hits counter

الموضوع الرسمي الموضوع الغير رسمي لنقاش مراجعات The Legend of Zelda : Breath of The Wild, عشرات بالعشرات!

الحالة
مغلق و غير مفتوح للمزيد من الردود.
شعوري في السماء، عالي مثل منصب اللعبة!

ahPH4gz.png
 
Zero_IYAD قال:
أوه.
عذراً ما أتابعهم و اسمهم جديد علي, فما فهمت ردك الأول : )
أنقر للتوسيع...
طاقم Game trailers بعد ما قفلوا موقعهم أسسوا هذي القناة قبل...سنة تقريبا؟ -متى خلصوا سنة...-
 
MH MD قال:
تراها 9...تسعة من عشرة، تقييم ممتاز، جدا ممتاز....
هذي اسوا من حادثة ال8.8 حقت توالايت برينسيس..


السبب الرئيسي حقهم كان مشاكل الفريم ريتس المتكررة، عرضوا مشاهد في الفيديو حقهم تقطع اللعبة فيها بشكل فظيع

ايضا ملاحظة ما اعتقد انها "سلبية" لكن شيء لاحظه كفان للسلسلة

الدنجنز الرئيسية يقول انها مش بتميز الاجزاء السابقة ومش بطولها، اقصر بفرق، لكن هالشيء يتعوض طبعا بالزعماء الممتازين داخلها، ووجود الكثير من المعابد المصفرة في العالم بجميع الاحوال
أنقر للتوسيع...


اللي مزعل الناس كيف يقدرو يعطو لعبة The Last Guardian العلامة الكاملة 5/5 وهي فيه مشاكل لاتعد ولاتحصى ويوم وصلت المراجعة لـ zelda صارو يعرفون الحياد
 
Void-X قال:
اللي مزعل الناس كيف يقدرو يعطو لعبة The Last Guardian العلامة الكاملة 5/5 وهي فيه مشاكل لاتعد ولاتحصى ويوم وصلت المراجعة لـ zelda صاير يعرف الحياد
أنقر للتوسيع...
المراجعتين من شخصين مختلفين
 
منتظر توصل 99% عشان تكون للتاريخ
فيه أمل؟؟
 
AMA1983 قال:
منتظر توصل 99% عشان تكون للتاريخ
فيه أمل؟؟
أنقر للتوسيع...
ممكنة جدا بس صعبة جدا في نفس الوقت، ما تدري في أي لحظة تشوف واحد يرمي 4/10 و يخرب المعدل
 
كعادة السلسلة.ماكنت متوقع شي اقل من ٩٠++.مبروك لعشاقها وهارد لي لأني مو من مناصري التوجه الكرتوني في الرسم بهذي السلسلة.استمتعت بتوايلايت برينسيس وكانت سبب اساس لشرائي لكيوب يوم عرفت انها مو سيل شيديد.اتمنى جزء ثاني برسوم واقعية لان هالسلسلة تستحق ان تظهر بمظهر واقعي بالنسبة لي 🙁

جيل خووورافي للمطور الياباني ماكنت بطلب نص اللي قاعد يصير في هالجيل ولا حتى في احلامي
 
Void-X قال:
اللي مزعل الناس كيف يقدرو يعطو لعبة The Last Guardian العلامة الكاملة 5/5 وهي فيه مشاكل لاتعد ولاتحصى ويوم وصلت المراجعة لـ zelda صارو يعرفون الحياد
أنقر للتوسيع...
زي ما قال بن عفيف، شخصين مختلفين، وبجميع الأحوال ما قالوا غير الكلام الطيب عن زيلدا، مراجعتهم كانت ممتازة بالحقيقة ومن احسن المراجعات اللي شفتها وأظهرت لي محاسن كثيرة باللعبة ما لاحظتها قبل كذا، بس البعض متجاهلها عشان رقم اعتباطي بنهاية المراجعة، لو حط نفس المراجعة لكن ب5 نجوم بتشوف مقالات المدح والتبجيل لها، مع انه حرفيا....ما يعني شيء، مش كأنه 4.5/5 رقم سيء يعني، تراه ممتاز جدا! مدري ليش الزعل والانسبسكرايب وما الى ذلك...كأن زيلدا المقدسة حرام انها تاخذ شيء اقل من 10 حتى لو كان لسه رقم ممتاز ... في النهاية هم لعبوا اللعبة وقيموها واعطوا رأيهم فيها، والمعارضين اجزم انهم ما لمسوا اللعبة لسه حتى لكن لسبب ما شايفين ان رأي المراجع الفان اللي يحب السلسلة ولعب اللعبة فعليا فوق ال60 ساعة واعطاها مراجعة ايجابية جدا وسكور عالي....غلط.
 
التعديل الأخير:
MH MD قال:
زي ما قال بن عفيف، شخصين مختلفين، وبجميع الأحوال ما قالوا غير الكلام الطيب عن زيلدا، مراجعتهم كانت ممتازة بالحقيقة ومن احسن المراجعات اللي شفتها وأظهرت لي محاسن كثيرة باللعبة ما لاحظتها قبل كذا، بس البعض متجاهلها عشان رقم اعتباطي بنهاية المراجعة، لو حط نفس المراجعة لكن ب5 نجوم بتشوف مقالات المدح والتبجيل لها، مع انه حرفيا....ما يعني شيء، مش كأنه 4.5/5 رقم سيء يعني، تراه ممتاز جدا! مدري ليش الزعل والانسبسكرايب وما الى ذلك...كأن زيلدا المقدسة حرام انها تاخذ شيء اقل من 10 حتى لو كان لسه رقم ممتاز ...
أنقر للتوسيع...

للأمانة قريت مراجعتهم و جداً كويسة و تذكر اشياء اغلبية المراجعات ما ذكرتها حمستني للعبة. بشكل عام ايزي الايز مراجعاتهم من اكثر المراجعات الي انتظرها لأي لعبة فغريبة عدم اشتراك و ليش و مدري وشو عشان تسعة!

للتذكير يمكن يعدلونها بعد ما تنحل المشاكل مثل ما سوو مع بلودبورن. بلودبورن كانت تسعة و شوي و عدلوها لعشرة بعد فترة.
 
مؤسف إني بعت الوي يو كانت حتكون تجربة ممتازة -_-
بنشوف أراء اللاعبين الفعلية بعد اللعب وننتظـر
إن شاء الله في E3 نتيندو تعلن مونستر هنتر وبوكيمون للسويتش عشان أشتريه.
 
شي متوقع جدا من زيلدا استغرب تفاجئ البعض اللعبة متعوب عليها وصنعت بضمير ..
جا سؤال ببالي هل اللعبة لو انها حصرية للوي يو كان ممكن انها تنقذه ؟:neutral:
 
شفت مراجعة جيم سبوت قبل شوي .. طيب المراجعة كلها على بعضها ما فيها شي يقنعك إن اللعبة 10 / 10 كنت أتوقع مراجعة أفضل بكثير من هذه وكأن المراجع عاملها بالغصب .. أو إنه عامل فيديو بلاي ثرو. فيه مراجعات فيديو أفضل للعبة ؟
بس الجيم بلاي واضح متين وفيه أشياء مذهلة .. ( من الممتاز نتيندو طلعت خارج الدائرة المعتادة ).
 
Dead قال:
جا سؤال ببالي هل اللعبة لو انها حصرية للوي يو كان ممكن انها تنقذه ؟:neutral:
أنقر للتوسيع...
ما أظن ، بداية الوي يو كانت سيئة لو هالألعاب أعلنت للوي يو مع البداية ممكن الوضع مختلف.
 
MH MD قال:
زي ما قال بن عفيف، شخصين مختلفين، وبجميع الأحوال ما قالوا غير الكلام الطيب عن زيلدا، مراجعتهم كانت ممتازة بالحقيقة ومن احسن المراجعات اللي شفتها وأظهرت لي محاسن كثيرة باللعبة ما لاحظتها قبل كذا، بس البعض متجاهلها عشان رقم اعتباطي بنهاية المراجعة، لو حط نفس المراجعة لكن ب5 نجوم بتشوف مقالات المدح والتبجيل لها، مع انه حرفيا....ما يعني شيء، مش كأنه 4.5/5 رقم سيء يعني، تراه ممتاز جدا! مدري ليش الزعل والانسبسكرايب وما الى ذلك...كأن زيلدا المقدسة حرام انها تاخذ شيء اقل من 10 حتى لو كان لسه رقم ممتاز ... في النهاية هم لعبوا اللعبة وقيموها واعطوا رأيهم فيها، والمعارضين اجزم انهم ما لمسوا اللعبة لسه حتى لكن لسبب ما شايفين ان رأي المراجع الفان اللي يحب السلسلة ولعب اللعبة فعليا فوق ال60 ساعة واعطاها مراجعة ايجابية جدا وسكور عالي....غلط.
أنقر للتوسيع...

ردود الفعل في عالم الألعاب دايماً عاطفية، بس لما تشوف الناس زعلانة من تقييم 9 ( :tearsofjoy:!) بتعرف انك قدام شيء خرافي XD
 
AMA1983 قال:
منتظر توصل 99% عشان تكون للتاريخ
فيه أمل؟؟
أنقر للتوسيع...

لا، مستحيل.
معدل تقاييم اللعبة حاليا تقريبا 97.75، أعتقد إن ميتاركرتك يقرب المعدل لأقرب عدد صحيح فلازم يوصل معدلها 98.5 علشان تكون 99، هالشيء يتطلب حوالي 30 مراجعة تقييمها 100! الموضوع جدا صعب.
بأمانة حصول بريث اوف ذا وايلد على معدل 98 ب61 مراجعة انجاز أكبر بكثير من حصول أوكارينا على معدل 99 ب22 مراجعة.
وفي النهاية ما راح تفرق معاك، إنت بتلعب بريث اوف ذا وايلد وبتحدد أي جزء أفضل: هي لو أوكارينا، هذا رأيك انت مهما كان رأي المواقع 😉 فلا تشغل بالك كثير.
اللعبة الأعلى تقييما هذا الجيل بفارق 5 نقاط enough said.

Silent-Horror قال:
بس الجيم بلاي واضح متين وفيه أشياء مذهلة .. ( من الممتاز نتيندو طلعت خارج الدائرة المعتادة ).
أنقر للتوسيع...

طول عمرها زيلدا تخرج عن الدائرة المعتادة، حتى في أقل الأجزاء تقضيلا من قبل الفانز (سكايوارد سوورد)
 
White Soul قال:
طول عمرها زيلدا تخرج عن الدائرة المعتادة، حتى في أقل الأجزاء تقضيلا من قبل الفانز (سكايوارد سوورد)
أنقر للتوسيع...
سكايورد سورد أفضله على تواليت برنسس بس الاختلاف هنا كبير جدا مثل ما شفت في فيديو المراجعة .. القتال أصبح المتعة الأولى في اللعبة كما يبدولي.
 
"مالقوا في الورد عيب قالوا يأحمر الخدين" 😀
ابدا ماينفع اتحرش باللعبه اصلا عيييب لو بفكر 😛

بالمناسبه مالعبت من زيلدا الا جزء وحيد من ايام N64 والله العالم اني برجع للسلسله قريب
 
اوووف ياساتر والله تقييمات مسكتة تحس ننتندو جابت سطول تراب و كتتها في حلوق الجميع ههههههه... أحييهم و الله شي غير مستغرب زيلدا و ماريو لعبتهم و صعب بقوة يجيبون العيد فيهم

شخصيا ما كنت طاق خبر للسويتش نهائيا و اخر لعبة زيلدا لعبتها كانت ويند ويكر لكن بعدها سحبت على أجهزة ننتندو بالكلية بعد خمبقة الوي والوي يو،،،

لكني تحمست مع التقييمات و رحت دورت و لقيت الجهاز موجود بأمازون الفرنسي و طلبته،، لكن بعد شوية تفكير و سيطرة ال buyer's remorse علي كنسلت الطلب لسببين أولهم أني متأكد ان الجهاز راح يجمع غبار لأن مكتبته مافيها أي شيء يناسبني ((أو يناسب عيالي على الأقل حاليا)) و الشي الثاني ما اتوقع ان عيوني بتتأقلم مع الرزلوشن المخيس.. (720p/900p.. منكم لله يا ظلمة هههه)

حرام لعبة بذا المستوى تكون ويستد بوتنشل تخيلوا فقط لو كانت بجرافيكس لعبة مثل ذا ويتشر كانت بتكون عظمة على عظمة هههههه.... يلا معوضين خير و ان شاء الله يجي يوم ينزلون ايميوليتر للسويتش على البي سي و نقدر نلعبها بشكل نظيف و مريح للعين

تهانينا للفانز ان شاء الله تستمتعون فيها،،،
 
^
فيه ايموليتر للوي يو .. واللعبه مسألة وقت وتشتغل عليه وتقدر تلعبها 4K .. افكر بالخطوه
 
ynW1cd3.jpg


بعد تجربتي البسيطه للعبه ( 4 ساعات تقريبا)
اللعبه سااااااحره والعالم سااااااحر ساااااحر أتعب وانا اقول ساحر وجذاب
اذكر لما كنت اشوف مقاطع جيمبلاي انبهر من جمال المناظر ولكن لما لعبتها وجربتها جاني انبهار اعظم
الطبيعه اللي حولك كأنها طبيعه حقيقه ,,, الاصوات جداً حقيقيه وطبيعيه وصوت الريح والهوا وتحريك العشب شي رائع
ناهيك عن الحيوانات والطيور المتنوعه والاعداء كلهم حركتهم طبيعيه
هالصوره كنت صاعد مكان مرتفع واشوف تحتي ولا اثنين من البوكوبلين يلحقون خنزير بري بيصيدونه :tearsofjoy:
8WXxvDG.jpg


التفاعل بين الطبيعه والحيوانات متقن جداااااا ,,, يعني عادي وأنت تمشي تلقى جنبك سنجابين يلعبون مع بعض يشوفونك وينحاشون

وولف لينك جربته نص ساعه تقريباً آخر شي قبل لا أسكرها
شي خطييييييير ,, وناسه لما تتمشى وهو يمشي جنبك ويقاتل معاك
بس الله يهداه مندفع واجد :sweatsmile: اذا لمح اي احد راحله يركض ويبلشني معاه ,,, يخليني أضطر اروح اقاتل معاه وأجيبه

شوفوا اللقطه اللي صارت معاي قبل شوي ,,, جاي على أقل من مهلي بصيد بط عند البحيره ,, صورت لأن عجبني المنظر
المهم ,, وانا قاعد ازحف وأقرب منهم

XKaOkls.jpg


يجيك هالأثول اول ماشافهم راحلهم ركض وطاروا

7AKYA08.jpg


والله رفع ضغطي :tearsofjoy: بس اعترف ان وجوده زاد المتعه أضعاف وأضعاف ومن الحين راح يكون معاي 24 ساعه :hearteyes:

-----

بس فيه كم شغله ماعجبتني
أول شي واهم شي عندي مايحطون كم ساعه لعبت اللعبه ,, هذا الشي مهم جداً بالنسبه لي
شي غريب جداً ,,, حتى الثري دي اس كنت تدخل عالسيتينقز وتشوف كل لعبه شكثر لعبت فيها

والشي الثاني ،، في بعض الحيوانات السريعه اللي تطلعلك بسرعه مثل ضب او سحليه (مادري شنو بالضبط) او السنجاب ,, مايمديك تلحقهم وبسرعه يختفون
كنت قاعد ألحق سنجاب وراح عند سور وفجأه اختفى ,,, ماعجبتني هالسالفه المفروض اذا فيه سور يروح يمين او يسار مو يختفي
وفيه بعد جم شغله بس ناسي الحين وحدي دايخ

-----

هذا انطباع سرييييع جداً بأقل من 4 ساعات والقادم أجمل ان شاء الله

LsAtaaN.jpg
 
C RONALDO
الصور قتلتني 🙁
بس لحظه هدي نسخه السويتش ؟ وبعدين حط انطباعاتك بالموضوع الرسمي للعبه :/
 
قاعد العبها عالسويتش (بورتبال ماجربتها عالتلفزيون ليلحين)
اللعبه طالعه جمييييييييله جداً على شاشة السويتش والصور والفيديوات ظالمتها حييل للأسف
القصه ليلحين بالبدايه واشوفها عاديه ليلحين مافيها شي مميز
 
  • أعجبني
التفاعلات: Lyn
الحالة
مغلق و غير مفتوح للمزيد من الردود.
عودة
أعلى