جيمرز دي 2014
- بادئ الموضوع Ze Truth
- تاريخ البدء
iNakedSnake
True Gamer
المعرض نفس مكانه.
توني راجع من المعرض وبقول شي واحد بس ...
لاحد يروح ! الوضع جدا جدا جدا مقققققرف !!!!
التنظيم للأمانه ممتاز و العاملين ما قصروا لكن المشكله بالحضور , 99% منهم اقل من 12 سنه , ويا ليت جايين مع واحد كبير يتابعهم و يمسكهم كان بيكون شي خورافي , لكن اللي حاصل ان كل واحد يجمع عيال عمه وعيال خواله وعيال الجيران ويروحون مع السواق ويحسبون المعرض ساحة لعب وركض وصراخ وحبشه !!
واللي يرفع الضغط اكثر هو اليوتيوبرز العساس هم الفله , ويجيك يترزز , ويخلي اخوياه ينادون بأسمه بصوت عالي عشان البزارين يراكضون وراه و يتجمعون حوله وصراخ وهواش , وفيه واحد مسكن اغمى عليه مجري شصار فيه من الحركه ذي.
واقول ثاني مره التنظيم متعوب عليه لكن الشعب كثيييييير !!!مثلاً لعبة بلودبورن لها 20 جهاز ومع ذلك انتظرت 45 دقيقه عشان ألعب 🙂 يعني كم كان فيه شخص قدامي ؟ والواحد له 5 دقايق بس .. عليكم الحسبه !
أرجو رجاء الرجاء من البسيمي يحط عمر محدد للي يحضرون TGXPO الوضع لا يطاق.
توني راجع من المعرض وبقول شي واحد بس ...
لاحد يروح ! الوضع جدا جدا جدا مقققققرف !!!!
التنظيم للأمانه ممتاز و العاملين ما قصروا لكن المشكله بالحضور , 99% منهم اقل من 12 سنه , ويا ليت جايين مع واحد كبير يتابعهم و يمسكهم كان بيكون شي خورافي , لكن اللي حاصل ان كل واحد يجمع عيال عمه وعيال خواله وعيال الجيران ويروحون مع السواق ويحسبون المعرض ساحة لعب وركض وصراخ وحبشه !!
واللي يرفع الضغط اكثر هو اليوتيوبرز العساس هم الفله , ويجيك يترزز , ويخلي اخوياه ينادون بأسمه بصوت عالي عشان البزارين يراكضون وراه و يتجمعون حوله وصراخ وهواش , وفيه واحد مسكن اغمى عليه مجري شصار فيه من الحركه ذي.
واقول ثاني مره التنظيم متعوب عليه لكن الشعب كثيييييير !!!مثلاً لعبة بلودبورن لها 20 جهاز ومع ذلك انتظرت 45 دقيقه عشان ألعب 🙂 يعني كم كان فيه شخص قدامي ؟ والواحد له 5 دقايق بس .. عليكم الحسبه !
أرجو رجاء الرجاء من البسيمي يحط عمر محدد للي يحضرون TGXPO الوضع لا يطاق.
X I I I
True Gamer
^ موبايلي كان لها دور بتسويق المعرض ..
البزورة شيء متعود من السنوات إلي راحت ، و أغلبهم سوني فان بويز إلي يتعصبوا بالأخبار حق الموقع (&)
و فوقهم جايين علشان كود و فيفا ، إذا كان كذا سوني لا تتعب نفسها وتسوي معرض وتجيب كل الألعاب دام 60% من الحضور ما همه غير ماينكرافت ، و اليوتيوبرز ..
بالنسبة لـTGXPO .. يفصل الأعمار تكون 13 فوق 🙂
السبب في ناس أعرفهم بالإنستاغرام أعمارهم 14 و هاردكور و فوقها عايشين بالرياض ، هالفئة قليلة ، على الأقل فيهم أمل غير حشد كود و ماينكرافت
بس برضه يمكن بعض الجيمرز المشاهير قد يكونوا مفيدين للمعرض كـ" ترويج " ، ما أتكلم عن جيمرز يوتيوب حق فيفا و كود و ماينكرافت
أتكلم عن هاردكور .. و طبعاً البسيمي و عمر أكثر خبرة مني و هم يعرفوا إيش يسووا بالمعرض ، ف بالتوفيق لهم
البزورة شيء متعود من السنوات إلي راحت ، و أغلبهم سوني فان بويز إلي يتعصبوا بالأخبار حق الموقع (&)
و فوقهم جايين علشان كود و فيفا ، إذا كان كذا سوني لا تتعب نفسها وتسوي معرض وتجيب كل الألعاب دام 60% من الحضور ما همه غير ماينكرافت ، و اليوتيوبرز ..
بالنسبة لـTGXPO .. يفصل الأعمار تكون 13 فوق 🙂
السبب في ناس أعرفهم بالإنستاغرام أعمارهم 14 و هاردكور و فوقها عايشين بالرياض ، هالفئة قليلة ، على الأقل فيهم أمل غير حشد كود و ماينكرافت
بس برضه يمكن بعض الجيمرز المشاهير قد يكونوا مفيدين للمعرض كـ" ترويج " ، ما أتكلم عن جيمرز يوتيوب حق فيفا و كود و ماينكرافت
أتكلم عن هاردكور .. و طبعاً البسيمي و عمر أكثر خبرة مني و هم يعرفوا إيش يسووا بالمعرض ، ف بالتوفيق لهم
SULTAN 3
True Gamer
اوكي انا رحت اليوم الساعه ١٠ وما جت ١٢ الظهر الا وانا طالع .. كله علشان المبزره مثل ما قال iNakedSnake .. هذا غير ان ما فيه شي يحمس بإستثناء بلودبورن اللي اصلاً راح العبها بعد ساعتين من الان بما ان الالفا وصلتني ..
لكن سوء المعرض اعتقد انها في الفِكر اكثر من التنظيم نفسه .. يعني ليش انا يوم ادخل القى ٩٩،٩٩٪ من الموجودين اطفال اعمارهم ١٠ -١٥ سنه ؟؟ ليش يوم اجي بلعب اي لعبه ما عطوني الا دقيقه في DriveClub و دقيقتين فقطططط !! في لعبة The Crew ؟؟ للأمانه كلمة دقيقتين حتى مو انا اللي قلتها .. المنظم اللي واقف على راسي حاسبها لي ويوم سألته ليش ؟ قال لي شوف الزحمه و أشر لي على الطابور ..
طيب انا وش ذنبي ؟؟ انا ما دفعت تذكرة ٧٥ ريال علشان اجي اطق مشوار بزحمة الرياض علشان والله اروح واجرب العاب لمدة دقيقة و دقيقتين .. لكن ما اقول الا مالت على اللي جاب فكرة الكمنتيترز واعتبرهم انهم "جيمرز" و راح يدعمهم ويقول لهم يسوون دعاية للمعرض علشان هالمبزره تجي وكأن مسطلح العاب الفيديو فقط منسوب للأطفال .. والبركه طبعاً في المسؤولين اللي ما فكرو يجيبون شركات كبيره والعاب كبيره ومطورين العاب علشان فعلاً يكون المعرض له قيمة فعليه للجيمر ، ثلااااث سنين والمعرض نفسه ما تغير .. اتمنى ان المعرض يتحدد لمن هم من عمر ٢٠ سنه وفوق بالسنين الجايه لكن ما اتوقع ان هالشي بيصير لأني اعتقد ان المنظمين للمعرض يهمهم العائد المادي اللي يجيب لهم ذهب من قيمة التذاكر ..
انا كتبت ملاحظاتي لحساب جيمرز داي بتويتر لكن وش اقول وش اخلي .. للمعلومية فيه منتدى عربي ثاني يتناقشون عن نفس الموضوع اذا ودكم اجيب اقتباسات منها للفائدة؟
بالمختصر انا قلتها زمان وللآن اقولها .. الكومنتيترز هم آفه هالجيل وهم بيخربونه ويخربون اشياء متعلقة بصناعة الالعاب بالمنطقة على المدى البعيد الا اذا تم اجتثاثهم .. لأن الكومنتيتر واحد ما يعرف الا لعبتين فيفا + كود
ويسجل مقاطع يلعب فيها ويسجل صوته على سالفه مالها اي علاقه نهائياً .. بالله هذا جيمر ؟؟ هذا لو اقول له عدد لي ٥ اسماء من اكبر الاستوديوهات الناشره للألعاب على جهازك ياللي تلعب فيه .. اراهن انه بيقول لي هاه!؟
لكن سوء المعرض اعتقد انها في الفِكر اكثر من التنظيم نفسه .. يعني ليش انا يوم ادخل القى ٩٩،٩٩٪ من الموجودين اطفال اعمارهم ١٠ -١٥ سنه ؟؟ ليش يوم اجي بلعب اي لعبه ما عطوني الا دقيقه في DriveClub و دقيقتين فقطططط !! في لعبة The Crew ؟؟ للأمانه كلمة دقيقتين حتى مو انا اللي قلتها .. المنظم اللي واقف على راسي حاسبها لي ويوم سألته ليش ؟ قال لي شوف الزحمه و أشر لي على الطابور ..
طيب انا وش ذنبي ؟؟ انا ما دفعت تذكرة ٧٥ ريال علشان اجي اطق مشوار بزحمة الرياض علشان والله اروح واجرب العاب لمدة دقيقة و دقيقتين .. لكن ما اقول الا مالت على اللي جاب فكرة الكمنتيترز واعتبرهم انهم "جيمرز" و راح يدعمهم ويقول لهم يسوون دعاية للمعرض علشان هالمبزره تجي وكأن مسطلح العاب الفيديو فقط منسوب للأطفال .. والبركه طبعاً في المسؤولين اللي ما فكرو يجيبون شركات كبيره والعاب كبيره ومطورين العاب علشان فعلاً يكون المعرض له قيمة فعليه للجيمر ، ثلااااث سنين والمعرض نفسه ما تغير .. اتمنى ان المعرض يتحدد لمن هم من عمر ٢٠ سنه وفوق بالسنين الجايه لكن ما اتوقع ان هالشي بيصير لأني اعتقد ان المنظمين للمعرض يهمهم العائد المادي اللي يجيب لهم ذهب من قيمة التذاكر ..
انا كتبت ملاحظاتي لحساب جيمرز داي بتويتر لكن وش اقول وش اخلي .. للمعلومية فيه منتدى عربي ثاني يتناقشون عن نفس الموضوع اذا ودكم اجيب اقتباسات منها للفائدة؟
بالمختصر انا قلتها زمان وللآن اقولها .. الكومنتيترز هم آفه هالجيل وهم بيخربونه ويخربون اشياء متعلقة بصناعة الالعاب بالمنطقة على المدى البعيد الا اذا تم اجتثاثهم .. لأن الكومنتيتر واحد ما يعرف الا لعبتين فيفا + كود
ويسجل مقاطع يلعب فيها ويسجل صوته على سالفه مالها اي علاقه نهائياً .. بالله هذا جيمر ؟؟ هذا لو اقول له عدد لي ٥ اسماء من اكبر الاستوديوهات الناشره للألعاب على جهازك ياللي تلعب فيه .. اراهن انه بيقول لي هاه
!؟
التعديل الأخير:
Ze Truth
Banned
آه يا شباب, لما تقولون لي هالكلام تحزنوني نوعا ما.
اتذكر اول معرض جيمرز دي (قبل تقريبا 6 سنوات) ما كنت تحس انك راح لمرض, بل كنك رايح للونج او نادي للجيمرز. ما كان في اجهزة او اللعاب جديدة, بس كان مكان تقعد فيه تسولف, تسترخي وتتعرف على جيمرز زيك من المنطقة. تقدر تقعد على اللعبة طول ما تبي, والناس حولك بيكونون مبسوطين بانهم يطالعون ويعلقون على لعبك. واحلى شيء ما كان فيه من صغار السن كثير (مع احترامي للحلوين) كانوا الغالبين 16+ فما تحس بالحرج هناك. وبرضوا كانوا المنضمين عندهم عادة اول ما تدخل يعطونك قميص بشعار المعرض والسنة. كان مكان تروح له بعد العشاء تتسلى وبعدين تطلع تتعشى.
المعرض الثاني كان نفس الشيء بالضبط.
المعرض الثالث (واللي كان هو اخر معرض لي), هنا لاحظت اختلاف الاجواء. اولا المعرض حطوه في موقف سيارات ما ادري ايش بالضبط, المهم كان مكان مكتوم. لما دخلت المعرض حسيت اني داخل روضة اطفال. بزاريين مرمين (حرفيا) في كل مكان. زبايل وقراطيس منثرة في كل ارجاء المعرض. وانا امشي كنت انتبه لخطواتي لا ادعس لي بزر او شيء. خذت لي لفة سريعة علشان خاطر المشوار وطلعت على طول. اتذكر كانوا جايبين الفيتا لاول مرة. والمنظمين كانوا لابسين تيشرتات شادوا اوف ذا كلاسوس (طلبت من المدير وحدة لكنه سحب علي)
السنة الرابعة صار جيمزر دي اللي تعرفونه في مركز معارض الرياض. ما عمري طبيته ولا فكرت. لكن كل سنة اتمنى يرجع العرض لما كان عليه. مكان انا كجمير عمره 22 سنة, اقدر اروح له وانا محتفظ بكرامتي.
اتذكر اول معرض جيمرز دي (قبل تقريبا 6 سنوات) ما كنت تحس انك راح لمرض, بل كنك رايح للونج او نادي للجيمرز. ما كان في اجهزة او اللعاب جديدة, بس كان مكان تقعد فيه تسولف, تسترخي وتتعرف على جيمرز زيك من المنطقة. تقدر تقعد على اللعبة طول ما تبي, والناس حولك بيكونون مبسوطين بانهم يطالعون ويعلقون على لعبك. واحلى شيء ما كان فيه من صغار السن كثير (مع احترامي للحلوين) كانوا الغالبين 16+ فما تحس بالحرج هناك. وبرضوا كانوا المنضمين عندهم عادة اول ما تدخل يعطونك قميص بشعار المعرض والسنة. كان مكان تروح له بعد العشاء تتسلى وبعدين تطلع تتعشى.
المعرض الثاني كان نفس الشيء بالضبط.
المعرض الثالث (واللي كان هو اخر معرض لي), هنا لاحظت اختلاف الاجواء. اولا المعرض حطوه في موقف سيارات ما ادري ايش بالضبط, المهم كان مكان مكتوم. لما دخلت المعرض حسيت اني داخل روضة اطفال. بزاريين مرمين (حرفيا) في كل مكان. زبايل وقراطيس منثرة في كل ارجاء المعرض. وانا امشي كنت انتبه لخطواتي لا ادعس لي بزر او شيء. خذت لي لفة سريعة علشان خاطر المشوار وطلعت على طول. اتذكر كانوا جايبين الفيتا لاول مرة. والمنظمين كانوا لابسين تيشرتات شادوا اوف ذا كلاسوس (طلبت من المدير وحدة لكنه سحب علي)
السنة الرابعة صار جيمزر دي اللي تعرفونه في مركز معارض الرياض. ما عمري طبيته ولا فكرت. لكن كل سنة اتمنى يرجع العرض لما كان عليه. مكان انا كجمير عمره 22 سنة, اقدر اروح له وانا محتفظ بكرامتي.
Ze Truth
Banned
بالمختصر انا قلتها زمان وللآن اقولها .. الكومنتيترز هم آفه هالجيل وهم بيخربونه ويخربون اشياء متعلقة بصناعة الالعاب بالمنطقة على المدى البعيد الا اذا تم اجتثاثهم .. لأن الكومنتيتر واحد ما يعرف الا لعبتين فيفا + كود
ويسجل مقاطع يلعب فيها ويسجل صوته على سالفه مالها اي علاقه نهائياً .. بالله هذا جيمر ؟؟ هذا لو اقول له عدد لي ٥ اسماء من اكبر الاستوديوهات الناشره للألعاب على جهازك ياللي تلعب فيه .. اراهن انه بيقول لي هاه
الكومنترز واليوتوبرز ماهم هم المشكلة. بالعكس هم نقطة جذب للمعرض. المشكلة ان المنظمين ما يبيون يعترفون بوجودهم, ويستمرون بتجاهل المشكلة.
ايش المشكلة لو كل واحد منهم صار عنده بوث؟ يقعد فيها زي الناس, يسلم على معجبيه ويوقع لهم.
تتوقع يوم من الايام بيقدرون يتفوقون على هايب معرضهم الاول؟
:heart_eyes::heart_eyes::heart_eyes:
Storm is here
True Gamer
X I I I
True Gamer
1+
على الله يراعون مشاعر سكان الغربية :: ويجون لو مرة
هالسنة مؤكد بالرياض 16-17 أكتوبر ..
أنشب للبسيمي عشان يخلوا السنة الجاية بجدة (&)
The Last Lombax
In a new adventure~
1+
على الله يراعون مشاعر سكان الغربية :
حصل وسووه مرة في جدة لكن أختاروا أسوء وأصغر مكان ممكن (ملاهي الشلال) في فترة أيام العمل (مش نهاية أسبوع حتى على ما أذكر) ومافي إلا أجهزة تنعد على أصابع اليد وبعضها بدون ألعاب أصلا وطبعا فشل فشل ذريع ومن بعدها صار في الرياض فقط
Suliman
Casual Gamer
اول مره اروح له .. وصراحة سيئ بكل ما تحمله الكلمة من معنى < حلوه بكل ما تحمله من معنى .. المهم مع اني جلست بالمعرض 3 ساعات ما امداني الا اجرب لعبتين (bloodborne + farcry 4) زحمة بشكل مو طبيعي والي رفع ضغطي صدق العاب تصنيفها العمري +18 وتشوف واحد عمره 14 سنه يلعبها :thumbsdown: .. .. في انتظار tgxpo بس .. :heart:
زحمة بشكل مو طبيعي والي رفع ضغطي صدق العاب تصنيفها العمري +18 وتشوف واحد عمره 14 سنه يلعبها :thumbsdown: .. .. في انتظار tgxpo بس .. :heart:
m5050
True Gamer
رحت له اليوم , ساعه ونص انتظار بلود بورن بالنهايه ثلاث دقايق لعب
زيك دافع 75 ريال عشان لعبه وحده وفي الاخير بس يعطونك 3 دقايق
معرض زفت كله اطفال المفروض يسمونه kidsday .. ما فيه رقابه ابد يمديك تدخل بتذاكر مزوره بالراحه ما يشيك عليها بالمره بس يشوف معك اوراق ( على انها تذاكر ) يمشيك
اول ما تدخل راح تحس بضيق وغلقه المكان مكتوم وريحته خايسه لول .. اطفال في كل مكان وضيق وزحمه
للمعلوميه ايضا خدمات موقعهم زفت ما تتحدث من السنه اللي راحت نفسها اللهم نسخ لصق حتى التذاكر مكتوب فيها عام 2013
انا شريت لي تذكره بايميل غلط وراسلتهم يحلون لي المشكله محد رد علي خلال 5 ايام واتصلت على تلفونهم امس الفين مره محد يرد ..
شريت تذكره اخرى عن طريق الباي بال ولا ارسلولي شي ( رافع عليهم قضيه يرجعون لي فلوسي حالياً )
في الاخير اخذت تذكره اخوي كان نايم عشان العب بلودبورن بس
المفروض ياخي يكون فيه تصنيف للبزران قسم خاص فيهم ويبعدونا عنهم ياخي كثيرين مالين المعرض :joy:
بس ما ينلامون راعين المعرض ما دامهم مطلعين منهم ربح بالشكل هذا فهم الكسبانين ولا راح يعطونا وجه
وشكل tgxpo بيصير نفس الشي :sweat_smile:
التعديل الأخير:
:
zlatanovic
True Gamer
^
بالضبط هذا افضل حل. التقسيم إمّا بالايام او بالاوقات من قبل وبعد صلاة العشاء. اما المنع بالكامل فهذي مصيبه اذا الاغلبية على قولتكم من 12-15 سنة فراح يفشل الحدث ماليا.
بالضبط هذا افضل حل. التقسيم إمّا بالايام او بالاوقات من قبل وبعد صلاة العشاء. اما المنع بالكامل فهذي مصيبه اذا الاغلبية على قولتكم من 12-15 سنة فراح يفشل الحدث ماليا.
killer360
Hardcore Gamer
الحمدالله الحمدالله هذا الي اقوله
تخيلوا اني كنت بطلع من مككة الى الرياض للاججل المعرض وكلمت الشباب الاغلب كان مو مهتم يقول بتلقى مبزرة وكومنتينر يحسبون انهم مشاهيير الكون (🙂
في الاخير لقيت الخوي الي بيروح مععي لكن الي وقفنا عن الروحة والطلعة للرياض هو ان بعد انتهاء المعرض راح يكون الدخوول لمككة جدآ صعب بسبب الحجيج وكذا
بطللت وقلت خيرة ان شاء الله والحمدالله اني م حضررت اكرره م عليي اني اشوف مبزرة ورججة ولا اقدر اجرب اي شىء !! ::::
فعليآ اشكركم ع ردود الفعل الصريحة وعلمتونا تخيلوا اني كنت بصررف ع السكن والطيران او امسك خط بسيارة وفوق ذا يطلع المعرض تاافه اشكر ربي اني م حضررت:clap:
تخيلوا اني كنت بطلع من مككة الى الرياض للاججل المعرض وكلمت الشباب الاغلب كان مو مهتم يقول بتلقى مبزرة وكومنتينر يحسبون انهم مشاهيير الكون (🙂
في الاخير لقيت الخوي الي بيروح مععي لكن الي وقفنا عن الروحة والطلعة للرياض هو ان بعد انتهاء المعرض راح يكون الدخوول لمككة جدآ صعب بسبب الحجيج وكذا
بطللت وقلت خيرة ان شاء الله والحمدالله اني م حضررت اكرره م عليي اني اشوف مبزرة ورججة ولا اقدر اجرب اي شىء !! ::
::فعليآ اشكركم ع ردود الفعل الصريحة وعلمتونا تخيلوا اني كنت بصررف ع السكن والطيران او امسك خط بسيارة وفوق ذا يطلع المعرض تاافه اشكر ربي اني م حضررت
:clap:
Saudi Fighter
True Gamer
الموضوع اسهل من كيذا
المفروض حطو حد معين للتذاكر بما يناسب حجم المعرض
الشي الثاني ليش مايزيدون الايام الى اسبوع عشان الجميع يقدر يجي وبدون ضغط.
الكمونتيترز مهمين والي يقول عكس ذلك تراه يظلمهم هم من اكبر وسائل الدعاية للالعاب لكن الحل.
انهم بحطون بوث خاص فيهم ويتجمعون عليهم المبزرة يفكون اهلنا مستغرب حقيقة الي يصورة مع كومنتيتر مادري وش الفايدة.
المفروض حطو حد معين للتذاكر بما يناسب حجم المعرض
الشي الثاني ليش مايزيدون الايام الى اسبوع عشان الجميع يقدر يجي وبدون ضغط.
الكمونتيترز مهمين والي يقول عكس ذلك تراه يظلمهم هم من اكبر وسائل الدعاية للالعاب لكن الحل.
انهم بحطون بوث خاص فيهم ويتجمعون عليهم المبزرة يفكون اهلنا مستغرب حقيقة الي يصورة مع كومنتيتر مادري وش الفايدة.
loop
Hardcore Gamer
امممم مدري شلون اشرح لك :joy: بس بأحاول
الأطفال ماعندهم مشكلة يروحون المعرض او أي مكان لو فيه كبار .. بالعكس بيحسون نفسهم كبار وفلّه مثلهم
الكبار كون المكان مليان أطفال يعتبر عائق كبير بالنسبة لهم وكثير يرفض يروح ( وانا منهم )
فا اللي حاصل الحين كلما زادت نسبة الاطفال قلّت نسبة الكبار .... إمنع الأطفال وخل الخبر ينتشر وراح تشوف المعرض مليان 18+
كنت موجود في يوم اللاعبين، و ناس كثير قابلوني و تقريبا كلهم سألوني عن TGXPO
أشكر الجميع ممن ينتظرون TGXPO، و الله من الكلام نحس بمسؤولية كبيرة
المشكلة في أشياء ما تكون بيدنا، مثل ما قلنا في 2012 إن جيرز بتكون قابلة للعب و توقفت في الجمارك
لذلك بتلاحظون هالسنة إننا متكتمين عالألعاب و الأشياء القابلة للعب
و بنخلي أغلب الأشياء مفاجأة
و أنا جدا متحمس و متفائل إن TGXPO هالسنة بيكون الأفضل على الإطلاق
مبدئيا الشي اللي أقدر أأكده إننا حلينا مشكلة المكان بحيث قاعة هالسنة أكبر من ضعف مساحة قاعة السنة الماضية
نشوفكم هناك :kissing_heart:
أشكر الجميع ممن ينتظرون TGXPO، و الله من الكلام نحس بمسؤولية كبيرة
المشكلة في أشياء ما تكون بيدنا، مثل ما قلنا في 2012 إن جيرز بتكون قابلة للعب و توقفت في الجمارك
لذلك بتلاحظون هالسنة إننا متكتمين عالألعاب و الأشياء القابلة للعب
و بنخلي أغلب الأشياء مفاجأة
و أنا جدا متحمس و متفائل إن TGXPO هالسنة بيكون الأفضل على الإطلاق
مبدئيا الشي اللي أقدر أأكده إننا حلينا مشكلة المكان بحيث قاعة هالسنة أكبر من ضعف مساحة قاعة السنة الماضية
نشوفكم هناك :kissing_heart:
