اوكي بعد طقطقة سريعة للتعرف على نظام اللعبة شوية ملاحظات
-الذكاء الاصطناعي أفضل من اللي كنت متوقعه ممتاز جدا وجاي مباشرة من نينجا جايدن خصوصا جزء بلاك.اتمنى يستمر لنهاية اللعبة بهذ النسق ومايكون فيه تدرج بين صنف وثاني من الأعداء.النقطة اللي كنت متخوف منها بسبب العروض المعوقة ضمنا جودتها عالاقل من اللي جربته بالديمو
-فكرة التشالينجينج المنتشرة عجبتني اهم شي يكون فيه ريوردز تسوى.عانيت مع اللي ليڤلاتهم ١ فمابالك مع التشالينج اللي ليڤله ٣ وقاطينه لي من بداية اللعبة /:
-الشورت كت للادوات عملية لكني تمنيت انها تكون منفصلة عن الاسلحة بدل الخلط بينهم في شورت كت الدي باد
-الاقتباس من سلسلة سولز مبالغ فيه كثييير وطامس هوية اللعبة وهذ مضايقني صراحا لأنهم مسوين كوبي بيست لغالب نقاط سلسلة سولز لا منيو ولا ليڤل اب الخ.المشروع عنده فرصة بتكوين هويته الخاصة بشكل كامل لو ارادو.لولا نمط التوجه في قصتها واحداثها وستايل الكومبات سيستم وسرعة الرتم في اللعبة وبيآتها لقلت هذي جزء من بلودبورن او دارك سولز.متحمس للعبة لكني محبط من هالتوجه المبالغ فيه
-اللعبة تحتاج بلانس في مايخص استهلاك الهيلث ولستامنا تحس ان البالانس مكسور مقارنة مع المردود اللي تعمله او تتلقاه.البارات حجمها كبير شكليا فقط وما تحس انها تتلائم مع معطيات اللي تعمله بالواقع.اتمنى أني ماجت العيد في الشرح
😀
-فكرة التسجيلات الصوتية جاية من لورد اوف فالين مباشرة.اضافة لا باس فيها
- الكاميرا وقت اللوك اون تحسها معوقة خاصة لما تبغى تبتعد عن العدو بالانالوج وبدون ما تضغط على لبلوكينج*او ممكن حتى مع الضغط مادري* تشوف الشخصية تهرب وانت الريدي مسوي لوك اون عالعدو!!!.هالحركة تخليك تتشتت وتظن انك مو مسوي لوك اون مت كثيير بسبب هالشغلة /:
-النقطة الأهم واللي كثير شباب هني تطرقو لها وهي الموڤمنت سيت او الوضعيات الثلاث.بالمختصر هي لب اللعبة وماهي متواجدة عبث او انه ماله داعي مثل ما اخونا
@sol-bad يعتقد.نجي للتفصيل بناء على سلاح الكيتانا بما انه المتوفر للحين واللي ما اظن بيفرق مع الأسلحة الثانية من حيث الاساس
١- R1+اكس: هو الهجوم السريع مفيد للاعداء ذات الرتم السريع والمباغت. ميزته يستهلك ستامنا اقل وهالشي يتيح لك ضربات متتالية اكثر للتنفيذ لكن في المقابل يسبب ضرر اقل ينفع للاعداء الصغيرة واللي حركتها سريعة وتستخدم الاسلحة الخفيفة للهجوم عليك.ميزته الثانية كسر الدفاع خصوصا اذا تواجدت أعداء بدروع بيكون مفيد ضدهم كون هالنمط ضرباته تجي من الاسفل
٢-R1+مربع: هجوم متوسط السرعة ينفع للاعداء اللي حركتها بطيئه شوي وتستخدم أسلحة متوسطة الوزن مثل الفؤس الكبيرة شوي وغيره.يستهلك ستامنا اكثر بشوي من النمط الاول لكنه يسبب ضرر اكبر.الضربات بهذ النمط تكون بشكل افقي يصلح بعمل كومبو مع النمط السريع خصوصا في الامتار الاخيرة من القتال
٣-R1+مثلث: النمط الثقيل يشفط لستامنا شفط لكنه يسبب ضرر كبيير ضرباته تجي بشكل عمودي. الضربات بهذ النمط بطيئة السرعة لكنها مركزة.يصلح للاعداء البطيئه الهجوم والثقيلة الحركة مثل الأعداء الضخام او اللي تستخدم اسلحة ثقيلة اللي تفاديهم يكون اسهل من غيرهم.مع الأعداء السريعة مايوكل عيش ابدا
هذي فقط اهم الفروقات لهذي الانماط ومش كل شي.راح نشوف التفنن في الخلط مابينها لعمل الكومبوز المجنونة خصوصا مع التطوير وفتح قدرات او ضربات اكثر ان وجدت.كاني المح عودة جنون دمك٣ في الكومبوز وخلط لستايلات
