السوني ننجا للدفاع ... ليش تشتري بلاي ستيشن 3 ؟

[The Heartless]

السلام

طبعاً في بعض الشباب بعد خبر DMC4 و AC6 الظاهر المعنويات طاحت للصفر وماعاد عندهم ثقة في سوني يمكن الخبر كان بيمر عليهم عادي لكن ردات فعل بعض الناس الله يسامحهم :roll: ماساعدت لوووول

المهم انا جاي اكتب لكم موضوع يبدأ بسؤال بسيط , شنو السبب الي يخليني اشتري بلاي 3 ؟

لو نقول دعم الHD والبلوراي والأونلايم المجاني وهوم والباكورد كومباتبل وغيره كلها تعتبر أسباب صحيحة لكن السبب الأهم إجابته واضحة الألعاب

بتقولون لول شلون اتكلم عن هالموضوع وتوه الجهاز خسر حصرية لعبتين ؟ وأنا اقول انه من الواضح ان السوق تغير خلاص ماعاد مثل أول وألعاب شركات الطرف الثالث ماعاد لها أمان وباب الملتي بلاتفورمنج صار مفتوح على مصراعية , سوني في فترة الPS1 و PS2 كانت معتمدة بشكل كبير على الطرف الثالث ولكن الحين ماتقدر فشنو الحل ؟
نعم ألعاب الطرف الأول والثاني منو يوم مانزل البلاي 3 واحنا نلاحظ انه تغير كبير في سياسة سوني بالنسبة للألعاب , سوني مركزة بشكل كبير على ألعاب الطرف الأول والثاني , 160 لعبة تحت التطوير من استديوهات سوني حسب الي اذكره من تصريح واحد من المسؤلين , صحيح أن مجموعة كبيرة بتكون ألعاب نتورك وديموات لكن يظل الرقم هائل , قارنوا استديوهات سوني مع استديوهات مايكروسوفت وشوفوا منو له قدرة اكبر في انتاج الألعاب , قارنوا تاريخ الشركتين في اصدار الألعاب وشوفوا منو الي ألعابه ومبيعاته اكثر , وأهم شي قارنوا بين العنواين الشركتين والي راح تصدر عن قريب والا فيما بعد , الإجابة واضحة ومعروفة

تذكرون موضوع هاريسون لما قال انه من الصعب ان سوني تحافظ على حصرية GTAIV , الكل كان يقول سوني شقاعدة تسوي ؟ وأنا من يومها حابس الكلام في صدري وجت الفرصة الحين علشان أقولها

ألعاب سوني راح تنسيك غيرها

THE END

 

[Nintendo]

والله مادري وش ارد لول .. بالنسبة لي مافي امل اخذ جهاز سوني عشان العاب سوني .. العاب سوني بالنسبة لي ( مكمله ) لروائع العاب الثيرد بارتي الحصريه .. ولكن باقي اثنين اذا راحوا من سوني ففعلا وقتها مافي امل لشراء البلايستيشن3 ..

المشكلة ماودي يكون ردي محبط من اول الموضوع .. SONY FANS تجاهلوا ردي ونطوا على اللي بعده ..

 

[AMG]

انا اتفق معك ان سوني عندها فرق تطوير ممتازه و عندها العاب طرف اول و ثاني واعدة جدا

لكن في العاب طرف ثالث صعب تعويضها مثلا متل جير 4 او فاينل فانتسي 13 ، هذول لو ضاعو حصريتهم سوني بتكون في مأزق لانها العاب لها شعبة و صعب تعويضها

اعتقد سوني لازم توازن بين العاب الطرف الاول و لثاني و العاب الطرف الثالث ، الشيء المحبط للفانز هو خسارة الحصريه يعني لو كابكوم اعلنت من الاول ان ديفل ماي كراي 4 بتكون ملتي بلاتفورم كانت ردة الفعل بتكون مختلفة

 

[King Wario]

احنا نتكلم عن الاسماء القوية هارتليس ... مب عشان 160 لعبة زبالة

يا ليت لو تنطون على الرد بعد اللي بعده

 

[Tekken]

لاني سوني فان بوي + العاب الطرف الاول + وايت نايتس + ميتل جير + فف 13 + تكن + الهوم + ليتل بيج بلانت + السكساكسيس ! ولأني عارف من بداية هذا الجيل انه معظم الالعاب مابتكون حصرية. الشي المحزن انه ميكرسوفت دعمت الصيغة الغلط والظاهر مب كل المطوريين بيستفيدوا من البلو راي.

 

[Final Fantasy]

مب عشان 160 لعبة زبالة

الله الله ... الحين صارو هالـ 160 لعبة زبالة ؟


SONY ما عليها خوف أبد .. كل مافي الأمر أن الجهاز بدأ بداية بطيئة و في هالبداية كم خبر محبط طلع .

الـ PS3 توه بأول 5 أشهر من عمره الافتراضي الي راح يستمر لسنوات طويلة .. و للحين ما خطى أولى خطواته الفعلية و الحقيقية , لما يمر سنة على الجهاز و نشوف مافيه فايده هني تكلمو و طبو بسوني على كيف كيفكم .

و لكن شنو نسوي بناس ما تصدق تنتظر أي شي يطلع أو يصير حتى ينزلو بسوني للأرض و يخلون أن خلاص الجهاز انتهى و في عداد الأموات و OMG مافيه سبب لشراء الجهاز .

لكن في العاب طرف ثالث صعب تعويضها مثلا متل جير 4 او فاينل فانتسي 13 ، هذول لو ضاعو حصريتهم سوني

😉

 

[The Heartless]

لول عمر خلنا نكون صريحين اللعبتين الي تتكلم عنهم وحدة منهم انت حتى ماتلعبها فليش تحطها في اللستة ؟ بعدين كلامك شخصي ومو عام اذا انت تهتم بهاللعبتين وماتهتم لألعاب سوني فغيرك يفضل ألعاب سوني على غيرها

الظاهر ان الفكرة ماوصلت للأعضاء بعد أنا الي اقوله

إذا كانت كل ألعاب شركات الطرف الثالث بتنزل على الجهازين يعني ال360 = PS3 بهالناحية شنوا الي راح يفرق ؟ اكيد ألعاب الطرف الأول والثاني

King Wario

احنا نتكلم عن الاسماء القوية هارتليس ... مب عشان 160 لعبة زبالة

واو ردك تحفة الصراحة الظاهر انك ماتحب تقرا المواضيع عدل وترد من دون داعي , راجع الموضوع وراح تلاحظ اني ذكرت ان مجموعة كبيرة من ال160 راح تكون ديموات وألعاب نتورك بس ياترى كل ال160 ديموات ونتورك بس ؟ راح اقرا المواقع وخذ لك كم معلومة عن الألعاب الي بتصدرها سوني

 

[gray fox]

احنا نتكلم عن الاسماء القوية هارتليس ... مب عشان 160 لعبة زبالة

واااااااااااااااااااااااااااااااااااااااو

انسومينياك وتيم ايكو ونوتي ..سوني اليابان وليفل فايف وغيرهم طرف ثاني وثالث زباله !!

 

[Super Shadow]

هممممممم والله يا طويل العمر The Heartless

بخصوص البلاي ستيشن 3 ، في لعبتين بس أنا متحمس أجربهم و هم ميتل جير 4 و فاينال فانتسي 13

يمكن ما أشتريه ، بحاول أستعير الجهاز من حد عشان ألعب اللعبتين و أختمهم

ما بصرف فلوسي على جهاز عشان أشتري لعبتين بس

بس من يدري؟؟

يمكن ان شاء الله تصدر ألعاب قوية في هذاك الوقت

و ساعتها بغير رأيي و أشتري الجهاز :laugh:

الي عجبني أكثر شي في الجهاز خدمة الHome

مب عشان 160 لعبة زبالة

امحق!!

160 لعبة للحين ما نزلوا قلت عنهم زبالة؟؟؟ :gasp:

 

[Nintendo]

هارتلس انا يوم اتكلم عن اللعبتين فاتكلم عن الوضع عندنا في البيت . اخوي مدمن ميتل جير وفاينل فانتسي وهو غالبا اللي يشتري اجهزة والعاب البلايستيشن وانا تقريبا اتكلم عنه هنا 🙂

المشكلة هارتلس مو بقصة انه العاب المولتي بلاتفورم على الجهازيين .. المشكلة اننا نتكلم انه ال360 ارخص ب200 دولار كجهاز العاب .. مع اضافةا للايف اعتقد انه العاب المولتي بلاتفورم صارت مميزه اكثر على ال360 .. انا مثلك مش مقتنع ابدا بالعاب مايكروسوفت من الفيرست والسكند بارتي وماعتقد تقارن بالعاب سوني من نفس الفرق ولكن بنفس الوقت ( شخصيا ) بعيدا عن جران تورزمو ( لول ايضا اتكلم من وجهة نظر اخوي المدمن سوني ) ماعتقد يستاهل البلايستيشن3 اشتريه عشان العاب اغلبها IP جديده مادري على ايش بتنتهي ( مستواها ) و باقي العاب سوني اللي ماحب فيها شئ تقريبا ..

 

[Suzuki Yu]

ما عمرها سوني بألعابها نستني العاب غيرها ما عمرها , ومع ذلك بالنسبة لل 160 المزعومة اذا كانت فيها العاب قوية فهي يادوب 20 لعبة ممكن انها تكون من جيدة لمتوسطة و لعبتين لثلاثة قوية و100 لعبة تتكنسل ! وبعدين فين عقولكم 160 لعبة ! هذي خطة لالعاب حتنزل على مستوى 6 او 7 سنين مش اقل فلحد يجي يقلي 160 لعبة

 

[King Wario]

لول ... كلهم عيل العاب AAA ؟

اللي اقصده ان اذا واحد قلي "160" لعبة ... ما بقول وااااااااو لاني اعرف تقريبا كم وحدة منهم الممتازين

 

[squall leonhart]

بلا كلام فاضي و خربطة .. الPs2 كان الجهاز الاساسي و الاكس و الكيوب كانو مكملين له ..
الان الوضع اختلف ال 360 هو الجهاز الاساسي و الي اغلب الالعاب القويه تنزل عليه و الوي ثم ال PS3 بدرجه اقل مكملين له .. الانكار ما رح يفيد احد ( انا يعتبروني متعصب لسوني ) ال 360 هو ال must هذا الجيل ..

خلاص انا قررت تأجيل شراء ال ps3 الا اجل غير مسمى لووووووول الا اذا استمرت حصرية فف 13 و ميتل جير 4 عليه ..

ال wii60 للفوز ( ما عمري تصورت اني اقول هالكلام ) لكن للاسف سوني خذلت عشاقها بدرجة اولى و الجيمرز بدرجه ثانيه .. يعني GTA صعبة سوني تعوض روكستار عن ارباحها لكن ايس كومباكت و ديفل ماي كراي مبيعاتهم تعتبر متوسطه و قريبه من المتواضعه فسوني لو دفت لهم كم مليون دولار عشان تبقيهم

 

[Super Shadow]

طبعا محد قال أن ال160 لعبة كلهم بيكونون ممتازين

يمكن 80 لعبة أو 60 أو 40

خلوها على الله ، نصبر و نشوف ::

 

[Justice]

سوني لم تخسر الحرب بعد والمشكلة اكثر الاعضاء ينظرون الى ps3نظرية سيجا سابقا لما تدهورت
وفشلت سوني مازالت واقفة ولم تخسر اي شيئ اشفيها اذا خسرت حصرية لعبتين لاتنسون
ان ال360العاب تنعد على الاصابع حصرية اما الباقي كلها نازله على السوني
ايضا مو على كيفكم تقررون متى تخسر ومتى تربح سوني
والايام بينا نشوف مين الي راح يتحطم عدل لووووول والمشكلة لحد الان احنا في البداية
برضو نفس الكلام على الوي كلها العاب تنعد على الاصابع والباقي كلها قريبا وانا متأكد ان اكثر
الاعبين متحمسين بس على لعبتين ماريو وميترويد والبقيه.......... ناسينهم
ونفس الكلام مع ال360 كلها بس بلو دراجون بسسسس والباقي باااااااااااااااييييييييييييخ

ادري انا مادري شنو قاعد اخربط او شنو اقول بس حبيت اطلع الي فيني xd والمشكلة الى الان
ماطلعت ذرة من الي فيني لووووووووووووول
في النهاية سوني هي الرابحة من البداية فقط مع الي يعرفونها زيين ^_~!

 

[Nintendo]

شباب محد قاعد يقول سوني خسرت اي شئ هنا .. الحرب توها بدات .. الاخ هارتلس يتكلم عن موضوع واضح جدا وهو انه العاب الفيرست والسكند بارتي كافيه لشراء البلايستيشن3 ..

 

[squall leonhart]

سوني لم تخسر الحرب بعد والمشكلة اكثر الاعضاء ينظرون الى ps3نظرية سيجا سابقا لما تدهورت
وفشلت سوني مازالت واقفة ولم تخسر اي شيئ اشفيها اذا خسرت حصرية لعبتين لاتنسون
ان ال360العاب تنعد على الاصابع حصرية اما الباقي كلها نازله على السوني
ايضا مو على كيفكم تقررون متى تخسر ومتى تربح سوني
والايام بينا نشوف مين الي راح يتحطم عدل لووووول والمشكلة لحد الان احنا في البداية
برضو نفس الكلام على الوي كلها العاب تنعد على الاصابع والباقي كلها قريبا وانا متأكد ان اكثر
الاعبين متحمسين بس على لعبتين ماريو وميترويد والبقيه.......... ناسينهم
ونفس الكلام مع ال360 كلها بس بلو دراجون بسسسس والباقي باااااااااااااااييييييييييييخ

ادري انا مادري شنو قاعد اخربط او شنو اقول بس حبيت اطلع الي فيني xd والمشكلة الى الان
ماطلعت ذرة من الي فيني لووووووووووووول
في النهاية سوني هي الرابحة من البداية فقط مع الي يعرفونها زيين ^_~!

keep dreaming my friend

 

[dragonwarrior]

اي والله سوني الحين بهالوضع تذكرني بالدريم كاست جهاز حلو و ظريف و باللأخر يموت لأن الثيرد بارتي أختاروا الجهاز الثاني. مع وجود AAA من الثيرد بارتي على الجهاز (سول كاليبر - كود فيرونيكا).

إذا أستمر وضع الثيرد بارتي مع الأكس بوكس .... فمع السلامة سوني

 

[Xeno]

أنا بعلق على 3 نقاط ضحكوني فالموضوع:

- اللي يقول خلاص ماصار في ألعاب طرف ثالث حصرية عشان جهازه صاير يفقدها, غلطان بعنف, صحيح مش بنسبة الأجيال الماضية ولكن ولكن, أهم لعبة فالنكست جين حتى الآن حصرية ومن طرف ثالث (جيرز), والاكس 360 مليان ألعاب طرف ثالث حصرية مهمة سواءا من اليابان أو أمريكا... والوي كذلك لطبيعة الجهاز واختلاف أسلوبه.

- الحين صحيح سوني عندها ألعاب طرف أول وثاني تقريبا 10 ألعاب منها بتصدر وبتكون ممتازة فعمر البلاي ستيشن 3, لكن بدال ماتتوسع قاعدة ألعاب البلاي ستيشن 3 مثل الـ360 قاعدة تتقلص (يمكن لأنها مع البلاي 2 وصلت أقصى حدودها), ومادري ليش هارتلس يقارن طرف أول سوني بمايكروسوفت مباشرة (كفاية طرف أول مايكرو عنده هالو, لعبة تسوى كل ألعاب سوني الطرف الأول تسويقيا لول)... وأفضل تقارنه بننتندو لول.

- وأخي...را أبي واحد من شباب البلاي ستيشن الطيبين يفهمني كيف وضع البلاي ستيشن 3 فالسوق بعد سنة أو سنتين فجأة بيكتسح الوي والـ360 من أمامه... المشكلة مب كذا وبس يعني مب فيد سوني فقط, الـ360 عنده أسلحة جبارة نهاية العام الحالي فقط, وعنده ضربة قد تقصم ظهر البعير فعلا... price drop!!! بعدين نقدر نقول own3d وقتها.

 

[Suzuki Yu]

سوني لم تخسر الحرب بعد والمشكلة اكثر الاعضاء ينظرون الى ps3نظرية سيجا سابقا لما تدهورت
وفشلت سوني مازالت واقفة ولم تخسر اي شيئ اشفيها اذا خسرت حصرية لعبتين لاتنسون
ان ال360العاب تنعد على الاصابع حصرية اما الباقي كلها نازله على السوني
ايضا مو على كيفكم تقررون متى تخسر ومتى تربح سوني
والايام بينا نشوف مين الي راح يتحطم عدل لووووول والمشكلة لحد الان احنا في البداية
برضو نفس الكلام على الوي كلها العاب تنعد على الاصابع والباقي كلها قريبا وانا متأكد ان اكثر
الاعبين متحمسين بس على لعبتين ماريو وميترويد والبقيه.......... ناسينهم
ونفس الكلام مع ال360 كلها بس بلو دراجون بسسسس والباقي باااااااااااااااييييييييييييخ

ادري انا مادري شنو قاعد اخربط او شنو اقول بس حبيت اطلع الي فيني xd والمشكلة الى الان
ماطلعت ذرة من الي فيني لووووووووووووول
في النهاية سوني هي الرابحة من البداية فقط مع الي يعرفونها زيين ^_~!

انت تقول سيجا خسرت وفلست وخرجت من المنافسة في عالم الاجهزة تخيل نفسك واحد من الفانس مثلي وعشت فترة الازدهاز ايام الجنسس وتجي تشوف اليوم سيجا خارج منافسة سوق الاجهزة هل ممكن تتوقع نهاية سيجا بهذا الشكل خصوصا انها كانت مسوية البدع على آخر ايامها لكن مانفعهم محاولاتهم الجادة ليش لانهم أنخذلوا في الدعم مافي العاب حصرية من الطرف الثالث ومافي العاب للجهاز من اقوى شركتين آن ذاك في امريكا واليابان EA و SQUARE , هذا نفس الشي ممكن يصير لسوني اذا أستمر الحال على هذا الشكل
السوق متقلبة وما تبقى لأحد

 

[squall leonhart]

- وأخي...را أبي واحد من شباب البلاي ستيشن الطيبين يفهمني كيف وضع البلاي ستيشن 3 فالسوق بعد سنة أو سنتين فجأة بيكتسح الوي والـ360 من أمامه... المشكلة مب كذا وبس يعني مب فيد سوني فقط, الـ360 عنده أسلحة جبارة نهاية العام الحالي فقط, وعنده ضربة قد تقصم ظهر البعير فعلا... price drop!!! بعدين نقدر نقول own3d وقتها.

اقتباس للحقيقه .. مع الاسف -_______-

 

[king zell]

لول آثار الصدمة بدت تطلع


أنا بقول لك شي.. البلاي ستيشن ثري بيمشي.. لكنه بيفحط تفحيط على كيف كيفك

 

[AMG]

- وأخي...را أبي واحد من شباب البلاي ستيشن الطيبين يفهمني كيف وضع البلاي ستيشن 3 فالسوق بعد سنة أو سنتين فجأة بيكتسح الوي والـ360 من أمامه... المشكلة مب كذا وبس يعني مب فيد سوني فقط, الـ360 عنده أسلحة جبارة نهاية العام الحالي فقط, وعنده ضربة قد تقصم ظهر البعير فعلا... price drop!!! بعدين نقدر نقول own3d وقتها.

كلامك صح 100? جميع الشركات عندها اسلحة و خطط تسويقية مختلفة و ما نقدر نعرف من بيفوز في المبيعات و كيف بيكون وضع السوق بعد عام او اثنين ، اما في الوقت الحالي انا شايف ان مايكروسوفت تقدم مجهود رائع لكسب اكبر قاعدة مستخدمين

انا قايلك من زمان ان الي بيصدر جهازه الاول بيكون عنده فرصة اكبر للسيطرة على السوق (( و قتها كنت مفكر ان البلاستيشن3 بيصدر اول واحد :cryy: :cryy: ))

 

[Justice]

انت تقول سيجا خسرت وفلست وخرجت من المنافسة في عالم الاجهزة تخيل نفسك واحد من الفانس مثلي وعشت فترة الازدهاز ايام الجنسس وتجي تشوف اليوم سيجا خارج منافسة سوق الاجهزة هل ممكن تتوقع نهاية سيجا بهذا الشكل خصوصا انها كانت مسوية البدع على آخر ايامها لكن مانفعهم محاولاتهم الجادة ليش لانهم أنخذلوا في الدعم مافي العاب حصرية من الطرف الثالث ومافي العاب للجهاز من اقوى شركتين آن ذاك في امريكا واليابان EA و SQUARE , هذا نفس الشي ممكن يصير لسوني اذا أستمر الحال على هذا الشكل
السوق متقلبة وما تبقى لأحد

بصراحة والله بصراحة انا اشوف سيجا لها الاحقية من ال360 في يجلس في عالم الاجهزة
سيجا شركة عريقة ولها احترامة لكن بعد الي صار مين الي يقدر يتكلم:sealed: مايكروسوفت
استغلت سيجا استغلال غير طبيعي على شان الجمهور ولايمكن اتخيل البلاي3يطلع بره
المنافسة سوني شركة ضخمة راح تلاقي الدعم قريبا

 

[mario0o]

اللي كان مخلي البلاي ستيشن 1 و 2 قوي وقوي جدا هو وقوف شركات الطرف الثالث معاه والناس تعودت على اسماء السلاسل الناجحة عليه... و بدل ما تظل حصرية عالبلاي3 .. الناس بتتفاجأ ان هالالعاب بتنزل على جهاز ثاني !!
وما اعتقد بيحطون امال كبيره على اسماء جديدة من سوني

البلاي ستيشن 3 يفقد الحصرية ... والاكس بوكس 360 يكسب العاب اكثر لمكتبته

( سوني لم تخسر الحرب ... ولكن هيبتها قلت بشكل كبير بنظري)

 

[dragonwarrior]

- وأخي...را أبي واحد من شباب البلاي ستيشن الطيبين يفهمني كيف وضع البلاي ستيشن 3 فالسوق بعد سنة أو سنتين فجأة بيكتسح الوي والـ360 من أمامه... المشكلة مب كذا وبس يعني مب فيد سوني فقط, الـ360 عنده أسلحة جبارة نهاية العام الحالي فقط, وعنده ضربة قد تقصم ظهر البعير فعلا... price drop!!! بعدين نقدر نقول own3d وقتها.

صح كلامك .... بس لاتنسى مشكلة الأكس بوكس 360 الأزليه

 

[Justice]

اللي كان مخلي البلاي ستيشن 1 و 2 قوي وقوي جدا هو وقوف شركات الطرف الثالث معاه والناس تعودت على اسماء السلاسل الناجحة عليه... و بدل ما تظل حصرية عالبلاي3 .. الناس بتتفاجأ ان هالالعاب بتنزل على جهاز ثاني !!
وما اعتقد بيحطون امال كبيره على اسماء جديدة من سوني

البلاي ستيشن 3 يفقد الحصرية ... والاكس بوكس 360 يكسب العاب اكثر لمكتبته

( سوني لم تخسر الحرب ... ولكن هيبتها قلت بشكل كبير بنظري)

توالناس وال360بيطلع برة المنافسة رغمن عن انفه ونشوف في النهاية:cooool:

 

[mario0o]

توالناس وال360بيطلع برة المنافسة رغمن عن انفه ونشوف في النهاية:cooool:

سبحان الله فجأة بيستوي هالشي صح 😛

 

[Justice]

سبحان الله فجأة بيستوي هالشي صح 😛

انت تشوف بعدين وراح تعرف شلون:yuck: :moneymouth:

 

[Xeno]

شباب شوفوا Justice