تــقــريــر شــامــل عــن XBOX ONE

[Wild Fox]

وموضوع الشحن اعتقد ان اي كيبل عادي ابو 10 ريال يشحنها

لازم تشتري بطاريه خاصه من مايكروسوفت و تكون قابله للشحن .. مش كيبل بس.

 

[Halo 4 Ever]

^
تشتغل بالكيبل usb حتى لو بدون بطارية شحن نفس سالفت 360 يصير تلعب بالكنترول بدون بطارية اذا شبكتها بالكيبل

 

[Wild Fox]

الكلام عن الشحن ، مش عن اللعب بسلك او بدونه
لو تبي تلعب wireless تحتاج بطاريات AA او عده شحن منفصله تشتريها و ما تجي مع الجهاز

 

[Sir Guts]

موضوع فخم من انسان فخم يا ابو وليد. استمتعت في قراءة الموضوع و هذا ابدا مو جديد عليك يا بطل

انا متحمّس جدا للجهاز و تحمست اكثر بعد ما غيّرت مايكرو سياستها المعفنة مع الـDRM و الخرابيط

من اكثر الأشياء اللي عجبتني الكنترولر + الـTriggers فيهم هزّاز. تخيّلت نفسي العب شوتر و يهتز مع كل طلقة

الجهاز ليلحين بس يشتغل في 21 دوله ؟ ولا صار يشتغل بكل الدول بعد ما مايكروسوفت "غيرت سياستها" ؟

يس خدمات اللايف راح تكون ناقصة حسب ما سمعت و أظن منها خدمة السحابة, ولا ؟

الجهاز بيكون حاله من حال الـ360. بيشتغل لو من وين شريته و كل شي فيه بيكون متوفر الى طبعا حركات الـIP Block

 

[L.O.R.D]

^
تشتغل بالكيبل usb حتى لو بدون بطارية شحن نفس سالفت 360 يصير تلعب بالكنترول بدون بطارية اذا شبكتها بالكيبل

انا عندي يد اللاسلكية للأكس بوكس
جربت اضع بطاريات الشحن فيها,بعدين اشبك سلك الشحن فيها وما صار,لأن ذلك السلك مخصص لقطعة الشحن الخاصة باليد..وليس للبطاريات

لكن أعتقد ان الوضع سيتغير هذه المرة بسبب ان السلك الأن هو micro usb المنتشر في كل مكان

 

[kiko]

موضوع جميل


الجهاز للألعاب الحصرية بالنسبة لي


و مايهمني الستور دام انه ريجن فري و يشغل اي دسك ينحط داخل



لكن هل فيه حماية على الالعاب الي تتسرب قبل موعد الاصدار ؟!! هذي بالنسبة لي يبيلها وقفة

 

[Sir Guts]

لكن هل فيه حماية على الالعاب الي تتسرب قبل موعد الاصدار ؟!! هذي بالنسبة لي يبيلها وقفة

حماية ايش؟ ان اللعبة ما تشتغل قبل موعدها الرسمي؟

 

[L.O.R.D]

حماية ايش؟ ان اللعبة ما تشتغل قبل موعدها الرسمي؟

اي
أعتقد رح يكون مثل الجهاز السابق..ألعاب الطرف الأول تقدر تشغلها قبل الموعد بيومين أو 5 مافي مشكلة
والألعاب الثانية مو مهم

 

[Lawliet]

عنوان الموضوع رجعني عشر سنوات ورا ! لوهلة فكرت حالي مش قاعد في تروجيمنج :joy:

يعطيك العافية على الموضوع عموماً

 

[Emirates]

موضوع ممتاز بو وليد

جهد تشكر عليه :clap:

انا من عقب ما تراجعت مايكرو عن قراراتها والجهاز مست

انتظره بفارغ الصبر

 

[i7asan]

بالنسبة لبطاريات الشحن .. الظاهر مايكرو للحين ماتعرف كيف تصنع بطاريات شحن بجودة عالية!
اخذت ثلاث لل360 وكلهم اختربوا بعد شهرين او ثلاثة من الاستخدام.

 

[Classic Player]

تقرير ممتاز يبو وليد الله يعطيك العافية .. نظرة شاملة و تعريفية

حصل معي موقف سيء .. كنسلت البري اوردر للاكس بوكس ون في امازون الامريكي كنت محتاج الفلوس و بعدها بأسبوع جيت بأعمل البري اوردر حصلت الطلب مقفل

امازون البريطاني للحين فاتح الطلب صح ؟ كم سعر الجهاز بالدولار ؟ و هل فيه شحن مباشر ؟ لان ماعندي صندوق بريدي في بريطانيا و إلي بيفزع لي بخليه يفتتح الجهاز معي ::::

 

[Wild Fox]

^
نسخه day one كلها انباعت .

 

[Classic Player]

^
نسخه day one كلها انباعت .

خرشتني لوهله

http://www.amazon.co.uk/Xbox-One-Co...=UTF8&qid=1375060601&sr=8-2&keywords=xbox+one

 

[Wild Fox]

أوه ، هذا الأوروبي كنت أتكلم عن الأمريكي :sweat_smile:
يلا بالبركه مقدما

 

[Classic Player]

اح .. ! فرق 160$ تقريباً ! يعني تقريباً فرق 600 ريال ! والله فرق كبير >_>

 

[Unknown]

وودي اخذ راي الشباب

راح تلعبون Assassins Creed Black Flag + Cod Ghost على الون ولا 360 ؟

PS4 ان شاءالله :clap:

 

[www]

^
بالعكس زر التريقرز في الــ360 ممتاز وكان افضل تدريج في دوسه السياره او الـ Aiming كان سلس جدا
ا

ركز يا خالد , انا اقولك أزرار الRB , LB مش LT , RT

أحسن شي انه كبر الدنيا , اللي بالاكس كان صغير ومكانه مرتفع شوي وتكبيره زي راح يسهل الوصول إليه.
الكونترولر أشوفها بيرفكت وهالشي متوقع من الشركة اللي طلعتلنا تحكم الإكس360

المسأله مش على حجمها , الزر نفسه ضغطته خشنه وما تغيرت

يمكن بعضكم ما يهتم , لكن أنا يهمني كثير خصوصا في ألعاب الهاك اند سلاش الي يصير فيها لوك اون , وافضل زر له دائما وأبدا هو الRB , R1

عموما كنترول أجمالا ممتاز لولا جشع ميكرو مع سالفت الشحن

 

[Nasser]

^

دايماً اعكس بين كنترولر الـ PS والـ Xbox ، الـ R1 يقوم بشغله الـ RT في كنترولر الإكس ، سواءاً تصويب او كوماند او غيره ، ما عدى العاب السيارات.

 

[www]

^

دايماً اعكس بين كنترولر الـ PS والـ Xbox ، الـ R1 يقوم بشغله الـ RT في كنترولر الإكس ، سواءاً تصويب او كوماند او غيره ، ما عدى العاب السيارات.

الRT ما يصلح في اللوك أون , يتعب الاصابع بعد فتره

RB افضل للوك اون , لكن يضل زر خشن ومش مثل الR1

 

[SCREAMING_RAGE]

هذا الخبر يستحق موضوع لحاله , حركه غبيه من ميكرو :/
تخيل ان لازم تشتري حق الشحن منفصل بسعر لحاله ! يا ألهي على الغباء !!

وأزيدك من الشعر بيت , زر الRB و LB الي تشوفه كبر الدنيا , سمعت من احد الانطباعات انه ما اختلف عن أزرار الاكس بوكس 360 , نفس الشي خشن , تمنيت انهم صلحوا هالمشكله , بس واضح ان ميكرو ما تبي تتعلم

الازرار ما اختلفت........... لكنهم اضافوا هزاز مخصص لكل من الـ LB و الـ RB ............... يعني يوم تبغى تطخ رصاصه في لعبه, أو تطلع فوق الرصيف في لعبة سباق, زر الـ LB بيهتز مع الهزاز العادي المتواجد في وسط ذراع التحكم.

[video=youtube;Ds1cCtIgSBc]http://www.youtube.com/watch?v=Ds1cCtIgSBc[/video]
[video=youtube;386xBbbmf98]http://www.youtube.com/watch?v=386xBbbmf98[/video]

الاكس بوكس ون كنترولر >>>>>>> الدول شوك 4 .......... حقيقة !!

 

[LegendaryK]

ركز يا خالد , انا اقولك أزرار الRB , LB مش LT , RT

انا كنت اعيب مسميات الحبات وقلت انها تلخبط واذكر احد فانز مايكرو اعترض على كلامي

والحين هذا اكبر دليل عاللخبطة والمشكلة الاعظم انها تلخبطك حتى لجيت تلعب مثلا يكتب لك بالتوتريال اضغط RT
ولا لجاك لعبة مليانة QTE وكل شوي جاب لك حبة بيخليك تدوخ من سالفة هالتعقيد بهالتسميات الغبية

اسوأ شي في كنترول الاكس بوكس تسميات الحبات الكتفية والدي باد سابقا في يد الاكس 360

الآن مشكلة التسميات مانحلت باقي الثانية ومايندرى كان ضبطوها او لا

 

[Wild Fox]

الاكس بوكس ون كنترولر >>>>>>> الدول شوك 4 .......... حقيقة !!

لأ.

 

[Nasser]

^

الرجال مجرّب ولاعب ، خليه على هواه يا شيخ لول.

 

[Sir Guts]

الاكس بوكس ون كنترولر >>>>>>> الدول شوك 4 .......... حقيقة !!

شوف الباب اللي بينفتح الحين بعد الجملة هذي. الله يعينك بس

 

[used2Bcat]

الآن مشكلة التسميات مانحلت باقي الثانية ومايندرى كان ضبطوها او لا

ما اشوف فيها ذيك المشكلة, الناس تبالغ بشيء سهل ويحتاج تعود فقط! الـL,R معروفة فما يحتاج أشرحها, الـB هي Bumper معناها اللي بالأمام والـT هي Trigger معناها بالخلف.
يعني مع الوقت لإستخدامك ومعرفتك لهذا الشيء بتصير شيء عادي وما يحتاج كل هذه المبالغة.

 

[mamiqdadi]

^
:joy:



لا بدون شركات شحن , الشحن من امزون انفسهم

جرب تحط عنوانك في السعوديه عادي

في الكويت حطيت عنواني العادي "الاسم والمنطقه ورقم البيت والمنزل..الخ"

الشحنه توصل مكان اسمه بريد الكويت الدولي "مكتب" يتصلون علينا ويقول اليوم جايك السايق مع طلبك , طبعا هذي خدمه مجانيه لبريد الكويت , لكن امزون مو كل الاشياء توصل منه ضروري تكون Selling by amazon

هذي مو اول مره اطلب دولي ويوصل بسهوله تامه . قديم ارامكس :thumbsdown:

أخي الكريم، طيب كيف نعرف أي الدول العربية متوفر فيها هذه الخدمة؟ من أمازون نفسه؟، لو سمحت ممكن توضيح لأن أمازون فيما يخص الألعاب يرفض شحنها لمنطقتنا و شكرا

 

[Emirates]

^
:joy:



لا بدون شركات شحن , الشحن من امزون انفسهم

جرب تحط عنوانك في السعوديه عادي

في الكويت حطيت عنواني العادي "الاسم والمنطقه ورقم البيت والمنزل..الخ"

الشحنه توصل مكان اسمه بريد الكويت الدولي "مكتب" يتصلون علينا ويقول اليوم جايك السايق مع طلبك , طبعا هذي خدمه مجانيه لبريد الكويت , لكن امزون مو كل الاشياء توصل منه ضروري تكون Selling by amazon

هذي مو اول مره اطلب دولي ويوصل بسهوله تامه . قديم ارامكس :thumbsdown:

ياخي جربت احط الدولة

المشكلة 8-15 يوم عمل لين توصلك وتقريبا بنفس سعر الشحنة اللهم بس تعفيك من الضرايب

لو سويتها بدون الشحن الدولي يومين برايم مجانا وتوصلني بالكثير 5 ايام من ارامكس

والفرق فقط بالضرايب

 

[Hironobu Sakaguchi]

^
جربت وما يشحن للسعودية

 

[Halo 4 Ever]

انا عندي يد اللاسلكية للأكس بوكس
جربت اضع بطاريات الشحن فيها,بعدين اشبك سلك الشحن فيها وما صار,لأن ذلك السلك مخصص لقطعة الشحن الخاصة باليد..وليس للبطاريات

لكن أعتقد ان الوضع سيتغير هذه المرة بسبب ان السلك الأن هو micro usb المنتشر في كل مكان

هذا اللي اقصدة -- يصير تشبك السلك بدون بطاريات شحن او العادي ::::
http://im41.**********/UTE9Y.jpg
http://im41.**********/iqFLk.jpg