hits counter

ايش تسوي لما تزعل\تتضايق؟

GYWN قال:
IMG-3987.gif
أنقر للتوسيع...
سوشل ميديا الطيبين :weary:
 
النوم وما ادراك ما النوم

غالباً الامور اللي تزعلنا تكون تافهه وماتسوى فلذلك بعد النوم غالبا انسى الموضوع
 
أستغفر ربي لحد ما ادخل الcooldown mode
 
اليوم زعلت زعل شديد من حركه فيها ظلم، وتحسبت مادري ايش كثر، وقلت دعاء توني متعلمته من حديث للرسول عليه الصلاة والسلام انه يزيل الهم والغم "الله (الله) ربي ولا أشرك به شيئا" وصيغه اخرى "الله ربي لا شريك له" وفعلا في لحظتها تحس ماي بارد يصب داخل، وانحلت المشكله وارتحت الحمدلله U_U
 
احاول اتذكر واقنع نفسي ليش متضايق اصلا
وبعدها يمكن اتضايق اكثر لان تضايقت مساعة

JTHf.gif
 
امشي مسافة ١٠ - ١٥ كيلومتر، الشياطين بيجيها انهيار غضروفي و تنسى ايش اللي كان مضايقك

لا تنسى تستخدم فازلين في نقاط الاحتكاك عشان ما تطلع لك خارطة طريق في جسمك
 
خشبة قال:
غير العباده والصلاه اللي منتهين من اثرها الايجابي.. بس مدري منين جبت هالعاده الشاطحه اللي اسويها هالفتره. صاير اذا تضايقت وقبل مانام اغمض واتخيل اني في صحراء شاسعة مظلمه وصوت المكيف هو صوت الرياح هههههههههه!

بس كمية استرخاء مقدر اوصفها..
أنقر للتوسيع...
قصتك قصة مع المكيفات الي صوتها عالي.
 
صراحه كنت أعتقد أني أعرف ايش اسوي لما أكون متضايق لكني أيضا لما أكون متضايق تنشل حركتي غالبا تحصلني
على الجوال و الي يسمم نفسيتي أكثر لكن أن شاء الله آخر مرة و اني استفيد من هذه الموضوع بأن اتعلم كيف اتعامل مع الزعل بشكل سليم
 
wael_boss90 قال:
صراحه كنت أعتقد أني أعرف ايش اسوي لما أكون متضايق لكني أيضا لما أكون متضايق تنشل حركتي غالبا تحصلني
على الجوال و الي يسمم نفسيتي أكثر لكن أن شاء الله آخر مرة و اني استفيد من هذه الموضوع بأن اتعلم كيف اتعامل مع الزعل بشكل سليم
أنقر للتوسيع...
الحل في صورتك الرمزيه ^^

اقرأ سورة يوسف خاصة لو زعلان من احد، تعلمك ان مهما اشتدت الصعتب وتسكرت الابواب من حولك فالفرج قادم وبشكل ما تتوقعه "بدأت برؤية جات وراها مؤامره، وانتهت برؤية جا وراها الفرج"
سورة مريم ايضا فيها ايات مريحه وحتى نبرتها بشكل عام تريح الاعصاب
سورة يس دايما يقولون زينه
القصص
الانبياء
الشرح
الضحى
 
Arashi قال:
الحل في صورتك الرمزيه ^^

اقرأ سورة يوسف خاصة لو زعلان من احد، تعلمك ان مهما اشتدت الصعتب وتسكرت الابواب من حولك فالفرج قادم وبشكل ما تتوقعه "بدأت برؤية جات وراها مؤامره، وانتهت برؤية جا وراها الفرج"
سورة مريم ايضا فيها ايات مريحه وحتى نبرتها بشكل عام تريح الاعصاب
سورة يس دايما يقولون زينه
القصص
الانبياء
الشرح
الضحى
أنقر للتوسيع...
تصدقين ما قد جربت وقتها بكون مخي مقفل مرة بس بجرب الحين احس من الحين بدايت أشعر بالراحة
لأن قبل كنت أقول بمشي أو سوي نشاط رياضي أو رسم
بس حرفيا مخي خارج التغطية لكن يمكن لو حطيت سجادة صليت ركعتين ثم قريت من هذه السور ارجع لأرض الواقع ^^ شكرا من القلب والله يكتب أجرك
 
wael_boss90 قال:
تصدقين ما قد جربت وقتها بكون مخي مقفل مرة بس بجرب الحين احس من الحين بدايت أشعر بالراحة
لأن قبل كنت أقول بمشي أو سوي نشاط رياضي أو رسم
بس حرفيا مخي خارج التغطية لكن يمكن لو حطيت سجادة صليت ركعتين ثم قريت من هذه السور ارجع لأرض الواقع ^^ شكرا من القلب والله يكتب أجرك
أنقر للتوسيع...
العفو وربي يفرج كربك ويجبر بخاطرك ^^
بعد القراءه سو أي نشاط من اللي ذكرتهم وراح تحس بمتعه اكثر ومزاجك رايق باذن الله :grin:
 
حسب مستوى الضيق/الزعل إذا كان كبير أدخل حالة صمت وعزلة قد تمتد لعدة أيام ثم أروق وحدي غالبًا.
لو كان عادي ممكن: آكل (أعاني من الأكل العاطفي)، أكتب، أتحدث مع شخص متفهم وأعرف ممكن يخفف عني لو ما ساعدني، أسمع قرآن لقارئ أحب صوته، أخرج مشوار بالسيارة وحدي
جربت المشي ولقيت زعلي تحول لغضب :sweatsmile:
 
النوم هو الهروب من الواقع واحسن حل
 
ألاقي حلول ويروح الضيق.وإذا مافيه حل أعطي نفسي فرصة أتضايق لأن من حقي أتضايق والنفس تتشافى مع الوقت.

الضيق/الزعل إشارات تخبرك إن فيه شي يحتاج حل/إصلاح/علاج.

أما الأكل/النوم/ الطبطبة مجرد مسكنات ألم.
وشفت ناس كثير أدمنت عالمسكنات وتركت العلاج.
 
قريت ان فعل الخير يخفف الضيق والحزن مثل التصدق وعيادة المريض...الخ
لكن هالفتره قاعد يصير معاي شي غريب، كل ما حاولت أسوي خير كأن ابليس يسلط علي ناس مؤذيين وتصرفاتهم مب طبيعيه حتى يسببون لي توتر وضيق.
وفي نفس اليوم يعني ما ينترك لي مجال اتهنى باللي سويته! @@
الحمدلله مداومه عالاذكار والدعاء واللي ربي يسره لي عشان أحمي نفسي، فغريب والله مؤخرا ما قاعده احصل مجال أتنفس.

احد مر بهالظاهره الغريبه؟
 
الموضوع له علاقة مباشرة بنسبة ال Dopamine بالجسد. اي شيء يرفع من البطارية تلك راح يحل المشاكل على المستوى القريب او البعيد. الامور التي ترفع من نسبة الدوبامين تعتمد على الشخص. تشمل امور مثل التدخين, الكاكاو وشرب الشاي, العاب الفيديو او حتى الاكل بشكل عام.
في العادة اغلب هذه الحلول قد تؤدي لنوع من الادمان في حالات الاكتئاب العالية ولن تكون حلاً مثالياً للمشكلة. الحلول النفسية المباشرة مثل الصلاة و السفر او النوم وتخيل انك في صحراء (&) هي الافضل على الاغلب. بالنسبة لي, تناول الحلويات ادمان مقبول به على المستوى القريب..
 
Arashi قال:
قريت ان فعل الخير يخفف الضيق والحزن مثل التصدق وعيادة المريض...الخ
لكن هالفتره قاعد يصير معاي شي غريب، كل ما حاولت أسوي خير كأن ابليس يسلط علي ناس مؤذيين وتصرفاتهم مب طبيعيه حتى يسببون لي توتر وضيق.
وفي نفس اليوم يعني ما ينترك لي مجال اتهنى باللي سويته! @@
الحمدلله مداومه عالاذكار والدعاء واللي ربي يسره لي عشان أحمي نفسي، فغريب والله مؤخرا ما قاعده احصل مجال أتنفس.

احد مر بهالظاهره الغريبه؟
أنقر للتوسيع...
أعتقد ربما هذه الشيء اختبار أو ابتلاء لرفع الدرجات والله أعلم لأن دائم الي يعمل الخير حتى من زمن الانبياء والرسل يقفون ضده ما اعرف قلت يمكن تمرين بمرحلة اختبار للثبات على الطريق هذه والأمر الأكيد أنه مؤقت وأنه لا يجب عليك التوقف عن العادة الطيبة
------------------

بالنسبة لي وضعت هدفين لما اصير زعلان اسويهم مؤخرا
الأول اني اقوم من مكان فورا أمشي بدون وجهة محددة
و الثاني اني العب بلايستيشن حتى لو كانت عندي خطط ثانية وقتها إذا كان يومي سيئ أو أشعر بمشاعر ثقيلة كثير
راح أوقف احاول اعيش طبيعي واذهب العب واجدد نفسيتي وكذلك صح وضعت اني اصلي من الصلوات السنن
 
للأمانة لا ارادي اتعوذ من الشيطان و اقول لا اله الا الله.. اجلس افكر بيني و بين نفسي و فيني طبع اذا متضايق اتابع وثائقيات لسبب ما &

اذكر جربت اني العب bloodborne على ايامها و كنت متنرفز من مشكلة عويصة.. قلت ممكن ان الاعصاب اللي فيني تكون حافز و اطلع حرتي فيهم.. لكن للأسف وكلوني تراب yharnam كامل و سوالف طلع حرتك بالعبة طلعت كذبة &
 
ا
Veeto قال:
اخذ الاولاد لحديقة العاب .. او اسوي اي فعالية معاهم
تكتشف من عيونهم ان الزعل ما يسوى .. الفرحة بمرجحانة او سلايد .. يخليك تفكر بقيمة الزعل او الضيقة

قبل الاولاد كنت اروح المقبرة .. اذا كانت النهاية قبر متر في متر ونص
فأي شي بالدنيا ما يسوى تضايق نفسك عليه
أنقر للتوسيع...
اسأل الله ان يبلغك فيهم اعلى المراتب و يرزقك برهم و يحفظهم من كل شر و عين يا رب.
فعلا البنون زينة الحياة الدنيا
 
  • أعجبني
التفاعلات: Veeto
Avicenna قال:
الموضوع له علاقة مباشرة بنسبة ال Dopamine بالجسد. اي شيء يرفع من البطارية تلك راح يحل المشاكل على المستوى القريب او البعيد. الامور التي ترفع من نسبة الدوبامين تعتمد على الشخص. تشمل امور مثل التدخين, الكاكاو وشرب الشاي, العاب الفيديو او حتى الاكل بشكل عام.
في العادة اغلب هذه الحلول قد تؤدي لنوع من الادمان في حالات الاكتئاب العالية ولن تكون حلاً مثالياً للمشكلة. الحلول النفسية المباشرة مثل الصلاة و السفر او النوم وتخيل انك في صحراء (&) هي الافضل على الاغلب. بالنسبة لي, تناول الحلويات ادمان مقبول به على المستوى القريب..
أنقر للتوسيع...
عالاقل تخيل انك في غابه قرب بحيره ... مب صحراء X"D
ويسسسس تناول الطعام اللذيذ وايد يساعد، بالنسبه لي اقوم أعمل كركي السبيشال ومجرد ما أشم ريحته النفسيه تصير 10\10 الحمدلله 👁️👃👁️

 
ما في شيء يزرع السكينة و الطمأنينة في نفسي إلا الذكر و العبادة و قراءة القرآن، أي شي ثاني يكون له تأثير مؤقت فقط و يروح

أحيانًا أفضفض لدائرة ضيقة جدًا من الأشخاص، لكن للأسف حتى هذا الشيء صرت أمتنع عنه بسبب سوء الفهم

الفيديو جيمز تساعد، خصوصًا الألعاب التي تحتوي طاقة إيجابية.
 
يجب تسجيل الدخول أو التسجيل كي تتمكن من الرد هنا.
عودة
أعلى