hits counter

بعد الانتقال للجيل الجديد.... وش بتعملون بأجهزتكم القديمه ؟؟

انا للحين محتفظ بأغلب أجهزتي القديمة مع العابهم و بلعب عليهم أكثر من الأجهزة الجديدة بعد
 
مع اني كنت مهتم بأغلب الاجهزة السابقة اللي امتلكتها (من الاتاري مرورا بسيجا والسوبر ننتندو و و و) لكن اغلبهم انقرضوا بطريقة أو بأخرى، اللي لازلت امتلكه من الاجهزة هم سلالة البلاي ستيشن، بس1 و بس2 ، والبس3 ما بتكون لي اي نية ببيعه هو وبعض العابه اللي حملت تجارب ايقونية لي طوال تاريخي كلاعب.
على ان البس1 و البس2 لا زالوا احياء عندي.لكن الثاني أعرته للرقيشي بآخر ايامه ورجعلي والعدسة مضروبة :triumph: واستثقلت ادفع عليها..البس1 ما مشغله من اكثر من عقد من الزمان فما أعرف وضعه الصحي بس حاسه بالانعاش @@ الاثنين ناقصتهم أغلب الوايرات..لكن اعتقد بـعام 2040 بيكون سعر البس1 لوحده 50000$ وقتها ممكن اتخلى عن ذكرياتي و ابيعه @@
البسب و الوي بعتهم لأنهم كانوا اجهزة وقتية الغرض منها كم لعبة وخلاص..الفيتا هو مشروع المحمول الوحيد اللي بحاول ابقي عليه لأطول فترة زمنية ممكنة..الوي يو؟ الله اعلم @@
 
بأحتفظ فيهم و يمكن ألعب فيهم بين كل فترة و فترة ، مستحيل أرمي الأجهزة !
 
بحتفظ فيهم كعادتي متحسر على الـ GBA SP والجيم بوي الكبير بدون الوان لاني تخلصت منهم وقبل
مدة قصيرة طلعت الجيم بوي كلر وفككته ونظفته من الاتربة والاوساخ

ps1 الكبير ما زال عندي وشغال تمام اخر مرة لعبت فيه كان برمضان الماضي وايضا عندي نسخة السليم منه

ps2 عندي لكن موب لي عندي الفات والسليم الجهاز الخاص بي اخترب فيه المذربورد على أيام 2005 :::cry:::

XBOX360 اخترب بسبب لمبات الديسكو سويت له اكثر من مرة عملية الفوطة بس ما نفعت وتم رمي جثمانه في مكب القمامة :disappointed:

PSP / DS مازالوا عندي ومحتفض فيهم واللعب بهم من فترة لفترة :relieved:

Wii مازال موجود جنب الـ Wii U وايضا اللعب فيه من وقت لآخر

PS3 بخليه عندي أكيد كوني ما بشتري الـ PS4 الا في وقت لاحق
 
المكان الي احتفظ بالاجهزة القديمة فيه
هو الزباله :v:

عمري ما فكرت ارجع اللعب لعبة قديمة
 
gears of war قال:
المكان الي احتفظ بالاجهزة القديمة فيه
هو الزباله :v:

عمري ما فكرت ارجع اللعب لعبة قديمة
أنقر للتوسيع...
لأنك على الأغلب ما تعبت بسعرهم
اذا كنت فعلا تقدر اجهزتك..على الأقل ترفعهم للخزانةأو تضعهم في مكان نظيف, أو تعطيهم لأخوانك الصغار عشان يلتهو فيه والجهاز الجديد يكون لك وحدك
 
بالنسبة لي كشخص عنده 3 اخوان اصغر منه مسألة التجميع قد تصل لمرحلة الاعجاز واقرب الى المستحيل :pensive: فإذا ما خرب وانرما في المستودع ولا الزبالة فمصيرة يضيع في مكان ما يعلم به الا الله 🙂
امتلكت تقريبا جميع الاجهزة بداية من السيجا جينيسس الى جميع اجهزة الحالي ما بقى منهم الا اجهزة الجيل الحالي
حاليا بما اننا الحمد لله انتقلنا لبيت جديد (اكبر من السابق وفيه مستودع كبير) فأتوقع فيه امكانية الاحتفاظ بالاجهزة الحالية وجمايتها من الضياع :::grin:::
 
يجب تسجيل الدخول أو التسجيل كي تتمكن من الرد هنا.
عودة
أعلى