاعبين اللي وصلوا الالعاب ل 15 و 20 مليون في التوب تن.
هذا بتلقى في مكتبة العابه مالا يقل عن 50% - 60% من العاب الطرف الاول مقابل الطرف الثالث.
الاكس بوكس عنده نفس حجم السوفتويير الطرف الثالث ويمكن اكبر وفيه قيم باس وميزات مع ذلك ما جاب حتى نص مبيعات البلايستيشن ولا حرك أي شي، معناها فيه محفز لشراء بلايستيشن الى جانب العاب الطرف الثالث.
ONLY PLAYSTATION
True Gamer
تصحيح ربع المبيعات وليس النص 🤗 كفوو للامانه حبيتك 🫡
مسكينة سيجا يتم محو تاريخها عيانا بيانا، قبل ما يكون في سوني في السوق كان في سيجا اللي قامت بنفس هالخطوات بالضبط ولجيل كامل، هي سبب انتشارها بالمقام الاول والتنافسية القوية ضد نينتندو بالتسعينات، ليش؟ لأنها كانت أريح بالتعامل للطرف الثالث، ما عندهم قيود الكارترجز، مافي قيود السينسورشيب والمنع، أحيانا بعض الالعاب اللي يتم حجبها باجهزة النينتندو تجد نسختها الكاملة بالسيجا وأشهرها مورتال كومبات، هذا غير تعاونهم الصريح مع العاب الطرف الثالث لجلب الالعاب الرياضية لجهازهم وترخيص اسامي معروفة، سيجا فهمت من بدري جدا اهمية الالعاب الرياضية للجمهور المينستريمي وفعلا كان من اسباب نجاح الميجا درايف وقتها والتنافس الشديد مع نينتندو اللي كانت محتكرة السوق
سوني أكملت المسيرة هنا
Eye
True Gamer
شف هو منطقي انا معاك فيها يا الجيد ، لكن هل مدعوم بالأدلة
يعني اذا الجهاز جالس يبيع ٢٠ الف بالمستريح اسبوعياً ، نزل عنوان سيستم سيلر صار ٤٠ الف حلو ذا مؤشر جيد
بس ذا المؤشر قاعد ياخذ بالاعتبار الناس اللي اولريدي عندهم الجهاز برضو ، والناس اللي اولريدي ديفولت بيشترونه (٢٠ الف المعتادين)
الحالة الوحيدة اللي نقدر نعتبر فيها اللعبة سيستم سيلر هو اذا مبيعات الجهاز جالسة تتناسب طردياً مع مبيعات اللعبة
مثال مرفوض : مبيعات الجهاز ٦٠ الف واللعبة تبيع ملايين
هذي مش مشكلة وقلت لك سهل نربطها بذي الطريقة بس
Something does not add up
انا شريت البس٤ حصريا لبلودبورن ، كذا رحت جمعت فلوس ابي بلودبورن باللي هي به وجهازها
هذي امثلة شخصية وما تاخذ بالاعتبار العكس ، اللي شراالجهاز عشان لعبة مب حصرية اساسا وبعدها بفترة خذ العاب سوني معجنات وخرابيط
فهمت المشكلة؟
على اساس نسبة المبيعات ، ما تقدر تنظر للحالات الفردية لان مافي داتا ، لكن تقدر تحسب متوسط
وحسب كلامك هنا انت تلغي تأثير العاب سوني
لانك الان اعتبرت التقاطع : اللي يشتري كلب الحرب ولاست وبلودبورن واحد ، يعني نزل من مبيعات الجهاز كسيستم سيلر
هنا معناها بتقديرك ان ٢٠ مليون حق سبايدرمان اللي اشترو الجهاز عشانها هم اللي رفعوا جاو ولاست والخ الاقل مبيعات
يعني الجهاز باع كسيستم سيلر ٢٠ مليون فقط ، باقي ١٠٠ مليون جهاز انشرى عشان الطرف الثالث
فهمت النقطة؟
لازم تاخذ حسبة السوفتوير الكلية وتعتبر ان كل شخص ما شرا الا لعبة وحدة طرف اول عشان تقول ان العاب سوني هي اللي شالت الجهاز ، حسبة ال١٠٥ مليون في الرد السابق
الون جاب النص
وانا اتفق معك ان فيه محفز آخر ، لكن ما نقدر نحدده ، ممكن يكون عروض ، زبون عائد ، معلومة مغلوطة ، تسويق اصدقاء ، فيه معطيات كثيرة
لكن اللي وصلنا له ، انه سوني لنفترض بنفس نموذج نينتندو سابقاً ، قايمة على العاب الطرف الاول ودعم طرف ثالث حفلة
بتنجح؟ قطعا ولا شك لا والف لا
شف انا شايف اننا ممكن لحد ما متفقين يا الجيد ، انت بس تعطي كريديت مبالغ لالعاب سوني
المحفز الآخر هو الجهاز نفسه.
لما تفكر فيها، السويتش 1 لو نزل زي ما هو بنفس حصرياته...لكن ما كان سويتش 1، كان جهاز كونسول آخر، ماله ميزة المحمول، كان بيفشل، أكثر شيء بيختصر هالنقطة انه اغلب حصرياته كانت هي نفسها العاب وي يو لكن تم اعادة تسخينها للسويتش ونجحت فيه بقدرة قادر، انت اصلا لاحظ معاي انه الوي يو فشل اصلا! وهو عنده ماريو...ماريو! لكن شنب ماريو ما شال الجهاز وكان بيموت عادي، نفس الشيء ماريو كارت وسماش وغيره.
الاكسبوكس 360 كان كجهاز جذاب جدا ونجح، مش عشان حصرياته بحد ذاتها، اللي كانت اولى انها تجذب اللاعبين لاجهزة الاكسبوكس اللاحقة يعني، لكن الجهاز نفسه كان جذاب، كتصميم، كونترولر، واجهة لعب، سعر ممتاز جدا، فعلا على وقته تشوفه شيء مبهر وجهاز مستقبلي عكس البس3 الحجري
الاكس ون فشل في اغلب ذول وفوقها المنافس رجع اتفوق بالنقاط ذي ومنها شفنا النجاح الباهر للبس4 مقابل فشل الاكس ون، الناس ما اشترت البس4 عشان Knack ولا كيل زون يعني.
هو أكثر شيء يحسم مسألة أهمية حصريات سوني كحصريات سوني هو وجود جهاز الفيتا، كان فيه حصريات سوني المعروفة المحبوبة بذاك الجيل، فيه انشارتد، فيه كيل زون، فيه ليتل بيغ بلانيت وغيرهم
طيب فاد الجهاز؟ لا ما فاده وكان من افشل الاجهزة، معناه؟ انه بالنسبة للمستخدم العادي، الجمهور اللي يوصل ل+100 مليون، هم ما يهتمون للأسامي ذي بحد ذاتها ولا تشكل لهم محفز انهم يشترون جهاز كامل.
هذا يختصر الموضوع من البداية للنهاية.
