المعتقدات

[Snake-87]

- إذا نعالك (عزكم الله) صارت فوق بعض وانت مو لابسها يعني راح تسافر قريب

- إذا حكتك يدك اليمين فيه شي زين راح يصير والعكس صحيح

- إذا فيه شعرة من رموشك فوق جفن عينك تمنى قبل لا تشيلها .

- إذا طاح ضرسك اول مرة : يا شمس اعطيج ضرس حمار عطيني ضرس غزال xD

- إذا انكسر الكوب علامة سيئة (باليابان)

- المشي تحت السلم يجلب النحس

- المرور بطريق مرت فيه قطة سوداء يجلب النحس

- كسر المرآة يجلب النحس

- حذوة الحصان وورقة ام اربع نوفل يجلبون الحظ

- إذا رجلك ضربت عتبة الباب تجلب الحظ السيئ

- إذا انحصرت لازم تروح دورة المياه

كله خرابيط وكلام فاضي

 

[hamad 11]

- إذا طاح ضرسك اول مرة : يا شمس اعطيج ضرس حمار عطيني ضرس غزال xD

هذي عاد أكثر من 5 سنوات وانا احاول افك شفراتها


يعني ايش رح اسوي بضرس غزال مثلاً !؟ :sarcastic:

 

[F.JUBRAN]

يعني ايش رح اسوي بضرس غزال مثلاً !؟ :sarcastic:

عندنا ضرس اسد:w00t:

 

[Saadawii]

السعلو، السعلاة، السعلية، اسطورة يقولون انها صدق :w00t:

بس هذي امور بدأت تنقرض للأسف، أقصد من الناحية التراثية.

 

[Double T]

Still Alive عندي لك سؤال.. حمار القايلة = الدنجيرة = النمنم ؟ ههههههههه وناسة :xd:

و احنى صغار كنا نخاف نمر من صندقة على طريق بيت جدي .. نعتقد ان النمنم هناك :razz::

- حركة اكثر ما يسويها الحريم اذا اغتابت احد و تذكرت انه حرام باصبعها تشيل شي من لسانها و تسمحها تحت رجلها ( كانها شالت الغيبة من لسانها و دعست عليها لوول )

- كانوا دايما اذا ما غلقنا الصحن على الأكل يقولوا لنا الباقي راح يجري وراك يوم القيامة

هذا الي في بالي بعد التعصر

 

[Koshiro]

اغرب شي سمعته كان من احد زملاء الدراسة يقول لك

الي يشوف طير في الليل ومايتلحف بلحاف ويغطي وجهه يموت!!!!


سؤال: هل ريح ام حمد تعتبر مثل ام السعف والليف وحمارة القايلة والا وش؟

تعديل:

وأول ما تاكله البسة الألم الي في بطنك حيروح منك ويجي فيها

ههههههههه اجرام

 

[Hardcore Gamer]

- في التمهيدي ... لمن اي احد يرسم جمل او اي حيوان لازم يحط خط على رقبته علشان ما يجيه يوم القيامه ،،،

 

[Koshiro]

- في التمهيدي ... لمن اي احد يرسم جمل او اي حيوان لازم يحط خط على رقبته علشان ما يجيه يوم القيامه ،،،

مهيب خرافة اعتقد لان الله يكلفهم بنفخ روح فيها والا؟

 

[The Bloodstains]

وفي خرافة ثانية عند العرب ، إلا وهي رؤية البومة تعني سوء الحظ ..

 

[Old Snake Solid]

باليابان إذا عطست معناتها في واحد يتكلم فيك/يغتابك أو عالأقل في الأنمي

^
واذا انكسر القلاص..صار شي سيء :razz::

 

[BioMario]

ههههههه فعلاً أشياء وايد غريبة مادري كيف الناس يطلعونها ..

إلي أعرفة أن إذا واحد قعد في كرسي و قام و تحت المكان إلي كان قاعد عليه حار يعني في حرارة هذا يعني عنده فلوس كثير .. لوووووووووووووووووووووووووول ..

 

[JOKER MASK]

امممم

اذا طمرت على احد ( يعني مشيت عليه وهو نايم ) يقصر طوله

القطوه السودا اذا شفتاه استغفر ربك لانه ممكن تكون جني او قطوه متلبس فيها جني

 

[Magnificent]

لما قلعت أول سن قالت لي الوالدة الله يحفظها اطلع السطح و ارميه جهة الشمس و اقول يا شمس خذي سن الحمار (احم 😀) و عطيني سن الغزال

 

[Magnificent]

إلي أعرفة أن إذا واحد قعد في كرسي و قام و تحت المكان إلي كان قاعد عليه حار يعني في حرارة هذا يعني عنده فلوس كثير .. لوووووووووووووووووووووووووول ..

الاسطورة اللي سمعتها انا انه بيجيه فلوس ، و محسوبك يعتبر دفاية متنقلة ، و قيلت لي الكلمة هذي عدة مرات (مزح أكيد) و إلى يومك ما شفنا الفلوس 😀

القطوه السودا اذا شفتاه استغفر ربك لانه ممكن تكون جني او قطوه متلبس فيها جني

من ناحية انها جني محتمل ، لان بعض العلماء (بعض ضد معظم) قاسوها على الكلب الأسود

 

[G.SKY]

هي بس وقفت على حمارة القايلة و النمنم ؟!!
اتذكر جدتي الله يحفظها يوم كنا صغار تقول ( نامو ولا تجيكم ام السعف و الليف توخزكم بسعفها )
المشكله على اعمارنا ذيك الوقت نفكرها شيء هائل ، ما كنا ندري انه اسم ثاني للنخله :what:

 

[Saadawii]

من زمان بالهند كانن الحريم اذا مات لهن طفل ياكلنه حسب التقاليد تعبيراً عن الرحمة... الحمد لله على نعمة الإسلام.

في مصر أيام الفراعنة، كانن النساء يشربن دماغ الأموات من عائلاتهن، اللي يفرغ بطبيعة الحال من الجثة لأسباب التحنيط. لأنه باعتقادهم يحقق الجمال. ولكنه كان بالواقع يقصر الأعمار.

 

[Majeed]

الي ياكل موز ودجاج يطلع له قرون :w00t: ،، ( خاصة بجدي الله يرحمه 😛 ) ،،

 

[persona]

أسألوني عن حكة اليد

في الهند يطبون ببحيرة عشان يغسلون ذنوبهم ..شيفا(أيه مالت فاينل فانستي) هي تطهر ذنوبهم عندهم :laugh::.

في جزر من جزر استراليا المره عشان تثبت ولائها للرجل بعد زواجها ،الزوج يشلع ضرس من

ضروسها واظافر رجليها وايدنيها ويقام احتفال كبير على هالشيء

 

[m7tram]

اممممممم

- الي تطيح منه قطعه من الاكل وماشالها وقطها بالزباله يوم القيامه راح تقول ان فلان انا طحت منه وخلاني على الارض .

- اذا دست نمله او سويت شي بالحيوانات , يوم القيامه تصير انت النمله او الحيوان , والحيوان يصير انت ويعذبك .


ههههههههه وأعرف واحد لما كان صغير كان يعتقد ان اذا انحسر وماراح الحمام راح تطلع الحسره من حلجه هههههههههههههههههههههههه .

 

[Mr.3B]

في أشياء بالموضوع ذا موش مومكن !!

 

[DONY]

قرأت (ما أدري اذا صحيحة ) أن الفتاة في دول أوروبا اذا ارادت أن ترى عريس المستقبل لازم تصعد السلم في الظلام وبيدها شمعة و مرآة , وعندما تصعد يجب أن يكون تركيزها في المرآة لربما يظهر وجه عريس المستقبل في الانعكاس ... :spy: .

الشعب الغربي يتشائم من الرقم 13 و يتشائم من فتح المظلة داخل المنزل بأنها تجلب الأذى لأهل المنزل.

المرآة المكسورة تعني لبعض الغربيين بأنها تقبض الروح .

عندنا مفهوم اذا كانت واحدة من زوج الشبشب مقلوب فهو يجلب المشاكل .


​

 

[G7Ga7]

"تفلة" البريعصي تسبب البرص.

- الوزغ ( الضاطور لول ) اذا تفل عليك كمان يجيب لك البهاق

هالكلام عقدني طول حياتي .. إلى اليوم كل ما اشوف برصي , لا يمكن أقرب لمه 🙁

"عافية الله": رغم أن اسمها يوحي بأنها شيء جيد إلا أنه إذا قيل للبزر "إذا ما نمت بتجيك عافية الله" فخيال البزر الواسع كفيل باختراع شيء مرعب. سبب التسمية هو أن البزر إذا شاغب تقدر تقول "يا رب تجيك عافية الله" فتدعي له وهو يظنك تدعي عليه.

:laugh:: اخوي كان يخوفني فيها طول الوقت .. لول عالذكريات ..

كان "عَفْية الله " صديقة الخفي , الي يسوي اي شي XD

 

[53]

اذا كان شخص نايم وواحد عبر من فوق (تخطاه) , الشخص النايم هذا ما راح يطول (ينمو ههههه).

ولد خالتي وإحنى صغار كان نايم وعديت من فوقه ودرى عن هالسالفه قعد يبجي يوم كامل :laugh::!

 

[Byakkino]

اذا لمست القطوة ولمست شعرك ,, يطيح شعرك :whistle: ( كنت احاول ما ألمس شعري الين ما اغسل ):sarcastic:

أهلي (بالأحرى أخوالي) كانوا دايم يحاولون يروعونني بمثل هالأشياء (مشكلتي أن لقافتي تغطي على خوفي، فإذا قالوا أن حمار القايلة برى، رحت أركض أدور عليه)

من الأشياء المستخدمة للتخويف (بالإضافة إلى استنتاجاتي حولها)...

"حمار القايلة": كان لتخويف الأطفال من الخروج في وقت القايلة (عز الظهر) خوفاً من أن تكفخهم الشمس (كفخة شمس زي ضربة شمس بس أقوى)

"أم الخضر والليفة": كان شيء يخوف به الأطفال، لكن المقصود فيه حقيقة هو "النخلة" (علشان إذا أحد قال: "أم الخضر والليفة برى في الحوش" ما يعتبر كذبة)

"عافية الله": رغم أن اسمها يوحي بأنها شيء جيد إلا أنه إذا قيل للبزر "إذا ما نمت بتجيك عافية الله" فخيال البزر الواسع كفيل باختراع شيء مرعب. سبب التسمية هو أن البزر إذا شاغب تقدر تقول "يا رب تجيك عافية الله" فتدعي له وهو يظنك تدعي عليه.

افا وين راح خروف السلة :laugh::

القطوه السودا اذا شفتاه استغفر ربك لانه ممكن تكون جني او قطوه متلبس فيها جني

اذا شفتها غمض وتعوذ وافتح بتلقاها مختفيه :razz::

 

[s3rorh]

إذا اكلت سبانخ تصير قوي

 

[Still Alive]

إذا اكلت سبانخ تصير قوي

هذا مو معتقد بس الظاهر انت في طفولتك كنت تتابع باباي اكثر من اللازم 😀

 

[s3rorh]

منو باباي ؟
وطفولتي كلها قضيتها بجزيرة نائيه .... قياسها 4X6

 

[Solay]

هل انا الوحيد اللي مصدق سالفة البعرصي ويخاف منه للحين؟!

 

[Da S.O.S]

هل انا الوحيد اللي مصدق سالفة البعرصي ويخاف منه للحين؟!

انا معك .

 

[G7Ga7]

^ انا السالفة امتلكتني خلاص .. ما فيه امل اتخلى عنها !