الذاهبة

[Old School]

الله الي اراد و العقده قضاها اللي عقدها *** لا على الدنيا سلاام ولا
لباقي العمر زينه
الفضا ماكنه الا خيمه طاحت عمدها *** والفرح ما كنه الا شيخ انقصّت
يدينه
والعمر قطعه زجاج انكسرت ولا طال امدها *** والعرب في العيد بدموع
اليتامى مستهينه
والشوارع لفها ثوب الظلام اللي هجدها *** والبيوت اطلال من عقب
المحبه والسكينه
والشتا والليل والبرد وسما يصرخ رعدها *** والعيون اللي ورى الشباك
مذعوره حزينه
طولوا في الكهف الاصحاب وبقت روحي وحدها *** كنها في كوكب ثاني خلا
من ساكنينه
الوداع اللي بعلم العين يعبر من رمدها *** و الوداع اللي بلا علم
بقفص صدري غبينه
والوداع اللي بلا رجعه علي امر وادهى *** والله انه غرغرت سم وسكاكين
سنينه
والعنود اللي جفيت الناس والدنيا بعدها *** مدت الفرقى لغاليها وهي
تعطي الثمينه
وينها كيف تركتني ليه ماجت في وعدها *** والقمر لا طل خابرها تجي
بيني وبينه
رحت انادي واتلمس في مهب الريح يدها *** كني حصان بلا صاحب طوى
البيدا حنينه
رحت اصيح الصبح وينه والعرب مارد احدها *** ما سمعت الا صدى صوتي
يقول الصبح وينه
كنهم من يوم ذيك الشمس غابت عن بلدها *** طلعوني في النفود وصكو
ابواب المدينه
كنهم من يوم ذيك الذاهبه محد وجدها *** كل رجال من الشرهه قلع في
الدرب عينه
اثرها ماتت وماتت كل فرحه في مهدها *** والربيع اقفت به اللي كانت
التاج لجبينه
جاورت عقب الحدايق حفره مااقسى لحدها *** حفره ماني مصدق كيف ضمت
ياسمينه
للحزن فيني مثل ما للطهاره في جسدها *** وش اسوي لا فتشت اللي لها
وسط الخزينه
زخرفت حلم وبنت له مسكن وسمّت ولدها *** اه لو غرت ولدها في خميله
والدينه
عاهدتني واظفرت بيمين اقوى من عهدها *** والصبي لا خير فيه ان كان
مانفذ يمينه
ما تتقى من رثاها عرق اكتظ بشهدها *** ولا تبقى خلف قضبان الجفن
عذرا سجينه
كيف عند العالم ايام العزا مااحصى عددها *** والا انا طالت شهوره
والله اعلم كم سنينه
لا الثرى فيها نبات و لا المشي خفف نكدها *** ولا السما فيها طيور ولا
البحر يمه سفينه
لا القمر هذا مساه ولا العصى هذا رغدها *** لا الزهر هذا شذاه و لا
الذهب هذا رنينه
قالوا الشيخ الفلاني مرجع القوم وسندها *** قال يبشر بالعوض و العلم
جينا ناقلينه
ساق لك بدر البدور اللي نشدها من نشدها *** جادل هزت عروش و خيبت
روس ذهينه
قسمها في رسمها في جسمها الا في رشدها *** و اسمها انجال الغضب قومه
على الالسن رطينه
اترك الناي و عطيه شيخنا غن لسعدها *** وانبسط ياعم وانسى اللي ورى
التربه دفينه
قلت ولصدري تناهيت تروع من شهدها *** اه واويلاه من يجلب على قلبي
ظنينه
خلو اغلى ذاهبه ترعى ربيع اللي فقدها *** والعطا راعيه محد صوبه الله
لا يهينه
لو ضمنت الجنه وتفاحه القلب وشهدها *** قلت من بكرى عسى مجنونها
تاقف سنين


^^


​

 

[ASWD]

ممنوع المواضيع المتعلقة بالأغاني بكل الأشكال🙂

 

[Double T]

اذا كنت ما تبغى تدعو الناس لسماع الأغاني تقدر تكتب عن اللغة العربية و ما يحتاج تجيب طاري الأغاني

 

[AM2]

قصيده مؤثره ^^

 

[NSider]

الذاهبة .. أروع قصيدة نبطية انكتبت على مر الأزمان .. رأيي الشخصي ..

أنا ماني من محبي خالد عبدالرحمن .. لكن القصيدة هذي .. والطريقة اللي غناها خالد .. فعلاً تؤثر في القلب ..

 

[squall leonhart]

لووووووووووووول يعني ما لقيت الا خالد عبدالرحمن مع احترامي لك ... شغل الي ما يحب الاغاني العربيه هذا كل واحد حر بذوقه .. اما الي يستهزئ باللغة العربيه فذا كلام ثاني و لازم نرد عليهم بكل قوه

 

[Tomb raider]

لووووووووول هدوا شباب .... يوسف شوي شوي 😛

 

[ASWD]

لاحول ولا قوة اللا بالله

منو الحين تفلسف وجا يبي يضربك ومدري شنو

كل اللي قلناه ان مواضيع الاغاني ممنوعة بأي شكل من الاشكال لا اكثر ولا اقل

احد اجا وتهجم عليك وجلس يتفلسف ومدري شنو؟؟؟

سبحان الله تلاقي ناس مدري كيف تاخذ الامور.. تسوي من الحبة قبة على شغلة بسيطة

 

[Double T]

للي قرا الموضوع قريب بس احب انبه انو كلامي ماهو على القصيدة كلامي كان على شي في الموضوع الأصلي تم حذفه من قبل كاتب الموضوع

بس عشان لا احد يفهم كلامي غلط

 

[The Sinner]

خلاص ياشباب روقوا وبدل هالكلام استمتعوا بالقصيدة

 

[Old School]

والله مع الاسف اعتذرة لناس ما تستاهل فعشان كذا سحبة الاعتذار وانا اضحك وردودي كلها سحبتها لانها صارت ثقيله مره والي يبغا يزودها معي حياه الله بالخاص عشان اقدر اخذ راحتي معه

 

[The Sinner]

لووووووول اخوي هدي اعصابك مافي شي مستاهل وما اظن احد يبي يزودها معك والشديد الذي يمسك نفسه عند الغضب وبالاخر انت مثل ماقلت انت حاط هالقصيدة عشنها عجبتك مو عشنها اغنية وانتهينا وما عليك من شي ثاني واظن حتى الشباب فهموا هالشي 🙂

 

[Khalid-S]

القصائد عادي مافيها شي تنحط ,, ما يحتاج تكبر السالفه شباب

عموماَ اكره النبطي مع ان جدي واحد من اكبر شعراء النبطي ... ما افمه زين كمان.

 

[ASWD]

كتوضيح انا تكلمت عن الفقرات اللي انحذفت من الموضوع وليس الموضوع برمته

اخ Old School يعني تبغانا نجاريك بأسلوبك هذ؟

اول شي ردي اللي قبل هذ كنت اكتبه وانت بعدك ما نشرت اعتذار مدري شنو هذي اول نقطة

ثاني نقطة خل عندك اسلوب في الكلام مع غيرك يمدحون الاسلوب المتحضر في مخاطبة الناس

ثالث نقطة عيب مايقولون ناس ماتستاهل لا تطيح الميانة مرة وحدة خل عندك شوية رتابة في الكلام

رابع نقطة اكان سبب كلامك الخشن شويةظروف او غيره هذ ما يعطيك الحق انك ترمي كلام وبس..بالله انا متملل ومتضايق ومدري شنو اجي احط حرتي في ناس مالها ذمب بالله عليك هذ عذر؟

خامس نقطة وشو اللي يبي يزودها حياه الله على الخاص!!..مشكلة البني آدم اذا قعد ورا شاشة يشوف نفسه كثير+ هالأسلوب التهديد والوعيد ومدري شنو بطلوه الناس من زماااااااان .. وتطورو في اسلوب النقاش وغيره

سادس نقطة ما اقول اللا الله يهدي الجميع🙂

 

[Old School]

والله يا اسود انت الي بديتها معاي وموضعي اصلا عدلته منعا لمشاكل تافه
يعني بالله عليك بالموضوع الاصلي كم ره ذكرت اني ما ادعو للاغاني لكن اذا كان الشعر يغنى وهو ما يسمع الشباب يعني قولي بالله عليك في احد يقرى كتب شعرع اجنبيه ويشوف شعرائها ان كان في فهم ندر جدا .... هذا شي
الشي الثاني ما اظن اني عضو لي يومين مسجل وجاي اتفلسف عليكم واحط موضوع عشات تجيني اول رد وتسوي فيها فاهم وتقولي الموضوع ممنوع وانت ما فهمة مبتغاه............ خلاص يعني قريت كلمة اغاني على طول صار الموضوع موضوع اغاني ؟؟؟
هذا شي والشي الثاني ما اظن امتدحت مغني ولا قلت لكم شوفوا هالمغني بس ذكرت اسم مغني لانه له علاقه بالقصيده....... ولو ابغا اخليه موضوع اغاني مهو باحسن احط وصلة للاغنيه وافتك ؟؟؟

وبالنسبه لنقاطك

مع الاسف اذا كنت برجع الكلام لازم اكتبه من جديد لان ما عندي نسخه منه لكن بسيطه ابد اكتب لك واحد جديد ان بغيت
وبالنسبه للاعتذار فعلا وضعته بنفس الموضوع وحذفته مباشره بعد ما قريت ردك الثاني
ثالث نقطه والله مهو بانت الي تجي وتعلمني الصح والغلط...

رابع نقطه في هذي معك حق وانا وسبق واعتذرة عنها لكن بعد ما شفة ردك الثاني حذفتها مباشرة

النقطه الخامسه يعني وش مطلوبك تبغا تخليها يد بيد عشان ترتاح ؟؟؟؟؟

 

[الــخــــارق]

بداية شاكر لك أخوي اولد سكول على غيرتك على لغتك العربية..
ومحاولتك تنبيه الاخوان المغترين بحضارات الغرب أو الشرق ولغات الغرب أو الشرق..

ولكن أخي ألا ترى بأنه اللغة العربية الحقة هي الفصحى..
بمعنى انه اللغة العربية الفصحى هي اللغة التي تعتبر ثاني أصعب لغة كما قلت
وهي أيضا الأكثر والأنفس من ناحية المصطلحات وكونها الأفضل من ناحية الوصف والخيال..


أخي الغالي كان من المفترض أن تقارن بين اللغة العربية الفصحى وبين اللغات الأخرى
انا لا اعني اللغة التي يتكلم بها مذيعين الاخبار أو بعض كتاب الجرائد والمجلات..
انما اللغة الأصلية في العهود الاسلامية الأولى وفي العهد الجاهلي..

قصائد وخطب العرب التي كان مليئة فن وجمال وروعة في المعاني و في اسلوب الكتابة و اختيار الألفاظ..


أشكرك مرة أخرى أخي على موضوعك ..
وبارك الله فيك..

 

[Tomb raider]

اشوف السالفه ما تستاهل كل هذا
عدوها لأنها سوء فهم لا أكثر ^-^

 

[Bounty]

شباب بس !!! والله عيب !!! قلبتو الموضوع هوشه !!!

خلاص كل واحد يعتذر من الثاني .. ولا مو لازم سكرو موضوع الهواش يا شباب .. كلنا اخوان و المفروض ما نغلط على بعض ..

________________


القصيده اكثر من رائعه .. معانيها صراحه قمة في الجمال ..

 

[Old School]

همم معاكم حق ...... بكتب موضوع اخر يرضي الكل ويشفي غليلي

 

[Ginko]

take it easy boys, no need to get angry or anything.