البلاي ستيشن 3 يكسر حاجز المليون في اليابان

[Final Fantasy]

من Famitsu/Enterbrain المصدر Gamefront.de :

Über 1 Mio. PS3 in Japan verkauft

18.07.07 - Famitsu-Herausgeber Enterbrain meldet, dass die PlayStation3 in Japan mittlerweile 1.010.492 Mal verkauft wurde (Stand: 15.07.07). Die Konsole kam am 11.11.06 auf den Markt.

شي حلو مع عدم وجود أي شي يذكر للجهاز في اليابان :laugh:

ندري أن الـ PS2 وصل لهالرقم خلال أيام في اليابان و لكن الوضع مختلف بهالوقت مع الـ PS3 لأسباب كلنا نعرفها ---> قلتها علشان نسكر الباب على هالردود :yuck:


يلا عقبال المليونين .

 

[Nintendo]

هذا موضوع ينحط من سوني فان بوي !! الرقم جدا ضعيف والجهاز يحتاج شغل جامد باليابان وخصوصا انه قائمة اصدارته هذا العام مش ولابد ...

 

[Mr.3B]

البلاي ستيشن 3 يكسر حاجز المليون في اليابان

عسى ما تعور .. ههههههههه
لول .. عقبال المليونين (أتوقع قبل نهاية السنة بمشيئة قادر)

 

[King Wario]

تو الناس ....

 

[Final Fantasy]

الرقم جدا ضعيف

أكيد الرقم ضعيف مافيه خلاف على هالشي .. بس على الأقل Late Better Than Ever ;p

PS3 يحتاج فعلا شغل جامد في اليابان لأن لحتى هذه اللحضة مافيه شي يذكر على الجهاز لجمهور السوق الياباني .. خل نشوف شنو المخططين له لتعديل وضع الجهاز هناك .

عسى ما تعور .. ههههههههه

ههههههههههههههههههه

 

[Humam]

أن تصل متأخرا خير من ألا تصل.. واذا ما حطه سوني فان مين يحطه, اكس بوكسي جاي يتونس لول.

البلاي ستيشن 1 قعد أكثر من سنة و نص لين يعدل وضعه في اليابان.

 

[Nintendo]

البلاي ستيشن 1 قعد أكثر من سنة و نص لين يعدل وضعه في اليابان.

من جدك تقارن بين الجهازيين !! المفروض تقارن مع الجهاز اللي قبله مو مع اول جهاز من الشركه ..

 

[Emirates]

الف مبروك وعقبال المليون الثاني

بس يشد حيله في السعر والالعاب المنتظره .. والامور تتعدل

 

[M 7 L]

مبروك مبروك وعقبال ما نسمع الأرقام الخياليّة , , ,

Go sony . . . وكلّنا معاكي

 

[mario0o]

شي حلوة ان اخيرا وصل الجهاز للمليون الاول ..
لكن فعلا شي محبط لسوني .بالمقارنه مع الجهاز السابق .. البلاي2 وصل لهاي الرقم في اسبوع . اما البلاي3 في 30 اسبوع تقريبا !!

اذا حذفنا ارقام اول شهرين من صدور الجهاز (شهر 11-12) واخذا مبيعات عام 2007

فبيطلعلنا ان مبيعات 6 شهور واسبوعين تقريبا هو 500 الف !!!!!

 

[Torpedo]

عسى ما تعور .. ههههههههه
لول .. عقبال المليونين (أتوقع قبل نهاية السنة بمشيئة قادر)

العن ام الفلة .. لول .. رد مرعب من المرعب >.>

 

[mario0o]

سوني لازم تشد حيلها في الحصول على العاب اكثر حتى تمشي الجهاز تخلي الناس تشتريه

لان فاليابان اشوف سوقهم اسهل ,ماعندهم الا جهازين يتنافسون (الوي-البلاي3) واذا الناس ما بياخذون البلاي3 فبيروحون عالوي

 

[Magical Dreamer]

السلام عليكم

شي طيب صراحة إنه الجهاز وصل المليون ^^

وعقبال أرقام أفضل

يعطيك العافية على الموضوع

 

[sanjiyan]

اكثر الالعاب مبيعا كانت

Gundam mosou 280,000

Ridge Racer 140,000

Gundam target in sight 138,000

جندام تارجت كانت اسوأ لعبة لعبتها هالجيل

 

[MALDINI]

شي طيب ..
مع صدور الالعاب اللي شفناها بالمعرض E3 .. راح تكون نسبة ارتفاع مبيعات الجهاز حلوه وسريعه .
***

 

[m7tram]

Gundam mosou 280,000

يعني بلو دراجون بايعه اكثر منهم ؟ 😛 , متى يتعدل البلاي ستيشن 3 باليابان ويصير نفس البلاي ستيشن 2 ؟ في أمل ؟

 

[Solay]

وأخيرا....

اتوقع راح نشوف المليونين قريب الين تنزل العاب زي الناس

 

[sanjiyan]

يعني بلو دراجون بايعه اكثر منهم ؟ 😛 , متى يتعدل البلاي ستيشن 3 باليابان ويصير نفس البلاي ستيشن 2 ؟ في أمل ؟

وين الالعاب اللي تعجب الذوق الياباني هل هي متوفرة؟ اذا هذا بيصير بنشوف تحسن

 

[Ash]

ummm ok , بالتوفيق لسوني , أتمنى فعلا تعدل من هالوضع هذا .

 

[BioMario]

جيد ..
لكن قدامة مشوار علشان نشوف الملايين ^^ ..

 

[Humam]

من جدك تقارن بين الجهازيين !! المفروض تقارن مع الجهاز اللي قبله مو مع اول جهاز من الشركه ..

عمر ليش يعني المقارنة مستحيلة.. مافيها شي.. الجهازين من سوني..مع الوقت بيكون في تحسن تصاعدي.. البلاي ستيشن 1 قعد 3 سنوات لين يبيع 10 مليون جهاز في اليابان, ويوم جا الPS2 وجاب هذا الرقم في سنتين شفنا ناس مو عاجبتها المبيعات, لدرجة اني اتذكر نقاشات تشكك في نجاح الPS2 الياباني..

الPS3 لو جاب 7 - 8 مليون في 3 سنوات راح نشوف ناس مو عاجبها الرقم وراح تعتبره فشل مع الأسف لأن هذي طبيعة المنتديات..

عموما اذا البلاي ستيشن 3 استمر بنفس الأداء هذا فخلال 3 سنوات راح يبيع 4 ملايين ونصف.. طبعا ما اعتقد فينا واحد يعتقد حقيقة ان البلاي ستيشن 3 راح يكون بنفس الوضع وماراح تنزل عليه كثير ألعاب أو يصير له برايس كت أو عدة امور ثانية تخلي المبيعات تتحسن.

 

[Nintendo]

همام انت ليش تقارن مع فترة فشل ؟ البلايستيشن الاول كان اول جهاز من سوني وشئ طبيعي بدايته تكون ضعيفه .. البلايستيشن3 ثالث جهاز من سوني اللي مسيطره على السوق لها جيلين والمفروض انه منطقيا يقارن مع البلايستيشن2 ..

وشئ طبيعي لو باع الجهاز 7-8 يعتبر فشل .. البلايستيشن2 باع 20 مليون باليابان ولمن تقول البلايستيشن3 باع اقل ب12-13 مليون جهاز شئ طبيعي يعتبر فشل .. المفروض اي شئ ناجح يتحسن بالارقام مو يرجع للخلف واعتقد ذي ابسط ثوابت النجاح والفشل ..

 

[Humam]

عمر هذا المفروض نسميه تراجع مو فشل.. أعتقد الي حققته سوني في الماضي كان شي خارق للعادة للأمانة و يظل شيء صعب جدا تكرره فما بالك انها تتخطاه..

8 مليون في 3 سنوات مقارنة ب 10 مليون في 3 سنوات للبلاي ستيشن 1 يعتبر شيء ممتاز, أكيد خطوة للوراء لاسم البلاي ستيشن بس يعتبر أفضل من الي يبيع 4 مليون طوال مسيرته و خذ الجيم الكيوب كمثال..

بالنسبة لي البلاي ستيشن 3 لو باع 15 مليون جهاز طوال مسيرته بكذة راح يكون حقق الحد الأدنى من الأداء المقبول, نعطيه Pass يعني.. بس غير منطقي نقول انه فاشل أبدا.

 

[Nintendo]

المشكلة انت قاعد تبني كلامك على ايش بالضبط لمن تقول 15 مليون جهاز مباع !! انا اتكلم عن الوضع الحالي ومقارنة الجهاز مع البلايستيشن2 .. لمن البلايستيشن2 يبيع مليون باسبوع والبلايستيشن3 يبيع مليون بسبع شهور

هاذي يسمونها كارثه همام مو حد مقبول .. همام لاتقارن مع الكيوب او غيره قارن مع جهاز البلايستيشن2 .. هاذي المقارنه الوحيده المنطقية للبلايستيشن3 واعتقد كونك تبيع 20 مليون وبعدين تنزل لاقل من 10 ملايين فماعتقد احد يقدر يسوي spin للفشل حتى اذا كان شغال بالPR حق سوني ..

 

[Humam]

المشكلة عمر انت حاط في بالك اني قاعد احاول اخلي المليون في 7 شهور شي جيد !! اطلاقا, انت تعرف تمااااااااااااااااااااااااااااااااااااااااااااااما ان رأيي غير كدة.. وضع البلاي ستيشن 3 الحالي في اليابان سيء يا جماعة الخير في حياتي ما حاولت أبين انه الوضع جيد.. أعيدها,, سيء.. سيء سيء..

انا جالس اقدم توقعات للمستقبل وقلت بالتحديد ان الPS3 لو باع 15 مليون بنهاية مسيرته راح يسجل كنجاح في نظر سوني و الناس الي تحدد معايير صناعة الفيديو جيمز, اما الفان بويز و حقين المنتديات ما فرق رأيهم..

لول الحمد لله اني لسة دوبي قلت الكلمة و ماهي الا ثواني حتى ثبت صحة كلامي, ما أدري بأي معايير نعتبر 8 ملايين جهاز مباع في ظرف 3 سنوات من اللنش " فشل".. الPS2 جابها في سنة و نصف تقريبا.. مرة السنة والنص هذي هي الي فرقت و هي الخيط الي يحدد فشل المنتج من نجاحه .. قوية.

انا اتفهم تماما المقارنة بين الPS2 و الPS3 وهو من حظ سوني السيء فعلا, جهاز أسطوري بكل ما تعنيه الكلمة فلمن تنزل جهاز بعده ما جيب ربع انطلاقته أكيد يعتبر خيبة أمل, بس مدري ليش البعض مستعجل و مصر على ربط كلمة فشل مع الجهاز.. اوكي الPS3 " فشل " في تحقيق رقم مشابه للPS2 فقط لا غير.. هذا الرابط الوحيد بين الكلمة هذي والPS3 حتى الآن.

 

[Ginko]

لعبه على غفله.

 

[dark]

البلايستيشن الاول كان اول جهاز من سوني وشئ طبيعي بدايته تكون ضعيفه

طيب الNES كان اول جهاز لنتندو وهو اكثر جهاز مبيعاً في أجهزة نتندو الكونسول

 

[Futrus]

مشوار الوصول للعشرين مليون يبدأ بخطوه 🙂

 

[Jizasu]

والله رقم حلو, صج انه متأخر.. بس يوصل للمليون ولا يظل بالمأخره...و ان شاء الله بتزيد تدريجيا !

 

[hussien-11]

طيب الNES كان اول جهاز لنتندو وهو اكثر جهاز مبيعاً في أجهزة نتندو الكونسول

أخ دارك الكلام عن بداية الجهاز فقط لأنو تحسن بعدها و باع 100 مليون جهاز ، يعني اسم جديد بالسوق شي طبيعي تكون بدايته ضعيفة لحد ما يثبت وجوده
طبعا الفترة الي استغرقها الجهاز ليوصل لهالرقم مش مقبولة إطلاقا

مشوار الوصول للعشرين مليون يبدأ بخطوه

keep dreaming