رايح دبي لمدة يومين , كم سؤال لشباب الامارات

[Rockman]

السلام عليكم :

ان شاء الله شباب انا رايح دبي لمدة يومين

طبعا ادري قصيرة بس شنو نسوي الظروف تحكم :sarcastic:
عالعموم انا حطيت لي لستة حق الامكان اللي ابي اروح لها وكم سؤال

1- المكتبة اليابانية :laugh:: :
هي بالامارات مول صح ؟

2- مطعم سوشي مانجا :
وين مكانه بالضبط ؟

3- دبي مول :
شنو الاشياء اللي مميزة فيه وتنصحوني اشوفها فيه ؟

4- ستريت فايتر 4 اركيد :
وين احصلها بدبي ؟

5- ابي محلات تبي افلام بلو راي

6- هل فيه مكان للقطع الكمبيوتر "هاردويير" غير شارع خالد ابن الوليد ؟ " ابي اشتري بلوراي داريف للPC حقي .. "

ويا ليت شباب تنصحوني باماكن معينة حلوة وجديدة او شيئ مخصص للجيمرز ولا فان انميز ومانجا " غير المكتبة اليابانية "
وكمان يا ليت تقولون اماكن حلوة حق العائلة

ومشكورين على المساعدة

 

[iGam3r]

1- لا, المكتبه في دبي مول الطابق الثاني.

2- أعتقد الجميرا مب متأكد.

3- هو أكثر الإزحام يكون عند حوض السمك ,, لانه المول جديد للحين في كثير محلات مب مفتوحه.

4- للأسف ماعرف .

5- virgin megastore في مول الامارات اعتقد افضل مكان.

6- مركز العين في شارع خالد بن الوليد اشوفه افضل مكان ,, روح محل الارشاد للتجارة الطابق الثاني موجود عنده مشغل بلوراي LG مش متذكر السعر بالضبط بس ماكان غالي وايد.


وإن شاءالله الشباب يفيدونك أكثر.

 

[Tomb raider]

1- المكتبة اليابانية :laugh:: :
هي بالامارات مول صح ؟
لا مول دبي

2- مطعم سوشي مانجا :
وين مكانه بالضبط ؟

شارع جميرا عند تشليز " عاليسار" اسم المجمع جميرا بيتش بلازا "هو مجمع كله مطاعم"

3- دبي مول :
شنو الاشياء اللي مميزة فيه وتنصحوني اشوفها فيه ؟
المكتبه اليابانيه+ الاكواريوم+ الحجم+ قسم كامل فيه كل من سوني محل لوحده سامسونج الخ+ تكسير الارجل + سيجا ريببلك مستقبلا

4- ستريت فايتر 4 اركيد :
وين احصلها بدبي ؟
مممم ما اروح الاركيد فما عندي فكره

5- ابي محلات تبي افلام بلو راي
فيرجن مول الامارات

6- هل فيه مكان للقطع الكمبيوتر "هاردويير" غير شارع خالد ابن الوليد ؟ " ابي اشتري بلوراي داريف للPC حقي .. "
شارع خالد بن الوليد هو الافضل .

 

[BioMario]

هلا محمد .. رح تنور الإمارات

1

- المكتبة اليابانية :laugh:: :
هي بالامارات مول صح ؟ لا دبي مول

2- مطعم سوشي مانجا :
وين مكانه بالضبط ؟ ما أعرف وين بالضبط لكن ممكن شباب دبي يساعدونك

3- دبي مول :
شنو الاشياء اللي مميزة فيه وتنصحوني اشوفها فيه ؟ الأكووريم أكبر حوض سمك في العالم + أخر طابق من المول بتحصل كل شركات الألكترونيات و محل سامسنوج إلي يعتبر أكبر صالة عرض لشركة سامسونج خارج كوريا + المكتبة اليابانية

4- ستريت فايتر 4 اركيد :
وين احصلها بدبي ؟ ما أعرف في دبي لكن في أبوظبي موجودة

5- ابي محلات تبي افلام بلو راي فيرجن في مول الإمارات

6- هل فيه مكان للقطع الكمبيوتر "هاردويير" غير شارع خالد ابن الوليد ؟ " ابي اشتري بلوراي داريف للPC حقي .. " أفضل مكان لبيع الهاردوير في الإمارات هو مركز عين ورى مركز برجمان في دبي

 

[Rockman]

يعطيكم العافية على الرد السريع

بس محد فيكم قال لي وش ينصحني في دبي غير عن اللي سألت عنهم

ويا ليت شباب تنصحوني باماكن معينة حلوة وجديدة او شيئ مخصص للجيمرز ولا فان انميز ومانجا " غير المكتبة اليابانية "
وكمان يا ليت تقولون اماكن حلوة حق العائلة

شكله ماكو ستريت 4 :crying:

 

[Naif]

ويا ليت شباب تنصحوني باماكن معينة حلوة وجديدة او شيئ مخصص للجيمرز ولا فان انميز ومانجا " غير المكتبة اليابانية "

مول الامارات: شيك العروض الخاصة في: فيرجن (يبيع انميات)-كارفور-جيكاي جيمز(مقابل كارفور)-كمبيومي \ و روح مكتبة بوردرز (في كوميكز و بعض كتب المانغا. المجلات (الغربية) عندهم اكثر عن المكتبة اليابانية
مول دبي: جيكاي جيمز - Hamleys (عندهم ألعاب فيديو + toys.. ممكن تحصل شي يسوى عندهم)
تايم سكوير سنتر (مول صغير على شارع الشيخ زايد، زوره على شان محل Sharaf DG، عندهم تشكيلة جيدة من الالعاب و بعد بتحصل عنده هاردوير للبي سي (اسعارهم اذكر لا بأس، بس الاسعار ثابته، ما بتقدر تكاسر)
بلج انس اللي في ديره سيتي سنتر يبيع انميات بعد (من زمان ما رحت، بس اذكر كان يبيع)
مكان ثاني للمانغا Book Corner في ديره سيتي سنتر (عندهم تشكيلة جيدة بس اسعارهم اغلى من المكتبة اليابانية)
السوق القديم (سوق الجملة) بتحصل الالعاب باسعار ممتازة بس اذا تستحمل الزحمة و عوار الراس. روح هناك بتاكسي افضل لانك مستحيل تحصل باركينج

3- دبي مول :
شنو الاشياء اللي مميزة فيه وتنصحوني اشوفها فيه ؟

بالاضافة الى الاشياء اللي انذكرت قبل: TACO BELL!!!!!!!!!


بس بعض النصايح: إذا ناوي تروح الاكواريوم، أول ما بتدخل في الطابور على شان تشتري التذاكر، بيكونن في (فلبينيتين) يلتقطن صور، لا تخليهم ياخذون صور لك (بيحاسبون لك 100 درهم للصورة بعد ما تطلع من الاكواريوم (ما اعرف اذا يعتمد على عدد الاشخاص لكن انا كنت ياي مع شخص ثاني و حاسبوننا 100 على الصورة)، اكيد انت بتكون ماخذ كاميرا معاك، اقعد صور نفسك ببلاش افضل لك)
اطلب تذكرة الديسكفري بروحها (اذا تحب\تقدر) انا طلبت تذكرة الاكواريوم و الدسكفري و صراحة الاكواريوم ما يسوى المكان وايد (تقدر تشوفه مجانا من برع)، بس الديسكفري (في الطابق العلوي) رهيييب. ما اعرف اذا يصير تاخذ تذكرة بس للديسكفري بس حاول.

وكمان يا ليت تقولون اماكن حلوة حق العائلة

تقصد اماكن تسوق حق العائلة؟
أذا اماكن نزهة روح (مرسى دبي) مكان رهيب و فيه فنادق و مطاعم و على البحر:

مدينة جميرا بعد مكان حلو للسياحة

تقدر تاخذ قارب في البحيرة

إذا بتحضر قبل 15 فبراير، القرية العالمية. مكان ممتع للعايلة..

شكله ماكو ستريت 4

روح ابوظبي. وايد underrated... في اماكن سياحية رهيبة هناك + حامد سنتر (سنتر صغير فيه طابق كله محلات ألعاب فيديو و بأسعار رخيصة) و تبعد ساعة تقريبا عن دبي بس و بتحصل فنادق ارخص هناك.
(اذا تريد بقولك اماكن هناك بعد تقدر تزورها)
تعديل: توني انتبه انه زيارتك ليومين، يمكن ما يكفي الوقت...

حياك الله...

 

[Rockman]

مشكور نايف على الرد التفصيلي

للأسف انا رايح يومين فقط وحاط برنامج لهذول اليومين اللهم فقط كم فترة محتار وشنو اسوي فيها

فشكلي ما راح اقدر اروح ابوظبي

انزين دسكوفري شنو اهو بالضبط ؟
اذا نفس حركات علمية فراح احطه باللستة لأني احب جذي ...

لول تاكو بل مطعم صح :laugh::

انزين سؤال
هو مو عن الرحلة بحد ذاتها
بس شنو تنصحون مشتريات من هناك " بلو راي -انمي مانجا جيمز ...الخ"
خصوصا اذا كان فيه عروض رهيبة او شيئ حلو ممكن احصله في دبي ؟

+
الحين افلام بلو راي فري ريجين صح ؟ " انا اذا ما شريت درايف بلو راي عندي بلاي ستيشن 3 امريكي ينفع ولا لأ مع الافلام اللي احصلهم بدبي ؟ "

ومشكورين مقدما

 

[Tomb raider]

حبيت اذكر نقطه بس

الماكن اللي قالك عنه نايف اسمه the walk لول كنت اتحسبه مرسى دبي ...
+
اذا تريد تسوق اكثر روح لDubai Festival Center
لول روح البحر بالليل بهالجو والله وناسه "اتكلم جد"

 

[Naif]

حبيت اذكر نقطه بس

الماكن اللي قالك عنه نايف اسمه the walk لول كنت اتحسبه مرسى دبي ...

متاكد؟ http://en.wikipedia.org/wiki/Dubai_Marina

 

[Tomb raider]

متاكد؟ http://en.wikipedia.org/wiki/Dubai_Marina

يوم قريته في الجريده كان مكتوب The walk مممم وبعد كل حد اسمعه يقول the walk
خلاص اشتهر المكان لووول تتذكر قبل محد فيه P:

 

[Naif]

نزين دسكوفري شنو اهو بالضبط ؟
اذا نفس حركات علمية فراح احطه باللستة لأني احب جذي ...



انزين سؤال
هو مو عن الرحلة بحد ذاتها
بس شنو تنصحون مشتريات من هناك " بلو راي -انمي مانجا جيمز ...الخ"
خصوصا اذا كان فيه عروض رهيبة او شيئ حلو ممكن احصله في دبي ؟

+
الحين افلام بلو راي فري ريجين صح ؟ " انا اذا ما شريت درايف بلو راي عندي بلاي ستيشن 3 امريكي ينفع ولا لأ مع الافلام اللي احصلهم بدبي ؟ "

-الديسكفري فيه المخلوقات البحرية موجودة في احواض منفصلة تقدر تقرب منها و تشوفه، و في لوحة بجانب كل حوض تخبرك عن هذا المخلوق. و في بعض الاحيان يسوون نشاطات (يقعدون ينادون الزوار بالمايك) على شان يشوفون مخلوق معين و هم قاعدين يأكلونه و يقعدون يقولون معلومات عنه بالمايك. و هو المكان اللي يستاهل فعلا تدفع له (الحوض الكبير مال الاكواريوم احس ما يستاهل 50 درهم على شان تدخل النفق اللي تحته و انت تقدر تشوفه مجانا من برع)

- سؤالك الثاني يعتمد عليك شخصيا، لكن لو انا هناك و عندي اموال لا نهائية:
* بنام ليلة في برج العرب.......
* مجموعة مانغا ديث نوت (ب400 درهم في المكتبة اليابانية الـ12 فوليوم + الكتاب الفرعي الاكسترا)
* كتب الـART الموجودة في المكتبة اليابانية (Amano Art Book و كتب آرت استوديوهات غبلي)
* كل فوليومات NANA الموجودة
* بمر على كل محلات العاب الفيديو و اخذ اي شي منزل عن سعره الاصلي
* ممكن تهمك منتجات فريج (بتحصل كشك صغير لهم في معظم المولات تقريبا) + مجموعة دي في دي شعبية الكارتون الموسم الثالث
* مجلة خيال (ما اعرف وين تحصلها في دبي بس اسال عنها)


افلام البلو راي مش فري ريجن، لكن اكثريتها فري ريجن. في الغلاف الخلفي في الاسفل بتحصل شكل سداسي، اذا كان هناك ثلاث اشكال سداسية مكتوب فيها A و B و C = فري ريجن، اذا لا ما يكون فري ريجن (غالبا بيكون PAL بما انك في دبي)

لول تاكو بل مطعم صح

هيه 🙁 اكلهم رهيب (و حاااار!)

 

[Rockman]

حلوة اموال لا نهائية :laugh::

* بنام ليلة في برج العرب.......

لا يا معود السعر حده غالي :sarcastic:

* مجموعة مانغا ديث نوت (ب400 درهم في المكتبة اليابانية الـ12 فوليوم + الكتاب الفرعي الاكسترا)

امم انا كنت متابع ديث نوت وقت ما كان يصدر اون لاين وخلصته واحس انه من النوعية اللي ما تقراها مرة ثانية " بالنسبة لي "

* كتب الـART الموجودة في المكتبة اليابانية (Amano Art Book و كتب آرت استوديوهات غبلي)

انا بماليزيا حصلت كتاب Art لمانجا جوجو اسمه JoJo A go go الارت ماله حده مو صاحي " رجولي بمعنى الكلمة :laugh:: " لو احصل بالمكتبة الكتاب الثاني له " مااذكر اسمه على طوول اشتريه "
طبعا انا الحين بصراع نفسي هل اشتري جوجو المانجا الياباني كامل ولا لأ " ترى المانجا رهيبة وارهب مانجا قريتها في حياتي "

* كل فوليومات NANA الموجودة

هع للأسف انا اتحسس من مانجات الشوجو والرومانس :sarcastic:

* بمر على كل محلات العاب الفيديو و اخذ اي شي منزل عن سعره الاصلي

والله ممكن بس على حسب اللعبة

* ممكن تهمك منتجات فريج (بتحصل كشك صغير لهم في معظم المولات تقريبا) + مجموعة دي في دي شعبية الكارتون الموسم الثالث

فريج اكرهه لكن احب شعبية الكرتون

* مجلة خيال (ما اعرف وين تحصلها في دبي بس اسال عنها)

تصدق عاد لو اشوف عدد منها باشتريها باجرب المانجا العربية


انزين تاكو بل شنو نوعية اكله " امريكي ..صيني... الخ " ؟


وبخصوص دسكفري على كلامك انه مو كل الاوقات متوفر " يعني زي عروض باوقات محددة " ولا انا فاهم غلط ؟ وفيه دلافين ولا لأ " ادري احلم وايد :w00t: "

 

[Naif]

انزين تاكو بل شنو نوعية اكله " امريكي ..صيني... الخ " ؟


وبخصوص دسكفري على كلامك انه مو كل الاوقات متوفر " يعني زي عروض باوقات محددة " ولا انا فاهم غلط ؟ وفيه دلافين ولا لأ " ادري احلم وايد "

تاكو بل يبيع فاست فود مكسيكي (تاكو و هالسوالف) مشهور وايد في امريكا، هذا أول فرع في الامارات (اعتقد في الخليج؟)

بخصوص ديسكفري لا.. انا اقصد العروض اللي تصير فيه (مثلا يقعدون ياكلون الحيوانات جدامك) هي اللي تصير فيه تكون في اوقات معينة، اما احواض الحيوانات المائية طول الوقت موجودة، هذي بعض الصور خذيتها في زيارتي السابقة:

 

[Gon freeces]

دقيقة.

عندكم Taco Bell و Hamleys ؟ من متى هذا الشي (وليش ما أعرف هذا الشي >: ( ) ؟

 

[Golden_Sun]

تروح وترد بالسلامة محمد وان شاء الله تستانس ; )
ودام انكم فتحوا موضوع الاكل والفاست فوود، انا ابي اعرف فيه وينديز في دبي؟؟ اذا فيه ارووح الحييين!!

 

[Aoks]

تاكو بل يبيع فاست فود مكسيكي (تاكو و هالسوالف) مشهور وايد في امريكا، هذا أول فرع في الامارات (اعتقد في الخليج؟)

تاكو بيل كان موجود في الرياض من حوالي 15 سنه او اكثر , , بس الظاهر افلس وقفل لول
​

 

[NiGhTMaRe]

حياك الله اخوي روكمان .. بتنور دبي وضواحيها بزيارتك
تروح وترد بالسلامه وانت راضي ومستانس
بخصوص الاماكن العائلية عندك (Uptown Mirdif) مكان حلو وراقي ومميز وفيه كل شي (مطاعم,أماكن للعائلات, العاب,مكتبة, كوفي شوب , محلات ملابس والخ)
خصوصاً على هالجو الحلو لا تفوته لأن المكان مفتوح وتصميمه رهيب يخليك تحس كنك ف روما 😛

اتمنى انكم تستانسون والسموحه عالقصور

 

[Still Alive]

مالك غير المكان الى قال لك عليه نايف (The Walk). احلى ميزة فيه أنه هادئ والناس فيه قليلين, وفرصة أكثر من جيدة عشان الواحد يتخلص من زحمة وقرف دبي

انا ابي اعرف فيه وينديز في دبي؟؟ اذا فيه ارووح الحييين!!

لا :crying:. بس سمعت انهم راح يفتحوا قريب

 

[Rockman]

يعطيكم العافية شباب وماقصتروا

سؤال غريب شوي

صيفي او شتوي ؟ :laugh::

 

[TH3 PHENOMENA]

حلو ماقصروا الشباب ..
الموضوع بيفيدني قريب ان شاء الله :

 

[Id]

شارع بيع قطع الكمبيوتر ليش اسمه مكرر .. "خالد ابن الوليد" في جدة مثل دبي .. لقطع الكمبيوتر .. بس الفرق بين المدينتين هااااائل لوول

 

[bnbn]

شارع بيع قطع الكمبيوتر ليش اسمه مكرر .. "خالد ابن الوليد" في جدة مثل دبي .. لقطع الكمبيوتر .. بس الفرق بين المدينتين هااااائل لوول

لوول و بالكويت فيه شارع بنفس الاسم متخصص بمحلات التلفونات النقاله

...

 

[Tomb raider]

انا ابي اعرف فيه وينديز في دبي؟؟ اذا فيه ارووح الحييين!!

اتذكر يوم كنت صغير كان موجود , الحين ما له اثر....

مالك غير المكان الى قال لك عليه نايف (The Walk). احلى ميزة فيه أنه هادئ والناس فيه قليلين, وفرصة أكثر من جيدة عشان الواحد يتخلص من زحمة وقرف دبي

ابشرك اخر مره سرت له زحمه -___- مستوي مثل "المارين في المانيا"

اتذكر سرتله انا ونايف من كم شهر كان فاظيي

 

[Still Alive]

ابشرك اخر مره سرت له زحمه -___- مستوي مثل "المارين في المانيا"

اتذكر سرتله انا ونايف من كم شهر كان فاظيي

>__< يارب تكون مجرد صدفة. لأنه المكان ما ينفع كلش إذا كانت فيه زحمة

 

[NiGhTMaRe]

^
مب صدفه .. اليوم انا كنت هناك وزحمة دبي كلها هناك لكن المكان روعه ورهيب وتحسه حي < يعني مو ميت
وتحس العالم هناك والاجواء رهيبه والله حسيت لوهله اني ف ايطاليا ! << عمره ماشم ريحة ايطاليا أصلا

 

[KOTSHY]

شارع بيع قطع الكمبيوتر ليش اسمه مكرر .. "خالد ابن الوليد" في جدة مثل دبي .. لقطع الكمبيوتر .. بس الفرق بين المدينتين هااااائل لوول

بالبداية كنت احسب الي سأل عن شارع خالد بن وليد مضيع
لأنه معروف بجدة

بس هذه اللقطات ما راح تشوفها غير بجدة

وهذا الأكوا بارك حقنا تراه ببلاش وللجميع