استفسار بخصوص Mobily Connect

[Yaz3D]

طبعاً معظمكم إذا ما كان كلكم سمعتم عن Mobily Connect ..

للي ما يعرفها:
قطعة تشتريها من مكاتب موبايلي فيها مكان تحط فيه شريحة موبايلي وتشبكها في الكمبيوتر توفر لك إتصال انترنت سريع يوصل ل 7.2 ميجا في الثانية

وحلاتها إنك وين ما كنت يوصلك النت ما دام إنه في تغطية من الشبكة.


استفساري للناس اللي اشتركوا في هالخدمة, هل ماشية معاكم تمام؟ فيه أي مشاكل أو عيوب؟ لأني بصراحة ناوي آخذلي وحدة..

 

[pacino]

خخخ واحنا مستانسين بـ E-go

 

[Dr.Saleh]

أنا ما استعملتها بس أعرف واحد استعملها.
السرعة تختلف حسب نوع البرج فالأبراج اللي تكون سرعتها 7.2 لازم تكون HSDPA و هذي مو في كل مكان. أما أبراج UMTS فالسرعة تقريبا 256kbps . أنصحك تجرب أو تسأل عن منطقتك إذا فيها البرج المطلوب.
ترى في منتصف 2008 راح ينزلو سرعة 14.4 و يبغالها مودم جديد.

 

[Solay]

أتوقع NSider جربها ويقدر يفيدك..

 

[Yaz3D]

ترى في منتصف 2008 راح ينزلو سرعة 14.4 و يبغالها مودم جديد.

والله تمام إذا كذا .. شكلي راح أنتظر

 

[squall leonhart]

طيب اقدر اسوي فيها شبكه منزليه براوتر عادي؟
و هل فيه اي مشاكل باللعب باللايف او التنزيل بالتورنت؟

 

[DeaDMaN]

صاحبي اشتراها , توقعناها سريعه .. لكن بطيئة و مليانة مشاكل -_- غير انها ماتلقى الـpeers و الseeds في التورنت .

ممكن انا ماأعرف استخدمها , لكن هذا اللي شفته لما استخدمتها"شهر" -_- ..

 

[Death match]

شباب بمنتدى بوابة الدي اس ال يقولون انها نصب وحتى يوسف 15 مشتريها ويشتكي منها تقدر تدخل هناك

القطعة ما عليها كلام لو جبتها لأي شركه ثانية وعليها نفس الخدمة تطلع ممتازة لكن الضاهر الشبكة مالت موبايلي مضغوطة شكلها

 

[NSider]

أعرف واحد عنده إياها وينزل فيها تورنت ويلعب لايف وأونلاين في الـWii بشكل عادي. طبعاً هو موصلها براوتر عن طريق سلك Ethernet من الدسكتوب حقه.

وأعرف واحد ثاني يعاني منها في بيته لأن البرج اللي عنده عليه ضغط (وعنده القطعة القديمة اللي سرعتها 1.8 ميجا). لما ياخذ اللابتوب ويطلع الكورنيش تصير سريعة.

 

[squall leonhart]

طيب ايش اسم الشبكه الي تعطيني 7.2 م .. عشان بسوي بحث عن الشبكات المتوفره عند بيتنا

 

[NSider]

اللي فيها 7.2 ميجا هي HSDPA أو الـ3.5G .. المشكلة أنه حتى لو كان البرج HSDPA، السرعة فيه ممكن تكون 1.8 أو 3.6 أو 7.2 ميجا. الطريقة الوحيدة عشان تعرف هي التجربة.

طبعاً إذا سرعة البرج اللي عندك مو 7.2، ممكن تتصل بموبايلي وراح يعطونك أولوية في أنهم يسوون أبجريد للبرج (ممكن ياخذون أسبوعين أو 3 أسابيع على ما يجون، أو أقل إذا أزعجتهم بالمكالمات).

 

[Zeyad]

اشتركت بالخدمة لمدة شهر وعانيت من مشاكل بتقطيع والبطئ ، المشكلة الابراج عندي كامله بس مثل ماقال انسايدر يمكن الضغط هو سبب..

وبعض الاحيان يكون الاتصال سريع وجيد وعلى فكرة جربت تورنت وكان سريع ويوصل بعض الاحيان الى 60-80 ، بشكل عام اذا الابراج عندك كامله وفيها 3.5G انصحك تاخذها بس يمكن تكتشف ان البرج عليه ضغط وتتوهق..

 

[itachi]

السالفه سالفة آبراج ...وحسب إمكانيه البرج لآخر سرعه
أنزين شباب أنا سمعت حتى لو أخذت الباقه الغير محدوده ...نفس الشئ يكون لك حد معين في اليوم أحد عنده خبر عن هالشئ

 

[Zeyad]

السالفه سالفة آبراج ...وحسب إمكانيه البرج لآخر سرعه
أنزين شباب أنا سمعت حتى لو أخذت الباقه الغير محدوده ...نفس الشئ يكون لك حد معين في اليوم أحد عنده خبر عن هالشئ

1 جيجا باليوم..

 

[Death match]

طيب ايش اسم الشبكه الي تعطيني 7.2 م .. عشان بسوي بحث عن الشبكات المتوفره عند بيتنا

شوف القطعة تشتغل على شريحة نفس كل القطع فهي تقريباً تقدر تقول سعرها فيها ولما تضهر شركات اتصال ثانية عندكم في السعودية تقدم خدمة شريحة الداتا هذي تقدر تستخدمها على هذي القطعة نفس قطعة Sierra 875 aircard ,kts BandRich BandLuxe C100 HSDPA 7.2Mbps Data Card

شوف يمكن يطلع واحد ذكي يقولي القطعة ما فيها شريحة !! اقوله انت غلطان الشريحة تجي داخل القطعة بس هم مسكرينها عنك علشان لا تستخدمها الا لموبايلي فقط !!

 

[itachi]

شوف يمكن يطلع واحد ذكي يقولي القطعة ما فيها شريحة !! اقوله انت غلطان الشريحة تجي داخل القطعة بس هم مسكرينها عنك علشان لا تستخدمها الا لموبايلي فقط !

!!!!!شنو شريحة الجوال داخل ومسكرينها ...من قال
عندك القطعه تبع الجوال الشريحه تجي معاها وتنحط فيها مو مغفلينها ...بس كلام الناس يقولون إن القطعه أكيد مقفله لشبكة الإتصالات وبس وهذا المعقول

 

[Double T]

1 جيجا باليوم..

غير محدود معناته غير محدود .. هذا كلام واحد اعرفه عنده الخدمه ... ينزل في اليوم اكثر من 1 جيجا و له اكثر من شهرين و ما تغير عليه شي

 

[itachi]

سمعت رواية ثانيه تقول ٢ أو ٣ جيجا حدك في اليوم

 

[Death match]

!!!!!شنو شريحة الجوال داخل ومسكرينها ...من قال
عندك القطعه تبع الجوال الشريحه تجي معاها وتنحط فيها مو مغفلينها ...بس كلام الناس يقولون إن القطعه أكيد مقفله لشبكة الإتصالات وبس وهذا المعقول

حبيبي ايتاشي بالكويت الايقو كانو مسكرينها في ناس فتحوها لقو داخلها شريحة MTC وشالو شريحتها وحطو شريحة داتا الوطنية وشبك معاهم !!

انت تضن ان هذي الشريحة مالت جوال ؟ لا غلطان! data هي عندي نفسها لا تقدر تتصل فيها وان جتك مكالمة تجي لك على شكل مكالمة بيانات

الي حبيت اقوله ان القطع هذي مو جديدة وان كنت تبي حتى تشبك على تلفونك مافي مانع اذا كان عندك الشريحة يغنيك عن القطعة وتجي على حسب تلفونك مثلاً nokia 6680 يعطيك 512 و N95 داعم للHSPDA يعطيك 1.8M

 

[itachi]

محتوى مخفي

حبيبي ايتاشي بالكويت الايقو كانو مسكرينها في ناس فتحوها لقو داخلها شريحة MTC

ياحبيبي اللي عندنا مو مسكرينها ولا شئ نفس النوع اللي تشتريه بطاقه للكمبيوتر وتحط فيها شريحه
أنا اللي أقصده عندنا عرض من الإتصالات ..بطاقه وتجي معاها شريحه حالها حال القطع اللي تنباع واللي تشتغل عليها أي شركة إتصال بس هذي تبع الإتصالات لازم تركب الشريحه حق تتصل ( مافيه داخلها شريحه ولا شئ )
وحتى فيه عرض ثاني تبع موبايلي هم كذلك لازم تركب شريحه
-----------
أنا شغال في مكتبه جرير وتمر علي تساؤلات كثيره ...وهذي السالفه معروفه عند الموظفين وعند الإتصالات وعند أغلب الناس أن هذي القطعه ما تشغل إلا من نفس الشركه حق الإتصالات
....بس الصراحه أقولها لك ما جربت أحط فيها شريحه ثانيه ياليت أحد من الشباب اللي جربو يعطونا خبر ......أو إنشاء الله أجرب في الأيام الجايه

 

[Zeyad]

غير محدود معناته غير محدود .. هذا كلام واحد اعرفه عنده الخدمه ... ينزل في اليوم اكثر من 1 جيجا و له اكثر من شهرين و ما تغير عليه شي

خخ ايه قالوا غير محدود مع أطلاق الخدمة وحاطين علامة تحت ومكتوب 1 جيجا باليوم

اشتركت بالخدمة في بدايتها ومع اول شهر وكان نظامهم 1 جيجا باليوم يعني بشهر 30 جيجا...

وبخصوص الان..اتصلت على موبايلي وعلى ذمة الموظف يقول ان نظام 1 جيجا انتهى وصار تحميل مفتوح ::

 

[Yaz3D]

اللي سمعته ان السيرفرات الحالية ماهي مستحملة الضغط الكبير .. ما كانوا متوقعين الإقبال الكبير على الخدمة .. ننتظر أحسن ..

 

[Dr MaD]

شباب معليش بس ودي أسأل بخصوص خدمه موبايلي كونكت كيف أدائها لما ألعب اونلاين ؟

لان واحد من اخوياي في البترول ووده ياخذها (( هيلو 3 :yuck: )) ويسأل كيف اشبكها على الـ XBOX360 ؟

 

[Fedo]

شباب معليش بس ودي أسأل بخصوص خدمه موبايلي كونكت كيف أدائها لما ألعب اونلاين ؟

لان واحد من اخوياي في البترول ووده ياخذها (( هيلو 3 :yuck: )) ويسأل كيف اشبكها على الـ XBOX360 ؟

قبل لا ارد عليك حبيت اقول انا اكثر واحد يحب الخدمه هذي :cooool:
و اكثر واحد يحب موبايلي :cooool:
و اكثر واحد مستانس في الدنيا :cooool:
الخدمه عندي من 3 شهور قبل الاعلانات حقتها و بصراحه مره مستانس منها :kiss:
التورنت عندي يوصل 113 كيلو بايت بالثانيه :laugh: (( طبعا على حسب السيدرز ))
و الاون لاين ماشي حاله بالاكس بوكس ... بس يكرهني في الـ PS3 بس اهم شيء اقدر انزل ديموات بوقت خورافي
مستعد اجاوب على كل تساؤلاتكم عنها :laugh:

المهم جوابك اخ Dr.MaD هو خل خويك ينسى السالفه برمتها ... اذا كان ناوي يلعب بجامعه البترول فالابراج هناك جايبه العيد من بعيد و ما راح تخليه يستخدمها مثل العالم ( بعد تجربه مريره بالقطعه حقتي عند واحد من الشباب ) ... و بالنسبه لكيف يشبكها يخلي شغاله على الـ PC و يفتح للأكس بوكس النت عن طريق الـ Eathernet

قبل الاعلان عن 7.2 كانت الشبكه عليها ضغط و تفعيل و حاله بس الحين موبايلي جزاهم الله خير تفادوا المشكله هذي و حدثوا الشبكه ووسعوها و الحين تستوعب عدد اكبر من الناس

بالنسبه لخدمه اللامحدود فهي لامحدود دوبي امس رايح انام و مشغل الترونت على ملفات تقدر بـ 5 جيجا و صحيت الصبح كلهم نازلين

بعد فيها احد عنده سؤال :: ؟!!!

best luck for you
FeDo

 

[itachi]

مشكور على الشرح فيدو ...🙂

التورنت عندي يوصل 113 كيلو بايت بالثانيه (( طبعا على حسب السيدرز ))

زين كم سرعة الإتصال طلعت عندك ،،،أبغى أعرف هل توصل أعلى سرعه
يعني لو السزعه ٣ ميجا هل توصل سرعه التنزيل على الأقل ٣٥٠ كيلو في الثانيه
أخوي لو تجرب شئ دايركت وتشوف يكون ممتاز ..لأنه أنا جربتها تبدي السرعه فوق وبعدين تقل واجد

 

[Fedo]

المشكله الدايركت هل اليومين انواع الذل علشان تلقاه
و العالم استبدلوه بـ mediafire و zShare
بس مع zShare اقدر احمل الملف بالداون لود مانيجر و توصل سرعه التحميل فيه 198 كيلو بايت
و مع mediafire انزله عادي بالديفلت داونلودر تبع الويندوز و يوصل 60 كيلوبايت بالثانيه
بس ما اتذكر تعاملت مع شيء FTP Direct اغلبيه شغلي تورنت
بس مثل ما قالوا الاخوان فوق ... يعتمد على منطقتك ... و كل ما قربت من البحر و الاماكن الي وسط المدينه الي يكون فيها العالم تتمشى و تستانس تكون بخير و كل ما راحت في " قلعه وادرين " راحت عليك !!
مناطق الدمام الي راح تكون معاك FULL هي مناطق الكورنيش (( المباركيه / الشاطئ و ما حولهم ))
مناطق الخبر كمان الي عند الكورنيش (( الحزام الاخضر و الذهبي و ما حولهم ))
و على فكره ... الناس تقولي بالـ DSL العادي لما يشغلون التورنت كل شيء ثاني عندهم يبطئ ... التصفح و الماسنجر و غيره ... بس انا اشغل تورنت و ماسنجر و Xbox Live و احيانا LimeWire و التصفح و كل شيء يشتغل مع بعض تمام بدون لاجات
كمان لما انزل اكثر من تورنت بنفس الوقت و السيدر يكون عالي لكل الملفات سرعه الداون لود لكل الملفات يطلع لي 260 كيلو بايت بالثانيه يعني كل ملف 90-70 كيلو لحاله !!
بس مثل ما قلت انا محظوظ ان منطقتي فله تدعم الشيء هذا بشكل كلي ... بديت افكر ان البرج فوق راسي لول :yuck:
بالنسبه لقرائه المودم انا يطلع عندي 3.6 ميجا يعني FULL ... على فكره انا طالبها قبل لا تصير 7.2 يعني يوم كانت 3.6 انا بروح ان شاء الله بكرا لهم علشان يحدثون خدمتي لـ 7.2 و الله يعلم ايش بيصير وقتها
يمكن ارمي نفسي من برج جامعه البترول لو السرعه تدبلت :sealed:
220 كيلو بايت بالثانيه ؟!!! هذا الشغل :sealed:

 

[itachi]

حلو حمستني ومشكور ...
أخوي إذا تبي تطور قطعتك إلى ٧.٢ ما عليك إلا تدش موقعهم وتنزل التحديث حق القطعه وبس ..ما يحتاج تروح لهم

 

[Fedo]

حلو حمستني ومشكور ...
أخوي إذا تبي تطور قطعتك إلى ٧.٢ ما عليك إلا تدش موقعهم وتنزل التحديث حق القطعه وبس ..ما يحتاج تروح لهم

انصحك قبل لا تفكر انك تاخذها تشوف احد عنده اياها و تجربها عندك قبل لا تخسر خساير بالاخير ما تشتغل عندك زي ما تبغى :roll:
و اول مره ادري ان بس اروح موقعهم علشان احدث >_>
بروح اشيك الحييييين :laugh:

 

[Fedo]

itachi جبت لك جواب سؤالك

هذا سرعه تحميل برنامج موبايلي كونكت تبع التحديث طبعا البرنامج Direct Link
تشبع رغباتك ولا تبي اكثر ؟!!!

 

[itachi]

عجل لو تجرب ببرنامج أو تنزل بالأوبيرا كيف السرعه 🙂