المعتقدات

[Mista Koo]

اذا لمست القطوة ولمست شعرك ,, يطيح شعرك :whistle: ( كنت احاول ما ألمس شعري الين ما اغسل ):sarcastic:

هي فيها شوية منطق.. لأن من بعض القطط يجي للإنسان مرض الثعلبة اللي يسبب تساقط الشعر (واحد يقرب لي كان عنده وصار نص راسه صلعات صغيرة)

 

[Evolution]

آآآآآه لو MythBusters يقرون هالموضوع


حلقات 10 مواسم جاهزة عندهم !!!

من المعتقدات انه اذا ما رجيت (خضيت) العصير قبل لا تشربه ...... تموت!

 

[MoShaKiS]

كفو ووفو الشباب , حمار القايله وام السعف والليف . . . الخ من سوالف الكبار :d

بس باقي واحد اللي هو عبد السله :razz:: هذا ساكن بالاماكن اللي بها ماء

مثل بركة البيت والقليب ( البئر :razz:: ) المهم كانو يخوفونا عشان مانقرب من

الأماكن هذي والا بيسحبك ويغرقك :what:​

 

[Lunar Poet]

- إذا إثنين قالوا نفس الكلمة في نفس الوقت بيجي حظ زين لأول واحد فيهم يطرق على الخشب (و في رواية: يلمس شي لونه أحمر)

.


Edit:

- إن الواحد يقص أظافره و يرميهم في أرض البيت، هذا الشي يسبب الخلاف بين الأم و الأب :×

- "السبت ردود"، لو توفّى أحد فالعزاء ما يكون يوم السبت، لأن هذا الشي يسبب مصيبة ثانية لأهل بيت المتوفّى!

- البيت ما ينكنس في الليل لأن هالشي يسبب الفقر.


:sarcastic:

 

[Dante]

اذا عطست على شي وانت تذاكر , بيجيك بالاختبار >< !

 

[persona]

على طاري الجزر

هناك معتقد بعد الغزو العراقي يقول انه جزيرة فيلجا مسكونة

رحلتها قبل 3 سنين ..كلها بيوت هدام او مجهوره ..بيني وبينكم ..مو مستبعد هالشيء :x

 

[pacino]

-اذا اثنين قالوا كلمه بنفس الوقت ..لازم واحد منهم يطق الثاني بسرعه..لان إلي يطق اول راح يتزوج اول
-اذا واحد كان منسدح على الارض ومر شخص فوقه لازم يقول
"تخطريتني ما ضريتني..مضرتك على نفسك"..وليش نقولها ..ما ادري! لووول
- عند الغرب اذا اثنين شافوا شهاب..يعني راح يحبون بعض للابد..لكن بطفولتي اتذكر شفت شهاب انا ورفيجي..جان اتلعثم رجولي واطيح وانشق راسي وتهاوشت مع رفيجي..

 

[Solay]

اللي يقتل نمله تجيه امها تقرصه بالليل..:whistle:

- عند الغرب اذا اثنين شافوا شهاب..يعني راح يحبون بعض للابد..لكن بطفولتي اتذكر شفت شهاب انا ورفيجي..جان اتلعثم رجولي واطيح وانشق راسي وتهاوشت مع رفيجي..

ههههههههههههههههههههههه

 

[Niessu7]

ما في بالي شيء معين ..


بس اذكر شيء واحد احين ..


اني كنت اخاف أنــام وانا صغير على بطني .. كنت افكر لو نمت على ظهري ماراح يجي لي ملك الموت عزرائيل وياخد روحي !!! .. :evil:: <<< عن جد تفكير ماله داعي :spy:


لي رجعة للموضوع ..! ​

 

[Solay]

^
كلامك مو واضح يعني انت تنام على ظهرك وإلا بطنك؟!

 

[Niessu7]

^
كنت اخاف انام على بطني .. <<< كنت افكر انه بيستغفلني وماراح اشوفه

لو ركزت شوي في الرد بتفهمه !! ..

تعديل : كنت انام على ظهري <<< يبي يدوخك :laugh::

 

[53]

اذا عطست على شي وانت تذاكر , بيجيك بالاختبار >< !

وناسه لو صج! اقعد طول الليل اعطس غصب واحضر الإمتحان وادرسه. الحياة جميلة.:xd:

 

[iCrow]

مــرحباً ,,, ​

لما كنتـ العب كمبيوتر لحـالي بدون ما يكون يلعب وياي احد وكان الشرط كورة مثلاً اقول الحين من يتحكم بالفريق الثاني :what: احتمال واحد في مكان ثاني أو راعي المحل الي شريت منه :inlove:
​

نفـكر بالمزيد ونرجع لكمـ :sarcastic:​

 

[Solay]

^
اخوي ماادري وين السب في الرسول او شي زي كذا بهالموضوع..!!

 

[Solay]

^
اوكي ياليت لو تحرر ردك يوسف اجتنابا لتجاوز الحد والإثم عليها..

 

[G7Ga7]

ما ادري اذا قلتها لاحد .. ؟ معتقد شخصي !

يوم اني صغير .. لما كنت العب بالـSNES ضد الـAI في لعبة انترناشنل سوبر ستار سوكر .. كنت اتوقع ان الي يلعب ضدي واحد قاعد في برج التلفزيون بالرياض يلعب ضدي :laugh::

 

[Mista Koo]

أخ snake بما أن الرد تحرر يا ليت تحذف ردك تجنبا للإثم

 

[Lone Wolf]

لوووول على المعتقدات الخنفشارية:laugh::

يقولك اذا مشيت في الصحراء ولقيت جمجمة اعرف انك بتموت قريبا<<< امس سامعها الحبيب :razz::.

 

[Sky Walker]

وانا كنت صغير .. اذا مرت طائرة قريبة من منطقتنا اقوم اخاف وابكي واقول ان الشمس بتنفجر

وام السعف والليف والبرصي واشيا كثيرة غريبة xD

 

[Double T]

ما ادري اذا قلتها لاحد .. ؟ معتقد شخصي !

يوم اني صغير .. لما كنت العب بالـSNES ضد الـAI في لعبة انترناشنل سوبر ستار سوكر .. كنت اتوقع ان الي يلعب ضدي واحد قاعد في برج التلفزيون بالرياض يلعب ضدي :laugh::

اخيرا عرفت مين صاحب فكرة الأوتلاين جيمنج 😀

 

[Denso]

- الي يستحي مايجيب ولاد .
..... فيه شيئ من الصحة

 

[Ash Storm]

اسمع بعض الناس تقول:
الي تخاف منه ما يجيك احسن منه!!

 

[AMG]

قناعة شخصية :

1-الحياة عادلة ، والي يعمل خير يلقاه و الي يعمل شر يلقاه ولو طال الوقت
2-الي يعامل الناس على اساس انه اذكى منهم ، هو اغبى واحد فيهم

 

[Saadawii]

2-الي يعامل الناس على اساس انه اذكى منهم ، هو اغبى واحد فيهم

حكمة مشاهدة كثير بالحياة اليومية. ذكي.

 

[Magnificent]

يوم اني صغير .. لما كنت العب بالـSNES ضد الـAI في لعبة انترناشنل سوبر ستار سوكر .. كنت اتوقع ان الي يلعب ضدي واحد قاعد في برج التلفزيون بالرياض يلعب ضدي :laugh::

:xd:

يوم كنت العب في صخر كنت اتوقع اني اذا وصلت لعدد ضخم جداً من النقاط بيطلع لي من فتحتات التهوية فلوس

 

[Fatal Error]

يوم اني صغير .. لما كنت العب بالـSNES ضد الـAI في لعبة انترناشنل سوبر ستار سوكر .. كنت اتوقع ان الي يلعب ضدي واحد قاعد في برج التلفزيون بالرياض يلعب ضدي :laugh::

ايش معنى برج التلفزيون شكلك نفسك تسير مذيع وانت صغير:laugh:: بس تصدق كان عندي نفس الشعور بس طبعا اللي يلعب معاي مو في برج التلفزيون واحد ثاني مشتري اللعبة زيي (اونلاين:laugh:🙂

في كم شي الشباب قالوها ومنها الوزغ:yuck:: اللي اكرهه واول اشوفه انادي اخوي الي اصغر :whistle: مني عشان ......:sarcastic: المهم اتذكر بعض الاشياء زيادة

-انه اذا كان في برق وكنت لابس احمر حيصقعك البرق.
-اذا مشيت على واحد منسدح ماراح يطول.
-سمك +حليب =تسمم

.............................بس هذا اللي اتذكره الحين.

 

[Solay]

انا كنت احسب اللعب دايم اونلاين يعني لو العب ضد احد بسيارات او ا شي ان فيه شخص ثاني يلعب معي..

 

[Majeed]

كنت أظن ان الفلوس تروح للصرافات عن طريق ممر تحت الأرض :laugh:: ،،

 

[Photon]

كان زمان يقولولي اذا حسيت برعشة معناه انو ملك الموت مر جنبك:wow:

أختي كانت تحسب أنها لما تلعب جيمز احنا نتحكم فيهم في عالمنا وهم يتحكموا فينا في عالمهم:laugh::

 

[Photon]

كنت أظن ان الفلوس تروح للصرافات عن طريق ممر تحت الأرض :laugh:: ،،

شي مشترك:laugh::