الالعاب الممنوعة حسب موقع "الهيئة العامة للإعلام المرئي والمسموع"

[SULTAN 3]

الألعاب الممنوعة حسب التصنيف العمرى للألعاب..

الرابط اضغط هنا

والألعاب المسجله بالمنع حسب الجدول كثيره لكن الغريب انهم كاتبين Resident Evil 6 "الجزء السادس فقط" .. وبنفس الجدول كاتبين من ضمن قائمة الالعاب الممنوعة Resident Evil 5 .. كيف كذا مادري اساساً تستغرب يوم تشوف لعبه زي Farming simulator 17 ولعبة بيبر ماريو .. و ورلد اوف فاينل فانتسي .. شكلهم بالفعل اذا اللعبه فيها سحر فيعتبرونها حرام وبالتالي فمنعها واجب !

شاهد القائمة كاملة بالرابط هنا
======

وايضاً بنفس الرابط كاتبين جدول التصنيف العمري اللي نلاحط فيه انه تم تجنب التصنيف العمري +١٨ وتم وضع +١٩ بدلاً منه .. بالرغم من ان الالعاب اللي هم بنفسهم مانعينها تحمل التصنيف العمري +١٨ . ما ادري الى متى هالعمل الغير احترافي والضبابيه وعدم الشفافيه بمنعهم بالرغم من انهم سبق وقالو بحسابهم بتويتر انهم بيكونون اكثر شفافيه فيما يتعلق بآلية المنع.

التصنيف العمري السعودي للألعاب هو:
٣ سنوات، ٧ سنوات، ١٢ سنة، ١٦ سنة، ١٨ سنة
بينما بالجدول بالاسفل (اللي بموقعهم الرسمي) تم اختصارها إلى :
٦ سنوات، ١٢ سنة، ١٩سنة

الزبده .. الوضع عند اللي مستلمين المنع ضايعين والمنع بيصير متخبط أكثر لأنهم اساساً اساسهم غير صحيح.. وبالتالي هالشي بيأثر علينا كلاعبين ومجتمع لاعبين لأننا ما نضمن اي لعبه حالياً او مستقبلاً انها بتوصلنا.. وايضاً الدعم للمنطقه بيقل وقد نصل لمرحلة نعد الالعاب المدعومه باللغه العربية على اصابع اليد نتيجة نفور المطورين والاستودوهات عن دعم منطقتنا علشان سياسة "المنع" الغير واضحه حسب كلام مدير سوني اوروبا جيم راين.

 

[المعلم]

أبى افهم هذه الهيئة الغبية ماريو بارتي ممنوعة خخخمخخخخ

 

[Alwa7sh-017]

فيه اشياء ممنوعة وموجودة بالستور السعودي مثل just cause3 نزلت عالبلس قبل كم شهر

 

[VIPER0]

الحمدلله الذي عافانا وفضلنا على كثير من خلقه،الله لا يبلانا بس،وضعهم مزري والحجب عشوائي.

 

[Lord Kaido]

هون فائدة الاوبن ستور على الاكس بوكس حتى لو انتا على الستور السعودى عادى بكبسة زر بتنتقل على الأمريكى ما تحتاج تغير حسابك بس تغير الريجون على نفس حسابك

بس وين الالعاب على الاكس لذلك أنا ساخط على مايكرو هذه الأيام لقلة الالعاب يعنى كل هالفوائد من الخدمات وما فى فائدة

واتمنى سونى تعمل اوبن ستور مثل مايكرو لكن اشك ان هذه الأمور رح تصير حاليا لن بدها توحيد بالديفجون للشركة وسونى مش جاهزة لهذه الأمور حاليا لكن اعتقد أن هذا الأمر رح يصير بالمستقبل

ورح تحل مشكلة اسواقنا العربية بشكل كبير

يعنى يصير المنع آخر هم مشترين الرقمى يعيش الرقمى للابد

 

[إبراهيم 906]

بصراحة كنت متفائل بهذه الهيئة وأن الشركات راح تتفهم علينا
لكن يوم شاهدت هذه القائمة غسلت جسمي كاملا مو بس يدي لول
دراقون كويست بيلدرو ماينكرافت اجل لوووول
ملاحظ أن ما في العاب الاكس بوكس ههههه قيرز عنيفة جدا بس شكلهم ما يعرفونها هههههههه
اظن في غلط بالموضوع

 

[شيطون]

اتوقع ماريو ممنوع لأنه لا يحلق شواربه ولا يعفي لحيته

 

[FAROOS]

الموضوع غلط بالكامل أرجو حذفة , اللألعاب الي حاطها ماهي ممنوعه , أصلا بالعقل تقدرون تشوفون التقيم السعودي عليها .

الالعاب الممنوعه موجودة هنا

 

[SILENT EVIL]

العاب سيارات وماريو :emoji_anguished:

 

[SULTAN 3]

الموضوع غلط بالكامل أرجو حذفة , اللألعاب الي حاطها ماهي ممنوعه , أصلا بالعقل تقدرون تشوفون التقيم السعودي عليها .

الالعاب الممنوعه موجودة هنا

ادخل عالرابط اللي موجود بالسطر الثاني من الموضوع وبتلقاها كلها سويت لها نسخ ولصق للموضوع.

 

[شيطون]

ادخل عالرابط اللي موجود بالسطر الثاني من الموضوع وبتلقاها كلها سويت لها نسخ ولصق للموضوع.

الرابط اللي هو وضعه فيه الالعاب الممنوعة
اللي انت وضعته فيه التصنيف العمري لكذا لعبة

لو تلاحظ مكتوب عليها مناسب لعمر 3 سنين
ايش الفكرة من كتابة هالشيء دامها ممنوعة ؟؟؟

 

[FAROOS]

ادخل عالرابط اللي موجود بالسطر الثاني من الموضوع وبتلقاها كلها سويت لها نسخ ولصق للموضوع.

الرابط اللي حطيته حق التصنيف العمري بشكل عام , وتلقاء داخله رابط ينقلك للالعاب الممنوعة اللي هو هذا.

اللالعاب اللي حطيتها هذي عينة من اللألعاب المصنفة بالتقييم العمري السعودي (يعني المسموحة مو الممنوعة) .

 

[The Last Lombax]

الرابط اللي حطيته حق التصنيف العمري بشكل عام , وتلقاء داخله رابط ينقلك للالعاب الممنوعة اللي هو هذا.

اللالعاب اللي حطيتها هذي عينة من اللألعاب المصنفة بالتقييم العمري السعودي (يعني المسموحة مو الممنوعة) .

بالضبط.
يغلق.