DIAMOND
True Gamer
من موضوع دارك السابق لاحظت ان فيه عدد كبير من اللاعبين يمدح الجيل السابع اكثر من غيره، اي واحد كان متابع لمجتمع اللاعبين بهذيك الفترة يعرف ان الجيل هذا اكثر جيل انمسح فيه البلاط لأسباب عديدة، لكن مؤخرا تشوف تقدير وتبجيل له كأنه عصر ذهبي بالصناعة، وبغض النظر عن موضوع دارك لأنه اكيد مو مقياس.. وبغض النظر عن المنتدى بشكل عام، بس الهاله السلبية عن الجيل السابع تلاشت من كل مكان ومحد صار يذكر الجيل هذا الا بالخير وهالشيء يخليني اتسائل، ليه؟!
بعد تفكير طويل عن السبب طلعت باستنتاج واحد بس.. بكل بساطة من انتهاء الجيل السابع لحد اليوم هذا اللاعب لعب العاب اكثر من الجيل هذاك وقدره اكثر، that's all .. غالبية اللاعبين بكل جيل يركزون على العاب معينة وطبعا.. مايقدرون يلعبون كل لعبة ممتازة موجودة فيه، بس مع الوقت يقدر يحصل على الالعاب اللي نزلت بتخفيضات او اشتراكات، فمجرد مايرجع ويشوف الكتالوج حق الجيل كامل والالعاب اللي لعبها منه بيقدره اكثر.. العاب تسعينية؟ موجودة.. لعبة كانت الاحسن بسلسلتها؟ موجودة برضوا.. العاب قدمت افكار جديدة او حتى ارتقت بالتصنيف لمستوى جديد؟ موجودة موجودة! والكلام هذا ماينطبق على الجيل السابع فقط.. بل الاجيال كلها حتى الحالي! مجرد نظرة على العابك المفضلة وغالبا بتشوف ان عندك العاب مفضلة من كل جيل
اعرف ان البعض يقول ان "الجيل السابع مو سيء بس الاضعف" بس الصراحة ما اشوف هالشيء، ما اقدر اقول عن جيل معين هو "الاضعف" من الجيل الرابع الى الجيل هذا وكل جيل جالس يقدم مستوى قوي حتى بالرغم مع عيوبه، نعم الجيل السابع كان متروس شوتر زي ما الجيل السادس كان متروس العاب انميشنز والوضع كان fine .. كل جيل عنده سلبيات، مافي جيل نقي ومثالي.. انا عن نفسي ما اشوف فيه جيل عنده سلبيات تستدعي اني امسك علبة منديل واتبكبك على كل سليية صغيرة وكبيرة فيه
لذلك يوم اشوف احد ينتقد الجيل الحالي ما اقدر افهمه، هل لعبت العاب كفاية منه؟ هل راح يتغير رايك عنه بعد جيلين يوم تلعب العاب اكثر منه وتشوفه عظيم؟ اعني.. كم لعبة كنت متحمس لها وتترقب صدورها لمدة سنتين-ثلاثة وبالنهاية ماطلعت قد توقعاتك بس لعبت لعبة اخرى ماكنت حاسب لها اي حساب وصارت مباشرة من مفضلاتك؟ البعثة 33 اقرب مثال هنا، ومثال عني شخصيا.. السنة الماضية حشيت فبلاترو وقلت عنها لعبة بلوت، لعبتها قبل اشهر ودعست القبيح رايح جاي عادي .. العب العاب اكثر ومش لازم تكون الالعاب اللي فقط انت حاط العين عليها، خصوصا مع خدمات الاشتراك اللي هي من نِعم هذا الجيل تقدر تخليك تجرب جواهر اكثر بسعر جيد .. ما اقول محد له الحق انه يمتعض من مشاكل هذا الجيل بس سالفة ان الجيل كله معفن والصناعة تدمرت ومدري ايش حاجة ما اقدر افهمها .. اشوف اللاعب عنده خيارين هنا، اما يشتري علبة منديل ويجهزها للجيل القادم لأنه بيكون جيل سيء عنده وبيتبكبك عليه زي الجيل هذا واللي قبله، او انه يمسك اليد ويلعب.
بعد تفكير طويل عن السبب طلعت باستنتاج واحد بس.. بكل بساطة من انتهاء الجيل السابع لحد اليوم هذا اللاعب لعب العاب اكثر من الجيل هذاك وقدره اكثر، that's all .. غالبية اللاعبين بكل جيل يركزون على العاب معينة وطبعا.. مايقدرون يلعبون كل لعبة ممتازة موجودة فيه، بس مع الوقت يقدر يحصل على الالعاب اللي نزلت بتخفيضات او اشتراكات، فمجرد مايرجع ويشوف الكتالوج حق الجيل كامل والالعاب اللي لعبها منه بيقدره اكثر.. العاب تسعينية؟ موجودة.. لعبة كانت الاحسن بسلسلتها؟ موجودة برضوا.. العاب قدمت افكار جديدة او حتى ارتقت بالتصنيف لمستوى جديد؟ موجودة موجودة! والكلام هذا ماينطبق على الجيل السابع فقط.. بل الاجيال كلها حتى الحالي! مجرد نظرة على العابك المفضلة وغالبا بتشوف ان عندك العاب مفضلة من كل جيل
اعرف ان البعض يقول ان "الجيل السابع مو سيء بس الاضعف" بس الصراحة ما اشوف هالشيء، ما اقدر اقول عن جيل معين هو "الاضعف" من الجيل الرابع الى الجيل هذا وكل جيل جالس يقدم مستوى قوي حتى بالرغم مع عيوبه، نعم الجيل السابع كان متروس شوتر زي ما الجيل السادس كان متروس العاب انميشنز والوضع كان fine .. كل جيل عنده سلبيات، مافي جيل نقي ومثالي.. انا عن نفسي ما اشوف فيه جيل عنده سلبيات تستدعي اني امسك علبة منديل واتبكبك على كل سليية صغيرة وكبيرة فيه
لذلك يوم اشوف احد ينتقد الجيل الحالي ما اقدر افهمه، هل لعبت العاب كفاية منه؟ هل راح يتغير رايك عنه بعد جيلين يوم تلعب العاب اكثر منه وتشوفه عظيم؟ اعني.. كم لعبة كنت متحمس لها وتترقب صدورها لمدة سنتين-ثلاثة وبالنهاية ماطلعت قد توقعاتك بس لعبت لعبة اخرى ماكنت حاسب لها اي حساب وصارت مباشرة من مفضلاتك؟ البعثة 33 اقرب مثال هنا، ومثال عني شخصيا.. السنة الماضية حشيت فبلاترو وقلت عنها لعبة بلوت، لعبتها قبل اشهر ودعست القبيح رايح جاي عادي .. العب العاب اكثر ومش لازم تكون الالعاب اللي فقط انت حاط العين عليها، خصوصا مع خدمات الاشتراك اللي هي من نِعم هذا الجيل تقدر تخليك تجرب جواهر اكثر بسعر جيد .. ما اقول محد له الحق انه يمتعض من مشاكل هذا الجيل بس سالفة ان الجيل كله معفن والصناعة تدمرت ومدري ايش حاجة ما اقدر افهمها .. اشوف اللاعب عنده خيارين هنا، اما يشتري علبة منديل ويجهزها للجيل القادم لأنه بيكون جيل سيء عنده وبيتبكبك عليه زي الجيل هذا واللي قبله، او انه يمسك اليد ويلعب.
