السوني ننجا للدفاع ... ليش تشتري بلاي ستيشن 3 ؟

[Xeno]

لول بدينا بشغل الكوبي بيست...
أوكي جران تورزيمو بياعة هذي لك أنا يمكن تحمست مع هالو... بس هي كأسم تسويقي أكبر من أكثر من نص الألعاب المذكورة, يعني ألاحظ بس جران تورزمو اللي تعدت 3 مليون... مش هذا اللي أبي أوصل له عموما.

والله في مجموعة كبيرة من اللاعبين خاصة الي يمتلكون البي سي خبر مثل هذا يأثر عليهم , يعني أذا أنا لاعب بي سي وأبي جهاز كونسول ياترى شنو اختار 360 ولا بلاي 3 ؟ اكيد باختار البلاي ستيشن 3

فئة قليلة جدا, اللي شاف جيرز وعجبته شرى ال360 وجيرز من زمان مب ينتظر خبر بي سي...
فئة قليلة عكس الفئة اللي بتشتري جيرز على البي سي (اذا لها موعد) ثم بتسمع أن جيرز 2 حصرية للـ360 وبتشتريها مع الجهاز.
لول بالنسبة للقائمة الطويلة اللي حاطها أنا قلت "نعم ألعاب البلاي ستيشن 3 (السوني) تتقلص ومايكروسوفت تتوسع ليش علامات التعجب!؟" ماقصدت ألعاب الطرف الأول والثاني ولا بالعقل هذي كيف تتقلص إلا إذا انفصلت الشركات, لاحظ الاكس بوكس 360 صار عنده ألعاب يابانية ينظر إليها... فالسابق ماكان موجود هالشي, البلاي 3 كان عنده مكتبة ألعاب طرف ثالث حصرية يشار لها بالبنان وسبب رئيس في تفوق الجهاز...بدأت تتقلص... أيضا عدد الألعاب القوية شكلها مابتكون مثل البلاي 2 لارتفاع التكلفة قلة مستخدمي الجهاز مما جعل الكثير من الشركات تحول مشاريعها.

أنا انسان ماحب أدقق وأتصيد لكن حتى ماتصدق قائمتك "التمويه" بنظرة سريعة لقائمة الطرف الأول حصلت 5 ألعاب تستاهل الذكر (جود اف وور إيكو جران توريزمو سوكوم والله المستعان كيلزون 2) ومن الطرف الثاني راتشت وسلاي كوبر ويمكن لاير وهيفنلي سورد مع أنهم ألعاب جديدة ما أثبتت نفسها... الظاهر أنا بالغت يوم قلت "أكثر" من 10. :gasp:

قائمة الاكس بوكس ناقصة بشكل فظيع وفظيع جدا مادري من وين ناسخ هالقوائم...

وليش مايكروسوف اعلنت رسمياً ان البرايس دروب لل360 بيكون باجر ! وبعدين ماتابعت اخبار المعالج ال65 m وازالة الee من الجهاز ؟ هذا كله ليش ياترى ؟

على الأقل الجهاز نازل من سنة ونص, يعني متى ماينزل سعره بيكون شكلها صح ومنطقي على الأقل, سواءا شهر مايو أو فترة الأعياد. 🙂

اذا قياساً على قيمة الألعاب فالناتج راح يطلع أكثر من 10 بكثير , رسستنز 1 و2 في الطريق , راتشت فيوتشر والي بعدها هذول اثنين بعد

جران تريسمو + جود اوف وار + انشارتد والمشروع الي بعده جاك او غير + كيلزون 2 + مشروع فريق ايكو + ليتل بيج بلانت + لاير + هفنلي سورد + وايت نايت

لاحظ 15 لعبة ومن دون مانذكر المشاريع الثانية لنفس الفرق , ولا ننسى ان في فرق ثانية ممكن تقدم ألعاب جيدة وممكن توصل للمتازة ويبأوت + موتورستورم + سوكوم + افريكا + مونستر كينجدوم + مشروع فريق سكر بنش + فريق ايب اسكيب + مينا نو جولف + وار هوك + اخيرا وليس اخرا سنج ستار والأي توي

أنا يوم قلت فحدود 10 ألعاب مضمون تكون ممتازة كنت واقعي, أغلب الألعاب اللي أنت حاطها unproven يوم تنزل بس يتحدد مستواها.

تحرير: لول وش فيهم الـcheerleaders :gasp:

 

[Gon freeces]

ألعاب سوني من الطرف الأول ماعجبتني(كلوسس ماجربتها), اتوقع هذا الجيل بيكون زي الماضي معاي (اشغل الجهاز عشان ألعاب سكوير) , ولا بصراحة مافي ولا لعبة على البي اس 3 Must buy لي...........
و هارتلس , اغلب الظن ان :

Mistwalker : Blue Dragon ; Lost Oddyssey

احسن من اللستة الكبيرة اللي حطيتها.......

الوي للفوز.

 

[Nintendo]

اوكي ماحب اكون بصورة اللي يرد بصفته اكس بوكسي بحكم اني ماحب الجهاز ولكن فيه اشياء لازم نتناقش فيها ونوضحها شوي ..

بالنسبة لهيلو فاعتقد مافي مجال للشك بانها اقوى اسم للعبة من شركات الطرف الاول والثاني حاليا بين كل الالعاب .. يمكن اللقب كان بوقت ما لسلسلة جران تورزمو ولكن مبيعات السلسله ومن ارقام الاخ هارتلس تثبت مدى الانخفاض الكبيييييييير بين الجزء الثالث والرابع من حيث الاداء مقارنة بالارتفاع الكبير لهيلو مع غياب مبيعات اللعبه في اليابان طبعا ..

نجي لقائمة شركات سوني اللي الظاهر السوني فانز حاطينها بملف وحافظينها ! يعني بكل امانه من ذي القائمه كم فريق له لعبه تسوى !! لحد يضحك على نفسه ويقول كلهم ولا حتى نصهم ... لو ودنا نفند هاذي الفرق كلا على حدى صدقوني ماراح نطلع غير بعدد متوسط جدا عنده العاب تسوى .. اما الفرق اللي تسوي لعبة ( البط ) وسايفون فلتر و برايمل و انتولد ليجند والخ الخ من الالعاب السيئه فعيب حتى نتناقش عنها ..

وبعدين من الرهيب اللي مسوي القائمه ذي اصلا مايعرف يفرق بين شركات الطرف الثالث ( ليفل فايف و ميست والكر !! ) وضايفهم لشركات الطرف الثاني !! لول ذا عالسريع واخاف معلومات ثانيه كثير تطلع غلط من القائمه ..

اللي وده يقارن بين شركات الطرف الاول والثاني بين مايكروسوفت وسوني يقارن بكيفه .. انا ارجح كفة سوني من حيث الافضليه ولكن ذي الالعاب مانفعت الPSP بشئ الصراحه .. اكيد العاب الفيرست والسكند بارتي راح يساعدون البلايستيشن3 .. ومتحمس اشوف مبيعات شهر مارس في امريكا عشان نشوف اداء موتور ستورم كيف بكونها لعبه المفروض من الاسماء القويه .. ولكن اجمالا ماعتقد سوني تقدر تشيل الحمل لوحدها ...

 

[Final Fantasy]

^

شدخل الـ Wii الحين ؟

و بعدين هذه مشكلة ذوقك اذا جهاز يعتبر صاحب أكبر مكتبة ألعاب متنوعة ما شغلته الا بس علشان ألعاب سكوير .

 

[Xeno]

مالي علاقة برد عمر بس...

نجي لقائمة شركات سوني اللي الظاهر السوني فانز حاطينها بملف وحافظينها ! يعني بكل امانه من ذي القائمه كم فريق له لعبه تسوى !!

شكرا!

 

[Gon freeces]

لأنه الجهاز الوحيد اللي متجمع عليه ألعاب بنظري -جدا- رهيبة , الأحهزى الثانية مو مرة....
بس أنا اشوف ان جودة الألعاب على الكيوب احسن من اللي على البي اس 2 so whatever.........

 

[NSider]

I think Nintendo has proven for two consecutive generations that no matter how many amazing 1st and 2nd party games you make, they can't carry a system without the help of many 3rd party exclusives.

 

[ASWD]

I think Nintendo has proven for two consecutive generations that no matter how many amazing 1st and 2nd party games you make, they can't carry a system without the help of many 3rd party exclusives.

اقتباس للحقيقة

 

[Khalid-S]

ههههههههههههههه المنتدى فلللللله .. والسوني بويز "افل" 😛

هههههههههه شباب للمعلوميه فقط .. 120 لعبه مدري كم لعبه حاطينها هذي مو كلها ريتايل .. يمكن 50% العاب PSN.
ويمكن العاب تجي مثل ليتل بيج بلانت .. العاب اساسا PSN لكن تكريماَ من سوني للي ما عندهم كونيكشن زين تخليها ريتال ... او وارزون مدري ايش اسمها الي صارت PSN لانها لعبه مولتي بلاير فقط.

 

[Khalid-S]

I think Nintendo has proven for two consecutive generations that no matter how many amazing 1st and 2nd party games you make, they can't carry a system without the help of many 3rd party exclusives.

يوسف .. هذا وكمان ياريت الفريست بارتي وسيكند بارتي زين على الـPS

 

[The Heartless]

زينو من دون عناد , أنت قلت كلام ولازم تكون قد كلامك , قلت هالو باعت أكثر من كل ألعاب سوني وطلع كلامك غلط اترك هالموضوع ومن دون احراج زيادة

لول بالنسبة للقائمة الطويلة اللي حاطها أنا قلت "نعم ألعاب البلاي ستيشن 3 (السوني) تتقلص ومايكروسوفت تتوسع ليش علامات التعجب!؟" ماقصدت ألعاب الطرف الأول والثاني ولا بالعقل هذي كيف تتقلص إلا إذا انفصلت الشركات

ردك الأولي

الحين صحيح سوني عندها ألعاب طرف أول وثاني تقريبا 10 ألعاب منها بتصدر وبتكون ممتازة فعمر البلاي ستيشن 3, لكن بدال ماتتوسع قاعدة ألعاب البلاي ستيشن 3 مثل الـ360 قاعدة تتقلص (يمكن لأنها مع البلاي 2 وصلت أقصى حدودها),

واضح انك قاعد تلعب بكلامك زينو , اعذرني بس هذا الي أنا اشوفه

بالنسبة لموضوع جيرز أنا ماأبي أطول فيه , مثل ماتقول قد يكون الـتأثير قليل لكن يظل فيه تأثير , الي حبيت اوضحه ان سوني على عكس مايكروسوفت ماراح تشوفها بيوم تنقل اقوى عنواينها عالبي سي مثل ماقاعدة مايكروسوفت تسوي , عالعموم هي نقطة ماتسوى , بس لو أنا بي سي جيمر وعندي جهاز اقوى عناوينه بتنزل عندي حتى ولو بعد فترة طويلة وجهاز ثاني عنده مجموعة كبيرة من ألعاب الطرفين أكيد راح اختار الجهاز الي عنده عناوين جديدة غير الي عندي .

زينو انت بديت تقول أن ألعاب الطرف الثالث قاعدة تتقلص وأنا قاعد أقولك أن بعد كل هالتقلص للحين الجهازين مستواهم متقارب من ناحية الألعاب .. هذا شي خلاص عرفناه , الشي الي أبي اقوله أن الفاصل بين الجهازين هي ألعاب الفرست والسكند بارتي والي تتفوق فيه سوني هذا الشي الي لازم انت تعرفه لا تقولي والله أنا اشوف انها 5 ألعاب قوية ولا 10 ويجي الأخ عمر ويوافقك بهالشي الأراء الشخصية ماتمشي , الحقائق هي الي تمشي .. الحقائق تقولي ان عناوين سوني في الجيل الماضي باعت 70 بينما عناوين مايكرو 20 مليون , الحقائق تقولي أن فرق التصميم عند سوني قاعدة تسوي ألعاب اكثر من مايكرو سواء من ناحية الكمية ولا النوعية .. الحقائق تقولي ان هالو مايكروسوفت ماتكفي


Nintendo
للمرة الثانية أنت قاعد تتكلم عن رأيك الشخصي , أنت شفت القائمة وشفت 5 ألعاب مميزة أنا شفتها وحصلت 15 وفوق , ايضا شخصيتك كننتندو فان ماتسمح لك تحكم على هالألعاب بما أنها مو من ذوقك

عن نقطة ليفل فايف وميست والكر اعتقد كاتب اللستة قصده ان سوني ومايكروسوفت مالكة اسم الألعاب الي تصممها يعني حصريتها مضمونة 100%

الpsp ماادري شعلاقته في الموضوع !



I think Nintendo has proven for two consecutive generations that no matter how many amazing 1st and 2nd party games you make, they can't carry a system without the help of many 3rd party exclusives.

صحيح كلامك , بس ياجماعة الخير انتوا تبون تقولون ان حصريات الطرف الثالث لل360 اكثر من البلاي ستيشن 3 أوكي prove it

ههههههههههههههه المنتدى فلللللله .. والسوني بويز "افل"

هههههههههه شباب للمعلوميه فقط .. 120 لعبه مدري كم لعبه حاطينها هذي مو كلها ريتايل .. يمكن 50% العاب PSN.
ويمكن العاب تجي مثل ليتل بيج بلانت .. العاب اساسا PSN لكن تكريماَ من سوني للي ما عندهم كونيكشن زين تخليها ريتال ... او وارزون مدري ايش اسمها الي صارت PSN لانها لعبه مولتي بلاير فقط.

The Heartless
صحيح أن مجموعة كبيرة بتكون ألعاب نتورك وديموات لكن يظل الرقم هائل

يعني ياخالد أنت ماجبت شي جديد

يوسف .. هذا وكمان ياريت الفريست بارتي وسيكند بارتي زين على الـPS

typical replay from Khalid-S :roll:

 

[Nintendo]

للمرة الثانية أنت قاعد تتكلم عن رأيك الشخصي , أنت شفت القائمة وشفت 5 ألعاب مميزة أنا شفتها وحصلت 15 وفوق , ايضا شخصيتك كننتندو فان ماتسمح لك تحكم على هالألعاب بما أنها مو من ذوقك

عن نقطة ليفل فايف وميست والكر اعتقد كاتب اللستة قصده ان سوني ومايكروسوفت مالكة اسم الألعاب الي تصممها يعني حصريتها مضمونة 100%

الpsp ماادري شعلاقته في الموضوع !

انا ماتكلم عن رأي شخصي بقدر ماتكلم عن واقع مبيعات .. يعني اذا ودنا نتكلم عن مجموعة الالعاب كمستوى جيد فعلا يمكن اطلع 10 العاب ولكن بنفس الوقت اقدر اطلع يمكن نفس العدد للوي او ال360 .. ولكن كواقع ( مبيعات ) يعني العاب راح تساعد الجهاز يبيع خلنا نكون منطقيين ..

سوني باليابان ( العاب الفيرست والسكند بارتي ) ماعندها غير جران تورزمو و هوت شوت جولف ( والاخيره نزلت على الPSP وماساعدت الجهاز كثير ) وهنا سبب ذكري للPSP ..

بامريكا فيه اكثر من لعبه لسوني تبيع فوق المليون وغالبيتهم ايضا صدروا للPSP وماشاء الله من المليون لل50 الف .. اللي ابغى اوصله انه العاب سوني مابتساعد الجهاز ( البلايستيشن3 ) على رفع مبيعاته بالشكل اللي انتم متصورينه او حاطينه ببالكم .. سوني مشكلتها انها ماعندها لعبه ناجحه ( عالميا ) غير جران تورزمو ..

عن ليفل فايف وميست والكر اعتقد القائمه ذكرتهم تحت بند شركات الطرف الثاني وهذا عبط من صاحب القائمه الاصليه ومش غلط مني ..

وعن سالفة الالعاب الحصرية من شركات الطرف الثالث رغم انه الكلام موجه لغيري .. هارتلس محد قال انها اكثر ولكن مؤخرا سوني ماعندها غير ( قوائم ) العاب ومايكروسوفت ( تعرض ) العاب . يعني بصراحة انا كذا بدون ماتعب نفسي واروح ادور شفت العاب ار بي جي يابانيه على ال360 اكثر من البلايستيشن3 !! وهاذي وهي العاب ار بي جي يابانيه .. العاب كابكوم نفس الشئ واعتقد ايضا كونامي وبانداي نامكو .. هذا كذا بس بدون ماحط لسته وقائمة العاب مالها فايده بالموضوع ولا راح تقدم او تاخر شئ ..

 

[itachi]

الجهاز بيمشي بس الله يعينه على التفحيط ...
بس إلى الآن ما أفكر فيه ....شباب بعد سنه نشوف ويش يصير

 

[Xeno]

زينو من دون عناد , أنت قلت كلام ولازم تكون قد كلامك , قلت هالو باعت أكثر من كل ألعاب سوني وطلع كلامك غلط اترك هالموضوع ومن دون احراج زيادة

طيب وليش الاحراج؟ شكلك ماخذ الموضوع بحساسية شوي.

واضح انك قاعد تلعب بكلامك زينو , اعذرني بس هذا الي أنا اشوف

ايش دخل تقلص حصرية ألعاب الطرف الثالث بكمية الألعاب الممتازة المحدودة من الطرف الأول والثاني... ركز شوي ليش ألعب بكلامي محاكمة هي شكلك تلعب فينكس رايت.

بالنسبة لموضوع جيرز أنا ماأبي أطول فيه , مثل ماتقول قد يكون الـتأثير قليل لكن يظل فيه تأثير , الي حبيت اوضحه ان سوني على عكس مايكروسوفت ماراح تشوفها بيوم تنقل اقوى عنواينها عالبي سي مثل ماقاعدة مايكروسوفت تسوي , عالعموم هي نقطة ماتسوى , بس لو أنا بي سي جيمر وعندي جهاز اقوى عناوينه بتنزل عندي حتى ولو بعد فترة طويلة وجهاز ثاني عنده مجموعة كبيرة من ألعاب الطرفين أكيد راح اختار الجهاز الي عنده عناوين جديدة غير الي عندي .

لو فعلا مؤثر كان مايكروسوفت منعت صدور هالو أو جيرز للبي سي ولو بعد سنين بما أنها تملك حقوق الاسمين لكن نشر اللعبتين لجمهور البي سي بعد فترة مفيد جدا لهالو الجاية وجيرز الجاية.

مايكروسوفت مابتحرم نفسها من مبيعات البي سي عشان أنا ولا اكس بوكس فان يجي يحط لك قائمة يقول ها شوفوا كم لعبة حصرية, اللعبة الحصرية إذا أدت شغلها خلاص تروح وين ماتروح... هل تعلم أن فاينل فانتسي 7 و 8 أحد أكبر الأسماء في أواخر التسعينات نزلوا للبي سي؟

أعتقد أنتهينا من هالموضوع ومافي داعي للماطلة.

زينو انت بديت تقول أن ألعاب الطرف الثالث قاعدة تتقلص وأنا قاعد أقولك أن بعد كل هالتقلص للحين الجهازين مستواهم متقارب من ناحية الألعاب .. هذا شي خلاص عرفناه , الشي الي أبي اقوله أن الفاصل بين الجهازين هي ألعاب الفرست والسكند بارتي والي تتفوق فيه سوني هذا الشي الي لازم انت تعرفه لا تقولي والله أنا اشوف انها 5 ألعاب قوية ولا 10 ويجي الأخ عمر ويوافقك بهالشي الأراء الشخصية ماتمشي , الحقائق هي الي تمشي .. الحقائق تقولي ان عناوين سوني في الجيل الماضي باعت 70 بينما عناوين مايكرو 20 مليون , الحقائق تقولي أن فرق التصميم عند سوني قاعدة تسوي ألعاب اكثر من مايكرو سواء من ناحية الكمية ولا النوعية .. الحقائق تقولي ان هالو مايكروسوفت ماتكفي

لول ليش زعلان هارتلس هي فعلا 10 والباقي ألعاب طول عمرها عادية + شركات تعبانة مثل ماقال عمر وهذي هي "الحقائق".

لو خذنا كلامك وقلنا فعلا ألعاب الطرف الثالث للبلاي 3 والاكس 360 متساويين أنت فقط قاعد تثبت وجهة نظرنا أن مكتبة الثيرد بارتي في البلاي 3 في انحدار خطير. 🙂

ننتندو كانت "أسطورية" من ناحية الفيرست بارتي فعهد الننتندو 64 والجيم كيوب "اسطورية" بمعنى الكلمة... بس ماعندها هالو وجراند ثيفت أوتو وفاينل فانتسي. 🙂

 

[Strife]

اما الفرق اللي تسوي لعبة ( البط ) وسايفون فلتر و برايمل و انتولد ليجند والخ الخ من الالعاب السيئه فعيب حتى نتناقش عنها ..

احم... ما اتفق معاك بخصوص سايفون فلتر.. اي واحد لعب اللعبة يعرف مدى روعتها... جزء البي اس بي لوحده كفاية.

 

[RIZE]

لووووول .. حاسس بأن الموضوع بيصير معركه ..... هذا اذا ما كانت المعركه صايره وخالصه


المهم حبيت ادخل لعبتين ويا MGS + FF

وهم شادو اوف ذا كلاوسس 2 <<< بحكم انى قريت بانه في لها جزء ثاني
والثانيه GoW3 ^^

هذا غير GT و Scoom وراتشد .. وباقي الشله

 

[Suzuki Yu]

The Heartless

بس ألعاب سيجا هي الي تنسيك صح ؟ ومااعرف شلون طلعت بنتيجة أن 3 ألعاب بس بتكون وقوية والباجي تتكنسل ! ومنو قالك ان ال160 لعبة بتنزل بنص سنة ؟ مرة أخرى ياليت الناس ماتتكلم وتعبر عن ذوقها الشخصي , احنا نتكلم عن 70 مليون نسخة تقريبا من ألعاب سوني للبلاي ستيشن 2 مقابل 20 مليون تقريبا لمايكرو للاكس بوكس 1 , قارن بين الجمهور الي كونته سوني والجمهور الي كونته مايكروسوفت , لا تقولي بعد كل هذا ان مافي ناس مستعدة تشتري البلاي 3 علشان ألعاب سوني فقط

نعم ألعاب سيجا تنسيني , سوني كلها على بعضها بوجهة نظري ما سوت عشر الابداع اللي سوته سيجا الجيل هذا ( سيجا وحدها ) من دون استديوهات الطرف الثاني والثالث , بالاضافة لكابكوم ونينتندو و مايكروسوفت وشوية العاب من كونامي وسكوير ونامكو ,,,,,,, هذا اللي يهمني واللي انا مستعد أشتري جهاز عشان ألعابهم , وعلى فكرة انت جبت قائمة مالها اي داعي بكلامنا , القائمة اللي انت جبتها قائمة لنتائج الماضي , والماضي شيء والحاضر شي آخر من كل النواحي بالاضافة ان القائمة اللي انت حطيتها يدوبك فيها خمس سلاسل من قوية لمتوسطة والباقي خياس مافي شي حلو وطبعا مع الهايب الاسطوري اللي سوته سوني نجحت هذي الالعاب لكن مالبثت انها فشلت وراحت للحضيض في أجزائها التالية , حتى جران تريزمو ( الاول في قائمتك ) هبطت مبيعاتها بشكل كبير جراء المافسة وصارت ما تاكل عيش بوجهة نظري جنب العاب Racing أخرى زي ميترو بوليس و بروجكت جوثام و أوت رن 2 و فورزا وغيرها
من ناحية انا جبت الكلام هذا من فين تتكنسل الالعاب وماني عارف ايش , أنا اقلك اني انا قلت اللي انا أشوفه منطقي لما انت تقلي 160 لعبة فهي يا أما على مدى ست سنوات يا أما انه هذا كلام فاضي وفي النهاية حتتكنسل كمية كبيرة من الالعاب يا أما انها العاب بسيطة دوانلوودبل من النت , مافي تفسير ثاني

 

[Justice]

The Heartless صراحة شغلك شغل تنسيف عاجبني شغلك
صراحة طلعت عجيييب ^_~!

 

[Kratos]

الحين الـ 70 مليون ذي الي انباعت كانت لجهاز سعره 300 دولار+ تطوير الألعاب عليه غير مكلف + موجود بالسوق لفترة طويلة قبل الإكس بوكس
مو لجهاز سعره 600 دولار + تكاليف عالية للتطوير

لو وصلوا نص المبيعات الي بجيل الـ PS2 كويس

الخلاصه السيطرة المطلقه لسوني على صناعة الألعاب في خطر محدق

 

[Final Fantasy]

نعم ألعاب سيجا تنسيني , سوني بوجهة نظري ما سوت عشر الابداع اللي سوته سيجا الجيل هذا

لول و منو توقع أن وجهة نظرك تكون غير هذا !!

--------------------------------------

The Heartless

 

[Suzuki Yu]

لول و منو توقع أن وجهة نظرك تكون غير هذا !!

--------------------------------------

The Heartless

Because it,s FACT وفي صميم الواقع كمان

 

[Final Fantasy]

^

سوزوكي مع فائق احترامي و تقديري لك .. لو نجيب أي لعبة من سيجا راح نلقاك نمدح فيها و تصعدها السما مهما كان مستواها الحقيقي 😉

 

[Suzuki Yu]

^

سوزوكي مع فائق احترامي و تقديري لك .. لو نجيب أي لعبة من سيجا راح نلقاك نمدح فيها و تصعدها السما مهما كان مستواها الحقيقي 😉

دقيقة تبغانى نطلع برا الموضوع وأجيبلك ألعاب ال AAA من سيجا والعاب ال AAA من سوني ونشوف من اللي يتفوق , ماعندي مشكلة مستعد تماما لمطلبك
مافي لعبة انا طلعتها السما من سيجا في العاب عارضت تقاييمها لانها مجحفة بس ما خليتها من الاساطير

 

[Final Fantasy]

جيب !
.........

 

[Suzuki Yu]

جيب !
.........

المشكلة اننا حنطلع برا الموضوع كثير كثير بس يالله ماهي مشكلة انت تكتب ألعاب سوني ( القوية في مستواها ) وانا أحطلك قائمة سيجا الطويلة العريضة واللي تعتبر من مفاخر سيجا للجيل الماضي

 

[Zeyad]

 

[Xeno]

لول أنواع الأجواء السلبية فهالموضوع...

 

[Mr James]

لوووووووووول

الموضوع عن سوني و مايكرو

والحين سيجا دخلت في الموضوع

ومن بعد الباقي ..... Nintendo

 

[AMG]

مشكلة الناس في المنتديات الالعاب : الفلسفة + التعصب + عدم الاعتراف بالخطأ ابدا ابدا + النقاش في اشياء مالها اي معنى + استخفاف الدم + و اشياء اخرى

النقاش ماله اي داعي و كله توقعات و تخمينات عن المستقبل الي ما احد يعرف ايش بيصير فيه


الله يخلي منتدى الانمي

 

[Final Fantasy]

أنت قلت أن أنت الي راح تجيب .. يلا أنا أترك لك المهمة 🙂