اجمل لحظات عمرك؟

[pacino]

السلام عليكم

العنوان واضح,بالنسبة لي ..اجمل لحظات عمري كان وقت سماعي لنجاحي من الثانوية بنسبة ممتازه ولله الحمد, كنت في مجمع الافنيوز (بالكويت) وقتها اتصل صاحبي وقال اني نجحت وبالنسبة الفلانية..وقفت بمكاني ..كان ودي اطير من الفرحه..قلت لصاحبي يتأكد فوق العشر مرات..صراحة صج حسيت بنشوة الفرحه والسعاده..:cryy:
وانتم :roll:

 

[Khalid-S]

لمن ترجع من غربة لوطنك ...

 

[Mr.3B]

...

الغريب .. مني قادر أتذكر لحظة وحدة جميلة !! .. يمكن عشانها كثيرة ؟!؟!

 

[pacino]

لمن ترجع من غربة لوطنك ...

لوووول..انت عطيتني باور احباط 10000×..لأني ان شاء الله بداية العام المقبل بسافر لامريكا -دراسه.. 🙁

 

[MALDINI]

كثيره هذي اللحظات .. اذكر منها اني تلقيت هدايا مو هديه من شخص عزيز علي والصراحه احرجني كثير .. ولما عرفت ان الوالده راح تتحسن انشالله من مرضها ..
ما اقدر اتذكر كثير صراحه بس اكثر اللحظات الحلوه كانت بأيام الطفوله عموما .

فيه فرحتين مؤجله انشالله تصير لي ولكل واحد باذن الله وهي الوظيفه والزواج .. لول
بالتوفيق للجميع انشالله ..
***

 

[Khalid-S]

لوووول..انت عطيتني باور احباط 10000×..لأني ان شاء الله بداية العام المقبل بسافر لامريكا -دراسه.. 🙁

الله يعينك .. لازم تستحمل عشان ترجع لبلدك وانت مرفوع الراس بشهاده كبيره باذن الله.

 

[Bounty]

لمن ترجع من غربة لوطنك ...

حرام عليك خالد .. والله والله والله دمعت عيوني .. مشتاااااااااااااااااااااااااااااق للكويت :cryy:


احلى لحظه لما ترد بالمطار تلقى ربعك العزيزين على قلبك ينتظرونك و مبتسمين من بعيد والله ودي اطير و اوصل لهم برمشة عين ...


يالله هانت كلها 7 ايام و ارجع لكويت العز .إن شاء الله .. :cryy: :cryy: :cryy: :cryy: :cryy: :cryy:



==============


و احلى اللحظات لما وانت بالطياره راد الكويت وندخل اجواء الكويت .. كلنا انغني اغاني وطنيه انا و ربعي و كل الطياره لول ..


==============


و اكيد احلى لحظه لما تدخل البيت و تطيح عيونك بعيون الوالده .. و عيون الوالده تكون مدمعه من الفرحه .. و تلمها و تبوس راسها و هني يبدي البجي لول ..

بهاللحظات قلبي يدق بسرعه لدرجة ان احس ان قلبي بينفجر .. و احس ظلمه لول .

 

[DeViL MiNd]

شعور الإمتلاك هع !

 

[Khalid-S]

يالله كلها 7 ايام و ارجع لامريكا

fixed ......

 

[MALDINI]

fixed ......

هههههههههههههههههههههههههههه

 

[Bounty]

fixed ......

الله يعينك .. رمضان هناك ؟؟؟ مابي أأيسك بس والله لو انا .. مستحيل اطوف جمعة الأهل و الربع بليالي رمضان الي مستحيل تروح عن البال .. أدري حبطتك نوعا ما -_- .. الله يعينك من كل قلبي والله ..

 

[Khalid-S]

مو اول رمضان يوسف ..
المشكله بلد عربي اهون ترليون مره .. على الاقل اجواء رمضان موجوده ولو بنسبه بسيطه.
اما هناك ..................................................................

............................


.................................



..................


............................. :cryy:

 

[Bounty]

مو اول رمضان يوسف ..
المشكله بلد عربي اهون ترليون مره .. على الاقل اجواء رمضان موجوده ولو بنسبه بسيطه.
اما هناك ..................................................................

............................


.................................



..................


............................. :cryy:

لول خلها مستوره يبا .. انا وصلت هني ثالث يوم عيد عندهم .. والله ولا كأنه مر عليهم عيد :yuck:


العيد بالخليج FTW ..


بالنسبه لرمضان .. حاولو اتسوون نظام *الغبقات* انتم الشباب العرب القريبين مع بعض .. منها تتجمعون على سفره وحده .. ومنها تضحكون و تحسون انكم بديرتكم ..



*الغبقات = مصطلح كويتي يعني فيه ان كل واحد يجيب له طبق من بيتهم و كل الاصدقاء يأكلون مع بعض بكل سعاده و اطمئنان :yuck: .. لول عاد انتو اطبخو كل واحد طبق .. واحد باستا .. واحد ملفوف (ورق عنب) .. واحد عيش(رز) .. يعني تنويع بالاكل .. و الغبقات ما تصير الا برمضان


سووها كل يوم و الله يعينكم على الغربه :cryy:

 

[pacino]

لول ..الاحباط وصل 1000000000000000×..

الغبقات = مصطلح كويتي يعني فيه ان كل واحد يجيب له طبق من بيتهم و كل الاصدقاء يأكلون مع بعض بكل سعاده و اطمئنان :yuck: .. لول عاد انتو اطبخو كل واحد طبق .. واحد باستا .. واحد ملفوف .. واحد عيش(رز) .. يعني تنويع بالاكل .. و الغبقات ما تصير الا برمضان

الغبقات ما تصلح إلا مع الربع او الاهل..غير ذلك ما تسمى غبقه 🙁

 

[Bounty]

لول ..الاحباط وصل 1000000000000000×..

الغبقات ما تصلح إلا مع الربع او الاهل..غير ذلك ما تسمى غبقه 🙁

لوووووووووووووووووووووووووووووووووووووووووووووووووووووووووووووووووووووووووووووووول احنا نسيناك و قعدنا نحبط فيك لوووووووووووووووووووووووووووووووووووووووووووووووووول ...


لالا عادي .. بالعكس تصير لك مواقف بالجامعه حلوه حيل .. صحيح بوقتها تحس باحراج بس بعدين تضحك عليها .. (مثال : اول طيحه لي بالجامعه بأول يوم دراسه عند بوابة الجامعه الرئيسيه) ..





و على طاري الغبقات .. اي انا قلت له يسويها مع ربعه بامريكا (اكيد عنده اصدقاء هناك) ..

 

[Double T]

والله الحمد لله المواقف كثيره لكن اخرها اثنين

يوم دريت عن نتيجة مادة علم الأدوية ( الي كنت فاقد الأمل فيها من صعوبة الإختبار ) و كنت ناجح 😀

يوم خطبت بنت خالي و كلمت امي و قالت انها وافقت 😀

الله لا يحرمكم الفرحة ان شاء الله

 

[Dark Link]

لمن ترجع من غربة لوطنك ...

min jidd:cryy: :cryy:
although our vacation is only 1 month... but it`s worth it

 

[pacino]

لالا عادي .. بالعكس تصير لك مواقف بالجامعه حلوه حيل .. صحيح بوقتها تحس باحراج بس بعدين تضحك عليها .. (مثال : اول طيحه لي بالجامعه بأول يوم دراسه عند بوابة الجامعه الرئيسيه) ..

لول..الله.. لا يحوشك يا معود :$..هذي مواقف بتلحقني طول حياتي :~

يوم خطبت بنت خالي و كلمت امي و قالت انها وافقت

صحيح..الزواج من اجمل لحظات العمر, اخوي حاليا يجهز لعرسه..ما تصور فرحته..كل يوم يقعد يتأمل ساعات ويفكر ..يحس ان اليوم عن اسبوع والاسبوع عن سنه..

الله يوفقنا ان شاء الله لبنات الحلال 🙂

 

[m7tram]

لما شفت نفسي ناجح بماده المهندس الي يدرسنا اياها قمه الحقاره والنذاله , تخيلو حاط لنا رسمه كامله مو موجوده بالكتاب يقول انا شرحتها لكم نظري !! اشلوووووووووووووون ؟!

 

[Double T]

محترم لا تفتح باب النقاش عن الدكاتره و نذالتهم .. مستعد اكتب فيهم مجلدات و دواوين 😀

 

[Huda]

يوم مامشيت على رجولي بعد ماكنت مقعده 6 شهور او اكثر ...
:embarrassed: <<<أقلقتي البشر بهالسالفه

 

[Solay]

يوم خطبت بنت خالي و كلمت امي و قالت انها وافقت

مبروووووووك

طبعا لحظت الفرح كثيرة وأكثرها النجاح طبعا والهدايا هي أكثر اوقات افرح فيها ويمكن نزول لعبه او جهاز كنت منتظرهم لي مدددة

 

[Isaac]

يوم مامشيت على رجولي بعد ماكنت مقعده 6 شهور او اكثر ...
:embarrassed: <<<أقلقتي البشر بهالسالفه

يا ساتر ..



الحمد لله على السلامة والله.






والله لحظات كثيرة جدا ...

على بالي حاليا (بأذكر المتعلقة بالفديو جيمز) ..

أول مالعبت مترويد برايم 1 ..

شرائي للكيوب مع إترنال داركنيس ... كان شعوري لا يوصف وقتها !


أيضا شرائي للأدفانس مع سوبر ماريو أدفانس (جزئي المفضل من سلسلة ماريو بروس هو الثاني) شعور لا يوصف من جد :cryy:


هدية من أخوي ... The Ultimate Gift ( بوكيمون ستاديوم + ماريو كارت 64 + جيم بوي كلور + بوكيمون يلو ) <<< لاحظوا متى لعبت ماريو 64 ؟! :yuck: هالكلام كان سنة 2000 وهذيك الأيام كان جنون البوكيمون مستشري في العالم كله لول لدرجة إني كنت أحلم إني أطير وأنا على ظهر زابدوس لول وتحتي مقعد خشبي علشان ما أتكهرب 😛

 

[persona]

الف مبروك دوبل تي قبل كل شي منك المال ومنها العيال مقدماً.

اجمل لحظات عمري كانت:

الطفوله بشكل عام(نتنيدو، اتاري، سيجا ، جيم جير ،جيم بوي الابيض والاسود، السنافر، رعد العملاق،كبتن ماجد، سانشيرو والقعده من الصبح عشان تشوف مسلسلا كرتونيه او برامج اطفال او مسلسلات كوميديه
،ككاو الولد بو رعاص، المدرسه، استاذ سيد ، اول ماطمرت سور المدرسه).
القعده على البلي ستيشن 1 والعابها ، النتنيدو 64 وقولدن ايز ، ليجند اوف زيلدا ،سوبر ماريو 64
تحرير الكويت والعوده للوطن.
شلت ماده كنت ساقط فيها وخذيت فيها بي+

وطبعاً شعور الامتلاك .. اذا امتلكت شخص آخر D:!!

 

[Colorization]

28\2 من كل سنة.

 

[Solay]

28\2 من كل سنة

؟؟؟؟؟؟؟؟؟؟؟؟؟؟

 

[Colorization]

اليوم اللي طلعوا فيه كل الجلاب من الكويت. 🙂

قوات التحالف تخوض حرب دبابات مع الحرس الجمهوري غرب البصرة؛ القوات الكويتية والسعودية و الإماراتية والعمانية والبحرينية والقطرية والمصرية والسورية تدخل مدينة الكويت؛ الرئيس بوش يعلن عن وقف جميع العمليات الحربية في الساعة الخامسة صباحاً بتوقيت غرينتتش من يوم 28 فبراير وبصوت هادئ يخاطب الأمة الأمريكية والعالم بقوله : تم تحرير الكويت

 

[Solay]

اهاا لول حسبته يوم مولدك

 

[Ginko]

هممم انا مو مره مثل خالد، يعني اشتاق للاهل لكن الرياض؟ عادي.

اجمل لحظه صعبه مره، لكن من افضل اللحظات اول مره رجعت للاهل في الرياض، كانت حلوه.

 

[The Last Fantasy]

أحلى لحظة مممم .. لما وصلت نتيجة الثانوية ؟ يمكن .
لول ما ببالي شي حالياً <.<

وعالبركة طراد! مستعجل أشوفك لول 😛 .

والحمد لله على سلامتك أخت هدى.