إستفسار عن Amazon Visa

[Colorization]

أحد عنده فكرة؟ هل بتفيدني فعليا ً لو سجلت وإلا لأ، وإذا احد يقدر يقول لي شنو مميزاتها بالضبط، والأهم شنو يبون مني! (لأنهم ابدا ً مو ذاكرين طلباتهم، مجرد أبلكيشن أسويه وخلاص). أتوقع ببلاش بس..... شنو يستفيدون؟ P:

أتمنى أي احد يرد علي بسرعة، عشان أعرف إذا أسوي place للطلب الحين وإلا أسجل معاهم بالأول.

 

[Torpedo]

لازم يكون عندك حساب في بنك امريكي 🙂

 

[Colorization]

شكراً توربيدو عالرد السريع. order placed

 

[Futrus]

انا بعد ابي اعرف شنو الميزات بالظبط ، عندي حساب في بنك امريكي

 

[Golden_Sun]

ابي حساب في بنك امريكي 🙁🙁🙁 رحت ابي افتح حساب في ارامكس (عن طريق سيتي بانك) قالوا وقفوا هالخدمة، بعد الوضع في لبنان!!

مافيه حل ثاني؟

 

[Futrus]

إذا تعرف واحد في امريكا قوله يفتح لك حساب

 

[Torpedo]

تقدر تروح لأي من البنوك الي تتعامل معاها و تفتح لك حساب في بنك أمريكي ..

 

[Colorization]

امممم اوكي، عندي سؤال ثاني. آنا الحين طلبت 3 ألعاب وسويتهم grouped. لما يوصلوني، هل راح تجي كل وحدة بpackage بروحها (يعني 3 كراتين، لكن مع بعض بنفس الوقت) وإلا باكيج واحد داخله ال3 ألعاب؟ (هذي أول مرة أطلب أكثر من شي، بالعادة أطلب شي واحد)

 

[Golden_Sun]

العادة كلهم في باكيج واحد (كرتون اوحد).

وFutrus ما اتوقع لها مميزات مختلفه عن الفيزا العادية غير الخصم اللي راح تحصل عليه اذا استخدمتها في امازون!؟