hits counter

إبرة الألم الدائم

Khalid-S

Khalid-S

Executive Member
_41929930_syring203pa.jpg


قبل امس اخذت تطعيم (لي فترة طويلة جدا جدا). لازم اتطعم عشان اسجل كلاسات (حصص) في الجامعة. لو ما تطعمت يسون Hold على اسمي وما اقدر اسجل لين ما يدخلون المادة في جسمي.

من يومين .. دخلوا ثلاث إبر في يدي. (ثلاث تطعيمات) وعطوني حبوب لو في الم في اليد .. شي طبيعي بيكون في الالم فأخذتها.

جا اليوم الي بعده. والالم لسه موجود مو قادر ارفع يدي. كل ما ارفعها احس بألم رهيب.

اليوم الثالث والالم مازال موجود. احسه يطلع من الاماكن الي غزو الابره فيها.

ايش الحل 🙁 حتى الدواء الي عطوني اياه ما منه فايده. الحين بنام. على امل ان بكره بيكون احسن ان شاء الله. مشكلة لو بيقعد وما بيروح. احد قد تطعم قريب؟ تعرفون الألم يقعد لمدة كم؟
 
التعديل الأخير:
آخر مره تطعمت لما كنت بالثانويه اعتقد ؟ واذكر انه كان يدوم فتره بس مو بنفس وصفك للعوار الي انت حاس فيه , الله يعينك ويصبرك .
 
إيش القروشة هذي ؟!
أنا أعرف التطعيم .. طزة .. و سلام عليكم .. كل شي في وقته و خلاص ..
أما إلي قاعد تتكلم عنه أول مرة أسمع به .. راجع الدكتور أحسن لك .. من جد ..
 
لول طعموكم ضد إيش؟ الغازات السامة والأسلحة البيولوجية؟

ماكنت أدري أن في تطعيم لهذا السن, آنا آخر مرة تطعمت في الابتدائي.

هاردلك خالد, وجودلك.
 
أنا أنصحك تراجع الدكتور لأنه الألم طول معاك شايف (3 days) !
وسلامات ان شاء الله
 
بالنسبة للابر العادية بالعاده ألم بسيط فقط

لكن اذا كانت الابر من النوع الي يوضع تحت الجلد ... بحيث ان الماده الي فيها تصير بين الجلد و اللحم و تصير مشابعه لعضة البعوض
هذي تؤلم جداً و مع الوقت ينقلب الألم الى حكه تدول لمده أسبوع أو أقل... و اذا حكيت المكان المنتفخ يوجع قليلاً
 
خالد اخر تطعيم قبل لا ادخل الكلية تقريباً قبل 5 او 6 اشهر
بالفعل كان مؤلم و استمر 4 او 3 ايام لكن كل مرة كان يخف اكثر و اكثر لين ما راح ..
انصحك تروح لأقرب دكتور افضل شي ..
 
عن ايش التطعيم خالد؟ انا سمعت انهم شغالين عندكم بتطعيم الانفلونزا
 
في ألم في بعض التطعيمات و يكون موضعي و ما يدوم أكثر من يوم على حسب علمي



شيك معاهم و اسألهم طعموك ضد ايش؟
 
خالد شكلهم طعموك ضد مرض البري بري خخخخخخخخ.. يقلك الألم حق الابرة حقته يقعد أسبوع.. يا ويييلك.

سبحان الله أمس كنت اتكلم عن سالفة التطعيم.. آخر مرة تطعمت قبل 3 سنوات ضد الحمة الشوكية, يبغالي اتطعم جديد, تعرفوا أنا من سكان مكة, و هذا شي ضروووووري مع زحمة الحج و العمرة.
 
ان شاء الله لالم راح يروح قريبا ..

بعض الابر او بالتحديد الدواء يكون ليه تأثير موضعي لفترة ويزول .

بصحة وعافية ان شاء الله
 
خالد، إذا بديت تحس بالحكة في جسمك وأن ودك تاكل أحد زملائك ارسل لي رسالة خاصة.
 
لوول انا توني من اسبوعين طعموني ابرة ضد الحصبة :yuck:

بس مافيها الم ولله الحمد :innocent:

بس اللي اعرفه ان الأبرة اللي ضد الكوليرا اهي اللي تألم اليد بعد التطعيم بفترة :slant: .. اتذكر طعموني اياها برابع \ خامس ابتدائي و حسيت بألم قوي باليد اللي طعموني فيها :angry:

الله يساعدك يا خالد ولازم تراجع اللي طعموك وتستفسر عن ايش طعموك :normal: ..
 
روح الطبييب بس يمكن شي خطير

انا طعموني ولا حسيت بألم لمدة جزء من الثانية

ضد الحصبة لول
 
احنا كليتنا نفس الشي ,, تطلب فحص طبي وفيه تطعيم

يطعمون 3 مرات على مدى 6 شهور , بس اذا كان في ا لم يقعد يوم بالكثير ,,, واحيانا بدون الم

بس 3 تطعيمات في يوم واحد ؟؟؟ ضد ايش ؟
​
 
ما تشوف شر ان شاء الله ..

استنى لبكرة, و لو ما تحسنت و خف الألم لازم تروح و تراجعهم!
 
ارفع عليهم قضيه .... طعموك و سببوا لكن الم.......:yuck:
 
سلامات خالد ما تشوف شر..بس اعرف ناس عندهم حساسيه من الابره و يتألمون كثير منها..راجح الدكتور ما في إلا الخير ان شاء الله
 
الله يسلمكم شباب.

لووول اعتقد السالفه مثل ما قال MR1 .. حطوها تحت الجلد او شي. والى الآن تألم بنفس الالم. اعتقد انه شي طبيعي لان من زمان ما اخذت تطعيم ( اوه قبل ... ثمان سنوات) ايام المدرسه المتوسطه.

اعتقد الالم بيقعد اسبوع. الله يعين يارب. والله كاره كل شي.
 
ما تشوف شر خالد..

اذا سهلة عندك انصح تراجع الدكتور او حتى دكتور الجامعة.. بس على شان تتطمن..
 
وين مكان ضرب الابرة بالضبط ؟ بداية الذراع ( الكتف ...عادةَ ) ولا في يدك ( الكف ) @@ !!؟؟؟
 
ماتشوف شر..انا ما اتذكر حتى متى اخر مرة تطعمت
 
على الكتف طبعا.

تذكرت الآن ان الي طعمتني قالت الكتف الثالث (الابره الاخيره) بتألمك. وفعلا مكان اول اثنين الحين احس بشي خفيف جدا لكن الالم بالاخيره.
 
حقت تحت الجلد كريييييييييهة!!!

ضربوني إياها قبل فترة... اللي قبلي قال انتبه تراها تعور... يوم دخلوا الإبرة بين طبقات الجلد في يدي، قلت في نفسي "إيه مهيب شي"... بس يوم فجأة ضخوا البدعة ذي بين طبقات الجلد وحسيت أن يدي بتنفقع بغيت أقوم وأرفس الممرضة... >.>;

ولا تحكها!!!... أو تعضها >.>;
 
هذي هي اجل.

لا صدقني ماسك نفسي للحين. بس حاس بعد فتره بنط من الشباك.
 
خالد عندي حل .... اخلط ليمون + ملح و حطهم


لووووووول اضحك


الله يوخر عنك الألم يارب .. اخيس شي لما يكون مكان بجسمك يعورك ومو عارف متى يروح 🙁
 
في كندا الحكومة بتطرح تطعيم ضد الزكام في بداية كل شتاء ، و السبب في ذلك هو أن الفيروس بغير تركيبه مدري تكوينه من فترة لأخرى و هذا التغيير في التكوين صار أسرع مع زيادة الأدوية و المضادات الحيوية حتى يقدر الفيروس يدخل بالجسم بدون ما تحس فيه كريات الدم البيضاء (جزء من الجهاز المناعي للجسم).

طبعا إذا ما أخذته مو مشكلة كبيرة بس ممكن تتوقع إذا إجاك الزكام أنك تضطر (بحسب قوة جسمك) تغيب عن المهد أو الجامعة اللي أنت ترحلها كام يوم ( و اللي هو المطلوب P: ).

أنا لسا ما اتطعمت هالسنة ، في الدول العربية التطعيم ما بكون غير ضد الأمراض الكبيرة ، بتذكر لما كنت في الابتدائي اتطعمت حوالي 20 مرة من 20 مرض منها الكوليرا و السل و غيرهم ...

أنا الألم أوقات يجيني و أوقات لأ ، بس على فكرة الممرض اللي بيعطي الإبر لازم يكون بيفهم شو عم يسوي و إلا ممكن يسبب شوية ألم إضافي.
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى