دقات القلب عندي غريبة!

[Sir Guts]

السلام عليكم

يا شباب، تقريبا سنة الآن و دقات قلبي احيانا تكون جدا غريبة

يعني اكون جالس ما اسوي شي الا مرة وحدة تضرب بسرعة البرق و احس بدوخة!

الأمر جدا يخوّف. علماً اني مدخّن سابق و الحمدلله قطعتها من فترة قصيرة جدا

في احد واجه نفس الشي من قبل او شي مشابه؟

 

[Royal Spark]

عندك زيادة نبض لازم تروح المستشفى تسوي تخطيط قلب و تشوف وش فيك بالضبط عشان لا تتورط زي واحد أعرفه يعاني من نفس المشكلة.
لو كنت تحس إني قبلك يخبط لما تزيد سرعته(بمعنى تحس إنه يسرع و يعودي يبطئ(أو يوقف حتى) بعدين يعود يسرع و تدوخ و تواجه صعوبة في الوقوف أو الحركة بشكل متكرر، فيا إنك مصاب بخفقان(حالة حساسية من بعض المشروبات أو الأطعمة أو الروائح) أو أهلا بك إلى الصمامات المنتهية(مجموعة).

 

[hussien-11]

افحص ضغط الدم، الارتفاع الشديد يسبب دوخة و الانخفاض كذلك
عموما بكل الاحوال لازم تراجع طبيب و تسوي فحوصات، و بالسلامة.

 

[Gamer-89]

روح المستشفى ، شفت مقطع في اليوتيوب لاعراض السكتة القلبية وهذا واحد منها .

 

[Wild Fox]

غالبا إذا كنت تأخذ مكملات غذائية للنادي و بناء الأجسام ممكن يكون فيها نسبه كافيين عاليه ...
و لكن روح للدكتور في اقرب وقت ..
خفقان القلب ممكن يكون شئ عارض و ممكن شئ serious

 

[NES]

شباب معليش ما يحتاج نعطي تحليلات وتوقعات ممكن تأثر بأي طريقة .. مشاري روح المستشفى.

 

[Rain]

ممكن نسبة الكافيين عالية .. روح المستشفى باقرب فرصة ولا تستسهل هالشيء.

 

[Zero_IYAD]

و لكن روح للدكتور في اقرب وقت ..
خفقان القلب ممكن يكون شئ عارض و ممكن شئ serious

+1

arrhythmia عند شاب صغير في العمر مو لعبة , إلى أقرب طبيب فورا !
أستغرب كيف الناس تصبر على هالأعراض لشهور أو تسأل في منتديات موجهة للألعاب !!

 

[Sir Guts]

شكرا شباب على النصائح و بإذن الله براجع دكتور في اقرب فرصة

أستغرب كيف الناس تصبر على هالأعراض لشهور أو تسأل في منتديات موجهة للألعاب !!

اي طيب ايش فيها؟ اتوقع اني سألت في قسم عام مو قسم الألعاب + وين المشكلة اني اطرح مشكلة في مكان عام ممكن في 50 واحد في المكان هذا مواجه نفس الشي؟

على هونك حبيبي🙂

 

[Zero_IYAD]

^
على أقل من هوني يا "حبيبي" .
كنت أتكلم مع صديقي Wild Fox كوننا أطباء و تكرار المواضيع الطبية شيء يشيب له شعر الرأس خصوصا مع شكوى مثل شكواك .

عموما , ما أريد أخوفك , لكن راجع الطبيب بأقرب وقت و مثل ما ذكر عبد الله , ممكن تكون شيء بسيط جدا و ممكن لا سمح الله تكون شيء بحاجة لعلاج على المدى الطويل .

 

[FANTASTIC DREAM]

بسيطه بسيطه بإذن الله , بس روح المستشفى وسو تخطيط قلب

 

[s3rorh]

فياغرا !

 

[Emirates]

مشاري يتني نفس حالتك

انت ممكن فيك قلق وشي نفسي ،، باذن الله مافيك اي شي

راجع الدكتور انا كانت عندي هالحالة وخبروني قالوا هذا نفسي وفعلا كانت عندي ضغوط في العمل لدرجة النبض يصحيني من النوم خذ لك اجازه مثلي وبيروح الضغط

بعد افحص نسبة الكلسترول في الدم اذا عاليه ايضا تسبب نفس اعراض القلق

 

[JIN KAZAMA]

فياغرا !

يالهي XD

روح لمستشفى زي ماقالوا الدكاتره 🙂

 

[Classic Player]

عندي نفس حالتك تقريباً و تزيد بقوة اذا انفعلت بس انفعال بسيط تزيد النبضات او اذا تحركت .. المشكلة رحت المستشفى وسويت تخطيط قلب وقلي الداك ان مافيني الا العافية
الشيء المشترك بينا التدخين .. واتوقع هو السبب .. بحاول ابطله قريب ان شاء الله

 

[Futrus]

تحب؟ لول امزح، افحص وانشالله ماعليك شر

 

[kiko]

ولد خالي كان مدخن و مر بنفس حالتك تقريباً و طلع عنده القولون


مر على الدكتور بأقرب وقت و بطل تدخين للأبد لان أضرارة تمتد لعيالك

 

[Vorg Zangief]

مشاري روح المستشفى
و لا تبحث بجوجل عن علاج او اعراض و تشخص حالتك بتقديرك 😀
و ان شاء الله ما فيك الا العافية

 

[R E M i X E R]

روح لأخصائي و لا تنسى العَرَض الثاني اللي قلته في تويتر !

 

[Unknown]

هالاسبوع انا تقريبا كل ليله قبل لا انام .. احس بخفقان ومرات اقوم من النوم حتى .. مدري وش السالفه !!
عاد اسولف لقريبي يقولي يحصلي نفس الشي هالشهر وماتجي الا بالدوام .. لا يكون فينا كورونا بس :/

 

[SnakeEater]

كان عندي نفس الحاله بس وانا عمري 12 تقريبا , اكون عادي مافيني شي الا قلبي يدق دقه قويه جدا تفجع بس ماتجيني دوخه.

رحت سويت تخطيط قلب وطلع مافيني شي , بعدها نسيت الموضوع وماجاتني بالتكرار الي كانت عليه خفت مره.

اتوقع من كثر ما افكر فيها كانت تجيني , الحين تجيني بس نادر جداً واحسها طبيعيه.

 

[www]

اخوي حصل له نفس الشي , طلع عنده ألتهاب في الرئه , والدكاتره الحمير بهدلوه تبهدل وخلوه في حالت رعب , وقالوا له يا معاك سيل او سرطان !

بعد كل هذه الدراما , رحنا مستشفى ثاني , في النهايه طلع الي مع اخوي شي عادي , حتى ألتهاب ما له اسم من كثر ما هو مش مهم , والحين اخوي مثل الحصان من مده طويله 🙂

انا اقول راجع اكثر من مسشتفى ويفضل يكون حكومي وله سمعه

 

[lighting]

اني احس زياده في دقات القلب ودوخه عند النهوض بسرعه ما اعرف السبب

 

[SAUD~F-16]

ماتشوف شر، هذا الخفقان يصير معاي نادرا لكن ما احس بدوخة ولا تعب، افضل حل انك تزور طبيب مختص.

 

[BlackBird]

اني احس زياده في دقات القلب ودوخه عند النهوض بسرعه ما اعرف السبب

هذي الحالة اسمها Postural Hypotension وسببها انك يوم تكون تقوم فإن ضغط الدم يرتفع لفترة عشان يضمن وصول الدم للدماغ
ولما ما يقدر يحافظ على الضغط هذا فكمية الدم اللي راح توصل للدماغ تكون قليلة وهذا اللي يسبب لك الدوخة

 

[Mr.Sora]

اخوي حصل له نفس الشي , طلع عنده ألتهاب في الرئه , والدكاتره الحمير بهدلوه تبهدل وخلوه في حالت رعب , وقالوا له يا معاك سيل او سرطان !

بعد كل هذه الدراما , رحنا مستشفى ثاني , في النهايه طلع الي مع اخوي شي عادي , حتى ألتهاب ما له اسم من كثر ما هو مش مهم , والحين اخوي مثل الحصان من مده طويله 🙂

انا اقول راجع اكثر من مسشتفى ويفضل يكون حكومي وله سمعه

يراجع بعد المستشفيات الخاصة (الي لها سمعة ) ، قبل تقريبا سنتين كان أخوي فيه حرقان يجيه بدون سبب رحنا لمستشفى حكومي مشهور
قاله الدكتور مافيه الا العافية وعطانا أدوية ، بعد مدة نفس الحالة أخوي ترجعله فرحنا هالمرة مستشفى خاص نجرب ، طلع عنده تشققات في المعدة على ماأذكر وسوو له منظار والحمدالله الآن سليم معافى حتى الدكتور قال لنا لو تأخرتو مدة كان حالته بتصير خطيرة أعوذ بالله !

فتأكد انك ماتكتفي بمستشفى واحد أخوي مشاري .

 

[Fabri_4]

ماودي اتفلسف لكن ماعتقد احد يقدر يفيدك بهذا الشيء الا وهو بهذا المجال
عموماً روح مستشفى ثقة وإن شاء لله مافيك شيء ، ماتشوف شر ياخلفهم.

 

[dro]

ما ينلام قلبك .. دايم عصبي بكل الأوقات اكيد بتحس بكذا

 

["a7mad"]

ماتشوف شر مشاري ... اي واحد هنا قام عطاك مرض من عنده .. روح افحص احسن لك بدال ما تقرا ردود مالها فايده (الا بعضها اكيد)

 

[SAUD~F-16]

ما ينلام قلبك .. دايم عصبي بكل الأوقات اكيد بتحس بكذا

ههههههههه كلامك فيه من الصحة.كل اللي اقدر اقوله لمشاري، خذها بسهولة.