Colorization
True Gamer
...أقص رقبته بشوكة عشان يتعذب قبل لا يموت :spy:
أعتقد نوعية الموضوع هذا إنطرحت خمسين مرة من قبل، لكن ليش لأ...
اللي يبي يحط أكثر من جهاز مفضل يقدر، مع الألعاب المفضلة واللي خلته يحب الفيديوجيمز أكثر على سبيل المثال. اللي وده يحط أسباب خارجية خلته يحب الجهاز يقدر. أتمنى الردود ما تكون صور و كلمتين بس.
NES/Famicom بكل سهولة أفضل جهاز إمتلكته بحياتي. مجموعة كبيرة من الناس قد يكون إختيارها السوبر نينتندو، ومع إنه من أجهزتي المفضلة، لكن ماهو الأفضل.
NES كان بدايتي مع أفضل سلاسل الألعاب بالتاريخ بشكل عام و خاص (لكنه مو جهازي الأول)، من مثل سوبر ماريو برذرز، زيلدا، مترويد، ميجا مان، كاسلفينيا، و طبعاً معشوق الجماهير كابتن ماجد، و غيرهم ألعاب لا تحصى. NES هو الجهاز الوحيد اللي ألعابه ما كانت تدخل تحت "genre" محددة. بمعنى آخر، المطورين كانوا لما يصممون لعبة ما يمشون على أسس معينة. في ألعاب مغامرة خطية، مثل ماريو و كاسلفينيا، و في ألعاب الحين الناس تسميها "مترويد-إسك" أو "مترويدفينيا" لكنها سابقاً ما كان لها تسمية، ولا حتى "لعبة غير خطية"، مثل مترويد و بلاستر ماستر، و في ألعاب "مغامرة" إسم على مسمى، مثل زيلدا، بحيث تقدر تستكشف الخريطة و تروح أي مكان من دون عوائق. الشي هذا خلى الجهاز ألعابه جداً منوعة و مختلفة عن بعض بشكل كبير. البعض بيقول هذي genres معروفة، لكن حط فبالك إنه قبل 25 سنة، ما كان فيه كثر ثلاث أرباع اللي تشوفونه الحين.
البعض يشوف الـ8-بت على إنها تقنية منقرضة و سيئة و مملة، و معقدة غالباً، لكن ألعاب هذاك الجيل أستمتع فيها حتى هذي اللحظة أكثر من أفضل ألعاب هالجيل و بفارق ضخمممممممممم جداً، أكانت ألعاب NES أو Sega Master System. بعض الألعاب، مثل ميجا مان 2 و سوبر ماريو برذرز 3 و مترويد (يس، الأولى) صعب ألاقي ألعاب تقدم لي نفس تجاربها و روحها. هذي الألعاب هي التعريف الحقيقي لكلمة timeless و classic. قد يكون شي صعب إنك تخلق لعبة ممتازة بجميع المقاييس، و لكن الأصعب إنك تخلق لعبة ممتازة تعيش 20 سنة من دون ما تحس إنها ناقصة. هذا هو الفن والإبتكار، هذي هي العبقرية بالنسبة لي.
أحد أهم أهم أهم أسباب إنتشار الجهاز بشكل ساحق، إنه كان منزل لألعاب الآركيد. للأسف ما عشت الثورة هذي بنفسي، لكني كله أقرا بالمنتديات الأجنبية لما الناس تقول "فكرة إنك تلعب باك-مان أو سبيس إنفيدرز بالبيت هو أكبر ميجاتون بالتاريخ".
لهذا السبب آنا أسعد إنسان بالعالم بخصوص موجة الألعاب القديمة اللي قاعدة تنزل هالجيل. ميجا مان 9 و 10 أفضل لعبتين هذا الجيل بالنسبة لي، و كاسلفينيا ريبيرث من أفضل ألعاب كاسلفينيا على الإطلاق، و باك-مان Championship Edition هو أفضل شي حصل للسلسلة منذ إصدارها على الآركيد، و القائمة تطول. البعض يعتقد إنه هذي الألعاب مسوينها لأنه تكلفتها رخيصة و مقابلها المادي كبير (وهالشي صحيح)، لكن الأهم إنه تم تطويرها بنفس فكرة و أسلوب و توجّه أجزائها القديمة قبل 20 سنة، و الحصيلة؟ ألعاب تنافس أعتى إصداراتها القديمة و تتفوق عليها حتى.
في رد قريته قبل فترة طويلة، ما أذكر من منو أو أي موضوع، "حاولت أسوي نفسي كوول وألعب ميجامان9 و ألعاب الريترولكن أستسلم، اللعبة صعبة". كان شي مشابه. سويت أكبر facepalm حقيقي بحياتي لأني ما أصدق إنه فيه ناس تلعب ألعاب معينة عشان تسوي نفسها كوول -______- آه بس شقول...
بعض ألعابي المفضلة عالجهاز:
نصيحة، اللي يحب ألعاب الـ8-بت و فلسفتها، يشتري كتاب Racing The Beam. يخص الأتاري و كيفية نشأته من الصفر و كيفية تطوير بعض ألعابه. أفضل كتاب يخص الألعاب أمتلكه. تفاصيل خرافية مستحيل تعرفها خارج هالكتاب. فعلاً يوريك إنه الإنسان لما يكون امام جدار يقدر مو بس يقفز فوقه، بل يطير.
لهذا السبب أعتبر الويي أفضل جهاز هذا الجيل. قاعد يقدّم لي أفضل ألعاب أجيالي المفضلة، و الجميل مو بس إنك تلعب ألعابك اللي تحبها، بل إنك تكتشف ألعاب ما كنت تعرفها أو بس تسمع فيها. أفضل شي سوّته ننتندو بحياتها. الفيرتشوال كونسول نعمة محد يعرف قيمتها إلا اللي جيله المفضل NES بالذات، كونه تقريباً أكثر جهاز ألعابه متوفرة على الخدمة حالياً.
شنو جهازك المفضل؟ شنو ألعابك المفضلة عليه؟ شنو سبب حبك له؟ حط صور من دون كلام و شوف هل أقدر أقتحم بيتكم و أغتالك وإلا لأ؟
:
ملاحظة: مو عيب يكون جهازك المفضل PS3 أو جهاز جديد نسبياً، الناس أذواق و كل شخص حر بذوقه و لك حرية الإختيار. كيفك.
أعتقد نوعية الموضوع هذا إنطرحت خمسين مرة من قبل، لكن ليش لأ...
اللي يبي يحط أكثر من جهاز مفضل يقدر، مع الألعاب المفضلة واللي خلته يحب الفيديوجيمز أكثر على سبيل المثال. اللي وده يحط أسباب خارجية خلته يحب الجهاز يقدر. أتمنى الردود ما تكون صور و كلمتين بس.
NES/Famicom بكل سهولة أفضل جهاز إمتلكته بحياتي. مجموعة كبيرة من الناس قد يكون إختيارها السوبر نينتندو، ومع إنه من أجهزتي المفضلة، لكن ماهو الأفضل.
NES كان بدايتي مع أفضل سلاسل الألعاب بالتاريخ بشكل عام و خاص (لكنه مو جهازي الأول)، من مثل سوبر ماريو برذرز، زيلدا، مترويد، ميجا مان، كاسلفينيا، و طبعاً معشوق الجماهير كابتن ماجد، و غيرهم ألعاب لا تحصى. NES هو الجهاز الوحيد اللي ألعابه ما كانت تدخل تحت "genre" محددة. بمعنى آخر، المطورين كانوا لما يصممون لعبة ما يمشون على أسس معينة. في ألعاب مغامرة خطية، مثل ماريو و كاسلفينيا، و في ألعاب الحين الناس تسميها "مترويد-إسك" أو "مترويدفينيا" لكنها سابقاً ما كان لها تسمية، ولا حتى "لعبة غير خطية"، مثل مترويد و بلاستر ماستر، و في ألعاب "مغامرة" إسم على مسمى، مثل زيلدا، بحيث تقدر تستكشف الخريطة و تروح أي مكان من دون عوائق. الشي هذا خلى الجهاز ألعابه جداً منوعة و مختلفة عن بعض بشكل كبير. البعض بيقول هذي genres معروفة، لكن حط فبالك إنه قبل 25 سنة، ما كان فيه كثر ثلاث أرباع اللي تشوفونه الحين.
البعض يشوف الـ8-بت على إنها تقنية منقرضة و سيئة و مملة، و معقدة غالباً، لكن ألعاب هذاك الجيل أستمتع فيها حتى هذي اللحظة أكثر من أفضل ألعاب هالجيل و بفارق ضخمممممممممم جداً، أكانت ألعاب NES أو Sega Master System. بعض الألعاب، مثل ميجا مان 2 و سوبر ماريو برذرز 3 و مترويد (يس، الأولى) صعب ألاقي ألعاب تقدم لي نفس تجاربها و روحها. هذي الألعاب هي التعريف الحقيقي لكلمة timeless و classic. قد يكون شي صعب إنك تخلق لعبة ممتازة بجميع المقاييس، و لكن الأصعب إنك تخلق لعبة ممتازة تعيش 20 سنة من دون ما تحس إنها ناقصة. هذا هو الفن والإبتكار، هذي هي العبقرية بالنسبة لي.
أحد أهم أهم أهم أسباب إنتشار الجهاز بشكل ساحق، إنه كان منزل لألعاب الآركيد. للأسف ما عشت الثورة هذي بنفسي، لكني كله أقرا بالمنتديات الأجنبية لما الناس تقول "فكرة إنك تلعب باك-مان أو سبيس إنفيدرز بالبيت هو أكبر ميجاتون بالتاريخ".
لهذا السبب آنا أسعد إنسان بالعالم بخصوص موجة الألعاب القديمة اللي قاعدة تنزل هالجيل. ميجا مان 9 و 10 أفضل لعبتين هذا الجيل بالنسبة لي، و كاسلفينيا ريبيرث من أفضل ألعاب كاسلفينيا على الإطلاق، و باك-مان Championship Edition هو أفضل شي حصل للسلسلة منذ إصدارها على الآركيد، و القائمة تطول. البعض يعتقد إنه هذي الألعاب مسوينها لأنه تكلفتها رخيصة و مقابلها المادي كبير (وهالشي صحيح)، لكن الأهم إنه تم تطويرها بنفس فكرة و أسلوب و توجّه أجزائها القديمة قبل 20 سنة، و الحصيلة؟ ألعاب تنافس أعتى إصداراتها القديمة و تتفوق عليها حتى.
في رد قريته قبل فترة طويلة، ما أذكر من منو أو أي موضوع، "حاولت أسوي نفسي كوول وألعب ميجامان9 و ألعاب الريترولكن أستسلم، اللعبة صعبة". كان شي مشابه. سويت أكبر facepalm حقيقي بحياتي لأني ما أصدق إنه فيه ناس تلعب ألعاب معينة عشان تسوي نفسها كوول -______- آه بس شقول...
بعض ألعابي المفضلة عالجهاز:
- Super Mario Bros بأجزائها الأربعة (الأول + الثاني الياباني + الثاني الأمريكي + الثالث)
- Dragon Quest 3 (ما لعبت الأول و الثاني، و ما لعبت الثالث على وقته، لكني خلصته السنة اللي طافت و أعتبره من أفضل الألعاب اللي صدرت على الإطلاق)
- Mega Man 1\2\3 (من أفضل ثلاثيات الفيديوجيمز على الإطلاق، الجزء الثاني أفضل من هالجيل كله بكل ما يحتوي بالنسبة لي... ما عدا مم9 و10 لول)
- The Legend of Zelda (ما لعبت الثاني >_>)
- Castlevania 1\3
- Ninja Gaiden (وصلت 4-3 لول... أم التعجيز -_-)
- Captain Tsubasa 2 (أفضل ساوندتراك بتاريخ الفيديوجيمز
من نفس ملحن\ة نينجا غايدن على فكرة) - Metroid (ما لعبتها على وقتها، خلصتها لما شريت زيرو مشن قبل جم سنة، رسمت الخريطة بإيدي لأنه مافيها خريطة و معقدة بدون خريطة. لعبتها بالطريقة اللي تنلعب على وقتها، تجربة عظيمة)
نصيحة، اللي يحب ألعاب الـ8-بت و فلسفتها، يشتري كتاب Racing The Beam. يخص الأتاري و كيفية نشأته من الصفر و كيفية تطوير بعض ألعابه. أفضل كتاب يخص الألعاب أمتلكه. تفاصيل خرافية مستحيل تعرفها خارج هالكتاب. فعلاً يوريك إنه الإنسان لما يكون امام جدار يقدر مو بس يقفز فوقه، بل يطير.
لهذا السبب أعتبر الويي أفضل جهاز هذا الجيل. قاعد يقدّم لي أفضل ألعاب أجيالي المفضلة، و الجميل مو بس إنك تلعب ألعابك اللي تحبها، بل إنك تكتشف ألعاب ما كنت تعرفها أو بس تسمع فيها. أفضل شي سوّته ننتندو بحياتها. الفيرتشوال كونسول نعمة محد يعرف قيمتها إلا اللي جيله المفضل NES بالذات، كونه تقريباً أكثر جهاز ألعابه متوفرة على الخدمة حالياً.
شنو جهازك المفضل؟ شنو ألعابك المفضلة عليه؟ شنو سبب حبك له؟ حط صور من دون كلام و شوف هل أقدر أقتحم بيتكم و أغتالك وإلا لأ؟
:ملاحظة: مو عيب يكون جهازك المفضل PS3 أو جهاز جديد نسبياً، الناس أذواق و كل شخص حر بذوقه و لك حرية الإختيار. كيفك.
