اجمل لحظات عمرك؟

[pacino]

28\2 من كل سنة.

احيك على وطنيتك..بالفعل يوم يفرح فيه الكويتين جميعاً

 

[Futrus]

كثيره جداً
بس ابوي كان متضايق واليوم إنحلت مشاكله وكلمته وشجعته وفرح من كلامي هذه لحظه جميله

 

[Leon]

قبل 4 سنوات لمن كنت أستنى نتيجة الثانوية العامة , وقتها كانوا يرسلوا نتيجتك برسالة على جوالك فيها نسبتك المئوية..( شايفين اللعب بالأعصاب كيف ؟! ) ..

على صلاة المغرب وأنا رايح المسجد إلا وجوالي يقول طي طي طط طيي طيي طط , جاتني رسالة !!!!!!!!!! .. من دون ما أفتح محتوى الرسالة شفت المرسل إلا وأحصله بإسم ( وزارة التعليم ) !!!



أنا قلبي للحظة وقف , من كثر خوفي وقتها من النتيجة متى تتصوروا فتحت الرسالة ؟!

ثاني يوم ومو أنا اللي فتحتها كمان , ولد عمي ( الملقوف ) قرأ الرسالة , والله العظيم حسيت وقتها إنه الهوا خلص وماني قادر أتنفس ..

إلا ولد عمي يقول بكل برود وهبالة...................................: ( تيهيء.. مبروك نجحت بنسبة 92% ) !!!

أقسم بالله كان يوم الإنفجار العالمي , وقتها جاتني حالة من حالات ( الدفرنة 😛 ) وجلست أسلم على أبوي وأمي حتى قبل ما يدروا عن الخبر و يعرفوا إيش اللي صار .. ما تتصوروا كيف كان شكلي وكيف كان شعوري وقتها , من أحلى أحلى أحلى أحلى أحلى الأحاسيس اللي مرت عليا في حياتي وإلى الأن أتذكر ذاك اليوم كأنه أمس , يوم ولا في الأحلام .

صدق اللي قال أحلى شعور هو شعور النجاح


ألف مبروك دووبل تي على الخطبة والله يتممها على خير بإذن لله .
وما تشوفي شر يا أخت هدى والحمدلله على السلامة .

 

[SALAH]

هممم والله بدها عصرة مخ هذه ..

( بعد نص ساعة من محاولة الرد على الموضوع )

آآآآخ ..الله يسامحك يا pacino , قاعد اتذكر حياتي كلها وما اذكر يوم حلو مر علي -_-


بدي اقول يوم نتائج الثانوية العامة ...بس النتيجة طلعت 60.5 :sealed:
ولو قلت انه كان يوم أول راتب اخذته بحياتي ..أصلا راح كله تسديد ديون :cryy:

جاتني حالة كآبة قوية صراحة :slant:

 

[Zero]

أجمل لحظات عمري ؟ ممم
ما في شيء جميل أو يستحق الفرح بالنسبة لي حتى الأمور والقرارات المصيرية ما تكون لحظات جميلة يمكن لأني ما أكون راضي عن نفسي أحيانا ..

لكن عموما دخولي جامعة البترول هذه السنة ( آخر حدث مهم صار في حياتي ) ما اعتبره شي "جميل" أو من أجمل لحظات عمري لكنه أضاف إلى حياتي مزيد من الاستقرار ..

ممم بصراحة بعد هذا الرد رجعت وأخذت نظرة للوراء .. وحسيت أن حياتي ما فيها شي جميل حتى الأشياء اللي يمكن يعتبرها البعض أجمل لحظات عمره ..

 

[BioMario]

ايام الثنوية العامة :cryy:

 

[Lunar Poet]

أذكر .. أذكر .. اممممم، اذكررررر .. أذكر في فترة مرت علي .. كانت جميلة جداً لدرجة اني قلت ان هذي أفضل لحظات عمري .. بس مب ذاكر شنو هالفترة

edit: مب متأكد أصلاً .. هاللحظة هذي مرّت علي فعلاً >.>; ؟

 

[Mista Koo]

للأسف ما أتذكر شي >.>
وكل ما أحاول أتذكر لحظة جميلة تجي لحظة كريهة وتعكر علي T__T

 

[Final Fantasy]

وايد لحظات ... بس يمكن أكثر وحده أتذكرها لما شلت بنت أختي بين ايدي لأول مرة لما انولدت قبل سنتين و نص ... الحين أنا أكثر واحد من أهلها متعلقه فيه و هي أكثر شي أحبه بهالدنيا و أعزه 🙂

 

[DeaDMaN]

امم لو بفكّر في أجمل لحظة مستحيل أقدر اختار .. لكن كثير لحظات اعتبرها من اجمل اللحظات اللي مرت علي .. منها قبول ارامكو - و لما أعلنوا عن التخصص"الكل على أعصابه يسمع اسمه وتخصصه" ,,و ايام السهر في بيت صاحبي - الله يرحمه - ..T_T

لوووول..انت عطيتني باور احباط 10000×..لأني ان شاء الله بداية العام المقبل بسافر لامريكا -دراسه.. 🙁

-__-"..الله يعينك - انا بعد 10 شهور و مع هذا محبط ومتحطم من الحين .

 

[SALAH]

خخخخخ آخر 7 ردود صار الموصوع تعاسةXاحباط :yuck: :yuck:

 

[AMG]

لوووول ما اتذكر اي لحظة ممكن تكون احلى لحظة مرات بيها فحياتي

 

[pacino]

لول..تذكر لحظة يوم ابوي شرالي PSOne ..تقريبا اول ما نزلت..شعور لا يوصف 🙂

 

[Genius-M]

1- لما أبوي وافق أنييب

بعرس اخوى (( للمعلومه عايلتنا مو ابدويه )) بس من جد تحس بوانسه اثناء الزفة

2- لما اشتري كل جهاز قيم وتكون اول تجربه

3- عند نهايه كل عزيمة/ويلمة نسويها بالبيت , مثل غدا اليوم -_- ... من جد تحس برااحه (( بالذات إذا كنت انت المعزب الوحيد و اخوانك كاسرين فيك ونايمين ))

4- لما احصل فلوس بكل سهولة من غير عناء ومشقة

5- لما اقاوم/اسابق واحد بالسيارة وابطه بط ( افوز عليه )
تحذير : لا تجربوا هذا بالمنزل

وفي وايد بس ريلي تعورني وما اقدر اكمل >_>

 

[Rockman]

يوم يبت B+ بالفيزيا 101 بعد ما كانت F " لول كله من مقدسي " احس فعلا الامل رجع والروح ارتاحت لدراستي بالجامعة بعد ما جاتني الافكار والوساويس اني ما راح انجح وافشل بالجامعة

 

[Captain Jack Sparrow]

يوم مامشيت على رجولي بعد ماكنت مقعده 6 شهور او اكثر ...
:embarrassed: <<<أقلقتي البشر بهالسالفه

الله لا يرجعك لذيك الا يام وان شالله من حسن الى احسن وما تشوفين شر ان شالله


اما انا لحظات حلوة كثيررررررررررررررررررررررررر لكن احلاها

لما شخص من اعز ربعي سامحني لما اخطيت عليه

ولما سمعت انه شخص معين سوا العملية وعرفت انه كان يتعافى بسرعة رهيبة

 

[Zero]

Genius-M هههههههههههههههههههههههههههههه ما تتصور لأي درجة ضحكت على ال"زد" ههههههههههه والله مو قادر أمسك نفسي XD !

التفحيط بالزد FTW

 

[Simplicity]

همممممممم؟؟ والله كثيره والحمد لله بس لحظات التعاسه موجوده وفي نفس المدى والمستوى
بس لحاظت كثيره حلوه طلعتي مع اخوياي وضحك وناسه بس احلاها يوم:

يوم اختي اغلى ما املك في الدنيا ولدت وجابت بنتوه صغيره كان يوم سعيد حتى اني بكيت بشكل طفولي لوووول (حساس الله يهديه)بس طلعت البنت شقيه تقول ماروكو الصغيره .

لووووووووول وفي وحده ودي اشاركها معاكم ايضا وهي يوم تعرفت على shinji mekami ,q,knight والخارق من اغلى واعز اخوياي .

 

[itachi]

يوم مامشيت على رجولي بعد ماكنت مقعده 6 شهور او اكثر ...
:embarrassed: <<<أقلقتي البشر بهالسالفه

الله يسلمش ..تقريبا نفس حالتي
وحده من أجمل اللحظات لما فكيت الجبيره اللي ظلت في رجلي فوق الثلاث شهور ...ولا أبي أرجع لتلك الأيام اللي أقعد فيها أسبوع بالمستشفى بروحي ما عندي شغله ولا مشغله غير الأكل والنوم
( المشكله برجع لنفس السالفه حق أشيل الحدايد الي في رجلي...وإلى الحين ما رحت :roll: )

الحدث الثاني ...كان يوم الأربعاء .. كنت باشتري الماكبوك ومجهز كل شئ حق تجيلي الفلوس يوم السبت أروح البحرين وأشتريه...لكن اللي صار !!!!!!!!!
كلمني صاحبي الي باروح معاه ويقول لي لازم بكره نروح يعني يوم الخميس أنا ما عندي الفلوس خلال ساعه منيه ومنيه دبرت لي المبلغ وجهزت كل شئ ...وما عرفت أنام في الليل ما كان في تصوري بيكون الماكبوك بيدي بكره صار الوقت قريب واجد ...و و و
ذاك اليوم كان عناء كبير ..تخيلو من الساعه ٩ الصبح إلى الساعه ٦ قاعد أحارس المحل يجيب الماكبوك لأنه كان مو موجود

لكن بعد ذلك العناء حصلت على الجهاز والصراحه يوم لا ينسى :cooool:

 

[pacino]

- لما أبوي وافق أنييب

بعرس اخوى (( للمعلومه عايلتنا مو ابدويه )) بس من جد تحس بوانسه اثناء الزفة

لول..ركبتها اكثر من مره..يا اخي اليابانيين ابدعوا بتصميم هالسيارة مع انها قديمه ..لول

 

[Huda]

الله يسلمكم جميعاً يالطيبن

الله يسلمش ..تقريبا نفس حالتي
وحده من أجمل اللحظات لما فكيت الجبيره اللي ظلت في رجلي فوق الثلاث شهور ...ولا أبي أرجع لتلك الأيام اللي أقعد فيها أسبوع بالمستشفى بروحي ما عندي شغله ولا مشغله غير الأكل والنوم
( المشكله برجع لنفس السالفه حق أشيل الحدايد الي في رجلي...وإلى الحين ما رحت :roll: )

سلامتك خيو والله الكسور عذاب ... :embarrassed:
وانك تجلس لحالك بالمستشفى عذاب اكثر الحمدلله امي كانت مقابلتني الأجازة كلها بالمستشفى :embarrassed:

انا في حديد بحوضي لها سنوات عادي واصلا الدكتور قال مالها لزوم تنشال :roll:

 

[Golden_Sun]

هممممم، قاعد احاول اتذكر اجمل لحظة بحياتي، فيه بس ماني قادر اتذكر حالياً او يمكن لأن مافيه شي يترس عيني P:

 

[Jizasu]

أجمل لحظات حياتي ؟

أجمل لحظات حياتي كانت ايام التحرير و الروضه و الابتدائي و المتوسط و الثنوي و الجامعه و لي اليوم...حياتي الحمدلله كلها لحظات حلوه...في منها الزين و في منها الشين...بس عمري ما تندمت و تحسرت حتى على الخطئ الي اسويه...لأني لو ماسويته جان ماتعلمت منه! الحمدلله على كل حال