رايح لدبي إن شاء الله - فيه نصايح ؟

[Rockman]

السلام عليكم :

انا بكرة رايح دبي باذن الله
وطبعا عندي كم سؤال حق اخواني الاماراتيين

فيه محلات سنعة حق بيع الفيديو جيمز بدبي (( ناوي اشتري ps3 هناك خصوصا من المحل ذاك اللي بسوق الذهب ))
لكن بعد سالفة المحلين عندنا بالرحاب شكلي باخذه هني :yuck: الا اذا فيه محل يبيع الجهاز بعرض جبار انا مستعد
ولا انتظر الاوروبي وافك حالي (( بس سالفة العاب ps2 جايبة لي كابوس )) واذا فيه ممكن اذا تعرفون السعر تقولون لي كم ؟

وبعد فيه مكتبات محترمة تبيع مانجا ؟ (( انا بس اعرف هذة المجرودي اللي صورته جمل )) اذكر كان يبيعهم بسعر جبار
شامان كنج ب32درهم سعر ولا بالحلام....
وكمان مكان احصل فيه انميز ولا شيئ

وهل فيه مكان العاب اركيد محترم (( اقصد مكان فيه العاب حلوة وقوية ))

وشنو تنصحوني ازور هناك (( اهل مكة ادرى بشعابها ))

وبس سلامتكم ...

 

[Bounty]

تروح و ترد بالسلامه اخ روكمان .. ^_^

 

[Pichi]

تروح و ترجع بالسلامة.
أنا كمان احتمال اروح الاسبوع الجاي 🙂.

 

[hyuga neji]

تروح وترد بالسلامه

ناوي اشتري ps3 هناك خصوصا من المحل ذاك اللي بسوق الذهب

مبروك مقدما:laugh:

 

[TenZen]

تروح و ترجع بالسلامه ..

اول نصيحة :
ابتعد عن محلات الالعاب الي موجودة بالمجمعات التجارية الان اسعارهم اغلى من المحلات الي بالاسواق الخارجية .
بالنسبة للمانجا المكان الوحيد الي اعرف هو مكتبات BOOK CORNER
موجود ب
Megastore
Al Ghurair City
1st Level
tel: 04-2282835

طبعا ليه فروع اخرى ممكن تلقي نظرة على موقعهم
http://www.bookcorner.ae

بالنسبة للانيمي ماعندي فكرة كثير لان الانترنت فيها الي الواحد يريده
بس ممكن تحصل بعض ال DVDs في محل فيرجين الي موجود بدبي City Center

طبعا لازم تزور المراكز التجارية مثل
City Center Dubai
مول الامارات
ابن بطوطه
واذا تحب المنتجات الصينية زور دراجون مارت

طبعا .. ابو لارا يمكن يفيدك اثر مني في كل هذي المواضيع 🙂

 

[Gon freeces]

المشكلة بBook Corner انه يبيع شوجو و نااااااااااادر شفت شونن لمن رحتله انا باخر يوم كتبت لهم استة مانجا قلت لهم يجيبوها , ان شاء الله جابوها ;_;

 

[ryo hazuki]

شوف اذا ماتريد تنسا دبي لازم تحظر سيرك

كويدام يلي هوه قدام ابن بطوطه مول و كل يوم يبدا الساعه 8 المسا و الى تاريخ 10 من الشهر القادم يعني فيه وقت و اول مرة في الشرق الاوسط و بعدها بيتحرك على سيؤول
هذا الاعلان و الموقع الرسمي و حجز التذاكر و اماكن الكراسي
http://www.cirquedusoleil.com/Cirqu...clip.htm?v=64133FA455CB4CF382E792B2D25F91C9MH

.
انا انشالله قريبا اروحله لاني ما اقدر افوت هذي التجربه يلي اكيد روعه

 

[Naif]

وهل فيه مكان العاب اركيد محترم (( اقصد مكان فيه العاب حلوة وقوية ))

ما اعرف اماكن اركيد حلوة في دبي .. بس في مكان في ابوظبي رهيب للاركيد اسمه الكتراز اعتقد او الكترا .. من زمااان زرته .. ما اعرف اذا بعده موجود .. و العين مول عندنا في العين فيه العاب اركيد حلوة بعد (هاوس اوف ذا ديد 4 - Taiko: Drum Master .. و اهم شي .. الكارايوكي !!)
(ملاحظة العين و ابوظبي يبعدان حوالي 100 كم عن دبي .. حوالي ساعة و شوي في السيارة .. )

وبعد فيه مكتبات محترمة تبيع مانجا ؟ (( انا بس اعرف هذة المجرودي اللي صورته جمل )) اذكر كان يبيعهم بسعر جبار

المجرودي للاسف ما صار عنده تشكيلة كبيرة من المانغا مثل اول >< ..
زور المحل اللي قالك عليه تينزين .. بتحصله بعد في السيتي سنتر الطابق الاول .. بس المانغا عندهم غالية وايد (حوالي 50 درهم الفوليوم الواحد) .. من امازون ارخص بوايد ..

انصحك تزور :
مول الامارات (سكي دبي .. البس ملابس ثقيلة على شان البرد .. و فيرجن الضخم و كارفور على شان عروض الالعاب )
Uptown Mirdiff .. مول مفتوح على الطريقة الاوروبية .. سمعت انه تصميمه حلو
مدينة جميرا مول و فندق بديكور روعة
اذا لحقت على سيرك كويدام : http://www.showbizme.com/q_info.aspx .. سمعت انه رووعة

(( ناوي اشتري ps3

Don't ..

 

[x-virus]

جرب تسير القرية العالمية هي أكبر حدث سنوي في المهرجان

شوف اذا ماتريد تنسا دبي لازم تحظر سيرك كويدام

كنت أفكر أروحله لكن التذكرة بــ400 درهم -_-
يمدحون عوافي P:

 

[Rockman]

اهلا شباب

مالي خلق كل واحد اعمل له رد واحد (( انسان صريح :yuck: ))
لكن باخليه كله برد واحد ويعطيكم الف عافية على التجاوب

BOOK CORNER اممم اذكر اني دخلته مرة وفعلا على كلام جوون كله شوجو (( ما حصلت الا تسوباسا كرونيكل هو الوحيد الشونن )) وماكو مانجات viz (( aka Shounen Jump )) lol والسعر غالي شوي (( مع انه ارخص من عندنا لو حصلتهم )) B&N FTW "موقع انترنت لبيع الكتب" عموما شكلي باجرب المجرودي واشوف انا وحظي

City Center Dubai
مول الامارات
ابن بطوطه
واذا تحب المنتجات الصينية زور دراجون مارت

سيتي سنتر حفظته لوووول
مول الامارات رحت له مرة وحدة العام .... عيبه انه كبير جدا (( هذا عيب )) صراحة فيرجين مالهم كبيييييييييييييييير جدا وان شاء الله اروح السكي عاد انا من زمان ودي اروح مكان ثلجي .... (( ماكو بالكويت))

ابن بطوطة = ما رحت له يمكن اروح له هذة السنة

دراجون مارت = No way ما احب

بخصوص السيرك همممممممممم صراحة انا من زمان ما رحت لسيرك وصراحة اتوقع يعتمد على الاهل هذة الطلعة ما اقدر اروح له بروحي.....

ونايف ما اقدر اطلع برة حدود دبي حق اركيد (( مع اني اسويها :yuck: ))
وبخصوص السعر 50 درهم اشوفه شوي مقبول صح امازون ارخص لكن زيد الشحن وتوصيل ارامكس طلع لك نفس السعر تقريبا

Uptown Mirdiff

همممم ممتاز خل نجربه

Don't ..

لوووول حاضر :yuck: بس شنو السبب هل هو غالي هناك ولا كيف ؟

القرية العالمية

يا اخي كرهتها جدا اول مرة كانت تونس بعدين ثاني مرة .....خلاص كرهتها ولا الجناح الكويتي صج يفشل صغير ولا فيه منتجات كويتية اغلبهم من مصانع هندية ولا صينية :yuck: (( ويقول لك "فيه كويتي؟" ))

انزين شباب غير المول فيه امكان حركات ؟ زي السيرك وكذا يعني امكان حلوة تسوي فيها نشاطات مختلفة ... (( اي شيئ ))

وشكرامرة اخرى

 

[Naif]

انزين شباب غير المول فيه امكان حركات ؟ زي السيرك وكذا يعني امكان حلوة تسوي فيها نشاطات مختلفة ... (( اي شيئ ))

الحين بما انه المهرجان .. خذلك جريدة (اعتقد الخليج او البيان) يعطون معاها جدول يومي بالفعاليات اللي تصير حول دبي ..

ممم .. ما اعرف و الله عن نشاطات اخرى لان السيرك سمعت عنه في التلفزيون .. يمكن عبدالعزيز يعرف اكثر ..

بما اني من العين .. فبنصحك فبعض المناطق الحلوة (لو) قررت انك تروح (حاول تقنع اللي معاك P🙂 :
- بتبدا عندنا بعد 6 ايام تقريبا بطولة العين للاستعراضات الجوية 2007 بجانب مطار العين .. ما حضرته السنتين اللي فاتن بس شكله حلو .. هذي بعض الصور من حفل 2005: http://www.pbase.com/bmcmorrow/alain2005&page=1
- المبزرة الخضراء . منطقة جبلية خضراء .. تقدر تروح لها مع الاهل تسوون مشاوي و تجلسون .. (لا تروح لها في نهايات الاسبوع .. لانها تكون زحمة) .. و المنطقة هذي تحت جبل حفيت ثاني اكبر جبل في الامارات .. تقدرون تروحون بعد فوق الجبل بالسيارة او حتى تسكنون في فندق موجود على قمة الجبل

- حديقة الحيوانات .. يمكن واحدة من اكبر حدايق الحيوانات في الشرق الاوسط (كبيرة صدق) عدلوها وايد في الفترة الاخيرة ... نفس الشي لا تروح لها في الويكندز .. امس مريت عدالها شفت مواقفها زحمة

بس شنو السبب هل هو غالي هناك ولا كيف ؟

لا ما اعرف سعره لوول .. بس ما اشوف في داعي له بما انه عندك 360 حاليا و الالعاب الوحيدة اللي تستاهل عليه حاليا تنعد على نص اصابع اليد الوحدة ..

 

[RIZE]

اكو خوش مطعم يبيع كباب إيرانى .. اسمه مطعم الشمِم ... انصحك فيه P:


واللهى اعذرنى خيو ما اقدر افيدك بشي ... كل الى اقدر اقوله
انك ترد بالسلامه .... ولا انا كان ودي اسافر لدبي .. بس للاسف جوازي السفر ساحبينه البلديه.. تباً لهم

+ ابعد عن الفنادق الى طايح حظها >_<

 

[Lunar Poet]

- المبزرة الخضراء

هههههههههههههههه ههههه xD

 

[Naif]

لووول i know .. لكن ما تنلفظ نفس الشي .. هذي تنلفظ بشد الزين .. (لوول ما اعرف المبزرة اللي بالمعنى الثانية تنلفظ نفس الشي؟ لاننا ما نستخدمها هنا في العين لوول .. )

 

[Mario2]

ايه .. حديقه للبزران والبزرات ..

 

[ابو المقداد]

السلام عليكم ورحمة الله وبركاته.

هناك عدة مناطق طيبه, سوف اذكر اقربها الى قلبي 🙂 هناك منطقة السطوا التي هي من اجمل واقرب المناطق الى قلبي, وسوق نايف اشتريت منه هدايا كثيرة للعائله والاصدقاء🙂
سلام عليكم. 🙂

 

[BioMario]

بالسلامة ..
اي سؤال انا حاظر

 

[dragonwarrior]

روح أشتر جيتار هيرو من فيرجن ميجا ستور! (أمارات مول)
سعرها قمة.
فيمكتبة بالطابق الثالث؟ بأمارات مول في مليون مجلة\منجا شوفه يمكن تلقى اللي تبي.

 

[Ash Storm]

اهم شي المحل السحري اللي في سوق الذهب 😀 و طبعاً لازم تروح مول الإمارات 😀

 

[BioMario]

اهم شي المحل السحري اللي في سوق الذهب 😀 و طبعاً لازم تروح مول الإمارات 😀

الله يخليني انا قلت لكم على المحل :yuck:
على فكرة المحل صغير جداً صحيح لكن اي شي تبية عنده ولو مافي يقولك تعال بعد 3 ايام يطلبة من النت

 

[Futrus]

الله يخليني انا قلت لكم على المحل :yuck:

إشرايك تقولنا إحنا بعد عن المحل :yuck:

 

[Mista Koo]

وايلد وادي وناسة دجد