ديمو Ratchet & Clank: ToD (الفيديو وصل)

[Khalid-S]

ياريت انطباعات الديمو تكون في هذا الموضوع.

اليوم حصلت عليه بعد ما حجزت اللعبة .. الانطباعات قريباَ .. ولو حابين اسوي فيديو له مثل HOME ما عندي مانع.

اللعب بعد لافطار 😛 (بعد ساعة)

 

[Humam]

خخخخخخخخخخ خالد انت صراحة ما تستحي.. على أساس في غيرك بيلعبوا الديمو و فاتح موضوع كبير عريض.. ما أقول إلا صوم يا صايم.. صوووووووووم.

 

[Khalid-S]

ههههه همام الديمو بعد عدة اسابيع في الستور .. بما ان مافي موضوع للعبة اطلاقا قلت هذا الموضوع يكون لكل الانطباعات.

 

[Xeno]

ولو حابين اسوي فيديو له مثل HOME ما عندي مانع

بيكون أحلى أكيد.

 

[Naif]

كووول.. في انتظار انطباعاتك.. و اكيد لو فيديو بيكون شي حلو 🙂

 

[Colorization]

هههههههههههههه خالد، محد عنده برايفت جيت يجيب اللعبة من جيم ستوب ويرجع 😛 ألف مبروك طبعاً 😎

بإنتظار الإنطباعات، حدددددددددددددي مستانس على جو اللعبة ورسومها ووووووووووو.... كل شي! يا غشاش

 

[Humam]

هههههههههه خالد اهم شي تسوي video preview.. طبعا ما يحتاج نقلك اذا اللعبة عجبتك امدحها.. واذا ما عجبتك...........................



















برضه امدحها خخخخخ.

 

[q8 spy]

بالمبارك خالد ...


نبي الإنطبااااعاااات بلييييييز

 

[Khalid-S]

خخخخ ما عليكم .. بخلي الانطباعات في الفيديو بريفيو مره وحده كمان .. ووقتها بيكون صوتي متحمس شوي.

 

[Ammar_R]

خالد .. روح أشتري ستاند للكمرا
ومن اليوم ورايح إنت تسوي مراجعات وانطباعات واستعراضات الألعاب فيديو لترو جيمنج :laugh:

في انتظار انطباعاتك @_@

 

[Solay]

مبروك خالد وبانتظار الفيديو^__^

 

[Tomb raider]

ان شاء الله تنزل في البلاي ستيشن ستور !
اهم شي انتشارتد تنزل في الستور ومايوزعن سيديات مثل راتشيت !

 

[Isaac]

خالد .. روح أشتري ستاند للكمرا

يبيله !




أو عالأقل خالد حط طاولتين فوق بعضهم وثبت الكاميرا عليهم .... مو تقول مالي خلق :yuck:


نبيك تتفرغ للعب ..

 

[Colorization]

قبل لا اشتري ستاند للكاميرا كنت أحط علبة كلينيكس خشب فوق الغنفة (كرسي الصالة) وأحط الكاميرا فوقه وأصور. أريح لك

خالد إعرضه بEbay شوف كم يجيب لك P:

 

[ASWD]

اهم شي يكون حجمه صغير وكواليتي مقبول*اقصد الفيديو*..لان فيديو الهوم ماقدرت انزله بسبب حجمه الكبير حتى -_-

 

[Khalid-S]

اهم شي يكون حجمه صغير وكواليتي مقبول*اقصد الفيديو*..لان فيديو الهوم ماقدرت انزله بسبب حجمه الكبير حتى -_-

اسود في اربع كوالتيز لفيديو هوم الله يهديك ... حتى في واحد Tiny للي اتصالهم معدوم.

ما عليكم ان شاء الله بيكون التسجيل احسن المره هذي.

 

[Final Fantasy]

أكرهك أكرهك ... هيفنلي سوورد حصلتها قلبي و الحين ديمو راتشيت :_:


يلا ناطرين استعراض كبير منك .

 

[The Sinner]

ماشاء الله خالد صاير مراجع حق البلايستيشن 3 الهوم وراتشيت حركات يالله شوي وتقلب عن نيننتندو

 

[ASWD]

انا اخترت نورمال*عالاقل جودة جيد جدا*حاولت اشوفه فقط..نطرت تقريبا ربع ساعة يالله كمل جزء بسيط..مدري من الموقع نفسه بطيئ او شنو الله اعلم

 

[Khalid-S]

صورت الفيديو .. 18 دقيقه الديمو تقريباَ ... الحين ببدا بالإنكودنق والابلود.

هالمرة بستاند.

 

[Futrus]

إن شاء الله هالمره اقدر احمله ملف الهوم حملته مره ثانيه ولا نفع T_T

 

[Mr.3B]

...

بالانتظار 🙂

 

[M 7 L]

يعطيك العافية خالد صاير نشيط هاليومين وبقوّة ما شاء الله عليك . . .

يالله يالله نبي نسمع نغماتك الرهيبة وانت تلعب !

بانتظار الفيديو , , ,

 

[Khalid-S]

عفوا شباب.

اوكي الفيديو المفروض يكون هنا

http://gallery.mac.com/khaled.sudairy

للي ما يفتح معه الموقع بشكل جيد وما قدر يشوف فيديو HOME بسبب عدم توافق الانترنت مع الموقع هذا موقع حطيت فيه الفيديو ستريمنق

http://www.vimeo.com/user255274/videos

المفروض الفيديو (في الموقعين) يكون موجود بعد ساعه ونص تقريباَ الى ساعتين من وقت وضع الرد (الي هو الساعه 3 العصر بتوقيت الرياض)

الي في موقع ماك طبعا بيكون في اكثر من خيار ... رزلوشن سئ الى عالي ... اما الثاني بيكون واحد متوسط تقريباَ ومايل للسئ.


انا رايح انام .. تصبحون على خير.

 

[Naif]

شكرا خالد جاري التحميل!!

تعديل: روعة الفيديو (بس اللي نزلته وضوح سيء.. ما عرفت كيف انزله بوضوح عالي؟).. المرحلة هذي شكلها ممتعة وايد.. خالد ما قلتلنا رايك انته؟

 

[Mista Koo]

بموقع أبل ما في إلا Tiny (ما تقدر تختار بس أسوأ شي موجود)

 

[The Last Fantasy]

فيه مشكلة في موقع أبل خالد.. ما فيه غير Tiny، والموقع الثاني محجوب.

 

[q8 spy]

بصراحه الديمو حلو حيييييييييييل ...


خالد ... صباح النور 😛

 

[kanon]

يعطيك العافيه خالد

اللعبه ماكنت متوقع انها تعجبني لكن رهيبه التصوير حلو والعب فيها ممتع وتغير الكامره

مسويه جو حلو للعبه بشكل رهيب

 

[ASWD]

يعطيك العافية خالد..ادري زودتها شوي..بس لو تحمل الفيديو على موقع رفع عادي وتخلي وصلتها هنا مو احسن لان الظاهر موقع ابل مو ضابط مع الكل+الموقع الثاني مافيه شي للحين *Sorry, nothing found. *