اجهزة ابل المضروبه. (شريت واحد للأسف)

[Ginko]

شريت اليوم ماك بوك برو ب 1999$.


بعد استعمال اقل من ساعه اكتشفت اربع مشاكل:


اولا: يوم رجعت البيت لقيت شاشتي زي هذي (هذي مو صورتي، لكن حقتي تشبهها) :

شفتوا كيف الشاشه مضروبه مع الجنب اليسار. يسمونه macbook pro warpage، لان الشاشه يصير لها warpage.

فيديو للمشكله يوضح لك معاملة ابل للزبائن:

[YOUTUBE]XY8ZB-mxoQk[/YOUTUBE]





ثانيا: قلت خلنا ندخل النت، واشبك الايثر نت، المفروض على طول يشبك مع النت، لكن ما شبك! مدري هل فيه مشكله في الجاك ولا لازم اسوي سيتينغ. حاولت اسوي سيتينغ وسألني عن اليوزر اي دي عند شركة الكيبل وهالخرابيط، طبعا اولا ما اعرفها لاني ساكن في شقه مؤجره وجاي معها النت، وثانيا المفروض ما يسألك، لان هذي ميزة الايثرنت، على طول تشبك على النت بدون فلسفة.


ثالثا: الماوس باد المضروبه! وش ذا الخياس! الباد نفسه جدا ثقيل، لكن هذي مو المشكله، المشكله هو الزر، لازم اضغط عليه بقوه عشان يستوعب، انا على بالي بصير معه حبوب فقاعد اضغط بسهوله، لكن ما يستوعب، اي واحد بيستخدمه بيحس بالضربه.


رابعا: الحرااااره، اقل من ساعه الجهاز حار؟؟!!؟ التوشيبا كوسميو عندي شغال طول اليوم واذا حطيت يدي عليه انواع البروده، ليش الجهاز من ابل الي دفعت عليه اكثر من 1999$ يحتر في اقل من ساعه؟



الله اعلم لو كملت استخدام لاسبوع وش باكتشف.

بروح بكره احاول ابدل الجهاز، وبجرب الي يعطوني اياه في المحل، واذا ما طلع زين احتمال ارجع فلوسي.

 

[Torpedo]

أطالب بتصريح رسمي من خالد ، يوضح فيه اسباب المشاكل المذكورة ..

 

[Colorization]

حرام والله، تحس جاي تبي تتهنى بالجهاز والمصايب تتحاذف من كل جهة (صارت بأخوي مع كم جهاز إلكتروني).

شخصيا ً، بشتري الماك للتجربة فقط، فضول. مرتاح مع الـXP، والشي الوحيد اللي بيخليني أطور للفيستا هو الفضول. وطبعا ً، لينكس > النظامين، حسافة إنه ما يدعم حزمة أدوبي للتصميم وإلا كان خليته نظامي الأول عالجهاز. هرجة الـ"أسرع احسن....الخ"، ما اعاني من أي بطئ او مشاكل (ما استخدم أي برنامج حماية، إستخدامي للنت آمن). مدري، أحب منتجات أبل، لكن تحس بعض الفانز trolls، خصوصا ً اللي يجي يسب لك ويندوز إكس بي وإلا منتجات مايكروسوفت. ما أستغرب لو بعد سنتين جرّب اللينكس و "واو كل هذا ببلاش؟ أبل بايخة" :\

الله يعوضك بأحسن منه، وأتمنى يحلون لك المشكلة ويكون عندك جهاز لأبل تستخدمه، وناسة لما تستكشف أنظمة تشغيل جديدة

 

[The Doctor]

لول... هذا لأنك انتقدت أبل p;

إن شاء الله المشاكل تكون بس من الجهاز اللي عطوك اياه
و الصورة رهيبة D=

 

[king zell]

تستاهل :yuck:

الحين بيجيك PR رسمي من خالد

 

[itachi]

أوووه جينكو ماخذ ماكبوك برو !!!!!! 🙂

كل شركة ولازم تشوف لها مشاكل تقتيه أو فنيه في بعض أجهزتها وهذا شئ عادي ،،،حتى شركة آبل
المشاكل اللي معاك قويه ولازم ترجعه على الضمان ويشوفون له حل

إنشاء الله يحلونها لك ..والله يعوضك ...وخيرها بغيرها
والله أنا في حاليا في مجال بيع كومبيوترات محموله وأشوف المشاكل كل يوم ...
حتى فكرت أبيع الماكبوك اللي حقي وآخذ التطوير الجديد ...بس مدام الجهاز أخذته وزي الحلاوه ويش يضمن لي إذا أخذت الجديد ما تطلع فيه مشاكل تقنيه فيه ...خلني على حالي أفضل لي 🙂

 

[BioMario]

خطير ..!
لا وبعد البرو و العيوب كبيرة في الجهاز ..
اخوي لو انا مكانك والله يرجعونه غصباً عنهم ولا اسويلهم مشكلة ..

ان شاء الله يبدلونه لك مع انه لازم

 

[J.B.L]

الحين عندك كوسميو وتاخذ ماك بوك برو ..... عالعموم حاول تبدل جهازك أو تاخذ فلوسك .

 

[q8 spy]

خالد أس = الأسعافات الأوليه

 

[Mista Koo]

Umm مبروك؟/عظم الله أجرك؟

أطالب بتصريح رسمي من خالد ، يوضح فيه اسباب المشاكل المذكورة ..

وأنا أيضا أطالب..

شخصيا ً، بشتري الماك للتجربة فقط، فضول. مرتاح مع الـXP، والشي الوحيد اللي بيخليني أطور للفيستا هو الفضول.أحب منتجات أبل، لكن تحس بعض الفانز trolls، خصوصا ً اللي يجي يسب لك ويندوز إكس بي وإلا منتجات مايكروسوفت.

QFT.. يطفشونك لدرجة إنك ما تبغى ماك بعدها!
هو بالنسبة لي الماك أكثر شي يتميز فيه هو الـInterface والثيم.. عموما يهتمون بالـArt حيل (عشان كذا مغير ثيم الوندوز مخليه ماك P: )

 

[Aoks]

الحمد لله مرتاح مع الكوسميو الي عندي 🙂

يقولون اعطي الخبز لخبازه
​

 

[Ginko]

الحمد لله مرتاح مع الكوسميو الي عندي 🙂

يقولون اعطي الخبز لخبازه
​

..؟

_________

حرام والله، تحس جاي تبي تتهنى بالجهاز والمصايب تتحاذف من كل جهة (صارت بأخوي مع كم جهاز إلكتروني).

شخصيا ً، بشتري الماك للتجربة فقط، فضول. مرتاح مع الـXP، والشي الوحيد اللي بيخليني أطور للفيستا هو الفضول. وطبعا ً، لينكس > النظامين، حسافة إنه ما يدعم حزمة أدوبي للتصميم وإلا كان خليته نظامي الأول عالجهاز. هرجة الـ"أسرع احسن....الخ"، ما اعاني من أي بطئ او مشاكل (ما استخدم أي برنامج حماية، إستخدامي للنت آمن). مدري، أحب منتجات أبل، لكن تحس بعض الفانز trolls، خصوصا ً اللي يجي يسب لك ويندوز إكس بي وإلا منتجات مايكروسوفت. ما أستغرب لو بعد سنتين جرّب اللينكس و "واو كل هذا ببلاش؟ أبل بايخة" :\

الله يعوضك بأحسن منه، وأتمنى يحلون لك المشكلة ويكون عندك جهاز لأبل تستخدمه، وناسة لما تستكشف أنظمة تشغيل جديدة

شكرا.

بخصوص اللنكس، ترى كل الماك واللنكس في الاساس يونيكس. يعني صحيح مختلفين، لكن كلهم فيهم التريمنال وتقريبا نفس الكوماندز.

__________

كل شركة ولازم تشوف لها مشاكل تقتيه أو فنيه في بعض أجهزتها وهذا شئ عادي ،،،حتى شركة آبل
المشاكل اللي معاك قويه ولازم ترجعه على الضمان ويشوفون له حل

مو مثل المشاكل الي قراتها عن اجهزة ابل بشكل عام:
http://www.appledefects.com/

الحين عندك كوسميو وتاخذ ماك بوك برو ..... عالعموم حاول تبدل جهازك أو تاخذ فلوسك .

ليش؟ محد قال اني رميت التوشيبا، لازال موجود وفي افضل حال.
____________

عموما شرائي للماك ماكان لاي شكل من الاشكال "نقله"، فقط تجربه او وسيلة ثانيه للبرمجه. لازال التوشيبا عندي قوي جدا وشغال زي الفل.

 

[Aoks]

قصدي انا ما عمري وثقت بأبل في اجهزتهم, بس
​

 

[Ginko]

قصدي انا ما عمري وثقت بأبل في اجهزتهم, بس
​

ايييه، فعلا. جتني نفس الفكره، يبدو من كثر المشاكل المشهوره في الماك بوك برو على النت ان ابل فعلا ما تقدر تسوي لابتوبات high-end زي الناس.

 

[ZiZ]

انتظر شوي وبيطب عليك steve jobs من الدريشة ويقول لك:
"YOU'VE BEEN MAC'ED!!"

هذي تصير لكل اللي يشترون منتجات أبل... وهم يحاولون يقنعون كل الناس الثانين يشترون ماك زيهم علشان يضحكون عليهم...

 

[Lonely Heart]

انتظر شوي وبيطب عليك steve jobs من الدريشة ويقول لك:
"YOU'VE BEEN MAC'ED!!"

هذي تصير لكل اللي يشترون منتجات أبل... وهم يحاولون يقنعون كل الناس الثانين يشترون ماك زيهم علشان يضحكون عليهم...

لوووووووووووووووووووووووووووول

الله يعينك بس ..

 

[itachi]

انتظر شوي وبيطب عليك steve jobs من الدريشة ويقول لك:
"YOU'VE BEEN MAC'ED!!"

هذي تصير لكل اللي يشترون منتجات أبل... وهم يحاولون يقنعون كل الناس الثانين يشترون ماك زيهم علشان يضحكون عليهم...

ههههههههههه :laugh: بس أنا أبيع على الناس أجهزة ويندوز

 

[Hardcore Gamer]

والله غريبه ...
الحين عندي جهازين ماك ولا احلى الحمد لله ماشين تمام ... واحد توني شاريه ... واحد له سنتين بس خرب مره خراب بسيط وصلحته باقل من 200 ريال

 

[Khalid-S]

مش محتاجه PR اصلا ... اي جهاز يطلع خربان روح رجعه ويعطونك جديد. اما الاشياء الثانيه ما تعتبر مشاكل .. بس ما فهمت تتعامل معها ويبيلك من يعلمك لا اكثر.واشياء تتعود عليها مع الوقت فقط .. مثل الماوس الي انا لمن استخدم غيره احس بالغثيان. مسئلة تعود لا اكثر. الايثرنت انا اشبكه وعلى طول يشتغل بدون اعدادات او شي بس انت ما عرفت له. حتى ما عطيت نفسك وقت تتعلم عليه على طول جاي تكتب موضوع .. بدل ما كتبته عبدالله لول كان وفرت وقتك في التعلم عليه .. مو محتاج ابدا.

منتجات ابل ولابتوباتها افضل منتجات بورتابل بلاش troll .. ما يحتاج اروح اجيب وصلات مراجعات منهم ... روح عندهم يا عبدالله وخليهم يبدلونه. الحراره انا اواجهها مرات وهي من بطاريات سوني المضروبه. خليهم يبدلون لك اياها. الي يسمعكم يقول ابل الشركة المقدسه الي المفروض ما تكون فيها اي خرابات.

ومبروك على الجهاز ..

 

[NESTA]

من اسوء اللحظات انك تشتري شي وفرحان فيه .... وفجأة يطلع لك شي (يعكنن عليك)

تتحول الحالة من فرح .... الى حقد. ياما صارت لي


لكن ان شاء الله تتوفق بجهاز ممتاز ومافيه مشاكل .... سواء ماك والا غيره.


ملاحظة: عبدالله اذا ناوي تشتري توشيبا .... جبه من برا

لاتاخذ من الاجهزة اللي عندنا في السعودية ..... كلها مضروبة

 

[pacino]

لول حاس بشعورك..

من اسوء اللحظات انك تشتري شي وفرحان فيه .... وفجأة يطلع لك شي (يعكنن عليك

 

[AMG]

انا عندي الماك بوك برو

مشكلة الماوس هذي ما اشوفها مشكلة اساسا لكن ممكن تستغني عن ضغط الزر الكبير و تخلي الماوس باد مثل حق اي لاب توب عادي (( تلمس الماوس باد مرتين ))

الايثر نت شبك معي على طول من دون اي اعدادات فما اعرف ايش الي حصلك

 

[Lunar Poet]

المهم انك صرت كووول :cooool: مستخدمين الويندوز كلهم نوووبز :cooool:

 

[Ginko]

خالد، مافهمت اتعامل مع ايش بالضبط؟ كل مشاكلي مالها علاقه "بالتعامل" مع الجهاز، فهي هاردوير بشكل بحت. الos اعرف استخدمه زي الفل، مافيه مشاكل هنا.

الايثرنت انا اشبكه وعلى طول يشتغل بدون اعدادات او شي بس انت ما عرفت له.

اذا انت تشبكه على طول ويشتغل وانا شبكته على طول وما اشتغل، فأيش يبيلي اعرف عشان "يشتغل"؟ يعني مايبيلها معلومات، الايثر نت المفروض على طول تشبكه ويصلح، لكن ما صلح معي، مافيه شيء اتعلمه عشان اصلحه.

بخصوص البطاريات فمالك حق ترمي اللوم على سوني، لان لو ابل مو مقتنعه بالبطاريات كان ما حطتها على جهازها، فهي في هذي الحاله مسؤوله عن كل شيء يصير فيها لانها وافقت عليها.

الايثر نت شبك معي على طول من دون اي اعدادات فما اعرف ايش الي حصلك

يبدو انها مشكلة هاردوير.

ملاحظة: عبدالله اذا ناوي تشتري توشيبا .... جبه من برا

لاتاخذ من الاجهزة اللي عندنا في السعودية ..... كلها مضروبة

لالا عندي توشيبا كوسميو ممتاز جدا.


احتمال اروح الحين ابدله او اروح بكره.

 

[Khalid-S]

ما اعرف ايش مشكلتك بالضبط ...

ادخل Sys Pref ونيتورك .. وشوف ايش يعطيك تحت ايثر نت ... اذا يشبك معي على طول ومع غيري لا تلوم النظام. مسئلة بس تحتاج تسويها .. ما اعرف النظام الي عندك هل هو مثل الي عندي .. كوم كاست وجهاز موتورلا شابكه على طول على جهازك او موصله على راوتر يعطي وايرلس ولا ايش .. اذا تبي مساعده ياريت تشرح.

البطاريات الاخيره مضروبه .. وكثير يشتكون عنها .. اذا انت شابك الابتوب بالشاحن افصل البطاريه وجرب. في بطاريات اخيره مضروبه تروح وتبدلها عندهم ..

نزل موضوع في جاف .. هناك بيساعدونك اكثر مني. بس بدون ترول طبعا لان هناك ما عندهم الكلام هذا.

روح بدله .. يعطوك واحد جديد على طول.

 

[Tomb raider]

اول ما اشتريته اشتغل بدون مشاكل ولا عوار راس ولا شي
وبعدين جهازك مضروب عاليسار يعني تعمم علي آبل؟ مممم غريبه
ما عتقد (كل) اجهزة آبل مضروبه ... لازم تصير مشاكل اثناء التصنيع ، ويكون نادر ...
روح بدله وكلمهم من حقك !

 

[Ginko]

انا ما اقدر الحين احاول اصلح الايثرنت لان ركبت الجهاز في الكرتون وبرجعه. اذا الجديد ما صلح فبفتح موضوع هناك.

 

[Tomb raider]

انا ما اقدر الحين احاول اصلح الايثرنت لان ركبت الجهاز في الكرتون وبرجعه. اذا الجديد ما صلح فبفتح موضوع هناك.

قولهم وايد تسبون مايكروسوفت وجهازكم هذا خربان P:

 

[Khalid-S]

لا تطلع من المحل الا لمن تشوف الجهاز وتفتحه .. الجينيس بار هناك ما يقصر ... اسئلهم كل شي.

 

[Ginko]

رجعت من المحل. اقسم برب النعمه اسوء خدمة عملاء شفتها بحياتي.

اول ما دخلت قلت الجهاز اذا تسكر مع الجنب يكون معفوط، قالت لي افتحه. فتحته وعلى طول قالت هذا الجهاز كذا، هو تصمم بهالطريقه. يعني باختصار اجهزة ابل تتصمم وهي مضروبه، ياسلام. ثم قلت لها مو معقوله، قالت لي بالحرف "nothing is perfect". اقسم بالله انا كذا وقفت اناظرها من كثر الصدمه، ماعرفت وش اقول. لوول كل جهاز شريته من اول يوم كان بيرفكت 100%، اساسا كذا الاجهزه المفروض تكون. وبعدها على طول قالت لي اذا تبي تبدله ادفع 10% من السعر، يعني 200$ ههههههههههه اموت على الخدمه، حتى ما خلتني اتكلم. وطبوا علي الي يشتغلون وكل واحد يقول ان الي عنده فيه نفس الشيء، وكلهم يقولون ان كذا الجهاز المفروض يكون. طبعا نصابين لاني شفت اجهزه صالحه 100% وفيه ناس كثيره قرأت كلامهم وبدلوا لهم الجهاز عشان هالمشكله (الي حطيت الفيديو حقه بدل جهازه 4 مرات ورى بعض عشان المشكله). المهم انا مره انلخمت من المعامله، خصوصا ان كل ما اقول شوي تذكرني بالrestocking fee وهي ال200$ يعني كأنها تقول "لا تحلم تبدله ببلاش ياحبيبي". فخذته وانا زاقه معي وطلعت، حتى كل العالم تناظر مستغربه من تعاملهم الزفت ابن الزفت.


اقسم بالله فعلا الشركه ما تعرفها الا اذا تعاملت معها. بكره بروح لفرع ثاني وبجرب حظي، لكن هالمره بشب فيهم ماراح اعطيهم فرصه زي اليوم، قالت ايش قالت "nothing is perfect".